ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵉⵡⵉⵏ

ⵍⵃⴻⴷⴷ, 05 ⵢⴻⴱⵔⵉⵔ 2015 09:24

ⴰⴱⵔⵉⴷ ⴰⵔⵓⵔⴰⴷ ⵜⵓⴱⵉⵔⴻⵜ-ⵍⴻⵅⴹⴰⵔⴻⵢⵢⴰ: ⴰⵄⴻⴹⴹⴻⵍ ⴷ ⴰⵎⴻⵇⵔⴰⵏ ⴷⴻⴳ ⵓⵚⴻⴳⴳⴻⵎ

ⵜⵓⴱⵉⵔⴻⵜ – ⴰⵖⵍⵉⴼ ⵏ ⵢⵉⵎⵓⵀⴰⵍ ⵉⵣⵓⵢⴰⵣ ⴰⴱⴷⴻⵍⴽⴰⴷⴻⵔ ⴽⴰⴷⵉ, ⵢⴻⵙⵙⴽⴻⵏ-ⴷ, ⴰⵙⵙ ⵏ ⵙⵙⴻⴱⵜ, ⵓⵔⴼⴰⵏ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵥⴻⵢⵜ ⵏ ⵢⵉⵅⴻⴷⴷⵉⵎⴻⵏ ⵏ ⵓⵚⴻⴳⴳⴻⵎ ⵏ ⵡⴻⵃⵔⵉⵛ ⵏ ⵡⴻⴱⵔⵉⴷ ⴰⵔⵓⵔⴰⴷ ⵢⴻⵍⵍⴰⵏ ⴳⴰⵔ ⵜⵓⴱⵉⵔⴻⵜ ⴻⴷ ⵍⴻⵅⴹⴰⵔⴻⵢⵢⴰ, ⴷ ⵡⵉⵏ ⵖⴻⵣⵣⵉⴼⴻⵏ 33 ⵏ ⵢⵉⴽⵉⵍⵓⵎⵉⵜⵔⴻⵏ, ⵉⵎⵉ ⴰⵚⴻⴳⴳⴻⵎ-ⵏⵏⴻⵙ ⵉⵄⴻⴹⴹⴻⵍ ⵎⵍⵉⵃ ⴷⴻⴳ ⵓⵛⴰⵏⵟⵉ-ⴰ ⴰⵢ ⵢⴻⴱⴷⴰⵏ ⴷⴻⴳ ⵎⴰⵢⵢⵓ ⵏ 2013.

« ⵏⴻⵙⵃⵉⵙⵙⵉⴼ ⵎⵉ ⴰⵔⴰ ⵏⵥⴻⵔ ⴷⴰⴽⴽⴻⵏ ⴰⵄⴻⴹⴹⴻⵍ ⴰⵎ ⵡⴰ (…) ⵢⴻⵙⵙⴻⵏⴹⴻⵔⵔ ⵎⴻⴷⴷⴻⵏ », ⴰⵢ ⴷ-ⵢⴻⵏⵏⴰ ⵎⴰⵙⵙ ⴽⴰⴷⵉ ⵉ ⵢⴻⵎⴹⴻⴱⴱⵔⴻⵏ ⵏ ⵜⴽⴻⴱⴱⴰⵏⵉⵢⵉⵏ ⴰⵢ ⴷ-ⵢⴻⵍⵀⴰⵏ ⵙ ⵓⵚⴻⴳⴳⴻⵎ-ⴰ, ⵎⵉ ⴰⵙ-ⴷ-ⵇⴻⴷⴷⵎⴻⵏⵜ ⵙⴰⵏⵉ ⴰⵢ ⵙⵙⴰⵡⴹⴻⵏ ⵍⴻⵛⵖⴰⵍ. ⴰⵏⴻⵖⵍⴰⴼ ⵉⵡⴻⵜ-ⴷ ⴷⴰⵖ ⴷⴻⴳ ⵢⵉⴳⴰⵍⵉⵙⴻⵏ (ⵜⵉⵒⵍⴰⴽⵉⵏ) ⵓⵔ ⵉⵡⴰⵜⴰⵏ ⴰⵔⴰ ⴰⵢ ⵢⴻⵔⵙⴻⵏ ⴷⴻⴳ ⴽⵔⴰ ⵏ ⵢⴻⵃⵔⵉⵛⴻⵏ ⵏ ⵍⴻⵅⴹⴰⵔⴻⵢⵢⴰ, ⵢⴻⵔⵏⴰ ⵢⴻⵙⵙⵓⵜⴻⵔ ⵙⴻⴳ ⵢⴻⵎⴹⴻⴱⴱⵔⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵓⵔ ⵍⴻⴷⴷⵢⴻⵏ ⴰⵔⴰ ⵉⵃⵔⵉⵛⴻⵏ-ⴰ ⵓⵇⴱⴻⵍ ⵎⴰ ⴼⵓⴽⴻⵏ.

« ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⵢⴻⵜⵜⵡⴰⵍⴷⴻⵢ ⴽⵔⴰ ⵏ ⵡⴻⵃⵔⵉⵛ ⵓⵇⴱⴻⵍ ⵎⴰ ⵉⴼⵓⴽ ⵡⵉⵏ ⴰⵢ ⵢⴻⵍⵍⴰⵏ ⵓⵇⴱⴻⵍ-ⵉⵙ », ⴰⵢ ⴷ-ⵉⵃⴻⵜⵜⴻⵜ ⵎⴰⵙⵙ ⴽⴰⴷⵉ.

ⵙⴻⴳ ⵜⴰⵎⴰ ⵏⵉⴹⴻⵏ, ⴰⵏⴻⵖⵍⴰⴼ ⵢⴻⵙⵙⴽⴻⵏ-ⴷ ⴷⴰⵖ ⵓⵔⴼⴰⵏ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵄⴻⴹⴹⴻⵍ ⴷⴻⴳ ⵓⵙⵙⴻⵔⵙⵉ ⵏ ⵜⴳⵓⵙⴰ ⴰⵔⴰ ⵢⴻⵙⵔⴻⴽⴷⴻⵏ ⴰⴽⴰⵍ ⴷⴻⴳ ⵊⴻⴱⴱⴰⵃⴻⵢⵢⴰ ⴻⴷ ⵡⴰⴷ ⵔⵔⵅⴰⵎ (ⵄⵉⵏ ⵟⵟⴻⵔⴽ), ⴰⴽⴽⴻⴷ ⵍⴻⴱⵏⵉ ⵏ ⵢⵉⴱⴻⴷⴷⴰⵍⴻⵏ ⵏ ⵊⴻⴱⴱⴰⵃⴻⵢⵢⴰ ⴻⴷ ⵜⵓⴱⵉⵔⴻⵜ.

« ⵙ ⵜⵉⴽⵍⵉ-ⴰ, ⵓⵔ ⵜⴻⵜⵜⴰⵥⴻⵎ ⴰⵔⴰ ⵖⴻⵔ ⵙⴷⴰⵜ » , ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵉ ⵢⴻⵎⴹⴻⴱⴱⵔⴻⵏ ⴰⵢ ⴷ-ⵢⴻⵍⵀⴰⵏ ⵙ ⵢⵉⵙⴻⵏⴼⴰⵔⴻⵏ-ⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵓⴳⵓⵔⴻⵏ ⴻⴷ ⵢⵉⵄⴻⴹⴹⵉⵍⴻⵏ-ⴰ, ⵎⴰⵙⵙ ⴽⴰⴷⵉ ⵢⴻⵙⵙⵓⵜⴻⵔ ⵙⴻⴳ ⵡⴰⴽⴽ ⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴷ ⴷ-ⴰⴼⴻⵏ ⵖⴻⴼ ⵣⵉⴽ ⵍⵃⴰⵍ ⵜⵉⴼⵔⴰⵜⵉⵏ ⴰⴽⴽⴻⴷ ⵢⵉⵙⵙⵓⵎⴰⵔ ⵉⴽⵎⴰⵎⴻⵏ (ⵒⵔⵧⵒⵧⵙⵉⵜⵉⵧⵏⵙ ⵛⵧⵏⵛⵔèⵜⴻⵙ) ⴰⴽⴽⴻⵏ ⴰⴷ ⵜⴼⴰⴽ ⵍⵎⴻⵔⵜⴰ-ⴰ. « ⴱⵖⵉⵖ ⵜⵉⴼⵔⴰⵜⵉⵏ ⴻⴷ ⵢⵉⵙⵙⵓⵎⴰⵔ ⵉⴽⵎⴰⵎⴻⵏ ⴷⴷⵓⵕⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ ⵙⴷⴰⵜ ⵢⴻⵎⴹⴻⴱⴱⵔⴻⵏ ⵏ ⵜⵏⴻⴳⴳⴰ [ⴰⴳⴻⵏⵛⴻ] ⵜⴰⵖⴻⵍⵏⴰⵡⵜ ⵏ ⵢⵉⴱⴻⵔⴷⴰⵏ ⵉⵔⵓⵔⴰⴷⴻⵏ, ⵜⴰⵏⴻⴳⴳⴰ ⵏ ⵓⵙⵙⴻⴼⵔⴻⴽ (ⴳⴻⵙⵜⵉⵧⵏ) ⵏ ⵢⵉⴱⴻⵔⴷⴰⵏ ⵉⵔⵓⵔⴰⴷⴻⵏ ⴰⴽⴽⴻⴷ ⵡⵉⴷ ⵏ ⵜⵎⴻⵀⵍⴰ ⵏ ⵢⵉⵎⵓⵀⴰⵍ ⵉⵣⵓⵢⴰⵣ ⵏ ⵜⵓⴱⵉⵔⴻⵜ.

ⵉ ⵓⵙⵙⴻⵄⵊⴻⵍ ⵏ ⵓⵅⴻⴷⴷⵉⵎ, ⵉⴳⴻⵔ-ⴷ ⵓⵏⴻⵖⵍⴰⴼ ⵜⵉⵖⵔⵉ ⵉ ⵜⴽⴻⴱⴱⴰⵏⵉⵢⵉⵏ ⴰⵢ ⴷ-ⵢⴻⵍⵀⴰⵏ ⵙ ⵢⵉⵙⴻⵏⴼⴰⵔⴻⵏ-ⴰ ⴰⴽⴽⴻⵏ ⴰⴷ ⵡⴻⴽⴽⵍⴻⵏⵜ ⵉⵅⴻⴷⴷⵉⵎⴻⵏ-ⵏⵙⴻⵏⵜ ⵉ ⵜⴽⴻⴱⴱⴰⵏⵉⵢⵉⵏ ⵏⵉⴹⴻⵏ ⴰⴽⴽⴻⵏ, ⵍⴰⴷⵖⴰ, ⴰⴷ ⴷ-ⴳⴻⵏⵜ ⵜⵉⴳⵓⵙⴰ-ⵏⵏⵉ ⵜⵉⵎⴻⵥⵢⴰⵏⵉⵏ ⴻⴷ ⵜⴳⵓⵙⴰ ⵏ ⵓⵙⵙⴻⵔⴽⴻⴷ ⵏ ⵡⴰⴽⴰⵍ ⴰⵢ ⵉⵄⴻⴷⴷⴰⵏ ⵉ 1700.

ⵎⴰⵙⵙ ⴽⴰⴷⵉ ⵉⴳⴻⵔ-ⴷ ⵜⴰⵎⴰⵡⵜ ⴷⴰⴽⴽⴻⵏ ⵜⵉⵣⵔⴰⵡⵉⵏ ⵏ ⵓⵙⴻⵏⴼⴰⵔ-ⴰ ⵙ ⵍⴻⴽⵎⴰⵍ-ⵏⵏⴻⵙ ⵜⵜⵡⴰⵅⴻⴷⵎⴻⵏⵜ-ⴷ ⴰⴽⴽⴻⵏ ⵡⴻⵔⵊⵉⵏ ⴰⴷ ⵜⵜⵡⴰⵄⴰⵡⴷⴻⵏⵜ ⵜⵓⵛⵛⴹⵉⵡⵉⵏ ⴰⵢ ⴷ-ⵢⴻⵍⵍⴰⵏ ⵢⴰⴳⵉ.