ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵏⵉⵊⵉⵔⵢⴰ: ⵉⵙⴻⵔⴷⴰⵙⴻⵏ ⵔⴻⴱⵃⴻⵏ ⵢⵉⵎⴻⵏⵖⵉⵢⴻⵏ ⵉⵎⴰⵢⵏⵓⵜⴻⵏ ⵎⴳⴰⵍ ⴱⵧⴽⵧ ⵀⴰⵔⴰⵎ

ⵍⴰⴳⵧⵙ – ⵉⴳⴻⵏ ⵏ ⵏⵉⵊⵉⵔⵢⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⴹⴹⴻⴼ, ⴰⵙⵙ ⵏ ⵍⵃⴻⴷⴷ, 10 ⵏ ⵢⵉⵎⴰⵣⵉⵔⴻⵏ ⴰⵢⴷⴻⴳ ⵜⵜⵉⵍⵉⵏ ⵢⵉⵔⴻⴱⵔⴰⴱⴻⵏ ⵏ ⴱⵧⴽⵧ ⵀⴰⵔⴰⵎ ⴷⴻⴳ ⵜⴻⵥⴳⵉ ⵏ ⵙⴰⵎⴱⵉⵙⴰ, ⵢⵉⵡⴻⵏ ⵡⴰⵙⵙ ⴷⴻⴼⴼⵉⵔ ⵜⴻⵏⵟⴰⴳⵜ-ⵏⵏⵉ ⵜⴰⵏⵖⵉⵎⴰⵏⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵖⵙⴻⵔⵜ ⵏ ⵢⵉⵙⴰⴽⴰⵍⴻⵏ (ⵍⴽⵉⵕⴰⵏ) ⵏ ⵓⴳⴰⴼⴰ-ⴰⴳⵎⵓⴹⴰⵏ ⴰⵢⴷⴻⴳ ⵎⵎⵓⵜⴻⵏ 7 ⵏ ⵢⵉⵎⴷⴰⵏⴻⵏ.

ⴷⴻⴳ ⵜⵓⵎⵎⵖⴰ-ⴰ ⵜⴰⵙⴻⵔⴷⴰⵙⵉⵜ ⵜⴰⵎⴻⵇⵔⴰⵏⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵡⴰⵏⴰⴽ ⵏ ⴱⵧⵔⵏⵧ, ⵜⵜⵡⴻⵏⵖⴻⵏ ⴰⵟⴰⵙ ⵏ ⵢⵉⵖⴻⵡⵡⴰⵖⴻⵏ ⴰⵎ ⵡⴰⴽⴽⴻⵏ ⴰⵢ ⵢⴻⵎⵎⵓⵜ ⵢⵉⵡⴻⵏ ⵏ ⵓⵙⴻⵔⴷⴰⵙ ⵎⵉ ⵜⴻⵟⵟⴻⵔⴹⴻⵇ ⵢⵉⵡⴻⵜ ⵏ ⵍⵎⵉⵏⴰ, ⵢⴻⵔⵏⴰ ⵊⴻⵔⵃⴻⵏ ⵙⵉⵏ ⵏⵉⴹⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵏ ⵢⵉⴳⴻⵏ, ⵛⵀⵔⵉⵙ ⵧⵍⵓⴽⵧⵍⴰⴷⴻ.

« ⵎⴰⵣⴰⵍ ⵍⴰ ⵜⴻⵜⵜⴽⴻⵎⵎⵉⵍ ⵜⴻⵎⵀⴻⵍⵜ ⵉ ⵓⵙⵙⵉⵣⴷⴻⴳ ⵏ ⵙⴰⵎⴱⵉⵙⴰ ⴷ ⵜⵥⴻⴳⵡⴰ ⵏⵉⴹⴻⵏ ⵙⴻⴳ ⵢⵉⵔⴻⴱⵔⴰⴱⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ ⴰⵢ ⴷ-ⵢⴻⵜⵜⵡⴰⵣⵏⴻⵏ ⵙ ⵢⵉⵣⴻⵏ ⴰⵍⵉⴽⵜⵕⵓⵏⴰⵏ.

« ⵉⵙⴰⴼⴰⴳⴻⵏ ⵉⵙⴻⵔⴷⴰⵙⵉⵢⴻⵏ ⵏ ⵏⵉⵊⵉⵔⵢⴰ ⵍⴰ ⵜⵜⵄⴰⵙⵙⴰⵏ ⵜⴰⵎⵏⴰⴹⵜ-ⴰ ⴰⴽⴽⴻⵏ ⴰⴷ ⴹⴻⴼⵔⴻⵏ ⵉⵔⴻⴱⵔⴰⴱⴻⵏ ⵢⴻⵔⵏⴰ ⴰⴷ ⴷ-ⵏⴻⵙⵙⴻⵣⴳ ⵜⵉⵢⵉⵜⴰ-ⵏⵏⴻⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴰⵙⵙ ⵏ ⵙⵙⴻⴱⵜ, 7 ⵏ ⵢⵉⵎⴷⴰⵏⴻⵏ ⴰⵢ ⵢⴻⵜⵜⵡⴻⵏⵖⴻⵏ, ⵢⴻⵔⵏⴰ ⵊⴻⵔⵃⴻⵏ 30 ⵏⵉⴹⴻⵏ ⴷⴻⴳ ⵢⵉⵡⴻⵜ ⵏ ⵜⴻⵏⵟⴰⴳⵜ-ⵜⴰⵏⵖⵉⵎⴰⵏⵜ ⴷⴻⴳ ⵜⴻⵖⵙⴻⵔⵜ ⵏ ⵢⵉⵙⴰⴽⴰⵍⴻⵏ ⵏ ⴷⴰⵎⴰⵜⴰⵔⵓ, ⵜⴰⵎⴰⵏⴻⵖⵜ ⵏ ⵓⵡⴰⵏⴰⴽ ⵏ ⵢⵧⴱⴻ, ⵢⴻⵔⵏⴰ 6 ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⵍⴰ ⴷ-ⴹⴻⵔⵔⵓⵏⵜ ⵜⴻⵏⵟⴰⴳⵉⵏ ⵜⵉⵔⴻⴱⵔⴰⴱⵉⵏ ⴷⴻⴳ ⵜⴻⵎⵏⴰⴹⵜ-ⴰ.

ⴷⴻⴳ ⵢⵉⵡⴻⵏ ⵏ ⵓⵍⵖⵓ ⵡⵉⵙ ⵙⵉⵏ, ⵎⴰⵙⵙ ⵧⵍⵓⴽⵧⵍⴰⴷⴻ ⵢⴻⵏⵏⴰ-ⴷ ⴷⴰⴽⴽⴻⵏ ⵓⵔ ⵍⵍⵉⵏ ⴰⵔⴰ ⴰⴽⴽ ⵢⵉⵙⴻⵔⴷⴰⵙⴻⵏ ⴷⴻⴳ ⵜⴻⵎⵏⴰⴹⵜ ⵏ ⵎⴰⵔⵜⴻ ⵜⴰⴳⴰⵔⴰ-ⴰ, ⴰⵛⴽⵓ ⵉⴳⴻⵏ ⴰⵜⴰⵏ ⵍⴰ ⵢⴻⵜⵜⴽⴻⵎⵎⵉⵍ ⵛⵛⵖⴻⵍ-ⵏⵏⴻⵙ ⴷⴻⴳ ⵜⴻⵥⴳⵉ ⵏ ⵙⴰⵎⴱⵉⵙⴰ.

« ⵉⵎⵉⵔ-ⴰ, ⵉⵎⵉ ⴰⵢ ⴷ-ⵏⵏⴰⵏ ⴷⴰⴽⴽⴻⵏ ⵜⴻⵍⵍⴰ (ⴱⵧⴽⵧ ⵀⴰⵔⴰⵎ ⴷⴻⴳ ⵜⴻⵎⵏⴰⴹⵜ-ⵏⵏⵉ), ⵓⵔ ⵢⴻⵜⵜⵄⴻⴹⴹⵉⵍ ⴰⵔⴰ ⴰⴷ ⵢⴻⴼⵔⵓ ⵡⵓⴳⵓⵔ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.