ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⴻⵙⵔⵉⵜ ⵜⴰⴳⵔⴰⵖⵍⴰⵏⵜ ⵏ ⵡⴻⴷⵍⵉⵙ ⵏ 2016: ⵜⵓⵣⵡⵉⵔⵜ ⵉ ⵢⵉⵎⴻⵙⴽⴰⵔⴻⵏ ⵉⴷⵣⴰⵢⵔⵉⵢⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⴷ ⵜⴻⵜⵜⵓⵏⴻⴼⴽ ⵜⵓⵣⵡⵉⵔⵜ ⵉ ⵢⵉⵎⴻⵙⴽⴰⵔⴻⵏ (ⵎⵓ’ⴰⵍⵍⵉⴼⵉⵏ) ⵉⴷⵣⴰⵢⵔⵉⵢⴻⵏ ⴷⴻⴳ ⵜⵎⴻⵙⵔⵉⵜ ⵜⴰⴳⵔⴰⵖⵍⴰⵏⵜ ⵏ ⵡⴻⴷⵍⵉⵙ ⵜⵉⵙ 21 ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ (27 ⵜⵓⴱⴻⵕ-5 ⵡⴰⵎⴱⴻⵔ), ⵢⴻⵔⵏⵓ ⴰⴷ ⴷ-ⵜⵉⵍⵉ ⴷⴰⵖ ⵛⵡⵉⵟ ⵏ ⵜⵎⴻⵔⵏⵉⵡⵜ ⴷⴻⴳ ⵢⴻⵎⵣⵉⴽⴽⵏⴻⵏ ⵉⵡⴻⵔⴷⴰⵏⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵓⵏⴻⵎⵀⴰⵍ ⵏ ⵜⵎⴻⵙⵔⵉⵜ-ⴰ, ⵀⴰⵎⵉⴷⵧⵓ ⵎⴻⵙⵙⴰⵧⵓⴷⵉ.

ⵜⴰⵥⵔⵉⴳⵜ-ⴰ (ⵟⴰⴱⵄⴰ) ⴰⴷ ⵜⵜⴻⴽⴽⵉⵏ ⴷⴻⴳ-ⵙ 671 ⵏ ⵢⵉⵎⴰⵥⵔⴰⴳⴻⵏ ⵉⵡⴻⵔⴷⴰⵏⵉⵢⴻⵏ (ⵢⵉⵍⵉ ⵉⵍⵉⵏⴷⵉ ⵜⵜⴻⴽⴽⴰⵏ ⴽⴰⵏ 620), ⵢⴻⵔⵏⵓ ⵙⴻⴳ ⴳⴰⵔ 100 ⵏ ⵢⵉⵎⴻⵙⴽⴰⵔⴻⵏ ⴰⵢ ⴷ-ⵢⴻⵜⵜⵡⴰⵄⴻⵔⴹⴻⵏ, 60 ⵙⴻⴳ-ⵙⴻⵏ ⴷ ⵉⴷⵣⴰⵢⵔⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴻⵙⵙⴰⵧⵓⴷⵉ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⴽⵔⴰ ⵏ ⵡⵓⵙⵙⴰⵏ ⵓⵇⴱⴻⵍ ⵎⴰ ⵜⴻⵜⵜⵡⴰⵔⵥⴻⵎ ⵜⵎⴻⵙⵔⵉⵜ.

ⵙⴻⴳ ⴳⴰⵔ ⵢⴻⵎⵜⵜⴻⴽⴽⵉⵢⴻⵏ ⵉⴷⵣⴰⵢⵔⵉⵢⴻⵏ ⴷ ⵢⵉⵡⴻⵔⴷⴰⵏⵉⵢⴻⵏ, ⴰⴷ ⵜⵜⴻⴽⴽⵉⵏ ⵡⴰⵛⵉⵏⵢ ⵍⴰⴰⵔⴻⴷⵊ, ⵍⴰⵀⴱⵉⴱ ⵙⴰⵢⴻⵀ ⴷ ⴰⵎⵉⵏⴻ ⵣⴰⵧⵓⵉ (ⵍⴻⵣⵣⴰⵢⴻⵔ), ⴻⴷⵡⵢ ⵒⵍⴻⵏⴻⵍ ⴷ ⵊⴻⴰⵏ-ⵛⵀⵔⵉⵙⵜⵧⵒⵀⴻ ⵔⵓⴼⵉⵏ (ⴼⵕⴰⵏⵙⴰ), ⵛⵧⵙⵜⴰ-ⴳⴰⵠⵔⴰⵙ (ⵍⴻⴳⵔⵉⴳ/ⴼⵕⴰⵏⵙⴰ), ⵔⴰⴱⴰⵉ ⴰⵍ-ⵎⴰⴷⵀⵧⵓⵏ (ⴼⴰⵍⴻⵙⵟⵉⵏ), ⵠⴻⵔⴰ ⴽⵉⵜⵧⵠⴰ (ⴱⵓⵍⴳⴰⵕⵢⴰ) ⴷ ⴷⴰⵏⵢ ⵍⴰⴼⴻⵔⵔⵉⴻⵔⴻ (ⵀⴰⵉⵜⵉ/ⴽⴰⵏⴰⴷⴰ).

ⵎⴰⵙⵙ ⵎⴻⵙⵙⴰⵧⵓⴷⵉ, ⴰⵢ ⵉⵅⴻⴷⴷⵎⴻⵏ ⴷⴰⵖ ⴷ ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵜⵥⵓⵔⵉⵢⵉⵏ ⵜⵓⴷⵍⵉⴼⵉⵏ (ⴻⵏⴰⴳ), ⵢⴻⵏⵏⴰ-ⴷ ⴷⴰⴽⴽⴻⵏ ⵜⵓⵣⵡⵉⵔⵜ ⵜⴻⵜⵜⵓⵏⴻⴼⴽ, ⴰⵎ ⵍⴻⵄⵡⴰⵢⴻⴷ, ⵉ ⵢⴻⴷⵍⵉⵙⴻⵏ ⵓⵙⵙⵏⴰⵏⴻⵏ ⴷ ⵢⴻⵙⴷⴰⵡⴰⵏⵉⵏ ⴷ ⵢⴻⴷⵍⵉⵙⴻⵏ ⵏ ⵢⵉⵍⴻⵎⵥⵉⵢⴻⵏ.

ⵎⵉ ⵢⴻⵜⵜⵡⴰⵜⵜⴻⵔ ⵖⴻⴼ ⵡⴻⴳⴷⴰⵍ ⵏ ⴽⵔⴰ ⵏ ⵢⴻⴷⵍⵉⵙⴻⵏ, ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵍⵍⴰ-ⴷ ⵓⴽⵓⴽⵔⵓ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⴷⵍⵉⵙⴻⵏ ⴰⵢ ⵉⵃⵓⵣⴰⵏ ⵜⴰⵏⴰⵢⴰ (ⵙⵉⵢⴰⴷⴰ) ⵜⴰⵖⴻⵍⵏⴰⵡⵜ ⴷ ⴷⴷⵢⴰⵏⴰⵜ, ⵡⵉⴷ ⴰⵢ ⵢⴻⵙⵙⴻⴱⵖⴰⵙⴻⵏ ⵜⴰⴽⵔⵉⴹⵜ (ⵄⵓⵏⴼ) ⵏⴻⵖ ⵛⴻⴽⴽⵕⴻⵏ-ⴷ ⵜⴰⵔⴻⵎⵎⵉⵖⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⵙⵙⴻⵏⵣⵉ ⵏ ⵢⴻⴷⵍⵉⵙⴻⵏ ⵙ ⵓⵊⴻⵎⵎⴰⵍ ⵢⴻⵜⵜⵡⴰⴳⴷⴻⵍ ⴰⴽⴽ ⵢⴻⵔⵏⵓ ⵙ ⴽⵔⴰ ⵏ ⵡⵉⵏ ⴰⵔⴰ ⵢⴻⴼⴼⵖⴻⵏ ⵉ ⵡⴻⴱⵔⵉⴷ ⴷⴻⴳ ⵜⴻⵎⵙⴰⵍⵜ-ⴰ ⵓⵔ ⵢⴻⵜⵜⴻⴽⴽⴰⵢ ⴷⴻⴳ ⵜⴻⵥⵔⵉⴳⵉⵏ ⴰⵢ ⴷ-ⵢⴻⵜⵜⴻⴷⴷⵓⵏ.