ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴻⵍⵍⴰ « ⵜⵣⴰⵔⴰⵣⵜ ⵉⵡⴰⵜⴰⵏ » ⴳⴻⵔ ⵍⴻⵣⵣⴰⵢⴻⵔ ⴷ ⵜⵓⵏⴻⵙ ⵉ ⵟⵟⵎⴰⵏⴰ ⵏ ⵜⵍⵉⵙⴰ ⵢⴻⵣⴷⵉⵏ
ⵍⴻⵣⵣⴰⵢⴻⵔ – ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵜⵉⵎⴰⵖⵔⵉⴱⵉⵢⵉⵏ ⴰⴽⴽ ⴷ ⵜⴻⴼⵔⵉⵇⵉⵢⵉⵏ ⴷ ⵍⴻⵎⵄⵉⵡⵏⴰ ⵜⴰⴳⴻⵔⴰⵖⵍⴰⵏⵜ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⵉⵡⴻⴽⴽⴻⴷ-ⴷ ⴰⵙⵙ ⵏ ⵍⵃⴻⴷⴷ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ, ⴱⴻⵍⵍⵉ ⵜⴻⵍⵍⴰ ⵜⵣⴰⵔⴰⵣⵜ ⵉⵡⴰⵜⴰⵏ ⴳⴻⵔ ⵍⴻⵣⵣⴰⵢⴻⵔ ⴷ ⵜⵓⵏⴻⵙ ⵉ ⵟⵟⵎⴰⵏⴰ ⵏ ⵜⵍⵉⵙⴰ ⵢⴻⵎⵎⴻⵣⴷⵉⵏ. Ɣⴻⵔ ⵜⴰⴳⴳⴰⵔⴰ ⵏ ⵜⴻⵎⵍⵉⵍⵉⵜ ⴷ-ⵢⴻⵍⵍⴰⵏ ⴷ ⵓⵎⴰⵔⴰⵢ ⵓⵡⴰⵏⴻⴽ ⴰⵜⵓⵏⵙⵉ ⵢⴻⵜⵜⵓⴽⴻⵍⴼⴻⵏ ⵙ ⵜⵖⴰⵡⵙⵉⵡⵉⵏ ⵏ ⵡⴰⵄⵕⴰⴱⴻⵏ ⴰⴽⴽ ⴷ ⵜⴻⴼⵔⵉⵇⵜ, ⵜⵧⵓⵀⴰⵎⵉ ⴰⴱⴷⵧⵓⵍⵉ, ⵎ. ⵎⴻⵙⵙⴰⵀⴻⵍ ⵢⴻⵏⵏⴰ-ⵢⴰⵙⴻⵏ ⵉ ⵜⵖⴰⵎⵙⴰ ⴱⴻⵍⵍⵉ ⵎⵎⴻⵙⵍⴰⵢⴻⵏ ⵖⴻⴼ ⵡⴰⴷⴷⴰⴷ ⵏ ⵍⴰⵎⴰⵏ ⴷⵉ ⵜⴻⵎⵏⴰⴹⵜ, ⴰⵏⴷⴰ ⴷ ⵉⴱⴻⴳⴳⴻⵏ ⴱⴻⵍⵍⵉ ⵢⴻⵍⵍⴰ ⵓⵣⴰⵔⴰⵣ ⴰⵎⴰⵜⵓ ⴳⴻⵔ ⵍⴻⵣⵣⴰⵢⴻⵔ ⴷ ⵜⵓⵏⴻⵙ ⵉ ⵟⵟⵎⴰⵏⴰ ⵏ ⵜⵍⵉⵙⴰ ⵢⴻⵎⵎⴻⵣⴷⵉⵏ. ⴰⵎ ⵡⴰⴽⴽⴻⵏ ⴷ-ⵉⵙⵙⴻⴼⵀⴻⵎ ⴱⴻⵍⵍⵉ ⵜⵉⵎⵍⵉⵍⵉⵜ-ⴰⴳⵉ ⴷ ⵜⴰⴳⵏⵉⵜⵜ ⵉ ⵡⴻⴱⴷⴰⵔ « ⵏ ⵍⵉⵃⴰⵍⴰ ⵏ ⵜⴻⵎⵏⴰⴹⵜ ⵍⴰⴷⵖⴰ ⵜⵉⵏ ⵜⴻⵜⵜⵉⴷⵉⵔ ⵍⵉⴱⵢⴰ ⵢⴻⵍⵍⴰ ⴷ ⵜⴰⴵⵕⴻⵜⵜ ⵏ ⵜⵎⵓⵔⵜ-ⴰⴳⵉ ⵏ ⵜⵓⵏⴻⵙ". "ⵏⵇⴻⴷⴷⴻⵛ ⴰⴽⴽⴻⵏ ⴰⴷ ⴷ-ⵏⴻⵔⵔ ⵜⴰⵍⵡⵉⵜ ⵖⴻⵔ ⵜⵎⵓⵔⵜ-ⴰⴳⵉ ⵓⴽⵓⴷ ⵏⴻⵛⵔⴻⴽ ⵜⴰⴳⵎⴰⵜⵜ, ⵏⴻⵙⵄⴰ ⴷⴰⵖⴻⵏ ⵢⵉⵡⴻⵜ ⵏ ⵜⵎⵓⵖⵍⵉ ⵓ ⵏⴻⵜⵜⵏⴰⴷⵉ ⴰⴽⴽⴻⵏ ⴰⴷ ⴷ-ⵏⴰⴼ ⵜⵉⴼⵔⴰⵜ ⵜⴰⵙⴻⵔⵜⴰⵏⵜ ⵙ ⵜⴻⵍⵡⵉⵜ ⵎⴻⴱⵍⴰ ⵛⵡⴰⵍ ⵉ ⵜⴻⵖⵣⴻⵏⵜ-ⴰⴳⵉ ⵜⴻⵜⵜⵉⴷⵉⵔ ⵍⵉⴱⵢⴰ ", ⵉⴽⴻⵎⵎⴻⵍ ⵢⴻⵏⵏⴰ ⵙ ⵓⵎⴻⵏⵏⵉ ⵏ ⵍⴻⵣⵣⴰⵢⴻⵔ ⴷ ⵜⵓⵏⴻⵙ ⵢⴻⵙⵙⴰⵔⴰⵎⴻⵏ ⴰⴷ ⴷ-ⵢⵉⵍⵉ " ⵡⴻⵙⴱⴻⴷⴷⵉ ⵓⵏⴰⴱⴰⴹ ⴰⵔⴰ ⵢⴻⵣⴷⵉⵏ ⵏ ⵓⵣⴷⵓⴽⴽⴻⵍ ⴰⵖⴻⵍⵏⴰⵡ ⴷⵉ ⵍⵉⴱⵢⴰ ⴷⵉ ⵜⵉⴽⴻⵍⵜ ⵜⴰⵎⴻⵣⵡⴰⵔⵓⵜ ⴰⴽⴽⴻⵏ ⴰⴷ ⴷ-ⵜⴻⵔⵙ ⵍⴰⵀⵏⴰ ⴷ ⵜⴻⵍⵡⵉⵜ ⴷⵉ ⵜⵎⵓⵔⵜ-ⴰⴳⵉ" ⴷⴷⴰⵡ ⵍⴰⵄⵏⴰⵢⴰ ⵏ ⵡⴰⵖⵍⴰⵏ ⵢⴻⴷⴷⵓⴽⴽⵍⴻⵏ.
