ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴰⵙⵙ ⴱⴻⵏⵙⴰⵍⴰⵀ ⵢⴻⵎⴷⵉⵡⴻⵏⵏⵉ ⴷ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴼⴰⵍⴻⵙⵟⵉⵏⵉ
06 ⵢⴻⴱⵔⵉⵔ 2015
ⵍⴻⵣⵣⴰⵢⴻⵔ – ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵡⴻⵖⵍⴰⵏ, ⴰⴱⴷⴻⵍⴽⴰⴷⴻⵔ ⴱⴻⵏⵙⴰⵍⴰⵀ, ⵢⴻⵎⴷⵉⵡⴻⵏⵏⵉ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴼⴰⵍⴻⵙⵟⵉⵏⵉ, ⵙⴰⵍⵉⵎ ⵣⴰⴰⵏⵧⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⵢⵉⵡⴻⵏ ⵏ ⵡⴻⵍⵖⵓ ⵏ ⵜⴻⵅⵅⴰⵎⵜ ⵜⴰⵄⵍⴰⵢⴰⵏⵜ ⵏ ⵡⴻⵎⵏⵉ.
ⴰⵡⴰⵍ ⴳⴰⵔ-ⴰⵙⴻⵏ ⵢⴻⵍⵍⴰ-ⴷ ⵖⴻⴼ ⵜⴻⴷⵢⴰⵏⵉⵏ ⵜⵉⵏⴻⴳⴳⵓⵔⴰ ⵜⴻⵜⵜⴻⴷⴷⴻⵔ ⵜⴻⵎⵙⴰⵍⵜ ⵏ ⴼⴰⵍⴻⵙⵟⵉⵏ ⴷ ⵡⵓⴳⵓⵔⴻⵏ ⴰⵢ ⴷ-ⵜⴻⵜⵜⵎⴰⴳⴰⵔ ⵜⴻⵎⵙⴰⵍⵜ-ⴰ ⴰⵎⴰ ⵙⴷⴰⵅⴻⵍ ⵜⵎⵓⵔⵜ ⵏ ⴼⴰⵍⴻⵙⵟⵉⵏ, ⴰⵎⴰ ⴷⴻⴳ ⵜⴰⵎⴰ ⴷ-ⵢⴻⵣⵣⵉⵏ ⴼⴻⵍⵍ-ⴰⵙ ⵏⴻⵖ ⴷⴻⴳ ⵓⵎⴰⴹⴰⵍ.
ⵙⵉⵏ-ⴰ ⵏ ⵢⴻⵎⴹⴻⴱⴱⵔⴻⵏ ⴱⴻⴷⵔⴻⵏ-ⴷ ⴰⵙⵙⴰⵖⴻⵏ ⵉⴳⴻⵔⵔⵣⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⴼⴰⵍⴻⵙⵟⵉⵏ ⴷ ⵡⴻⴱⴷⴰⴷ ⵉⴷⵓⵎⴻⵏ ⵏ ⵍⴻⵣⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵡⴰⵢⵜⵎⴰⵜⴻⵏ ⵉⴼⴰⵍⴻⵙⵟⵉⵏⵉⵢⴻⵏ ⵉ ⵓⵙⵙⴻⴹⵔⵓ ⵏ ⵢⴻⵙⵡⴰⵏ-ⵏⵙⴻⵏ ⵉⵖⴻⵍⵏⴰⵡⴻⵏ ⵙ ⵓⵙⵙⴻⴱⴷⴻⴷ ⵏ ⵓⵡⴰⵏⴰⴽ (ⴷⴷⵓⵍⴰ) ⴰⴼⴰⵍⴻⵙⵟⵉⵏⵉ ⵉⵎⵣⵉⵔⴻⴳ, ⵖⴻⴼ ⵡⴰⴽⴽⴻⵏ ⴷ-ⵜⴻⵔⵏⴰ ⵜⴻⵖⴱⴰⵍⵓⵜ-ⴰ.
ⵃⴻⵜⵜⴻⵜⴻⵏ-ⴷ ⴷⴰⵖ ⵖⴻⴼ ⵡⴰⵣⴰⵍ ⴰⵢ ⵢⴻⵙⵄⴰ ⵡⴰⵡⴰⵍ ⴻⴷ ⵡⴻⵎⵛⵉⵡⴻⵕ ⵢⴻⵜⵜⴽⴻⵎⵎⵉⵍⴻⵏ ⵉ ⵍⵎⴻⵏⴷ ⵏ ⵡⴻⵙⵏⴻⵔⵏⵉ ⵏ ⵡⴰⵙⵙⴰⵖⴻⵏ ⵉⴳⴻⵔⵔⵣⴻⵏ ⴳⴰⵔ ⵍⴻⵣⵣⴰⵢⴻⵔ ⴻⴷ ⵢⵉⵎⴻⵏⵖⵉ ⴰⴼⴰⵍⴻⵙⵟⵉⵏⵉ.
