ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴳⴻⵏⵙⴰⵙ ⵏ ⵜⵓⴷⴷⵙⴰ ⵜⴰⵎⴰⴹⵍⴰⵏⵜ ⵏ ⵜⴷⴰⵡⵙⴰ ⴷⴻⴳ ⵍⴷⵣⴰⵢⴻⵔ ⵢⴻⴱⴷⴻⵔ-ⴷ ⴰⵣⴰⵍ ⴰⵢ ⵢⴻⵙⵄⴰ ⵓⵖⴰⵡⴰⵙ ⴰⵖⴻⵍⵏⴰⵡ ⵏ ⵓⵃⴰⵕⴻⴱ ⵏ ⵡⴰⴹⴹⴰⵏⴻⵏ ⵓⵔ ⵉⵏⴻⵟⵟⴹⴻⵏ ⴰⵔⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⴰⴳⴻⵏⵙⴰⵙ ⵏ ⵜⵓⴷⴷⵙⴰ ⵜⴰⵎⴰⴹⵍⴰⵏⵜ ⵏ ⵜⴷⴰⵡⵙⴰ ⴷⴻⴳ ⵍⴷⵣⴰⵢⴻⵔ, ⴱⴰⵀ ⴽⴻⵉⵜⴰ, ⵢⴻⵔⵔⴰ ⵜⴰⵊⵎⵉⵍⵜ, ⴷⴻⴳ ⵍⴷⵣⴰⵢⴻⵔ, ⵉ ⵓⵖⴰⵡⴰⵙ ⴰⵖⴻⵍⵏⴰⵡ ⵏ ⵓⵃⴰⵕⴻⴱ ⵏ ⵡⴰⴹⴹⴰⵏⴻⵏ ⵓⵔ ⵉⵏⴻⵟⵟⴹⴻⵏ.

ⴷⴻⴳ ⵢⵉⵡⴻⵏ ⵏ ⵡⴰⵙⵙ ⵏ ⵓⵙⵃⵓⵍⴼⵓ ⴷ ⵓⵃⴻⵣⵣⴻⴱ ⵎⴳⴰⵍ ⵡⴰⵍⵍⵓⵢ ⵏ ⵡⴰⴷⴰⴷ (ⴰⵟⵓⵏⵙⵢⵓ), ⴰⴳⴻⵏⵙⴰⵙ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵏⵏⴰ-ⴷ ⴷⴰⴽⴽⴻⵏ ⵍⴷⵣⴰⵢⴻⵔ ⴷ ⵏⴻⵜⵜⴰⵜ ⴰⵢ ⴷ « ⴷ ⵜⴰⵎⵓⵔⵜ ⵜⴰⴼⵔⵉⵇⵉⵜ ⵜⴰⵎⴻⵣⵡⴰⵔⵓⵜ ⴰⵢ ⴷ-ⵉⴳⴰⵏ ⴰⵀⵉⵍ ⴰⵖⴻⵍⵏⴰⵡ ⵉ ⵓⵃⴰⵕⴻⴱ ⵏ ⵡⴰⴹⴹⴰⵏⴻⵏ ⵓⵔ ⵉⵏⴻⵟⵟⴹⴻⵏ », ⴰⵎ ⵡⴰⴽⴽⴻⵏ ⴰⵢ ⵢⴻⵔⵔⴰ ⵜⴰⵊⵎⵉⵍⵜ ⵉ ⵍⵎⴻⵊⵀⵓⴷ ⵏ ⵓⵡⴰⵏⴰⴽ ⴷⴻⴳ ⵓⵏⵔⴰⵔ-ⴰ. ⴷⴻⴳ ⵡⴰⵙⵙ-ⴰ ⵏ ⵓⵙⵃⵓⵍⴼⵓ ⵢⴻⵍⵍⴰ-ⴷ ⴷⴰⵖ ⴱⴻⴷⴷⵓ ⵏ ⵓⵅⴻⴷⴷⵉⵎ ⵏ ⵢⵉⵡⴻⵜ ⵏ ⵜⴻⴽⵍⵉⵏⵉⵜ ⵜⴰⵣⵉⵔⴰⵣⵜ ⵉ ⵓⴷⴰⵡⵉ ⵏ ⵡⴰⵍⵍⵓⵢ ⵏ ⵡⴰⴷⴰⴷ.

ⵜⵓⴷⴷⵙⴰ ⵜⴰⵎⴰⴹⵍⴰⵏⵜ ⵏ ⵜⴷⴰⵡⵙⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, « ⵜⴻⵜⵜⴹⴰⴼⴰⵔ ⵢⴻⵔⵏⴰ ⵜⴻⴱⴷⴻⴷ ⵖⴻⵔ ⵢⵉⴷⵉⵙ » ⵏ ⵍⵎⴻⵊⵀⵓⴷ ⴰⵢ ⵜⴻⵜⵜⴻⴳ ⵍⴷⵣⴰⵢⴻⵔ ⴰⴽⴽⴻⵏ ⴰⴷ ⴷ-ⵜⴻⵍⵀⵓ ⴷ ⵓⵃⴻⵣⵣⴻⴱ.

ⴰⵎⴻⵍⵢⴰⵕ ⵏ ⵢⵉⵎⴷⴰⵏⴻⵏ ⴰⵢ ⵢⵓⴹⵏⴻⵏ ⴰⴹⴹⴰⵏⴻⵏ ⵓⵔ ⵉⵏⴻⵟⵟⴹⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴽⴻⵉⵜⴰ ⴰⵢ ⴷ-ⵢⴻⵙⵙⴰⵡⴻⵍ ⵖⴻⴼ ⵡⴰⵢⴻⵏ ⴰⵢ ⵢⴻⵙⵙⵉⴼⵙⵉⵙⴻⵏ ⴰⴷ ⴷ-ⴱⴰⵏⴻⵏ ⵡⴰⴹⴹⴰⵏⴻⵏ-ⴰ ⴰⵎ ⵚⵚⴻⵏⴼ ⵏ ⵜⵓⴷⴻⵔⵜ ⴰⵢ ⵢⴻⵜⵜⴻⴷⴷⴻⵔ ⵓⵎⴷⴰⵏ, ⵜⵓⵣⴻⵔⵜ ⴷ ⵜⵖⵉⵎⵉⵜ.

9 ⵏ ⵢⵉⵎⴻⵍⵢⵓⵏⴻⵏ ⵏ ⵎⴻⴷⴷⴻⵏ ⴰⵢ ⵢⴻⵜⵜⵎⴻⵜⵜⴰⵜⴻⵏ ⵢⴰⵍ ⴰⵙⴻⴳⴳⴰⵙ ⵙⴻⴳ ⵡⴰⴹⴹⴰⵏⴻⵏ ⵓⵔ ⵉⵏⴻⵟⵟⴹⴻⵏ, ⴳⴰⵔ-ⴰⵙⴻⵏ 80% ⴷⴻⴳ ⵜⵎⵓⵔⴰ ⴰⵢ ⵍⴰ ⵢⴻⵜⵜⵏⴻⴼⵍⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴷⵖⴰ ⵙ ⵡⴰⵢⴰ, ⵉⵃⴻⵜⵜⴻⵜ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⴷ-ⵙⴱⴻⴷⴷⴻⵏ ⴰⵏⴰⴳⵔⴰⵡ ⵉⵡⴰⵜⴰⵏ ⵏ ⵜⴷⴰⵡⵙⴰ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⵎⴻⴷⴷⴻⵏ ⴰⴷ ⴱⴻⴷⴷⵍⴻⵏ ⵜⵓⴷⴻⵔⵜ-ⵏⵙⴻⵏ ⴰⴽⴽⴻⵏ ⴰⴷ ⵃⴻⵣⵣⴱⴻⵏ ⵉ ⵡⴰⴹⴹⴰⵏⴻⵏ-ⴰ, ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⵜⵜⴻⵙⵙⴻⵏ ⵉⵖⵉⵙⴻⵎ (ⵍⴰⵍⴽⵓⵍ) ⵏⴻⵖ ⴰⴷ ⵜⵜⴽⴻⵢⵢⵉⴼⴻⵏ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵜⵜⴳⴻⵏ ⴰⴷⴷⴰⵍ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵙⵃⵓⵍⴼⵓ ⴷ ⵓⴽⵛⴰⴼ ⵏ ⵡⴰⴹⴹⴰⵏ ⵖⴻⴼ ⵣⵉⴽ ⵍⵃⴰⵍ ».