ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⴰⴹⴰⵍ
ⵍⵃⴻⴷⴷ, 05 ⵢⴻⴱⵔⵉⵔ 2015 20:11
ⵉⵙⵕⴰⵢⵉⵍ ⵜⵄⵓⵇⴻⴱ ⴼⴰⵍⴻⵙⵟⵉⵏ ⵙ ⵜⵉⵏ ⵏ ⵜⵜⴰⵕ ⵖⴻⴼ ⵓⵏⴻⴽⵛⵓⵎ ⵏ ⵜⵏⴻⴳⴳⴰⵔⵓⵜ-ⴰ ⵖⴻⵔ ⵛⵛⵕⴻⵄ ⴰⴳⵔⴰⵖⵍⴰⵏ (ⵉⵎⴹⴻⴱⴱⴻⵔ ⴰⴼⴰⵍⴻⵙⵟⵉⵏⵉ) ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴼⴰⵍⴻⵙⵟⵉⵏⵉ, ⵙⴰⵍⵉⵎ ⵣⴰⴰⵏⵧⵓⵏ
ⵍⴻⵣⵣⴰⵢⴻⵔ – ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴼⴰⵍⴻⵙⵟⵉⵏⵉ, ⵙⴰⵍⵉⵎ ⵣⴰⴰⵏⵧⵓⵏ, ⵉⵡⴻⴽⴽⴻⴷ-ⴷ ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ ⴷⴰⴽⴽⴻⵏ « ⵉⵙⵕⴰⵢⵉⵍ ⵍⴰ ⵜⴻⵜⵜⵄⴰⵇⴰⴱ ⴰⵡⴰⵏⴰⴽ ⴰⴼⴰⵍⴻⵙⵟⵉⵏⵉ ⵙ ⵜⵉⵏ ⵏ ⵜⵜⴰⵕ ⵖⴻⴼ ⵓⵏⴻⴽⵛⵓⵎ ⵏ ⵓⵏⴻⴳⴳⴰⵔⵓ-ⴰ ⵖⴻⵔ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ ».
« ⵙⴻⴳ ⵡⴰⵙⵎⵉ ⴰⵢ ⵢⴻⴽⵛⴻⵎ ⵓⵡⴰⵏⴰⴽ ⴰⴼⴰⵍⴻⵙⵟⵉⵏⵉ ⵖⴻⵔ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ ⴷⴻⴳ ⵓⵎⴻⵏⵣⵓ ⵏ ⵢⴻⴱⵔⵉⵔ, ⵉⵙⵕⴰⵢⵉⵍ ⵢⴻⵍⵀⴰ-ⴷ ⴷ ⵓⵄⴰⵇⴻⴱ-ⵏⵏⴻⵙ ⵙ ⵡⴻⵃⴱⴰⵙ ⵏ ⵡⴻⵙⵄⴻⴷⴷⵉ ⵏ ⵢⴻⴷⵔⵉⵎⴻⵏ ⵏ ⵍⴻⵖⵔⴰⵎⴰ ⴰⵢ ⴷ-ⵢⴻⵜⵜⵡⴰⵊⴻⵎⵄⴻⵏ ⵉ ⵍⴼⴰⵢⴷⴰ ⵏ ⵓⴷⴰⴱⵓ ⴰⴼⴰⵍⴻⵙⵟⵉⵏⵉ », ⴰⵢ ⴷ-ⵢⴻⵏⵏⴰ ⵎⴰⵙⵙ ⵣⴰⴰⵏⵧⵓⵏ ⵎⵉ ⴷ-ⵢⵓⵡⴻⴹ ⵖⴻⵔ ⵓⵏⴰⴼⴰⴳ ⵏ ⵀⵧⵓⴰⵔⵉ ⴱⵧⵓⵎⴻⴷⵉⴻⵏⴻ.
« ⵉⵙⵕⴰⵢⵉⵍ ⵜⵓⵡⴻⵢ-ⴷ ⵜⵉⴽⵍⵉ-ⴰ ⵖⴻⵔ-ⵙ ⵜⵍⴰⵜⴰ ⵏ ⵡⴰⵢⵢⵓⵔⴻⵏ ⴰⵢⴰ, ⵍⵎⴻⵄⵏⴰ-ⵏⵏⴻⵙ ⵙⴻⴳ ⵡⴰⵙⵎⵉ ⴰⵢ ⵢⴻⵜⵜⵡⴰⵙⵜⴻⵏⵢⴰ ⵓⵥⴰⵢⴻⵔ ⵏ ⵔⵧⵎⴰ, ⵢⴻⵔⵏⴰ ⴰⵢⴰ ⵢⴻⴳⵍⴰ-ⴷ ⵙ ⵡⵓⴳⵓⵔⴻⵏ ⵏ ⵜⴻⴷⵔⵉⵎⵜ ⵉ ⴼⴰⵍⴻⵙⵟⵉⵏ », ⴰⵢ ⴷ-ⵢⴻⵔⵏⴰ.
ⵉⵎⴹⴻⴱⴱⴻⵔ-ⴰ ⴰⴼⴰⵍⴻⵙⵟⵉⵏⵉ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵣⵔⵉ-ⵏⵏⴻⵙ ⵖⴻⵔ ⵍⴷⵣⴰⵢⴻⵔ « ⵜⴻⵙⵄⴰ ⴰⵣⴰⵍ », ⴷ ⵜⵉⵔⵣⵉ ⴰⵢ ⴷ-ⵢⴻⵍⵍⴰⵏ ⵙ ⵓⵏⴻⵄⵔⵓⴹ ⵏ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵡⴻⵖⵍⴰⵏ, ⴰⴱⴷⴻⵍⴽⴰⴷⴻⵔ ⴱⴻⵏⵙⴰⵍⴰⵀ, ⵉⵎⵉ ⵜⵉⵔⵣⵉ-ⴰ ⴰⴷ ⵜⴻⵊⵊ ⵍⴻⵣⵣⴰⵢⴻⵔ ⴻⴷ ⴼⴰⵍⴻⵙⵟⵉⵏ » ⴰⴷ ⴷ-ⵙⴱⴰⵏⴻⵏⵜ « ⵜⵉⵎⵓⵖⵍⵉⵡⵉⵏ ⵜⵓⵛⵔⵉⴽⵉⵏ » ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵎⵙⴰⵍ ⴰⵢⴷⴻⴳ ⴰⵢ ⵜⴻⵏⵜ-ⵜⴻⵛⵔⴻⴽ ⵍⴼⴰⵢⴷⴰ.
ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴼⴰⵍⴻⵙⵟⵉⵏⵉ, ⵙⴰⵍⵉⵎ ⵣⴰⴰⵏⵧⵓⵏ, ⵢⴻⴱⴷⴰ-ⴷ ⴰⵙⵙ ⵏ ⵍⵃⴻⴷⴷ ⵜⵉⵔⵣⵉ ⵏ ⵅⴻⵎⵙⴰ ⵡⵓⵙⵙⴰⵏ ⴷⴻⴳ ⵍⴷⵣⴰⵢⴻⵔ, ⴷ ⵜⵉⵔⵣⵉ ⴰⵢⴷⴻⴳ ⴰⵔⴰ ⵢⴻⵎⵍⵉⵍ ⴻⴷ ⵢⴻⵎⴹⴻⴱⴱⵔⴻⵏ ⵏ ⵜⵙⵓⴷⴰ (ⵉⵏⵙⵜⵉⵜⵓⵜⵉⵧⵏⵙ) ⵜⵉⵖⴻⵍⵏⴰⵡⵉⵏ ⵖⴻⴼ ⵜⴻⴷⵢⴰⵏⵉⵏ ⵜⵉⵏⴻⴳⴳⵓⵔⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⵎⴻⵏⵖⵉ ⴰⴼⴰⵍⴻⵙⵟⵉⵏⵉ ⴻⴷ ⵜⵜⴰⵡⵉⵍⴰⵜ ⴰⵢ ⵢⴻⵙⵙⴻⴼⴽⴻⵏ ⵉ ⵓⵙⵙⴻⴱⴷⴻⴷ ⵏ ⵓⵡⴰⵏⴰⴽ ⴰⴼⴰⵍⴻⵙⵟⵉⵏⵉ ⵉⵎⵣⵉⵔⴻⴳ.
ⵉⵎⴹⴻⴱⴱⴻⵔ-ⴰ ⴰⴼⴰⵍⴻⵙⵟⵉⵏⵉ ⴰⴷ ⵢⴻⴳ ⴷⴰⵖ ⴰⵙⴰⵔⴰⴳ ⵙ ⵓⵙⴻⵏⵜⴻⵍ ⵏ « ⵉⵎⴻⵏⵖⵉ ⴰⴼⴰⵍⴻⵙⵟⵉⵏⵉ ⵙⴷⴰⵜ ⵢⴻⵛⵇⵉⵔⵔⵡⴻⵏ. »
