ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵣⵍⴰⵣ ⴷⴻⴳ ⵏⴻⵒⴰⵍ : ⵜⵄⴰⵡⴻⵏ ⵍⴻⵣⵣⴰⵢⴻⵔ ⵜⴰⵎⵓⵔ ⵏ ⵏⴻⵒⴰⵍ ⵙ ⵓⵎⴰⵍⵢⵓⵏ ⵏ ⵢⵉⴷⵓⵍⴰⵔⴻⵏ ⵍⴻⵣⵣⴰⵢⴻⵔ – ⵉⴳⵣⴻⵎ-ⵉⵜⵜ ⴷⴻⴳ ⵕⵕⴰⵢ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⴰⴽⴽⴻⵏ ⴰⴷ ⵉⵄⴰⵡⴻⵏ ⵙ ⵢⴻⴷⵔⵉⵎⴻⵏ, ⴰⵣⴰⵍ-ⵉⵙ ⴷ (01) ⵓⵎⴻⵍⵢⵓⵏ ⵏ ⵢⵉⴷⵓⵍⴰⵔⴻⵏ. ⵔⵏⵓ ⵉ ⵡⴰⵢⴰ, ⴰⵙⴻⴳⵔⴻⵡ ⵙ ⵍⵄⴻⵊⵍⴰⵏ ⵏ ⵡⴰⵍⵍⴰⵍⴻⵏ ⴰⵔⴰ ⵉⵙⴰⴼⴻⵙⵙⴻⵏ ⴰⵄⵉⵡⴻⵏ ⵏ ⵢⴻⵎⴷⴰⵏⴻⵏ. ⴰⵣⵍⴰⵣ-ⵏⵏⵉ ⵢⴻⵡⵜⴻⵏ ⵜⴰⵎⵓⵔⵜ ⵏ ⵏⴻⵒⴰⵍ ⵉ ⴰⵙⵙ ⵏ ⵙⵙⴻⴱⵜ, ⵢⴻⴳⵍⴰⵏ ⵙ ⵜⵡⴰⵖⵉⵜ ⵜⴰⵎⴻⵇⵔⴰⵏⵜ, ⵉ ⴷ-ⵢⴻⵏⵏⴰ ⵡⴻⵍⵖⵓ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴱⴻⵕⵕⴰ. ⴰⵄⵉⵡⴻⵏ ⵏ ⵍⴻⵣⵣⴰⵢⴻⵔ ⵢⴻⵔⵣⴰ ⴰⵛⴻⵢⵢⴻⵄ ⵏ ⵜⴻⵖⵍⴻⵎⵜ ⵜⵓⵣⵣⵉⴳⵜ ⵏ ⵢⴻⵎⵙⵓⴽⵙⴻⵏ ⵏ ⵓⵎⴻⵙⵜⴻⵏ ⴰⵖⴰⵔⵉⵎ ⴷ ⵜⵉⴽⵛⵉ ⵏ ⴷⴷⵡⴰⵡⵉ, ⵏ ⵜⴼⴻⵔⵚⵓⴷⴰⵢ, ⴷ ⵜⵖⴰⵡⵙⵉⵡⵉⵏ ⵏⵏⵉⴹⴻⵏ ⴰⵔⴰ ⵉⵄⵉⵡⵏⴻⵏ ⵉⵎⴻⵊⵔⴰⵃ ⴷ ⵡⵉⴷ ⵢⴻⵃⵡⴰⴵⴻⵏ. ⵜⴰⵖⵍⴰⵎⵜ ⵏ ⵢⴻⵎⵙⵓⴽⵙⴻⵏ ⴰⵔⴰ ⵢⴻⵣⵡⵉⵔⴻⵏ ⵙ ⴰⵎⴹⵉⵇ, ⵙⴰⴽⵉⵏ ⴰⴷ ⴹⴻⴼⵔⴻⵏ ⵡⴰⵍⵍⴰⵍⴻⵏ. ⴷ ⴰⵎⴻⵙⵏⵉ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ ⴰⵔⴰ ⵜⴻⵏ-ⵢⴻⵙⵙⵉⵡⴹⴻⵏ ⵙ ⵍⵄⴻⵊⵍⴰⵏ ⵖⴻⵔ ⵜⵎⵓⵔⵜ ⵏ ⵏⴻⵒⴰⵍ. ⴰⵄⵉⵡⴻⵏ-ⴰ ⵢⴻⵔⵙ ⴷⴻⴳ ⵢⵉⵡⴻⵜ ⵏ ⵜⵎⵓⵖⵍⵉ ⵏ ⵜⴻⴳⵎⴰⵜ ⵢⴻⵍⵍⴰⵏ ⴳⴻⵔ ⵍⴻⵣⵣⴰⵢⴻⵔ ⴷ ⵏⴻⵒⴰⵍ ⴷ ⵓⵖⵔⴻⴼ-ⵉⵙ. “ⵜⴻⵔⵙ ⴷⴰⵖⴻⵏ ⴷⴻⴳ ⵢⵉⵡⴻⵏ ⵏ ⵓⴽⴰⵜⴰⵔ ⵏ ⵓⵎⵄⵉⵡⴻⵏ ⴰⴳⵔⴰⵖⵍⴰⵏ” ⵢⴻⴷⴷⴰⵏ ⴷ ⵜⵎⵓⵔⵜ-ⴰ ⴰⴽⴽⴻⵏ ⴰⴷ ⵇⴰⴱⵍⴻⵏ ⵜⴰⵡⴰⵖⵉⵜ-ⵏⵏⵉ ⵜⴰⴳⴰⵎⴰⵏⵜ, ⵉ ⵢⴻⵙ-ⵙ ⵢⴻⴽⴼⴰ ⵡⴻⵍⵖⵓ-ⵏⵏⵉ.
