ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⵉⴱⵢⴰ: ⵜⵉⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ ⴳⴰⵏⵜ ⵜⵉⵊⵔⵉⵎⵉⵏ ⵏ ⵟⵟⵔⴰⴷ (ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ)
ⵟⵔⴰⴱⵍⴻⵙ – ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵜⵜⴻⵀⵎⴻⵏ ⴰⵙⵙ ⵏ ⵍⵊⴻⵎⵄⴰ ⵜⵉⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ ⴷⴻⴳ ⵍⵉⴱⵢⴰ ⵙ ⵓⵅⴹⴰⴼ ⴷ ⵓⵄⴻⵜⵜⴻⴱ ⵏ ⵢⵉⵖⴻⵔⵎⴰⵏⴻⵏ ⵖⴻⴼ ⵍⵊⴰⵍ ⵏ ⵍⴰⵚⴻⵍ-ⵏⵙⴻⵏ ⵏⴻⵖ ⵕⵕⴰⵢ-ⵏⵙⴻⵏ, ⵢⴻⵔⵏⴰ ⵏⵏⴰⵏ-ⴷ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴰⴽⴽⴻⵏ ⵜⵉⵖⴰⵡⵙⵉⵡⵉⵏ ⴰⵎ ⵜⵉ ⴷ « ⵜⵉⵊⵔⵉⵎⵉⵏ ⵏ ⵟⵟⵔⴰⴷ », ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵏ ⵏ ⵓⵍⵖⵓ.
« ⵜⵓⴹⴹⴼⵉⵡⵉⵏ ⵏ ⵢⵉⵎⴻⵕⵀⴰⵏ, ⴰⵄⴻⵜⵜⴻⴱ ⴷ ⵜⵎⴻⵏⵖⵉⵡⵜ ⴷ ⵜⵉⵊⵔⵉⵎⵉⵏ ⵏ ⵟⵟⵔⴰⴷ. ⵡⵉⴷ ⴰⵢ ⵢⴻⵜⵜⴳⴻⵏ, ⵜⵜⴰⴽⴼⴻⵏ ⵍⴰⵎⴻⵕ ⵏⴻⵖ ⵓⵔ ⵃⴻⴱⴱⵙⴻⵏ ⴰⵔⴰ ⵜⵉⵊⵔⵉⵎⵉⵏ ⴰⵎ ⵜⵉ ⵎⵉ ⴰⵔⴰ ⵉⵍⵉⵏ ⴷⴻⴳ ⵓⴷⴰⴱⵓ ⵜⵜⵡⴰⵃⴻⵙⴱⴻⵏ ⴷ ⵉⵎⴰⵙⴰⵢⴻⵏ ⵢⴻⵔⵏⴰ ⵓⴽⵍⴰⵍⴻⵏ ⴰⵄⴰⵇⴻⴱ ⵓⵍⴰ ⴷⴻⴳ ⵓⵅⵅⴰⵎ ⵏ ⵛⵛⵕⴻⵄ ⴰⴳⵔⴰⵖⵍⴰⵏ ⵏ ⵓⵄⴰⵇⴻⴱ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⵄⴻⵢⵢⴻⵏ ⵜⵓⵖⴷⴰⴹⵜ ⵏ ⵓⵄⴰⵡⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵍⵉⴱⵢⴰ (ⵎⴰⵏⵓⵍ) ⴷⴻⴳ ⵢⵉⵡⴻⵏ ⵏ ⵓⵍⵖⵓ.
Ɣⴻⴼ ⵍⴻⵃⵙⴰⴱ ⵏ ⵜⵓⵖⴷⴰⴹⵜ-ⴰ, ⴽⵔⴰ ⵏ ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵍⵉⴱⵢⴰ ⵅⴻⴹⴼⴻⵏⵜ ⵢⴻⵔⵏⴰ ⵄⴻⵜⵜⴱⴻⵏⵜ ⵉⵖⴻⵔⵎⴰⵏⴻⵏ, ⴳⴰⵔ-ⴰⵙⴻⵏ ⵓⵍⴰ ⴷ ⵡⵉⴷ ⵉⵎⴻⵥⵢⴰⵏⴻⵏ, ⵖⴻⴼ ⵍⵊⴰⵍ ⵏ ⵍⴰⵚⴻⵍ-ⵏⵙⴻⵏ, ⵕⵕⴰⵢ-ⵏⵙⴻⵏ, ⵜⵉⵡⴰⵛⵓⵍⵉⵏ-ⵏⵙⴻⵏ ⵏⴻⵖ ⵖⴻⴼ ⵙⵙⴻⴱⴱⴰ ⵜⴰⵙⴻⵔⵜⵉⵜ.
Ɣⴻⴼ ⵍⴻⵃⵙⴰⴱ ⵏ ⵓⵍⵖⵓ-ⵏⵏⵉ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, « ⵉⵎⴷⴰⵏⴻⵏ ⴰⵢ ⵢⴻⵜⵜⵡⴰⵅⴻⴹⴼⴻⵏ, ⵙ ⵓⵎⴰⵜⴰ, ⵜⵜⵡⴰⵄⴻⵜⵜⴰⴱⴻⵏ ⵢⴻⵔⵏⴰ ⵙⵙⴻⵇⴰⵛⴻⵏ ⵢⵉⴷ-ⵙⴻⵏ ⵉⵖⵉⵍ, ⴰⵎ ⵡⴰⴽⴽⴻⵏ ⴰⵟⴰⵙ ⵙⴻⴳ-ⵙⴻⵏ ⵓⵔ ⵜⴻⵏⵜ-ⵜⵜⴰⵊⵊⴰⵏ ⴰⵔⴰ ⴰⴷ ⵙⵄⵓⵏ ⴰⵏⴻⵔⵎⵉⵙ ⴷ ⵜⵡⴰⵛⵓⵍⵉⵏ-ⵏⵙⴻⵏ. ⴽⵔⴰ ⵙⴻⴳ-ⵙⴻⵏ ⵎⵎⵓⵜⴻⵏ ⵎⵉ ⵜⵜⵡⴰⵃⴻⴱⵙⴻⵏ, ⵢⴻⵔⵏⴰ ⴰⵀⴰⵜ ⴰⴷ ⵉⵍⵉⵏ ⵜⵜⵡⴻⵏⵖⴻⵏ ⵡⴰⵔ ⵎⴰ ⵄⴻⴷⴷⴰⵏ ⴷⴻⴳ ⵛⵛⵕⴻⵄ ⵏⴻⵖ ⵜⵜⵡⴰⵄⴻⵜⵜⴱⴻⵏ ⴰⵔⵎⵉ ⴰⵢ ⵎⵎⵓⵜⴻⵏ ».
ⴷⴻⴳ ⵍⵉⴱⵢⴰ, ⴰⵅⵅⴰⵎ ⵏ ⵛⵛⵕⴻⵄ ⴰⴳⵔⴰⵖⵍⴰⵏ ⵏ ⵓⵄⴰⵇⴻⴱ ⵢⴻⵍⵀⴰ-ⴷ, ⵜⴰⵙⵡⵉⵄⵜ-ⴰ, ⵙ ⵡⵉⴷ ⵢⴻⵜⵜⴻⴽⴽⴰⵏ ⴷ ⴷⴻⴳ ⵜⴻⵊⵔⵉⵎⵉⵏ ⵏ ⵓⵙⵏⴰⵔⴰⴼ ⴰⵇⴱⵓⵔ ⵎⴰⴰⵎⴰⵔ ⴻⵍ ⴳⵓⴻⴷⴷⴰⴼⵉ, ⴰⵢ ⵢⴻⵜⵜⵡⴰⴽⴽⵙⴻⵏ ⵙⴻⴳ ⵓⴷⴰⴱⵓ ⴷⴻⴳ 2011.
ⵉⵖⴰⵍⴻⵏ ⵢⴻⴷⴷⵓⴽⴽⵍⴻⵏ ⵍⴰ ⵅⴻⴷⴷⵎⴻⵏ ⵛⵛⵖⴻⵍ ⵏ ⵓⴱⴷⴰⵎⵎⴰⵙ ⴷⴻⴳ ⵜⵎⵓⵔⵜ-ⴰ, ⵢⴻⵔⵏⴰ ⵍⴰ ⴷ-ⵙⵙⴻⵡⵊⴰⴷⴻⵏ ⵉ ⵜⵉⴽⴽⴻⵍⵜ ⵜⵉⵙ ⴽⵓⵥⴻⵜ (4) ⴰⵙⴻⵏⴼⴰⵔ ⵏ ⵓⵎⵜⴰⵡⴰ ⴰⵔⴰ ⵢⴻⴼⵔⵓⵏ ⵜⴰⵍⵓⴼⵜ-ⴰ, ⵉⵎⵉ ⵉⵙⴻⵏⴼⴰⵔⴻⵏ ⵢⴻⵣⵔⵉⵏ ⵓⵔ ⵎⵙⴻⴼⵀⴰⵎⴻⵏ ⴰⵔⴰ ⴼⴻⵍⵍ-ⴰⵙⴻⵏ ⴰⴽⴽ ⵡⵉⴷ ⴰⵢ ⵢⴻⵎⵅⴰⵚⴰⵎⴻⵏ ⴷⴻⴳ ⵍⵉⴱⵢⴰ.
