ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵛⴻⵏⵏⴰⵢⵜ ⵜⴰⵚⴱⴻⵏⵢⵓⵍⵉⵜ « ⵍⴰ ⵏⴻⴳⵔⴰ » ⵜⴻⵙⵎⴻⴽⵜⴰ-ⴷ ⵛⵏⴰ ⵏ ⵡⴼⵍⴰⵎⴻⵏⴽⵓ ⴷⴻⴳ ⵍⴻⵣⵣⴰⵢⴻⵔ
ⵍⴻⵣⵣⴰⵢⴻⵔ- ⵜⴰⵛⴻⵏⵏⴰⵢⵜ ⵜⴰⵙⴱⴻⵏⵢⵓⵍⵉⵜ « ⵍⴰ ⵏⴻⴳⵔⴰ » ⵜⴻⵅⴷⵎ-ⴷ ⵍⴰⵄⵛⴰ ⵏ ⵡ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ; ⵢⵉⵡⴻⵏ ⵓⵀⴰⵏⴰⵢ ⵉ ⵉⵊⴻⵎⵄⴰⵏ ⵛⴱⴰⵃⴰ ⵏ ⵛⵏⴰ ⴰⵎⴻⵏⵙⴰⵢ ⵏ ⴼⵍⴰⵎⴻⵏⴽⵓ ⴷ ⵡⴰⵟⴰⵙ ⵏ ⵚⵏⴰⴼ ⵏ ⵉⵥⴰⵡⴰⵏⴻⵏ ⵏ ⴷⴷⵓⵏⵉⵜ. ⴰⵀⴰⵏⴰⵢ-ⴰⴳⵉ ⴷ ⵡⵉⵏ ⵉ ⴷ-ⵉⵊⴻⴱⴷⴻⵏ ⵎⴰⵞⵉ ⴷⵔⵓⵙ ⵏ ⵉⵎⴻⵙⵀⴰⵏⴰⵢⴻⵏ ⵖⴻⵔ ⵜⵣⴻⵇⵇⴰ ⵏ ⵔⵔⴰⴷⵢⵓ ⵏ ⵍⴻⵣⵣⴰⵢⴻⵔ; ⴰⵏⴷⴰ ⵜⴻⵛⵏⴰ ⵜⵏⴰⵥⵓⵔⵜ ⵜⴰⵙⴱⴻⵏⵢⵓⵍⵉⵜ ⴰⵣⴰⵍ ⵏ ⵙⵙⴰⵄⴰ, ⴷⴻⴳ ⵓⵇⴰⵍⴻⴱ ⵏ ⵜⴼⴰⵙⴽⴰ ⵜⴰⴷⴻⵍⵙⴰⵏⵜ ⵜⵓⵔⵓⴱⵉⵜ ⵜⵉⵙ 16 ⵉⴷ- ⵢⴻⵜⵜⵉⵍⵉⵏ ⵓⵙⵙⴰⵏ-ⴰ ⴷⵉ ⵍⴻⵣⵣⴰⵢⴻⵔ ; ⴷⴻⴳ ⵢⵉⵡⴻⵜ ⵏ ⵜⵎⴰⵖⵔⴰ ⵉ ⵉⵊⴻⵎⵍⴻⵏ ⴰⴽⴽ ⵍⴰⵍⵡⴰⵏ ⵏ ⵛⵏⴰ ⴷ ⵡⴰⵏⵢⴰⵜⴻⵏ ⵢⵓⵎⴰⵔⴻⵏ ⴷ ⵡⵉⴷ ⵉⵃⴻⵣⵏⴻⵏ ⵏ ⴷⴷⵓⵏⵉⵜ ⵙⴻⴳ “ⵍⵊⴰⵣⵣ” ⵖⴻⵔ ⵍⴰ ⵒⵧⵒ ⴰⴽⴽ ⴷ ⵔⴻⴳⴳⴰⴻ; ⴷ ⵛⴰⵏ ⵏ ⵉⴳⵉⵟⴰⵏⴻⵏ. ⵙ ⵚⵚⵓⵜ ⵉⴵⴻⵀⴷⴻⵏ ; ⵉⴷ-ⵢⴻⵚⵚⴰⵡⴰⴹⴻⵏ ⵙ ⵛⴱⴰⵃⴰ ⵜⴰⵎⵓⵇⵔⴰⵏⵜ ⵍⵎⵄⴰⵏⵉ ⵏ ⵜⵎⴻⴷⵢⴰⵣⵜ ⵏ ⵜⴻⵣⵍⴰⵜⵉⵏ-ⵉⵙ; ⵜⴻⵙⵙⴰⵡⴻⴹ “ⵍⴰ ⵏⴻⴳⵔⴰ” ⵉ ⵡⴰⴽⴽⴻⵏ ⴰⴷ ⴷ-ⵜⴻⵔⴱⴻⵃ ⵓⵍⴰⵡⴻⵏ ⵏ ⵡⵉⴳⴰⴷ ⵉⵃⴻⴹⵔⴻⵏ ⴷⴻⴳ ⵓⵀⴰⵏⴰⵢ-ⴰ ; ⵉⵎⵉ ⵜⴻⵇⵇⴻⵏ ⴳⴰⵔ ⵣⵉⴽ ⴷ ⵡⴰⵙⵙ-ⴰ ⵙ ⵓⵥⴰⵡⴰⵏ ⵉ ⵢⵊⴻⵎⵄⴻⵏ ⴰⴽⴽ ⵔⵡⴰⵢⴻⵃ ⴷ ⵍⴻⵍⵡⴰⵏ ⵉⵎⵅⴰⵍⵍⴰⴼⴻⵏ. ⵜⴰⵛⴻⵏⵏⴰⵢⵜ ⵜⴻⵔⵔⴰ ⴷⴰⵖ ⵜⴰⵊⵎⵉⵍⵜ ⵉ ⵢⵉⵡⴻⵏ ⵏ ⵓⵎⴻⴷⵢⴰⵣ ⵏ ⵍⴻⴼⵍⴰⵎⴻⵏⴽⵓ, ⴰⵙⴻⴳⴱⴰⵔ ⴷ ⵓⵛⴻⵏⵏⴰⵢ ⴰⵏⵜⵧⵏⵉⵧ ⵎⵧⵍⵉⵏⴰ (1928-1992) , ⵎⵉ ⵉ ⴷ-ⵜⴻⵛⵏⴰ ⴽⵔⴰ ⵏ ⵜⵓⵖⴰⵛ ⵜⵉⴽⵍⴰⵙⵉⴽⵉⵢⵉⵏ-ⵉⵏⴻⵙ, ⴰⵢⴻⵏ ⵉ ⵢⵄⴻⴵⴱⴻⵏ ⵎⵍⵉⵃ ⵉ ⵢⵎⴻⵙⵀⴰⵏⴰⵢⴻⵏ ⵉ ⵢⵃⴻⴹⵔⴻⵏ. ⵜⴰⵏⴰⵥⵓⵔⵜ ⵜⴰⵙⴱⴻⵏⵢⵓⵍⵉⵜ ⵉ ⵓⵎⵉ ⵉⵙⴻⵎ ⵢⴻⵙⵄⴰ ⵍⵎⴰⵄⵏⴰ ⵏ “ⵜⵊⵉⵟⴰⵏⵉⵜ” ⴰⴽⴽⴻⵏ ⵉⵜ ⵉⴷ-ⵜⴻⵙⵙⴻⴼⵀⴻⵎ ⵉ ⵡⵉ ⴰⵢⴳⴰⴷ ⵉ ⵢⵃⴰⴹⵔⴻⵏ ⴰⵀⴰⵏⴰⵢ ⵉⵏⴻⵙ; ⴰⵜⵜⴻⵛⵏⵓ ⴷⴰⵖ ⴷⴻⴳ ⵡⴰⵀⵔⴰⵏ ⴷ ⵜⵍⴻⵎⵛⴻⵏ ⵓⵙⵙⴰⵏ ⵏ 22 ⴷ 23 ⵎⴰⵢⵓ. ⵜⴰⴼⴰⵙⴽⴰ ⵜⴰⴷⴰⵍⵙⴰⵏⵜ ⵜⵓⵔⵓⴱⵉⵜ ⴰⴷ ⵜⴻⴽⴻⵎⵎⵉⵍ ⴰⵍⴰⵎⵎⴰ ⴷ ⴰⵙⵙ ⵏ 25 ⵎⴰⵢⵓ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⴷ 6 ⵏ ⵜⵡⵉⵍⴰⵢⵉⵏ ⵏⵏⵉⴹⴻⵏ.
