ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴱⵓⵎⴻⵔⴷⴰⵙ: ⵇⵔⵉⴱ ⴰⴷ ⴷ-ⵜⵉⵍⵉ ⵜⴻⵎⵙⵉⵣⵡⴻⵔⵜ ⵏ ⵡⴻⴳⵎⴰⵎ ⴷ ⵢⴻⵖⵔⴻⵎ ⵉⵣⴻⴳⴷⴰⵏⴻⵏ ⴰⴽⴽ (ⴰⵎⴰⵙⴰⵢ)

ⴱⵓⵎⴻⵔⴷⴰⵙ – ⵍⴰ ⴷ-ⵢⴻⵜⵜⵉⵍⵉ ⵓⵙⵙⴰⵏ-ⴰ ⵓⵙⵙⴻⵡⵊⴻⴷ, ⴷⴻⴳ ⴱⵓⵎⴻⵔⴷⴰⵙ, ⵉ ⵓⵙⵙⴻⴱⴷⴻⴷ ⵏ ⵜⴻⵎⵙⵉⵣⵡⴻⵔⵜ ⵉ ⵍⵎⴻⵏⴷ ⵏ ⵡⴻⴳⵎⴰⵎ ⴷ ⵢⴻⵖⵔⴻⵎ ⵉⵣⴻⴷⴳⴰⵏⴻⵏ ⴰⴽⴽ ⴷⴻⴳ ⵜⵡⵉⵍⴰⵢⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⵃⴻⴷⴷ, ⵓⵡⴰⵍⵉ.

ⵖⴻⴼ ⵍⴻⵃⵙⴰⴱ ⵏ ⴰⴱⴷⴻⵔⵔⴰⵀⵎⴰⵏⴻ ⵎⴰⴷⴰⵏⵉ ⴼⵧⵓⴰⵜⵉⴼ, ⵍⴰ ⴷ-ⵙⵙⴻⵡⵊⴰⴷⴻⵏ ⵙⴻⴳ ⵢⵉⴷⵉⵙ ⵏ ⵍⵇⴰⵏⵓⵏ ⴷ ⵓⵙⵙⵓⴷⴷⴻⵙ, ⵉ ⵜⴻⵎⵙⵉⵣⵡⴻⵔⵜ-ⴰ ⴰⵔⴰ ⴷ-ⵢⵉⵍⵉⵏ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵜⵡⵉⵍⴰⵢⵜ ⵏ ⴱⵓⵎⴻⴷⴰⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵡⴰⵍⵉ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⴷⴻⴳ ⵢⵉⵊⵉⴼⴻⵕ ⵏ ⵜⴻⵔⵣⵉ-ⵏⵏⴻⵙ ⵏ ⵓⵙⵙⴻⴼⵇⴻⴷ ⴷⴻⴳ ⵜⵖⵉⵡⴰⵏⵜ ⵏ ⵄⴻⵎⵎⴰⵍ, ⴷⴻⴳ ⵓⵜⴰⵔⴰⵎ ⵏ ⴱⵓⵎⴻⵔⴷⴰⵙ.

3 ⵏ ⵢⵉⵎⵓⴽⴰⵏ ⵉⵎⴻⵣⵡⵓⵔⴰ ⴰⵔⴰ ⵉⵔⴻⴱⵃⴻⵏ ⴰⴷ ⴰⵙⴻⵏ-ⴼⴽⴻⵏ ⵜⴰⵔⵔⴰⵣⵜ (ⵎⵓⴽⴰⴼⴰ’ⴰ) ⵜⴰⴷⵔⵉⵎⴰⵏⵜ ⴷ ⵡⴰⵔⵔⴰⵣ ⵙ ⵜⵜⴰⵡⵉⵍ ⵉ ⵍⵎⴻⵏⴷ ⵏ ⵓⵙⵙⵉⵣⴷⴻⴳ ⴷ ⵓⵙⵙⴻⵇⵄⴻⴷ ⵏ ⵢⴻⴳⵎⴰⵎⴻⵏ ⴷ ⵢⵉⵣⴻⵏⵇⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵢⴻⵏⵏⴰ-ⴷ ⵓⵡⴰⵍⵉ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷⴰⴽⴽⴻⵏ ⴰⵙⵙⵓⴷⴷⴻⵙ ⵏ ⵜⴻⵎⵙⵉⵣⵡⴻⵔⵜ-ⴰ ⵉⵙⵡⵉ-ⵏⵏⴻⵙ ⴷ ⴰⵙⵙⴻⴱⵖⴻⵙ ⵏ ⵜⵎⴰⵣⴷⴰⵢⵉⵏ ⵜⵉⴷⵉⴳⴰⵏⵉⵏ ⴷ ⵜⵉⴷⴷⵓⴽⵍⵉⵡⵉⵏ ⵜⵉⵖⴰⵔⵉⵎⵉⵏ ⴰⴽⴽⴻⵏ ⴰⴷ ⵜⵜⴻⴽⴽⵉⵏⵜ ⴷⴻⴳ ⵜⵓⵥⵓⵜ ⵏ ⵡⴰⵣⴰⵍⴻⵏ ⵉⵀⴰⴳⴳⴰⵔⴻⵏ ⵏ ⵜⵎⴻⵜⵜⵉ, ⵢⴻⵔⵏⵓ ⴰⴷ ⵜⵜⵓⵏⴻⴼⴽⴻⵏ ⵡⴰⵔⵔⴰⵣⴻⵏ ⵏ ⵜⴻⵎⵙⵉⵣⵡⴻⵔⵜ-ⴰ ⵉ ⵍⵎⴻⵏⴷ ⵏ ⴽⵔⴰ ⵏ ⵜⵎⴻⵖⵔⴰ ⵜⴰⵖⴻⵍⵏⴰⵡⵜ.

ⴷⴻⴳ ⵜⴻⵔⵣⵉ-ⵏⵏⴻⵙ, ⵢⴻⵙⵙⴻⴼⵇⴻⴷ ⵓⵡⴰⵍⵉ ⴰⵛⴰⵏⵟⵉ ⵏ ⵜⵓⵇⵇⵏⴰ ⵏ ⵡⴰⵣⴰⵍ ⵏ 1.900 ⵏ ⵢⴻⵅⵅⴰⵎⴻⵏ ⴷⴻⴳ ⵢⴻⵖⵔⴻⵎ ⵏ ⴱⵓⵄⵉⴷⴻⵍ ⵖⴻⵔ ⵓⵥⴻⴹⴹⴰ ⵏ ⵡⵓⵔⵔⵉⴳ (ⵖⴰⵣ) ⴰⴳⴰⵎⴰⵏ, ⵢⴻⵔⵏⵓ ⵍⴰ ⵙⵙⴻⴼⵔⴰⵢⴻⵏ ⴰⴷ ⴼⴰⴽⴻⵏ ⴰⵙⴻⵏⴼⴰⵔ-ⴰ ⵓⵇⴱⴻⵍ ⵜⴳⴰⵔⴰ ⵏ 2017.

ⵢⴻⵙⵙⴻⴼⵇⴻⴷ ⴷⴰⵖ ⵓⵡⴰⵍⵉ ⴰⵙⴻⵏⴼⴰⵔ ⵏ ⵍⴻⴱⵏⵉ ⵏ ⵢⴻⵅⵅⴰⵎⴻⵏ ⵏ ⵜⵎⵓⵔⵜ. ⵙⵙⴻⴼⵔⴰⵏ ⴰⴷ ⴼⴻⵔⵇⴻⵏ, ⴷⴻⴳ ⵓⴽⴰⵜⴰⵔ ⵏ ⵓⵙⴻⵏⴼⴰⵔ-ⴰ 2000 ⵏ ⵜⴰⵍⵍⴰⵍⵉⵏ, ⵢⴻⵔⵏⵓ ⴼⴻⵔⵇⴻⵏ ⵢⴰ ⴽⴰⵏ 1000 ⵏ ⵜⴰⵍⵍⴰⵍⵉⵏ ⵢⴻⵔⵏⵓ ⴱⴷⴰⵏ ⵢⵉⵎⴰⵡⵍⴰⵏ-ⵏⵙⴻⵏⵜ ⴱⴻⵏⵏⵓⵏ ⵜⵉⵏⴻⵣⴷⵓⵖⵉⵏ-ⵏⵙⴻⵏ.