ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⵇⵇⴰⵎⵓ ⴰⵎⴻⵏⴷⴰⵡⴰⵏ ⵉⴱⴻⵔⵔⴰⵃ-ⴷ ⵙ ⵢⵉⴳⵎⴰⴹ ⵏ ⵜⴻⴼⵔⴰⵏⵉⵏ ⵜⵉⵡⴰⵎⵏⵉⵢⵉⵏ

ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ- ⴰⵙⴻⵇⵇⴰⵎⵓ ⴰⵎⴻⵏⴷⴰⵡⴰⵏ ⵉⴱⴻⵔⵔⴰⵃ-ⴷ ⴰⵙⵙ ⵏ ⵍⴻⵜⵏⵉⵢⴻⵏ ⵙ ⵢⵉⴳⵎⴰⴹ ⵏ ⵜⴻⴼⵔⴰⵏⵉⵏ ⵜⵉⵡⴰⵎⵏⵉⵢⵉⵏ ⵓⵙⴻⵇⵇⴰⵎⵓ ⴰⵖⴻⵕⴼⴰⵏ ⴰⵖⴻⵍⵏⴰⵡ (ⴰⵒⵏ) ⴷ-ⵢⴻⵍⵍⴰⵏ ⴰⵙⵙ ⵏ 4 ⵎⴰⵢⵓ 2017, ⴰⵎ ⵡⴰⴽⴽⴻⵏ ⴷ-ⵢⴻⵔⵙ ⴷⵉ ⵜⵎⴻⵏⴷⴰⵡⵜ ⴷ ⵓⵚⴰⴹⵓⴼ ⵓⴼⵔⵉⵏⴰⵏ.

ⴰⵙⴻⵇⵇⴰⵎⵓ ⴰⵎⴻⵏⴷⴰⵡⴰⵏ ⵉⵡⴻⴽⴽⴻⴷ-ⴷ ⴷⴻⴳ ⵢⵉⵡⴻⵏ ⵏ ⵡⵓⵍⵖⵓ ⴷ ⴰⴽⴽⴻⵏ ⴰⵎⴹⴰⵏ ⵏ ⵢⵉⵎⴻⴷⵖⴰⵕⴻⵏ 8 225 223, ⵎⴰ ⵢⴻⵍⵍⴰ ⴷ ⴰⴽⵜⴰⵎⵓⵔ ⵓⵜⴻⴽⴽⵉ ⵢⴻⵍⵍⴰ-ⴷ ⵙ ⵡⴰⵣⴰⵍ ⵏ 35,37%. ⵎⴰ ⴷ ⴰⵎⴹⴰⵏ ⵏ ⵢⵉⵙⴻⴱⵜⴰⵔ ⵉⵍⵎⴰⵡⴻⵏ ⵢⴻⵡⵡⴻⴹ 1 757 043 ⵎⴰ ⴷ ⵡⵉⴷ ⵉⴷⴻⵖⵕⴻⵏ 6 468 180.

ⵉⴳⵎⴰⴹ-ⴰⴳⵉ ⵙⵙⵓⴼⴼⵖⴻⵏ-ⴷ ⴰⴽⴰⴱⴰⵔ ⵏ ⵜⵉⵔⵏⵉ ⵏ ⵡⴻⵙⵍⴻⵍⵍⵉ ⴰⵖⴻⵍⵏⴰⵡ (ⴼⵍⵏ) ⴷⴻⴳ ⵡⴻⵎⴹⵉⵇ ⴰⵎⴻⵣⵡⴰⵔⵓ ⵙ ⵡⴻⵎⴹⴰⵏ ⵏ ⵉⵡⴰⵎⵏⵉⵢⴻⵏ ⵓⵔ ⵏⴱⴻⴷⴷⴻⵍ ⵢⴻⵔⵣⴰⵏ 164 ⵉⴽⵓⵔⵙⵉⵢⴻⵏ, ⵉⴹⴻⴼⵕ-ⵉⵜ-ⵉⴷ ⵡⴻⴳⵔⴰⵡ ⴰⵖⴻⵍⵏⴰⵡ ⴰⵎⴰⴳⴷⴰⵢ (ⵔⵏⴷ) ⵙ 100 ⵉⴽⵓⵔⵙⵉⵢⴻⵏ ⵎⴰ ⴷ ⵜⴰⴷⵓⴽⴽⵍⵉⵧ ⵏ ⵀⵎⵙ ⵙ 33 ⵉⴽⵓⵔⵙⵉⵢⴻⵏ.