ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵡⴻⵎⵎⴻⵕ ⵏ ⵓⵎⵜⴰⵡⴰ ⵏ ⵍⴷⵣⴰⵢⴻⵔ ⵙⵖⵓⵔ ⵜⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ ⴷ ⵍⵍⵙⴰⵙ ⵏ ⵜⴰⵍⵡⵉⵜ ⴷⴻⴳ ⵎⴰⵍⵉ (ⵍⴰⵎⴰⵎⵔⴰ)

ⵍⴷⵣⴰⵢⴻⵔ ⵜⴰⵎⴰⵏⴻƔⵜ –ⵜⴰⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ (ⵛⵎⴰ) ⵜⵡⴻⵎⵎⴻⵕ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴰⵎⵜⴰⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ, ⵢⴻⵔⵏⴰ ⴰⵢⴰ ⴷ ⴰⵢⴻⵏ ⴰⵔⴰ ⵢⵉⵍⵉⵏ ⴷ ⵍⵍⵙⴰⵙ ⵉ ⵍⴻⴱⵏⵉ ⵏ ⵜⴰⵍⵡⵉⵜ ⴷⴻⴳ ⵜⵎⵓⵔⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ.

« ⵏⵓⵎⴰⵔ (ⵏⴻⴼⵕⴻⵃ) ⵉⵎⵉ ⴰⵢ ⵢⴻⵔⴱⴻⵃ ⵍⵎⴻⵊⵀⵓⴷ-ⴰ ⵓⵛⵔⵉⴽ ⵢⴻⵔⵏⴰ ⵔⴻⵥⵎⴻⵏⵜ ⵜⴻⵡⵡⵓⵔⴰ ⵉ ⵓⵙⵙⵉⵔⴻⵎ ⵏ ⵍⵅⵉⵔ ⴷⴻⴳ ⵎⴰⵍⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵍⴰⵎⴰⵎⵔⴰ ⴷⴻⴼⴼⵉⵔ ⵎⴰ ⵉⵡⴻⵎⵎⴻⵕ ⴱⵉⵍⴰⵍ ⴰⴳ ⵛⵀⴻⵔⵉⴼ, ⴰⵙⴻⵍⵡⴰⵢ ⵏ ⵜⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ, ⴰⵎⵜⴰⵡⴰ-ⴰ.

ⵙⴻⴳ ⵜⴰⵎⴰ ⵏⵉⴹⴻⵏ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ « ⵜⵓⵖⴷⴰⴹⵜ ⴰⵢⵖⴻⴼ ⵜⴻⵜⵜⵡⴰⵡⴻⴽⴽⴻⵍ ⵜⴷⵉⵒⵍⵓⵎⴰⵜⵉⵜ ⵜⴰⴷⵣⴰⵢⵔⵉⵜ ⴷⴻⴳ ⵜⴻⵖⵍⴰⵎⵜ ⵜⴰⴳⵔⴰⵖⵍⴰⵏⵜ ⵏ ⵜⴻⴱⴷⴰⵎⵎⴰⵙⵜ ⵜⴻⵡⵡⴻⴹ ⵖⴻⵔ ⵢⵉⵙⵡⵉ ⴰⵛⴽⵓ ⵔⵙⴻⵏ ⵍⵍⵙⵉⵙⴰⵏ ⵏ ⵜⴰⵍⵡⵉⵜ (ⴷⴻⴳ ⵎⴰⵍⵉ) ».

ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵉⴳⴻⵔ-ⴷ ⵓⵏⴻⵖⵍⴰⴼ ⵜⵉⵖⵔⵉ ⵉ « ⵡⴰⴽⴽ ⵡⵉⴷ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⴳⴻⵏ ⴰⵢⴻⵏ ⵢⴻⵙⵙⴻⴼⴽⴻⵏ ⴰⴽⴽⴻⵏ ⴰⴷ ⵜⴻⵜⵜⵡⴰⴱⵏⵓ ⵜⴰⵍⵡⵉⵜ », ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵉⵎⵉ ⵜⴰⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ ⵜⵡⴻⵎⵎⴻⵕ ⴰⵎⵜⴰⵡⴰ ⵏ ⵍⴷⵣⴰⵢⴻⵔ, ⴰⵢⴰ ⴰⴷ ⴷ-ⵢⴻⵔⵔ ⴰⵙⵙⵉⵔⴻⵎ ⵉⵊⴻⵀⴷⴻⵏ ⵉ ⵓⵣⴻⴽⴽⴰ ⵉⵛⴻⴱⵃⴻⵏ ⴷⴻⴳ ⵎⴰⵍⵉ.

ⴰⵏⴻⵖⵍⴰⴼ ⵉⵃⴻⵜⵜⴻⵜ-ⴷ ⴷⴰⴽⴽⴻⵏ ⵜⴰⵖⵍⴰⵎⵜ ⵏ ⵜⴻⴱⴷⴰⵎⵎⴰⵙⵜ ⴰⵢ ⵜⴻⵏⵀⴻⵕ ⵍⴷⵣⴰⵢⴻⵔ ⵍⴰ ⵜⵅⴻⴷⴷⴻⵎ ⵖⴻⴼ ⵜⴰⵍⵡⵉⵜ, ⵜⴰⵖⴻⵍⵍⵉⵙⵜ (ⵍⴰⵎⴰⵏ) ⴷ ⵍⵉⵙⴻⵔ ⵉ ⵢⵉⵎⴻⵣⴷⴰⵖⴻⵏ ⵏ ⵓⴳⴰⴼⴰ ⵏ ⵎⴰⵍⵉ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⴷⵢⴰⵏⵉⵏ-ⵏⵏⵉ ⵏ ⵜⴻⴽⵔⵉⴹⵜ ⴰⵢ ⴷ-ⵢⴻⵍⵍⴰⵏ ⵙⴻⴳ ⵎⴻⵍⵎⵉ ⴽⴰⵏ ⴷⴻⴳ ⵓⴳⴰⴼⴰ ⵏ ⵎⴰⵍⵉ, ⵎⴰⵙⵙ ⵍⴰⵎⴰⵎⵔⴰ ⵉⵡⴻⵜ-ⴷ ⴷⴻⴳ-ⵙⴻⵏⵜ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ « ⴰⵢⴰ ⵉⵛⴻⵖⵖⴻⴱ ⵎⵍⵉⵃ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ « ⴰⵙⵙⵉⵣⵣⴻⵍ ⵏ ⵢⵉⴷⴰⵎⵎⴻⵏ ⴷ ⵢⵉⵎⴻⵏⵖⵉ ⵢⴻⵙⴼⴰⵢⴷⴰⵢ-ⴷ ⵙⴻⴳ-ⵙ ⴰⵍⴰ ⵔⵔⴻⴱⵔⴰⴱ ⴷ ⵜⴻⵊⵔⵉⵎⵜ ⵢⵓⴷⴷⵙⴻⵏ ».

« ⴰⵎⵜⴰⵡⴰ ⴰⵢ ⵡⴻⵎⵎⵕⴻⵏ ⵢⵉⴷⵉⵙⴰⵏ ⵉⵎⴰⵍⵉⵢⴻⵏ ⵢⴻⵎⵎⴰⵍ-ⴷ ⴰⴱⵔⵉⴷ ⴰⵢ ⵢⴻⵙⵙⴻⴼⴽⴻⵏ ⴰⴷ ⵢⴻⵜⵜⵡⴰⴹⴼⴻⵔ, ⵢⴻⵔⵏⴰ ⵢⴻⵙⵙⴻⴼⴽ ⵉⵎⴰⵍⵉⵢⴻⵏ ⴰⴷ ⵡⵍⵉⵡⵍⴻⵏ ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⵢⵉⴱⵔⵉⴷⴻⵏ-ⴰ ⵖⴻⵔ ⵍⴻⴱⵏⵉ ⵏ ⵡⴰⵢⴻⵏ ⴰⵢ ⵉⵣⴻⵎⵔⴻⵏ ⴰⴷ ⵉⴱⴻⴷⴷⴻⵍ ⵜⴰⵎⵓⵔⵜ ⴰⴽⴽⴻⵏ ⴰⵢ ⵙⵙⴰⵔⴰⵎⴻⵏ » ⵢⵉⵎⴻⵣⴷⴰⵖⴻⵏ ⵏ ⵎⴰⵍⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵜⴻⵏⵢⵉ ⵏ ⵓⵎⵜⴰⵡⴰ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⴱⴰⵎⴰⴽⵧ, ⴰⵏⴻⵖⵍⴰⴼ ⵢⴻⵙⵙⴰⵔⴻⵎ ⵓⵍⴰ ⴷ ⵜⴰⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ ⴰⴷ ⵜⵉⵍⵉ ⴳⴰⵔ ⵡⵉⴷ ⴰⵔⴰ ⵜ-ⵢⴻⵙⵜⴻⵏⵢⵉⵏ « ⴷⴻⴳ ⵜⴻⵙⵡⵉⵄⵜ ⵉⵡⴰⵜⴰⵏ ».

ⵜⴰⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ ⵢⴻⵜⵜⴻⴽⴽⴰ ⴷⴻⴳ-ⵙ ⵓⵎⵓⵙⵙⵓ ⴰⵖⴻⵍⵏⴰⵡ ⵏ ⵓⵙⵍⴻⵍⵍⵉ ⵏ ⵓⵣⴰⵡⴰⴷ (ⵎⵏⵍⴰ), ⴰⵙⴻⵇⵇⴰⵎⵓ ⵓⵏⵏⵉⴳ ⵏ ⵜⴷⵓⴽⵍⵉ ⵏ ⵓⵣⴰⵡⴰⴷ (ⵀⵛⵓⴰ) ⴷ ⵓⵎⵓⵙⵙⵓ ⴰⵄⵕⴰⴱ ⵏ ⵓⵣⴰⵡⴰⴷ (ⵎⴰⴰ). ⵓⵇⴱⴻⵍ ⵎⴰ ⵜⵡⴻⵎⵎⴻⵕ ⴰⵎⵜⴰⵡⴰ-ⴰ, ⵜⴰⵙⴻⵎⵢⵓⴷⴷⴻⵙⵜ-ⴰ ⵜⴻⵙⵙⵓⵜⴻⵔ, ⴷⴻⴳ ⵡⴰⵙⵙ ⵏ ⵓⵎⴻⵣⵡⴰⵔⵓ ⵏ ⵎⴻⵖⵔⴻⵙ « ⵜⴰⵙⴳⵓⵏⴼⵓⵜ » ⴰⴽⴽⴻⵏ ⴰⴷ ⵜⵛⵉⵡⴻⵕ ⵉⵎⴻⵖⵏⴰⵙⴻⵏ-ⵏⵏⴻⵙ.

ⴰⵎⵜⴰⵡⴰ-ⴰ ⵡⴻⵎⵎⵕⴻⵏⵜ ⵢⴰⴳⵉ ⴰⵙⵙ ⵏ ⵓⵎⴻⵣⵡⴰⵔⵓ ⵏ ⵎⴻⵖⵔⴻⵙ ⵓⵏⴰⴱⴰⴹ ⵏ ⵎⴰⵍⵉ ⴷ ⵢⵉⵎⵓⵙⵙⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵇⴰⵄⴻⵜ ⵏ ⵍⴷⵣⴰⵢⴻⵔ, ⵎⴻⵃⵙⵓⴱ ⴰⵎⵓⵙⵙⵓ ⴰⵄⵕⴰⴱ ⵏ ⵓⵣⴰⵡⴰⴷ (ⵎⴰⴰ, ⵢⴻⴱⴹⴰⵏ ⵖⴻⴼ ⵓⵏⴻⵚⵍⵉ-ⵏⵏⵉ), ⵜⴰⵙⴻⵎⵢⵓⴷⴷⴻⵙⵜ ⵉ ⵓⵖⵔⴻⴼ ⵏ ⵓⵣⴰⵡⴰⴷ (ⵛⵒⴰ) ⴷ ⵜⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⴷ ⵜⴻⵔⵏⵉⵡⵉⵏ ⵜⵉⴼⴻⵔⴼⴰⵏⵉⵏ ⵏ ⵓⵣⴱⵓ (ⵛⵎ-ⴼⵒⵔ). ⴰⵙⵜⴻⵏⵢⵉ ⵓⵏⵚⵉⴱ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴳⴰⵔ ⵢⵉⵎⴰⵍⵉⵢⴻⵏ ⴰⴷ ⴷ-ⵢⵉⵍⵉ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⴱⴰⵎⴰⴽⵧ.