ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵛⵛⵕⴻⵄ ⵏ ⵜⴱⴰⵏⴽⴰ ⵏ ⴽⵀⴰⵍⵉⴼⴰ: ⴰⴱⴷⴻⵍⵎⵧⵓⵎⴻⵏⴻ ⵢⴻⵏⴽⴻⵕ ⴷⴰⴽⴽⴻⵏ ⵢⴻⵙⵄⴰ ⴰⵣⵎⴰⵎ ⵏ ⵜⵜⵊⴰⵕⴰ ⵏ ⵜⴱⴰⵏⴽⴰ ⵓⵇⴱⴻⵍ ⵎⴰ ⵢⴻⵙⵙⴱⴻⴷⴷ-ⵉⵜⵜ-ⵉⴷ

ⵍⴻⴱⵍⵉⴷⴰ – ⴰⵎⴻⵜⵜⵀⵓⵎ ⴰⴳⴻⵊⴷⴰⵏ ⴷⴻⴳ ⵜⴻⵎⵙⴰⵍⵜ ⵏ ⴽⵀⴰⵍⵉⴼⴰ ⴱⴰⵏⴽ, ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ, ⵢⴻⵏⴽⴻⵕ ⴰⵙⵙ ⵏ ⵍⵃⴻⴷⴷ ⴷⴻⴳ ⵓⵅⵅⴰⵎ ⵏ ⵛⵛⵕⴻⵄ ⵏ ⵜⴻⵊⵔⵉⵎⵉⵏ ⵏ ⵍⴻⴱⵍⵉⴷⴰ ⴷⴰⴽⴽⴻⵏ ⵢⴻⴹⴹⴻⴼ-ⴷ ⴰⵣⵎⴰⵎ ⵏ ⵜⵜⵊⴰⵕⴰ ⵏ ⵜⴱⴰⵏⴽⴰ-ⵏⵏⴻⵙ ⵎⴰ ⵢⴻⵙⵙⴻⴱⴷⴻⴷ-ⵉⵜⵜ-ⵉⴷ.

ⵢⴻⵏⵏⴰ-ⴷ, ⴷⴻⴳ ⵡⴰⵙⵙ ⵡⵉⵙ ⵙⴻⵎⵎⵓⵙ (ⵅⴻⵎⵙⴰ) ⵏ ⵛⵛⵕⴻⵄ, ⴷⴰⴽⴽⴻⵏ ⵢⴻⴹⴹⴻⴼ-ⴷ ⵜⵜⴻⵙⵔⵉⵃ ⵓⵄⴹⵉⵍ ⵏ ⵓⵙⵙⴻⴱⴷⴻⴷ ⵏ ⵜⴱⴰⵏⴽⴰ-ⵏⵏⴻⵙ, ⴷ ⵜⵜⴻⵙⵔⵉⵃ ⵏ ⵓⵙⴻⴳⴳⴰⵙ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⴽⵀⴰⵍⵉⴼⴰ ⴱⴰⵏⴽ ⵜⴻⴱⴷⴰ ⵜⵅⴻⴷⴷⴻⵎ ⵙⵉⵏ ⵏⴻⵖ ⴽⵔⴰⴹ ⵏ ⵢⵉⵙⴻⴳⴳⴰⵙⴻⵏ ⴷⴻⴼⴼⵉⵔ ⵡⴰⵢⴰ ⴷⴻⴳ « ⵍⵇⴰⵏⵓⵏ ⵢⴻⵔⵏⴰ ⵙ ⵓⵇⴰⴷⴻⵔ ⵏ ⵜⵙⴻⴽⴽⵉⵔⵉⵏ ⵢⴻⵇⵇⵏⴻⵏ ⵖⴻⵔ ⵍⴱⴰⵏⴽⴰⵜ ».

ⵍⵇⴰⴹⵉ ⴰⵏⵜⴰⵔ ⵎⴻⵏⵧⵓⴰⵔ ⵢⴻⵏⵏⴰ-ⴰⵙ ⵉ ⴽⵀⴻⵍⵉⴼⴰ ⴷⴰⴽⴽⴻⵏ ⵢⴻⴹⴹⴻⴼ-ⴷ ⴰⵣⵎⴰⵎ-ⵏⵏⴻⵙ ⵏ ⵜⵜⵊⴰⵕⴰ ⵓⵇⴱⴻⵍ ⵎⴰ ⵉⴼⵓⴽ ⵜⴰⵙⴻⴽⴽⵉⵔⵜ ⵢⴻⵇⵇⵏⴻⵏ ⵖⴻⵔ ⵓⵙⵙⴻⴱⴷⴻⴷ ⵏ ⵜⴱⴰⵏⴽⴰ ⴰⴽⴽⴻⵏ ⴰⴷ ⴷ-ⵢⴻⵔⵔ ⴰⵃⵔⵉⵛ-ⵏⵏⵉ ⵏ ⵕⴰⵙⴻⵍⵎⴰⵍ ⴰⵢ ⵢⴻⵙⵙⴻⵔⵙ ⴷⴻⴳ-ⵙ, ⵎⴻⵃⵙⵓⴱ ⴷ ⵜⵉⵙ ⵅⴻⵎⵙⴰ ⵏ ⵕⵕⴱⴻⵄ ⵏ ⵕⴰⵙⴻⵍⵎⴰⵍ ⴰⵎⴰⵜⵓ, ⴰⵣⴰⵍ ⵏ 125 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ.

ⵉⴱⵓⴳⴰⵟⵓⵜⴻⵏ ⵏ ⵜⴻⵎⵃⴰⴷⴷⵉⵜ ⵏ ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ, ⴰⴽⴻⵔⵡⴰ ⵎⴻⵔⵧⵓⴰⵏⴻ ⴱⵧⵓⵎⴻⴷⵀⵧⵓⴷⴰ ⴷ ⵓⴽⴻⵔⵡⴰ ⵏⴰⵙⵙⴻⵔⴷⵉⵏⴻ ⵍⴻⵣⵣⴰⵔ, ⵙⵙⴻⵇⵙⴰⵏ ⴽⵀⴻⵍⵉⴼⴰ ⵖⴻⴼ ⵡⴰⵎⴻⴽ ⵖⴻⴼ ⵢⴻⴷⵔⵉⵎⴻⵏ ⴰⵢⵢⴻⵙ ⴰⵢ ⵢⴻⵍⴷⵉ ⵜⴰⴱⴰⵏⴽⴰ-ⵏⵏⴻⵙ, ⵍⴼⴰⵢⴷⴰ ⵏ ⵜⴽⴻⴱⴱⴰⵏⵉⵜ-ⵏⵏⴻⵙ ⵏ ⵡⴰⴼⴼⵓⴳ ⴽⵀⴰⵍⵉⴼⴰ ⴰⵉⵔⵡⴰⵢⵙ ⴷ ⵓⵔⴻⴹⴹⴰⵍ ⴰⵢ ⵢⴻⵍⵍⴰ ⵉⵔⴻⴹⴹⴻⵍ-ⴷ ⵉⴷⵔⵉⵎⴻⵏ ⵙ ⵜⴻⴼⵙⴻⵙ ⵙⴻⴳ ⵜⴱⴰⵏⴽⴰ ⵏ ⵜⵏⴻⴼⵍⵉⵜ ⵜⴰⴷⵉⴳⴰⵏⵜ (ⴱⴷⵍ) ⵏ ⵙⵟⴰⵡⴰⵍⵉ.

ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵓⵔ ⴰⵙ-ⴷ-ⵜⵜⵓⵏⴻⴼⴽⴻⵏ ⴰⵔⴰ ⴰⴽⴽ ⵢⵉⴷⵔⵉⵎⴻⵏ ⵉ ⵍⵎⴻⵏⴷ ⵏ ⵡⴰⵢⴰ ⵎⴻⵏⵖⵉⵔ ⵍⴼⴰⵢⴷⴰ ⴰⵢ ⴷ-ⵙⴽⴻⵛⵎⴻⵏⵜ ⴽⵔⴰⴹⵜ-ⵏⵏⵉ (3) ⵏ ⵜⴽⴻⴱⴱⴰⵏⵉⵢⵉⵏ-ⵏⵏⴻⵙ ⵏ ⵓⵖⵔⴰⴼ ⴷ ⵓⵙⵙⴻⵏⵣⵉ ⵏ ⵢⵉⵙⴰⴼⴰⵔⴻⵏ (ⴽⵔⴳ), ⴳⴰⵔ-ⴰⵙⴻⵏⵜ ⵢⵉⵡⴻⵜ ⵏ ⵜⴽⴻⴱⴱⴰⵏⵉⵜ ⴰⵢ ⵉⵅⴻⴷⴷⵎⴻⵏ ⴷⴻⴳ ⴼⵕⴰⵏⵙⴰ, ⵉⵎⵉ ⵜⵉⴽⴻⴱⴱⴰⵏⵉⵢⵉⵏ-ⴰ ⵍⵍⴰⵏⵜ ⵙⵙⴻⴽⵛⴰⵎⴻⵏⵜ-ⴷ « ⵉⴷⵔⵉⵎⴻⵏ ⴷ ⵉⵎⴻⵇⵔⴰⵏⴻⵏ ⵢⴻⵔⵏⴰ ⴰⴷ ⴷ-ⵇⴰⵎⴻⵏ » ⵉ ⵓⵍⴷⴰⵢ ⵏ ⵜⴱⴰⵏⴽⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵍⴼⴰⵢⴷⴰ ⴰⵢ ⵜⴻⵍⵍⴰ ⵜⴻⵙⵙⴻⴽⵛⴰⵎ-ⴷ ⵜⴱⴰⵏⴽⴰ ⵏ ⴽⵀⴰⵍⵉⴼⴰ ⵜⴻⵍⵍⴰ ⵜⴻⵜⵜⴰⵡⴻⴹ ⵖⴻⵔ « 5 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⴷⴻⴳ ⵡⴰⵙⵙ », ⵢⴻⵔⵏⴰ ⵍⴼⴰⵢⴷⴰ ⵏ ⴽⵀⴰⵍⵉⴼⴰ ⴰⵉⵔⵡⴰⵢⵙ « ⵜⴻⵍⵍⴰ ⵜⵓⴳⴰⵔ ⴰⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴷ ⴰⵛⵓ ⴽⴰⵏ, ⵢⴻⵏⴽⴻⵕ ⴷⴰⴽⴽⴻⵏ ⵢⴻⵙⵙⴻⵇⴷⴻⵛ ⵉⴷⵔⵉⵎⴻⵏ ⵏ ⵜⴽⴻⴱⴱⴰⵏⵉⵜ-ⵏⵏⵉ ⵏ ⵡⴰⴼⴼⵓⴳ ⵉ ⵍⴼⴰⵢⴷⴰ-ⵏⵏⴻⵙ ⵜⵓⴷⵎⴰⵡⴰⵏⵜ.

ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ ⵢⴻⵜⵜⵡⴰⵛⴰⵕⴻⵄ ⵖⴻⴼ « ⵓⴽⴻⵍⵍⴻⵅ ⴷⴻⴳ ⵢⵉⴷⵔⵉⵎⴻⵏ, ⵜⴰⴷⵓⴽⵍⵉ ⵉ ⵍⵎⴻⵏⴷ ⵏ ⵓⵙⵙⴻⴼⵙⴻⴷ, ⵜⵓⴽⴻⵔⴹⴰ, ⴰⵙⵙⴻⵇⴷⴻⵛ ⵏ ⵍⴻⴽⵡⴰⵖⴻⴹ ⵏ ⵜⴱⴰⵏⴽⴰ ⵏ ⵜⴽⴻⵍⵍⴰⵅ, ⴰⵅⴷⴰⵄ ⵏ ⵍⴰⵎⴰⵏ ⴰⵢ ⴳⴰⵏ ⴷⴻⴳ-ⵙ ⵢⵉⴷⵉⵙⴰⵏ ⵏⵉⴹⴻⵏ, ⴰⵙⵙⴻⵇⴷⴻⵛ ⵏ ⵜⵎⵓⵙⵙⵏⵉ ⵉ ⵓⵙⵙⴻⴼⵙⴻⴷ, ⵜⵓⴽⵛⵉ ⵏ ⵜⵊⵓⵄⴰⵍ, ⴰⵔⵖⴰⵎ ⴷ ⵓⵙⵙⴻⴼⵍⴻⵙ ⵏ ⵜⴽⴻⵍⵍⴰⵅ ».

ⴷⴻⴳ 2007, ⵢⴻⵜⵜⵡⴰⵛⴰⵕⴻⵄ ⵏⴻⵜⵜⴰ ⵉⵖⴰⴱ, ⵢⴻⵔⵏⴰ ⵢⴻⴼⴼⴻⵖ-ⴷ ⴼⴻⵍⵍ-ⴰⵙ ⵍⴻⵃⴽⴻⵎ ⵏ ⵍⵃⴻⴱⵙ ⵙ ⵜⴻⵖⵣⴻⴼ ⵏ ⵜⵓⴷⴻⵔⵜ. ⵙ ⵓⵊⴻⵎⵎⴰⵍ, 76 ⵏ ⵢⵉⵎⴻⵜⵜⵀⵓⵎⴻⵏ (ⴳⴰⵔ-ⴰⵙⴻⵏ 21 ⵜⵜⵡⴰⵃⴻⴱⵙⴻⵏ) ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵎⵙⴰⵍⵜ-ⴰ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵉⵏⴰⴳⴰⵏ ⵄⴻⴷⴷⴰⵏ ⵉ 300.