ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵔ ⵜⵜⵄⴻⴹⴹⵉⵍⴻⵏ ⴰⵔⴰ ⴰⴷ ⴷ-ⴼⴼⵖⴻⵏ ⵙⴻⵎⵎⵓⵙ ⵏ ⵢⵉⴷⵍⵉⵙⴻⵏ ⵖⴻⴼ ⵓⵎⴻⵣⵔⵓⵢ ⴷ ⵜⵙⴻⵏⵣⵉⴽⵜ ⵏ ⵇⵙⴻⵏⵟⵉⵏⴰ

ⵜⵉⵙⴻⵎⵙⵉⵍⵜ – ⵙⴻⵎⵎⵓⵙ (5) ⵏ ⵢⵉⴷⵍⵉⵙⴻⵏ ⴰⵔⴰ ⴷ-ⵢⴻⴼⴼⵖⴻⵏ ⵖⴻⴼ ⵓⵎⴻⵣⵔⵓⵢ ⴷ ⵜⵙⴻⵏⵣⵉⴽⵜ ⵏ ⵇⵙⴻⵏⵟⵉⵏⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵜⵙⴻⵎⵙⵉⵍⵜ ⵓⵎⴻⵙⴽⴰⵔ ⴰⴱⴷⴻⵍⴽⴰⴷⴻⵔ ⴷⴻⵀⴷⵧⵓⵀ, ⴷ ⴰⵎⵏⴰⴷⵉ ⴷⴻⴳ ⵜⵙⴻⵏⵣⵉⴽⵜ ⴷⴻⴳ ⵜⴻⵙⴷⴰⵡⵉⵜ ⵏ ⵜⵉⵒⴰⵣⴰ.

ⴰⵙⵙⵓⴼⴼⴻⵖ ⴷ ⵓⵥⵔⴰⴳ ⵏ ⵢⵉⴷⵍⵉⵙⴻⵏ-ⴰ ⴰⴷ ⴷ-ⵢⵉⵍⵉ ⴷⴻⴳ ⵓⴽⴰⵜⴰⵔ ⵏ ⵜⴻⴷⵢⴰⵏⵜ ⵏ « ⵇⵙⴻⵏⵟⵉⵏⴰ, ⵜⴰⵎⴰⵏⴻⵖⵜ ⵏ ⵢⵉⴷⵍⴻⵙ ⴰⵄⵕⴰⴱ 2015 », ⵢⴻⵔⵏⴰ ⵙ ⵓⵇⴱⴰⵍ ⵏ ⵢⵉⵖⵍⵉⴼⴻⵏ ⵏ ⵢⵉⴷⵍⴻⵙ ⴷ ⵜⵖⴰⵡⵙⵉⵡⵉⵏ ⵏ ⴷⴷⵉⵏ ⴷ ⵍⵃⵓⴱⵓⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴷⵓⴽⵜⵓⵔ ⴰ. ⴷⴻⵀⴷⵧⵓⵀ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ ⴷⴻⴳ ⵢⵉⵊⵉⴼⴻⵕ ⵏ ⵡⴰⵙⵙ ⵏ ⵜⴻⵣⵔⴰⵡⵜ ⴰⵢ ⴷ-ⵢⴻⵍⵍⴰⵏ ⵖⴻⴼ ⵜⴳⴻⵎⵎⵉ ⵜⴰⴷⴻⵍⵙⴰⵏⵜ ⵏ ⵡⴰⵔⴻⵙⵏⵉⵙ, ⵢⴻⵔⵏⴰ ⵉⴼⵓⴽ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵜⵙⴻⵎⵙⵉⵍⵜ.

ⴰⴷⵍⵉⵙ ⴰⵎⴻⵣⵡⴰⵔⵓ ⵢⴻⵍⵀⴰ-ⴷ ⵙ ⵓⵎⴻⵣⵔⵓⵢ ⴷ ⵢⵉⴷⴻⴳⴳⴻⵏ ⵉⵙⴻⵏⵣⵉⴽⴻⵏ ⵏ ⵇⵙⴻⵏⵟⵉⵏⴰ ⵙⴻⴳ ⵓⵣⴰⵔⵎⴻⵣⵔⵓⵢ ⵖⴻⵔ ⵜⴰⵍⵍⵉⵜ ⵏ ⵢⵉⵄⴻⵜⵎⴰⵏⵉⵢⴻⵏ.

ⴰⴷⵍⵉⵙ ⵏⵉⴹⴻⵏ, ⵉⵙⴻⵎ-ⵏⵏⴻⵙ « ⴰⵙⵙⴻⵇⵄⴻⴷ ⵏ ⵜⴻⵎⴷⵉⵏⵜ ⵏ ⵇⵙⴻⵏⵟⵉⵏⴰ ⴷⴻⴳ ⵜⴰⵍⵍⵉⵜ ⵜⴰⵄⴻⵜⵎⴰⵏⵉⵜ », ⵓⵔ ⵢⴻⵜⵜⵄⴻⴹⴹⵉⵍ ⴰⵔⴰ ⴰⴷ ⴷ-ⵢⴻⴼⴼⴻⵖ ⵖⴻⵔ ⵢⵉⴷⵉⵙ ⵏ ⵓⴷⵍⵉⵙ ⴱⵓ ⵙⵉⵏ ⵢⵉⵃⵔⵉⵛⴻⵏ ⴰⵔⴰ ⴷ-ⵢⴻⵙⵙⵉⵡⵍⴻⵏ ⵖⴻⴼ ⵢⵉⴷⴻⴳⴳⴻⵏ ⵉⵙⴻⵏⵣⵉⴽⴻⵏ ⵉⵙⵍⴰⵎⵉⵢⴻⵏ ⴷⴻⴳ ⵜⴻⵎⴷⵉⵏⵜ-ⴰ ⴷⴻⴳ ⵜⴰⵍⵍⵉⵜ-ⵏⵏⵉ. ⴰⴷⵍⵉⵙ-ⴰ ⵜⴻⵍⵍⴰ ⴷⴻⴳ-ⵙ ⵜⴻⵣⵔⴰⵡⵜ ⵜⴰⵙⴻⵏⵣⵉⴽⵜ ⵢⴻⵜⵜⵡⴰⴼⴻⵚⵚⵍⴻⵏ ⵏ 15 ⵏ ⵢⵉⴷⴻⴳⴳⴻⵏ, ⴳⴰⵔ-ⴰⵙⴻⵏ ⵜⵉⵎⴻⵙⴳⵉⴷⵉⵡⵉⵏ ⴰⵢ ⵢⴻⵇⵇⵏⴻⵏ ⵖⴻⵔ ⵢⵉⵖⴻⵔⴱⴰⵣⴻⵏ ⵏ ⵙⵉⴷⵉ ⵍⴽⴻⵜⵜⴰⵏⵉ ⴷ ⵙⵉⴷⵉ ⵍⴻⵅⴹⴻⵔ ⴷ ⵍⴻⵇⵚⴻⵔ ⵏ ⵃⵎⴻⴷ ⴱⴰⵢ.

ⴰⴷⵍⵉⵙ ⵏⵉⴹⴻⵏ ⴰⵢ ⵢⴻⵇⵇⵏⴻⵏ ⵖⴻⵔ ⵍⵃⵓⴱⵓⵙ ⵏ ⵇⵙⴻⵏⵟⵉⵏⴰ ⴷ ⵜⴰⵣⵔⴰⵡⵜ ⵜⴰⵎⴻⵣⵔⵓⵢⴰⵏⵜ ⵢⴻⵔⵏⴰ ⴷ ⴰⵏⴰⴷⵉ ⴰⵍⵇⴰⵢⴰⵏ ⵖⴻⴼ ⵓⵙⵙⴻⵇⵄⴻⴷ ⵏ ⵜⴻⵎⴷⵉⵏⵜ ⵏ ⵇⵙⴻⵏⵟⵉⵏⴰ ⵙⴻⴳ ⵍⴻⵇⵔⵓⵏ ⵡⵉⵙ 14 ⵖⴻⵔ ⵡⵉⵙ 17.

ⴰⴷⵍⵉⵙ ⵡⵉⵙ ⵙⴻⵎⵎⵓⵙ ⴷ ⵡⵉⵏ ⴰⵢ ⴷ-ⵢⴻⵍⵀⴰⵏ ⵙ ⵢⵉⵎⴰⵙⵙⴰⵏⴻⵏ ⵏ ⵇⵙⴻⵏⵟⵉⵏⴰ, ⵢⴻⵔⵏⴰ ⵜⵜⵡⴰⴱⴻⴷⵔⴻⵏ-ⴷ ⴷⴻⴳ-ⵙ 200 ⵏ ⵢⵉⵎⴰⵙⵙⴰⵏⴻⵏ ⴷ 100 ⵏ ⵜⵓⴳⵏⵉⵡⵉⵏ (ⵛⵛⴻⵅⵚⴻⵢⵢⴰⵜ) ⵏⵉⴹⴻⵏ ⴰⵢ ⵉⵃⴻⴽⵎⴻⵏ ⵜⴰⵎⴷⵉⵏⵜ-ⴰ ⵙⴻⴳ ⵡⴰⵙⵎⵉ ⴰⵢ ⴷ-ⵢⴻⴽⵛⴻⵎ ⵖⴻⵔ-ⵙ ⵍⵉⵙⵍⴰⵎ.

ⴰⴷⵓⴽⵜⵓⵔ ⴷⴻⵀⴷⵧⵓⵀ ⵢⴻⵏⵏⴰ-ⴷ ⴷⴰⴽⴽⴻⵏ ⵉⴷⵍⵉⵙⴻⵏ-ⴰ ⵉⵎⴰⵢⵏⵓⵜⴻⵏ ⴷ ⵍⵖⴻⵍⵍⴰ ⵏ ⵢⵉⵏⴰⴷⵉⵢⴻⵏ ⴷ ⵜⴻⵣⵔⴰⵡⵉⵏ ⴰⵢ ⵢⴻⴹⴹⴼⴻⵏ ⵓⴳⴰⵔ ⵏ 10 ⵏ ⵢⵉⵙⴻⴳⴳⴰⵙⴻⵏ.