ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵍⵖⵓ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⴰⵍⵖⵓ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⴰⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵢⴻⵎⵍⴰⵍ ⴰⵙⵙ ⵏ ⵍⵃⴻⴷⴷ ⴷⴷⴰⵡ ⵜⵙⴻⵍⵡⵉⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⵔⵏⴰ ⵢⴻⵙⵙⵓⴼⴼⴻⵖ-ⴷ ⴰⵍⵖⵓ-ⴰ ⴰⵔⴰ ⴷ-ⵏⵇⴻⴷⴷⴻⵎ ⴷⴰ ⴷ ⵓⵎⵎⵉⴷ:

« ⵎⴰⵙⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵢⴻⵙⵙⴻⵍⵡⵉ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⴰⵙⵙ-ⴰ, ⵍⵃⴻⴷⴷ 24 ⵎⴰⵢⵓ 2015 ⵢⴻⵎⵜⴰⵡⴰⵏ ⴷ 5 ⵛⴻⵄⴱⴰⵏ 1436.

ⴷⴻⴳ ⵜⴻⵣⵡⴰⵔⴰ ⵏ ⵜⴻⵎⵍⵉⵍⵉⵜ-ⵏⵏⵉ, ⵉⵖⴻⴼ ⵏ ⵓⵡⴰⵏⴰⴽ (ⴷⴷⵓⵍⴰ) ⵢⴻⵙⵏⴻⵎⵎⴻⵔ ⵉⵎⴰⵙⵍⴰⴹⴻⵏ ⵏ ⵓⵏⴰⴱⴰⴹ ⴰⵢ ⵉⴼⵓⴽⴻⵏ ⵛⵛⵖⴻⵍ-ⵏⵙⴻⵏ, ⵢⴻⵔⵏⴰ ⵉⵀⴻⵏⵏⴰ ⵉⵏⴻⵖⵍⴰⴼⴻⵏ ⴰⵢ ⵉⵄⴰⵡⴷⴻⵏ ⵜⵜⵡⴰⴼⴻⵔⵏⴻⵏ-ⴷ ⴰⴽⴽⴻⵏ ⴰⴷ ⴽⴻⵎⵎⵍⴻⵏ ⴰⵅⴻⴷⴷⵉⵎ-ⵏⵙⴻⵏ ⴷ ⵡⵉⴷ ⴰⵢ ⴷ-ⵢⴻⵜⵜⵡⴰⵙⴻⵎⵎⴰⵏ ⴷ ⵉⵏⴻⵖⵍⴰⴼⴻⵏ ⵉⵎⴰⵏⵢⵏⵓⵜⴻⵏ.

ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⴳⴻⵔ-ⴷ ⵜⵉⵖⵔⵉ ⵉ ⵓⵏⴰⴱⴰⴹ ⴰⴽⴽⴻⵏ ⴰⴷ ⵢⴻⵅⴷⴻⵎ ⵙ ⵡⴰⴽⴽ ⵜⵉⵣⴻⵎⵎⴰⵔ-ⵏⵏⴻⵙ ⴰⴽⴽⴻⵏ ⴰⴷ ⵢⴻⵙⵙⴻⴼⵄⴻⵍ ⴰⵀⵉⵍ ⵏ ⵙⴻⵎⵎⵓⵙ ⵏ ⵢⵉⵙⴻⴳⴳⴰⵙⴻⵏ ⵏ ⵓⵏⵏⴻⵔⵏⵉ, ⴷⴻⴳ ⵜⴻⴳⵏⵉⵜ ⴷⴻⴳ ⵢⴻⵜⵜⵡⴰⵃⵕⴻⵙ ⵓⵡⴰⵏⴰⴽ ⴷⴻⴳ ⵓⵎⴻⴷⵅⵓⵍ-ⵏⵏⴻⵙ ⵏ ⵜⴻⴷⵔⵉⵎⵜ.

ⴰⵙⴻⵍⵡⴰⵢ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵢⴰ ⴰⴷ ⵢⴻⵃⵡⵉⵊ ⵍⵎⴻⵊⵀⵓⴷ ⴷ ⴰⵎⴻⵇⵔⴰⵏ, ⵓⴳⴰⵔ ⵏ ⵓⵃⵕⴰⵙ ⴷ ⵍⴻⵄⵇⴻⵍ ⴷⴻⴳ ⵓⵙⵙⴻⴷⴷⵓ ⵏ ⵜⴻⵖⴱⵓⵍⴰ ⵜⵉⵏⴰⴳⴷⵓⴷⵉⵏ, ⴰⴹⴼⴰⵔ ⵙ ⵍⵇⴻⵔⴱ ⵏ ⵢⵉⵙⴻⵏⴼⴰⵔⴻⵏ ⴷ ⵢⵉⴽⴰⵔⴰⵎⴻⵏ, ⴰⵙⵙⵉⵡⴻⴹ ⵉⵡⴰⵜⴰⵏ ⵏ ⵢⵉⵙⴰⵍⴰⵏ ⵉ ⵓⵖⵔⴻⴼ ⴷ ⵓⵎⵢⴻⵙⵙⵎⴰⴷ ⵉⴼⴰⵣⴻⵏ ⴳⴰⵔ ⴰⴽⴽ ⵉⵎⴰⵙⵍⴰⴹⴻⵏ ⵏ ⵓⵏⴰⴱⴰⴹ.

ⵎⵉ ⵢⴻⴱⴷⴰ ⴰⵀⵉⵍ-ⵏⵏⴻⵙ ⵏ ⵜⴻⵎⵍⵉⵍⵉⵜ, ⴰⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵢⴻⵙⵙⵓⴽⴽ-ⴷ ⵜⵉⵟ ⵢⴻⵔⵏⴰ ⵢⴻⵙⵄⴻⴷⴷⴰ ⴰⵙⵙⵓⵎⴻⵔ ⵏ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⴰⵔⴰ ⵉⵄⴰⵡⴷⴻⵏ ⵜⴰⵎⵓⵖⵍⵉ ⴷⴻⴳ ⵍⴰⵎⴻⵕ ⵏ 26 ⵛⵜⴻⵎⴱⴻⵕ 1975 ⴰⵢ ⵉⴱⴻⴷⴷⵍⴻⵏ ⵢⴻⵔⵏⴰ ⵜⴻⵙⵙⵎⴻⴷ ⵍⵇⴰⵏⵓⵏ ⵏ ⵜⵏⴻⵣⵣⵓⵜ (ⵜⵜⵊⴰⵕⴰ).

ⴰⵄⴰⵡⴻⴷ-ⴰ ⵏ ⵜⵎⵓⵖⵍⵉ ⵢⴻⵔⵣⴰ ⵉⵃⴻⵣⵣⵉⴱⴻⵏ ⴰⵢ ⵢⴻⵇⵇⵏⴻⵏ ⵖⴻⵔ ⵜⴽⴻⴱⴱⴰⵏⵉⵢⵉⵏ ⵙⵓⵜ ⵜⵎⴰⵙⵉⵜ ⵢⴻⵜⵜⵡⴰⵍⴻⵙⵙⴻⵏ (ⵙⴰⵔⵍ) ⴰⴽⴽⴻⵏ ⴰⴷ ⵙⵙⵉⴼⴻⵙⵙⴻⵏ ⴰⵙⵙⴻⴱⴷⴻⴷ ⵏ ⵜⴽⴻⴱⴱⴰⵏⵉⵢⵉⵏ-ⴰ ⵢⴻⵔⵏⴰ ⴰⴷ ⵃⵓⴷⴷⴻⵏ ⵓⴳⴰⵔ ⵉⵛⵔⵉⴽⴻⵏ, ⴰⵢⴰ ⴰⴽⴽ ⵉ ⵍⵎⴻⵏⴷ ⵏ ⵓⵙⵙⴻⵍⵀⵓ ⵏ ⵜⴻⴳⵏⵉⵜ ⵏ ⵓⵙⵙⴻⴼⵜⵉ ⴷⴻⴳ ⵜⵎⵓⵔⵜ.

ⵉ ⵍⵎⴻⵏⴷ ⵏ ⵡⴰⵢⴰ, ⵛⵛⴻⵔⴹ ⵏ ⵕⴰⵙⴻⵍⵎⴰⵍ ⴰⴷⴷⴰⵢ ⵏ ⵜⴽⴻⴱⴱⴰⵏⵉⵜ ⵎⵎ ⵜⵎⴰⵙⵉⵜ ⵢⴻⵜⵜⵡⴰⵍⴻⵙⵙⴻⵏ ⴷ ⵓⵏⵢⴰ ⵏ ⵜⴻⵙⵍⵓⵍⵍⵉⵜ-ⵏⵏⴻⵙ ⴰⴷ ⵢⴻⵜⵜⵡⴰⵙⵙⵉⴼⵙⴻⵙ. ⵏⵏⵉⴳ ⵡⴰⵢⴰ, ⴰⵙⵙⵓⵎⴻⵔ-ⴰ ⵏ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⴰⴷ ⴷ-ⵜⴰⴷⴻⴼ ⵖⴻⵔ-ⵙ ⵜⴰⴽⵜⵉ ⵏ « ⵓⵜⵜⴻⴽⴽⵉ ⴷⴻⴳ ⵜⴻⵎⴳⵓⵔⵉ » ⴰⴽⴽⴻⵏ ⴰⴷ ⵜⵉⴼⵙⵓⵙ ⵜⵉⵛⵛⵓⵔⴽⴰ ⴳⴰⵔ ⵢⵉⵎⴰⵡⵍⴰⵏ ⵏ ⵕⴰⵙⴻⵍⵎⴰⵍ ⴷ ⵢⵉⵛⵔⵉⴽⴻⵏ ⴰⵢ ⵢⴻⵙⵄⴰⵏ ⵢⴰⴳⵉ ⵜⴰⵎⵓⵙⵙⵏⵉ ⵏⴻⵖ ⵜⵉⴷⵓⵎⵚⵓⴽⵉⵡⵉⵏ. ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵎⴹⴰⵏ ⴰⴼⴻⵍⵍⴰⵢ ⴰⴽⴽ ⵏ ⵢⵉⵛⵔⵉⴽⴻⵏ ⴷⴻⴳ ⵜⴽⴻⴱⴱⴰⵏⵉⵜ ⵎⵎ ⵜⵎⴰⵙⵉⵜ ⵢⴻⵜⵜⵡⴰⵍⴻⵙⵙⴻⵏ ⴰⴷ ⵢⴻⵔⵏⵓ ⵙⴻⴳ 20 ⵖⴻⵔ 50. ⴷⴻⴳ ⵜⴳⴰⵔⴰ, ⵎⴰ ⵢⴻⵍⵍⴰ-ⴷ ⵓⵄⴻⴹⴹⴻⵍ ⵏ ⵏⵏⵉⴳ 6 ⵏ ⵡⴰⵢⵢⵓⵔⴻⵏ ⴷⴻⴳ ⵓⵙⵙⴻⴱⴷⴻⴷ ⵏ ⵜⴽⴻⴱⴱⴰⵏⵉⵜ ⵎⵎ ⵜⵎⴰⵙⵉⵜ ⵢⴻⵜⵜⵡⴰⵍⴻⵙⵙⴻⵏ ⴰⵢ ⵢⴻⵙⵄⴰⵏ ⵍⴻⵄⵇⴻⴷ ⵖⴻⵔ ⵓⵣⴻⵎⵎⴰⵎ, ⵉⵛⵔⵉⴽⴻⵏ ⵣⴻⵎⵔⴻⵏ ⴰⴷ ⴷ-ⵊⴻⴱⴷⴻⵏ ⴰⵜⵜⴻⴽⴽⵉ-ⵏⵙⴻⵏ.

ⵙⴷⴻⴼⴼⵉⵔ ⵏ ⵓⵙⵄⴻⴷⴷⵉ ⵏ ⵓⵙⵙⵓⵎⴻⵔ-ⴰ ⵏ ⵓⵙⴻⵏⴼⴰⵔ-ⴰ ⵏ ⵍⵇⴰⵏⵓⵏ, ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⴳⴻⵔ-ⴷ ⵜⵉⵖⵔⵉ ⵉ ⵓⵏⴰⴱⴰⴹ ⴰⴽⴽⴻⵏ ⴰⴷ ⵉⴽⴻⵎⵎⴻⵍ ⵢⴻⵔⵏⴰ ⴰⴷ ⵢⴻⵙⵙⴻⵄⵊⴻⵍ ⵜⵉⵙⴻⵎⵎⴻⵙⴽⴰⵍ (ⵜⵜⴻⵄⴷⵉⵍⴰⵜ) ⵢⴻⵇⵇⵏⴻⵏ ⵖⴻⵔ ⵍⴻⵇⵡⴰⵏⵉⵏ ⴷ ⵢⵉⵍⵓⴳⴰⵏ ⴷ ⵓⵚⴻⴳⴳⴻⵎ ⵏ ⵜⵜⴰⵡⵉⵍⴰⵜ ⵉ ⵍⵎⴻⵏⴷ ⵏ ⵓⵙⵎⴰⵍ ⵏ ⵓⵙⵙⴻⴼⵜⵉ ⴷ ⵓⵙⵏⵓⵍⴼⵓ ⵏ ⵓⵅⴻⴷⴷⵉⵎ.

ⴰⵙⴻⵍⵡⴰⵢ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ ⵜⴰⴳⵏⵉⵜ ⵏ ⵡⴰⵙⵙ-ⴰ ⵎⴰⵛⵉ ⴷ ⵜⵉⵏ ⵏ ⵢⵉⵎⴻⵏⵖⵉ ⴳⴰⵔ ⵜⴻⵙⵏⴰⴽⵜⵉⵡⵉⵏ, ⵢⴻⵔⵏⴰ ⵓⵍⴰⵛ ⴰⵎⴳⴻⵔⵔⴰⴷ ⴳⴰⵔ ⵕⴰⵙⴻⵍⵎⴰⵍ ⴰⵏⴰⴳⴷⵓⴷ ⴷ ⵕⴰⵙⴻⵍⵎⴰⵍ ⵓⵙⵍⵉⴳ ⴰⵖⴻⵍⵏⴰⵡ.

ⵉⵎⴹⴻⴱⴱⴻⵔ ⴰⵎⴻⵇⵔⴰⵏ ⵏ ⵜⵎⵓⵔⵜ ⵢⴻⵔⵏⴰ-ⴷ ⴷ ⴰⴽⴽⴻⵏ ⴰⵙⵏⴻⵔⵏⵉ ⵏ ⵜⵎⵓⵔⵜ ⴷ ⴰⵢⴻⵏ ⵢⴻⵔⵣⴰⵏ, ⵜⴰⵎⴻⵏⵣⵓⵜ ⵓⵇⴱⴻⵍ ⴽⵓⵍⵛⵉ, ⵉⴷⵣⴰⵢⵔⵉⵢⴻⵏ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴳⴻⵏ ⴰⵢⴰ ⵙ ⵚⵚⴼⴰ ⵢⴻⵔⵏⴰ ⵙ ⵓⵇⴰⴷⴻⵔ ⵏ ⵍⴻⵇⵡⴰⵏⵉⵏ ⵏ ⵍⴻⵖⵔⴰⵎⴰ ⴷ ⵓⵅⴻⴷⴷⵉⵎ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⵎⵄⴰⵀⴰⴷⴻⵏ ⴰⴽⴽ ⴰⴽⴽⴻⵏ ⴰⴷ ⵏⵏⴰⵖⴻⵏ ⵎⴳⴰⵍ ⴰⴽⴽ ⵍⴻⵚⵏⴰⴼ ⵏ ⵓⵙⵙⴻⵔⵡⴻⵍ ⵏ ⵙⵙⴻⵍⵄⴰ.

ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⵜⴻⵃⵡⴰⵊ ⴷⴰⵖ ⴰⵜⵜⴻⴽⴽⵉ ⵏ ⵢⵉⵛⵔⵉⴽⴻⵏ ⵉⴱⴻⵕⵕⴰⵏⵉⵢⴻⵏ ⴰⴽⴽⴻⵏ ⴰⴷ ⵜⴼⴰⵕⴻⵙ ⵙⴻⴳ ⵜⵜⴻⵊⵕⵉⴱⴰⵜ ⴷ ⵜⵎⵓⵙⵙⵏⵉ-ⵏⵙⴻⵏ.

ⴰⵙⴻⵍⵡⴰⵢ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⵉⵄⴰⵡⴻⴷ ⵉⵡⴻⴽⴽⴻⴷ-ⴷ, ⴷⴻⴳ ⵜⴳⴰⵔⴰ, ⴷ ⴰⴽⴽⴻⵏ ⴰⵡⴰⵏⴰⴽ ⴰⴷ ⵉⴽⴻⵎⵎⴻⵍ ⴰⵅⴻⴷⴷⵉⵎ-ⵏⵏⴻⵙ ⵖⴻⴼ ⵓⵎⴳⴻⵔⵔⴰⴷ ⵢⴻⵍⵍⴰⵏ ⴳⴰⵔ ⵜⵎⵉⵡⴰ ⴷ ⵓⵙⵏⴻⵔⵏⵉ ⵏ ⵜⴻⵖⴷⴻⵎⵜ ⵜⴰⵏⵎⴻⵜⵜⵉⵜ ⴷ ⵜⴻⵎⵙⴻⵜⵍⴻⵍⵜ ⵜⴰⵖⴻⵍⵏⴰⵡⵜ.

ⴰⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵢⴻⵙⵙⵓⴽⴽ-ⴷ ⴷⴰⵖ ⵜⵉⵟ ⵢⴻⵔⵏⴰ ⵢⴻⵙⵄⴻⴷⴷⴰ ⴰⵙⵙⵙⵓⵎⴻⵔ ⵏ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵢⴻⵇⵇⵏⴻⵏ ⵖⴻⵔ ⵓⵙⵙⵓⴷⴷⴻⵙ ⵏ ⵚⵚⴻⵏⵄⴰ ⵏ ⵢⵉⵎⵡⴻⴽⴽⴻⵍ-ⵉⵎⵇⴻⵢⵢⴻⵎ.

ⵉⵎⵉ ⵛⵛⵖⴻⵍ-ⴰ ⵢⴻⵙⵄⴰ ⴰⵣⴰⵍ, ⴰⵙⵙⵓⵎⴻⵔ-ⴰ ⵏ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⴰⴷ ⵢⴻⵙⵙⴻⵊⵀⴻⴷ, ⵍⴰⴷⵖⴰ, ⵛⵛⵓⵔⵓⴹ ⵏ ⵓⵇⴱⴰⵍ ⵏ ⵓⵎⴷⴰⵏ ⵖⴻⵔ ⵚⵚⴻⵏⵄⴰ-ⴰ, ⵢⴻⵔⵏⴰ ⴰⴷ ⵢⴻⴽⴽⴻⵙ ⵜⵉⵖⴰⵡⵙⵉⵡⵉⵏ ⵓⵔ ⵢⴻⵎⵚⴰⴷⴰⵏ ⴰⵔⴰ ⴷ ⵚⵚⴻⵏⵄⴰ-ⴰ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵢⴻⵙⵙⴻⴼⵔⵓ ⵉⵍⵓⴳⴰⵏ ⵏ ⵓⵙⵙⴻⴷⴷⵓ ⵢⴻⵚⴼⴰⵏ ⵏ ⵚⵚⴻⵏⵄⴰ-ⴰ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵣⵎⴰⵎⴻⵏ-ⵏⵏⴻⵙ ⴷ ⵍⴻⵃⵙⴰⴱⴰⵜ.

ⴰⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵢⴻⵙⵙⵓⴽⴽ-ⴷ ⴷⴰⵖ ⵜⵉⵟ ⵢⴻⵔⵏⴰ ⵢⴻⵙⵄⴻⴷⴷⴰ 3 ⵏ ⵢⵉⵙⵙⵓⵎⴰⵔ ⵏ ⵢⵉⵙⴻⵏⴼⴰⵔⴻⵏ ⵏ ⵍⵇⴰⵏⵓⵏ ⵢⴻⵇⵇⵏⴻⵏ ⵖⴻⵔ ⵜⵣⴰⵍⵖⵉⵡⵉⵏ (ⵍⵎⴰⴷⴰⵢⴰⵜ) ⵜⵉⵙⴻⵔⴷⴰⵙⵉⵢⵉⵏ.

ⴰⵙⵙⵓⵎⴻⵔ ⴰⵎⴻⵣⵡⴰⵔⵓ ⵏ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵢⴻⵜⵜⴱⴻⴷⴷⵉⵍ ⵢⴻⵔⵏⴰ ⵢⴻⵙⵙⵎⴰⴷ ⵍⵇⴰⵏⵓⵏ ⵏ 11 ⴼⵓⵕⴰⵕ 1986 ⵏ ⵜⵣⴰⵍⵖⵉ ⵜⴰⵙⴻⵔⴷⴰⵙⵉⵜ ⵙ ⵓⴽⴰⴼⵓ ⵡⵉⵙ 3, ⵢⴻⵔⵏⴰ ⵜⴰⵣⴰⵍⵖⵉ-ⴰ ⴰⴷ ⵇⵇⵍⴻⵏ ⴰⴷ ⵜⵜ-ⵜⵜⴰⴽⴼⴻⵏ ⴷⴻⴼⴼⵉⵔ 30 ⵏ ⵢⵉⵙⴻⴳⴳⴰⵙⴻⵏ ⵏ ⵓⵅⴻⴷⴷⵉⵎ ⵙ ⵜⵓⴽⵍⴰⵍⵉⵜ.

ⴰⵙⵙⵓⵎⴻⵔ ⵏ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵡⵉⵙ ⵙⵉⵏ ⴷ ⵡⵉⵏ ⴰⵢ ⴷ-ⵢⴻⵙⵙⵓⵎⵔⴻⵏ ⴰⵙⵏⵓⵍⴼⵓ ⵏ ⵜⵣⴰⵍⵖⵉ ⵏ ⵜⴻⴱⵖⴻⵙⵜ ⵜⴰⵙⴻⵔⴷⴰⵙⵉⵜ ⵉ ⵍⵎⴻⵏⴷ ⵏ ⵜⵔⵉⵔⵉⵜ ⵏ ⵜⴻⵊⵎⵉⵍⵜ ⵉ ⵡⵉⵏ ⴰⵔⴰ ⵉⴳⴻⵏ ⴽⵔⴰ ⵏ ⵛⵛⵖⴻⵍ ⵏ ⵜⴻⴱⵖⴻⵙⵜ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⴻⵏⵖⵉ ⴷ ⵓⵙⵙⵓⴽⴽⴻⵙ ⵏ ⵜⵎⴻⴷⴷⵓⵔⵉⵏ ⵏ ⵢⵉⵎⴷⴰⵏⴻⵏ.

ⴰⵙⵙⵓⵎⴻⵔ ⵏ ⵓⵙⴻⵏⴼⴰⵔ ⵡⵉⵙ 3 ⵢⴻⵙⵙⵓⵎⴻⵔ-ⴷ ⴰⵙⵏⵓⵍⴼⵓ ⵏ ⵜⵣⴰⵍⵖⵉ ⵏ ⵓⵜⵜⴻⴽⴽⵉ ⴷⴻⴳ ⵟⵟⵔⴰⴷⴰⵜ ⵏ ⵓⴳⵎⵓⴹ ⴰⵍⴻⵎⵎⴰⵙ ⵏ 1967 ⴷ 1973. ⵜⴰⵣⴰⵍⵖⵉ-ⴰ ⴰⴷ ⵜⴻⵜⵜⵓⵏⴻⴼⴽ ⵖⴻⴼ ⵍⴻⵃⵙⴰⴱ ⵏ ⵛⵛⵓⵔⵓⴹ ⴰⵔⴰ ⴷ-ⵢⴻⵙⵙⴻⴼⵔⵓ ⵍⵇⴰⵏⵓⵏ-ⴰ ⵉ ⵢⵉⴼⴻⵔⴷⵉⵙⴻⵏ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵏ ⵜⵎⵓⵔⵜ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵙⵉⵏ-ⴰ ⵏ ⵢⵉⵎⴻⵏⵏⵓⵖⴻⵏ, ⴳⴰⵔ-ⴰⵙⴻⵏ ⵓⵍⴰ ⴷ ⵡⵉⴷ ⵢⴻⵡⵡⴹⴻⵏ ⵍⴻⵄⴼⵓ ⵏ ⵕⴻⴱⴱⵉ.

ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⴼⵓⵕⴻⵙ ⵜⴰⴳⵏⵉⵜ-ⴰ ⴰⴽⴽⴻⵏ ⴰⴷ ⵢⴻⵙⵙⵉⵡⴻⴹ ⵕⵕⴻⵃⵎⴰ ⵉ ⵡⵉⴷ ⵢⴻⵎⵎⵓⵜⴻⵏ ⵎⵉ ⵍⵍⴰⵏ ⵜⵜⴳⴻⵏ ⵍⵡⴰⵊⴻⴱ-ⵏⵙⴻⵏ ⴰⵖⴻⵍⵏⴰⵡ, ⴰⵎ ⵡⴰⴽⴽⴻⵏ ⴰⵢ ⵢⴻⵔⵔⴰ ⵜⴰⵊⵎⵉⵍⵜ ⵏ ⵓⵖⵍⴰⵏ ⵜⵉⴽⴽⴻⵍⵜ ⵏⵉⴹⴻⵏ ⵉ ⵢⵉⵅⴻⴷⴷⴰⵎⴻⵏ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ ⴷ ⵜⴼⴻⴽⴽⴰ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵖⴻⴼ ⵓⵄⴰⵀⴻⴷ-ⵏⵙⴻⵏ ⴷ ⵡⴰⵢⴻⵏ ⴰⵢ ⵜⵜⴰⴽⴼⴻⵏ ⴷ ⴰⵙⴼⴻⵍ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⴷ ⵓⵀⴻⵢⵢⵉ-ⵏⵙⴻⵏ ⵢⴻⵣⴳⴰⵏ ⵉ ⵓⵃⵓⴷⴷⵓ ⵏ ⵢⵉⵎⴷⴰⵏⴻⵏ ⴷ ⵡⴰⵢⵍⴰ, ⴷ ⵓⴹⵎⴰⵏ ⵏ ⵜⵓⵎⵎⴷⴰ ⵏ ⵡⴰⴽⴰⵍ ⴰⵖⴻⵍⵏⴰⵡ ⴷⴻⴳ ⵢⵉⵡⴻⵜ ⵏ ⵜⴻⵎⵏⴰⴹⵜ ⵢⴻⵔⵡⵉⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵢⴻⵙⵙⵓⴽⴽ-ⴷ ⵜⵉⵟ ⵢⴻⵔⵏⴰ ⵢⴻⴷⴷⴻⵎ ⵙⵉⵏ ⵏ ⵍⴻⵇⵡⴰⵏⵉⵏ ⵢⴻⵔⵣⴰⵏ ⵜⵉⴷⵓⵥⵓⵏⵉⵏ ⵜⵉⴷⴻⴱⵍⴰⵏⵉⵏ ⴰⵔⴰ ⴷ-ⵢⴻⵏⵏⵓⵍⴼⵓⵏ ⴷⴻⴳ ⵓⵏⵥⵓⵍ ⵏ ⵜⵎⵓⵔⵜ.

ⵙⵉⵏ-ⴰ ⵏ ⵢⵉⴹⵔⵉⵙⴻⵏ ⴰⴷ ⵙⴼⴻⵄⵍⴻⵏ ⵕⵕⴰⵢ ⴰⵢ ⵢⴻⴷⴷⴻⵎ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴻⴳ ⵜⴻⵎⵍⵉⵍⵉⵜ ⵜⴰⵎⴻⵥⵢⴰⵏⵜ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵓⵙⵏⴻⵔⵏⵉ ⵏ ⵜⵡⵉⵍⴰⵢⵉⵏ ⵏ ⵓⵥⵓⵍ ⴷ ⵢⵉⴳⵏⴰⵏ ⵓⵏⵏⵉⴳⴻⵏ.

ⵙ ⵡⴰⵢⴰ, ⵢⴻⴼⴼⴻⵖ-ⴷ ⵍⵇⴰⵏⵓⵏ ⴰⵙⴻⵍⵡⴰⵢⴰⵏ ⴰⵔⴰ ⴷ-ⵢⴻⵙⵏⵓⵍⴼⵓⵏ 10 ⵏ ⵜⴷⵓⵥⵓⵏⵉⵏ ⵜⵉⴷⴻⴱⵍⴰⵏⵉⵏ ⴷⴻⴳ ⵜⵡⵉⵍⴰⵢⵉⵏ ⵏ ⴰⴷⵔⴰⵔ, ⵜⵉⴱⴻⵙⴽⴻⵔⵜ, ⴱⴻⵛⵛⴰⵕ, ⵜⴰⵎⴻⵏⵖⴻⵙⵜ, ⵡⴰⵔⴳⵍⴰ, ⵉⵍⵍⵉⵣⵉ, ⵡⴰⴷ ⵙⵓⴼ ⴷ ⵜⵖⴻⵔⴷⴰⵢⵜ. ⵜⵉⴷⵓⵥⵓⵏⵉⵏ-ⴰ ⵜⵉⴷⴻⴱⵍⴰⵏⵉⵏ ⴰⴷ ⵜⴻⵏⵜ-ⵙⵙⴻⴷⴷⴰⵢⴻⵏ ⵢⵉⵡⴰⵍⵉⵢⴻⵏ ⵉⵏⴻⵙⵎⵉⴳⴰⵍⴻⵏ ⴷⴷⴰⵡ ⵓⴷⴰⴱⵓ ⵏ ⵢⵉⵡⴰⵍⵉⵢⴻⵏ ⵏ ⵜⵡⵉⵍⴰⵢⵉⵏ-ⴰ.

ⵙⴻⴳ ⵜⴰⵎⴰ ⵏⵉⴹⴻⵏ, ⵢⴻⴼⴼⴻⵖ-ⴷ ⵍⵇⴰⵏⵓⵏ ⴰⵙⵍⴻⴽⵎⴰⵏ ⴰⵔⴰ ⵢⴻⴼⴽⴻⵏ ⵉ ⵜⴷⵓⵥⵓⵏⵉⵏ ⵜⵉⴷⴻⴱⵍⴰⵏⵉⵏ ⵜⵜⴰⵡⵉⵍⴰⵜ ⴰⵢ ⵃⵡⴰⵊⴻⵏⵜ ⴰⴽⴽⴻⵏ ⴰⴷ ⴳⴻⵏⵜ ⴰⵅⴻⴷⴷⵉⵎ-ⵏⵙⴻⵏⵜ ⴰⴽⴽⴻⵏ ⵉⵡⴰⵜⴰ, ⵢⴻⵔⵏⴰ ⴰⴷ ⵜⴻⵏⵜ-ⵢⴻⵙⵙⴻⵊⵀⴻⴷ ⵙ ⵓⵙⵙⴻⴱⴷⴻⴷ ⵏ ⵓⵙⴻⵇⵇⴰⵎⵓ ⵏ ⵓⵎⵛⵉⵡⴻⵕ ⴷ ⵓⵙⵙⴻⵎⵢⵓⴷⴷⴻⵙ ⵏ ⵍⴻⵛⵖⴰⵍ ⴷ ⵡⵓⴼⵔⵉⵏⴻⵏ ⵉⴷⵉⴳⴰⵏⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ.

ⵜⵜⴰⵡⵉⵍ-ⴰ ⴰⴷⴻⴱⵍⴰⵏ ⴰⵎⴰⵢⵏⵓ ⴰⴷ ⵢⴻⵜⵜⵡⴰⵙⵙⴻⴼⵄⴻⵍ ⵡⴰⵔ ⵍⴻⵄⴹⵉⵍ ⴷⴻⴳ ⵜⵡⵉⵍⴰⵢⵉⵏ ⵏ ⵓⵏⵥⵓⵍ, ⵢⴻⵔⵏⴰ ⴰⴷ ⵜ-ⵙⵎⴻⵖⵔⴻⵏ ⴷⴻⴳ 2016 ⴰⴽⴽⴻⵏ ⴰⴷ ⵉⵃⴰⵣ ⵜⵉⵡⵉⵍⴰⵢⵉⵏ ⵏ ⵢⵉⴳⵏⴰⵏ ⵓⵏⵏⵉⴳⴻⵏ.

ⵙⴷⴻⴼⴼⵉⵔ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵓⴽⴰⵔⴰⵎ-ⴰ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⵓⵎⴻⵕ ⴰⵏⴰⴱⴰⴹ ⴰⴽⴽⴻⵏ ⴰⴷ ⵢⴻⴼⴽ ⵉ ⵜⴷⵓⵥⵓⵏⵉⵏ ⵜⵉⴷⴻⴱⵍⴰⵏⵉⵏ ⵜⵉⵎⴰⵢⵏⵓⵜⵉⵏ ⴰⴽⴽ ⵉⵅⴻⴷⴷⴰⵎⴻⵏ ⴰⵢ ⵃⵡⴰⵊⴻⵏⵜ ⴰⴽⴽⴻⵏ ⴰⴷ ⴰⵙⴻⵏ-ⵜⴻⵜⵜⵡⴰⴹⵎⴻⵏ ⵜⴻⴳⵏⵉⵜ ⴰⴷ ⴳⴻⵏⵜ ⵍⴻⵛⵖⴰⵍ-ⵏⵙⴻⵏⵜ ⴰⴽⴽⴻⵏ ⵉⵡⴰⵜⴰ.

ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵙⵙⵓⵜⴻⵔ ⴷⴰⵖ ⴰⴷ ⵢⴻⵜⵜⵓⵏⴻⴼⴽ ⵓⵣⴰⵍ ⴷ ⴰⵎⴻⵇⵔⴰⵏ ⵉ ⵓⵙⵏⴻⵔⵏⵉ ⵏ ⵓⵙⵙⴻⴼⵜⵉ ⴷⴻⴳ ⵜⵡⵉⵍⴰⵢⵉⵏ ⵏ ⵓⵏⵥⵓⵍ ⴷ ⵢⵉⴳⵏⴰⵏ ⵓⵏⵏⵉⴳⴻⵏ ⴷⴻⴳ ⵡⴰⴽⵓⴷ ⴷⴻⴳ ⵜⵉⵡⵉⵍⴰⵢⵉⵏ-ⴰ ⵙⴼⴰⵢⴷⵉⵏⵜ-ⴷ ⵢⴰⴳⵉ ⵙⴻⴳ ⵛⵛⵓⵔⵓⴹ ⵏ ⵓⵙⵙⵉⴼⵙⴻⵙ ⵏ ⵓⵙⵙⴻⴼⵜⵉ.

ⵉⵎⴹⴻⴱⴱⴻⵔ ⴰⵎⴻⵇⵔⴰⵏ ⵏ ⵜⵎⵓⵔⵜ ⵢⴻⵔⵏⴰ-ⴷ ⴷ ⴰⴽⴽⴻⵏ ⴰⵙⵙⴻⴼⵜⵉ ⴰⵔⴰ ⵉⴼⴰⵕⵙⴻⵏ ⵛⵛⵓⵔⵓⴹ ⵏ ⵓⵙⵙⵓⴼⵙⵉⵙ ⴷⴻⴳ ⵜⵡⵉⵍⴰⵢⵉⵏ ⵏ ⵓⵏⵥⵓⵍ ⴷ ⵢⵉⴳⵏⴰⵏ ⵓⵏⵏⵉⴳⴻⵏ ⴰⴷ ⵙⵏⴻⵇⵙⴻⵏ ⵍⴻⵅⵚⴰⵚ ⵏ ⵓⵅⴻⴷⴷⵉⵎ ⴷⴻⴳ ⵜⴻⵎⵏⴰⴹⵉⵏ-ⴰ, ⵢⴻⵔⵏⴰ ⴰⵢⴰ ⴰⴷ ⵢⴻⵙⵙⴻⵊⵀⴻⴷ ⴰⵏⴻⵡⵡⴻⵄ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ, ⵢⴻⵔⵏⴰ ⵜⴰⵙⴻⵔⵜⵉⵜ ⵜⴰⵖⴻⵍⵏⴰⵡⵜ ⵏ ⵓⵙⵙⴻⵇⵄⴻⴷ ⵏ ⵡⴰⴽⴰⵍ ⴰⴷ ⵜⵄⴰⵡⴻⵏ ⴰⵙⵙⴻⴼⵄⴻⵍ ⵏ ⵡⴰⵢⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵢⴻⵙⵙⵓⴽⴽ-ⴷ ⵜⵉⵟ ⵢⴻⵔⵏⴰ ⵢⴻⵙⵄⴻⴷⴷⴰ ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⴰⵙⴻⵍⵡⴰⵢⴰⵏ ⴰⵔⴰ ⵢⴻⴼⴽⴻⵏ ⵜⵜⴻⵙⵔⵉⵃ ⵉ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⵜⵄⴰⵡⴻⴷ ⴰⴷ ⴷ-ⵜⴻⴱⵏⵓ ⵜⵉⵖⴱⵓⵍⴰ ⵏ ⵜⵉⴷⴷⵓⴽⵍⴰ ⵜⴰⴳⵔⴰⵖⵍⴰⵏⵜ ⵉ ⵜⵏⴻⴼⵍⵉⵜ.

ⵜⴰ ⴷ ⵢⵉⵡⴻⵜ ⵏ ⵜⵙⵓⴷⵓⵜ ⵏ ⵜⴱⴰⵏⴽⴰ ⵜⴰⵎⴰⴹⵍⴰⵏⵜ ⴷⴻⴳ ⵜⵜⴻⴽⴽⴰⵏⵜ 173 ⵏ ⵜⵎⵓⵔⴰ ⴳⴰⵔ-ⴰⵙⴻⵏⵜ ⵍⴻⵣⵣⴰⵢⴻⵔ ⴰⵔⴰ ⴷ-ⵉⴱⴻⵣⵔⴻⵏ ⵜⵉⴽⴽⴻⵍⵜ-ⴰ 174.625 ⵏ ⵢⵉⴷⵓⵍⴰⵕⴻⵏ (ⵓⵙⴷ) ⴰⴽⴽⴻⵏ ⴰⴷ ⵄⴰⵡⴷⴻⵏ ⴰⴷ ⴷ-ⴱⵏⵓⵏ ⵜⵉⵖⴱⵓⵍⴰ-ⵏⵏⴻⵙ ⵏ ⵜⴻⴷⵔⵉⵎⵜ.

ⴷⴻⴳ ⵓⴽⴻⵎⵎⴻⵍ ⵏ ⵓⵅⴻⴷⴷⵉⵎ-ⵏⵏⴻⵙ, ⴰⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵢⴻⵙⵙⵓⴽⴽ-ⴷ ⵜⵉⵟ ⵢⴻⵔⵏⴰ ⵢⴻⵙⵄⴻⴷⴷⴰ 4 ⵏ ⵢⵉⵙⴻⵏⴼⴰⵔⴻⵏ ⵏ ⵍⴻⵇⵡⴰⵏⵉⵏ ⵉⵙⴻⵍⵡⴰⵢⴰⵏⴻⵏ ⵢⴻⵇⵇⵏⴻⵏ ⵖⴻⵔ ⵍⴻⵄⵇⵓⴷⴰⵜ ⵏ ⵓⵙⵙⴻⵏⵇⴻⴷ ⴷ ⵓⵖⴻⵍⵍⴻⵜ ⵏ ⵢⵉⵙⴻⵔⵖⴰ.

ⵍⵇⴰⵏⵓⵏ ⴰⵎⴻⵣⵡⴰⵔⵓ ⵢⴻⵇⵇⴻⵏ ⵖⴻⵔ ⵓⵇⴱⴰⵍ ⵏ ⵓⴱⴻⴷⴷⴻⵍ ⵡⵉⵙ 3 ⵏ ⵍⴻⵄⵇⴻⴷ ⵏ 16 ⵢⴻⴱⵔⵉⵔ 2000 ⵉ ⵓⵏⴰⴷⵉ ⴷ ⵓⵖⴻⵍⵍⴻⵜ ⵏ ⵢⵉⵙⴻⵔⵖⴰ ⴷⴻⴳ ⵜⴻⵎⵏⴰⴹⵜ ⵏ « Ɣⵓⴷ ⵕⵕⵓⵏⵉ » (ⵉⵃⴷⴻⵔ 401ⵛ), ⴷ ⴰⴱⴻⴷⴷⴻⵍ ⴰⵢ ⵜⴻⵙⵜⴻⵏⵢⴰ ⵙⵧⵏⴰⵜⵔⴰⵛⵀ ⴷ ⵜⴽⴻⴱⴱⴰⵏⵉⵢⵉⵏ ⵏ « ⵀⴻⵙⵙ ⵔⴻⵔ ⵍⵜⴷ », « ⵒⴻⵜⵔⵧⵏⴰⵙ ⵛⴰⴳⵍⵉⴰⵔⵉ ⵧⵠⴻⵔⵙⴻⴰⵙ ⵙⴷⵏ ⴱⵀⴷ » ⴷ « ⵛⴻⵒⵙⴰ ».

ⵍⵇⴰⵏⵓⵏ ⵡⵉⵙ ⵙⵉⵏ ⴰⴷ ⵢⴻⵙⵄⴻⴷⴷⵉ ⴰⴱⴻⴷⴷⴻⵍ ⵡⵉⵙ 3 ⵏ ⵍⴻⵄⵇⴻⴷ ⵏ 10 ⵢⵓⵍⵢⵓ 2002 ⵉ ⵓⵏⴰⴷⵉ ⴷ ⵓⵖⴻⵍⵍⴻⵜ ⵏ ⵢⵉⵙⴻⵔⵖⴰ ⴷⴻⴳ ⵜⴻⵎⵏⴰⴹⵜ ⵏ « ⵜⵉⵎⵉⵎⵓⵏ » (ⵉⵃⴻⴷⵔⴻⵏ 325 ⴷ 329), ⴷ ⴰⴱⴻⴷⴷⴻⵍ ⴰⵢ ⵜⴻⵙⵜⴻⵏⵢⴰ ⵙⵧⵏⴰⵜⵔⴰⵛⵀ ⴷ ⵜⴽⴻⴱⴱⴰⵏⵉⵜ ⵏ « ⵛⴻⵒⵙⴰ ».

ⵍⵇⴰⵏⵓⵏ ⵡⵉⵙ ⴽⵔⴰⴹ (3) ⴰⴷ ⵢⴻⵙⵄⴻⴷⴷⵉ ⴰⴱⴻⴷⴷⴻⵍ ⵡⵉⵙ 6 ⵏ ⵍⵇⴰⵏⵓⵏ ⵏ 25 ⵎⴰⵢⵓ 1992 ⵉ ⵓⵏⴰⴷⵉ ⴷ ⵓⵖⴻⵍⵍⴻⵜ ⵏ ⵢⵉⵙⴻⵔⵖⴰ ⵉⵎⴻⵏⴳⵉⵢⴻⵏ ⴷⴻⴳ ⵜⴻⵎⵏⴰⴹⵜ ⵓⵎⵉ ⵙⴻⵎⵎⴰⵏ Ɣⵓⴷ ⵢⴻⵄⵇⵓⴱ (ⵉⵃⴷⴻⵔ 406ⴰ), ⴷ ⴰⴱⴻⴷⴷⴻⵍ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴳⴰⵔ ⵙⵧⵏⴰⵜⵔⴰⵛⵀ ⴷ ⵜⴽⴻⴱⴱⴰⵏⵉⵜ ⵏ « ⵛⴻⵒⵙⴰ ».

ⵍⵇⴰⵏⵓⵏ ⵡⵉⵙ ⴽⵓⵥ (4) ⴷ ⵍⵇⴰⵏⵓⵏ ⴰⵙⴻⵍⵡⴰⵢⴰⵏ ⴰⵔⴰ ⵢⴻⵙⵄⴻⴷⴷⵉⵏ ⴰⴱⴻⴷⴷⴻⵍ ⴰⵎⴻⵣⵡⴰⵔⵓ ⵏ ⵍⴻⵄⵇⴻⴷ ⵏ 31 ⵎⴻⵖⵔⴻⵙ 2011 ⵉ ⵓⵏⴰⴷⵉ ⴷ ⵓⵖⴻⵍⵍⴻⵜ ⵏ ⵢⵉⵙⴻⵔⵖⴰ ⴷⴻⴳ ⵜⴻⵎⵏⴰⴹⵜ ⵓⵎⵉ ⵙⴻⵎⵎⴰⵏ « Ɣⵓⴷ ⵕⵕⵓⵏⵉ ⵉⵉ » (ⵉⵃⴻⴷⵔⴻⵏ 401ⴰ ⴷ 403ⴼ), ⴷ ⴰⴱⴻⴷⴷⴻⵍ ⴰⵢ ⵙⵜⴻⵏⵢⴰⵏⵜ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵓⵇⴻⵢⵢⴻⵎ ⵏ ⵜⴻⵖⴱⵓⵍⴰ ⵏ ⵢⵉⵙⴻⵔⵖⴰ (ⴰⵍⵏⴰⴼⵜ), ⵙⵧⵏⴰⵜⵔⴰⵛⵀ ⴷ ⵜⴽⴻⴱⴱⴰⵏⵉⵜ ⵏ « ⵛⴻⵒⵙⴰ ».

ⴰⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵢⴻⵙⵎⴻⵃⵙⴻⵙ ⵢⴻⵔⵏⴰ ⵢⴻⵙⵇⴻⵔⴷⴻⵛ ⵖⴻⴼ ⵓⵙⴰⵔⴰⴳ ⴰⵢ ⴷ-ⵉⴳⴰ ⵓⵏⴻⵖⵍⴰⴼ ⵏ ⵜⴻⵥⵡⴻⵔⵜ ⵖⴻⴼ ⵓⵙⵎⴰⵔ ⵏ ⵡⴰⵀⵉⵍ ⴰⵖⴻⵍⵏⴰⵡ ⵏ ⵜⴻⵥⵡⴰⵔ ⴷ-ⵢⴻⵜⵜⴻⵇⵇⴰⵍⴻⵏ, ⴷ ⵓⵙⵏⴻⵔⵏⵉ ⵏ ⵜⵎⴻⵍⵍⵉⵍⵜ ⵏ ⵜⴻⵥⵡⴻⵔⵜ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵎⴰⵔ ⵏ ⵡⴰⵀⵉⵍ ⴰⵖⴻⵍⵏⴰⵡ ⵏ ⵜⴻⵥⵡⴰⵔ ⴷ-ⵢⴻⵜⵜⴻⵇⵇⴰⵍⴻⵏ ⴰⵢ ⵢⴻⵜⵜⵡⴰⴷⴷⵎⴻⵏ ⴷⴻⴳ 2011, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴻⴳ ⵓⵙⴰⵔⴰⴳ-ⵏⵏⴻⵙ ⴷ ⴰⴽⴽⴻⵏ ⵜⴻⵍⵍⴰ-ⴷ ⵜⵉⴷⴷⵉⵜ ⵖⴻⵔ ⵙⴷⴰⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵇⴻⵢⵢⴻⵎ ⵏ ⵜⵣⴻⵎⵎⴰⵔ ⵏ ⵜⵎⵓⵔⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵥⵡⴰⵔ-ⴰ ⴷ ⵓⵙⵙⴻⵏⵇⴻⵙ ⵏ ⵡⴰⵏⴻⵛⵜ ⴰⵔⴰ ⴷ-ⵙⵇⴰⵎⴻⵏⵜ ⵜⴻⵥⵡⴰⵔ ⵏ ⵜⴰⴼⵓⴽⵜ ⴷ ⵜⵉⵏ ⵏ ⵡⴰⴹⵓ.

ⵙ ⵡⴰⵢⴰ, ⵙⴻⴳ-ⴰ ⵖⴻⵔ 2030, ⴰⴷ ⵢⴻⵣⵔⴻⵄ ⵓⴳⴰⵔ ⴷⴻⴳ ⵍⴻⵣⵣⴰⵢⴻⵔ ⵓⵙⵙⴻⵇⴷⴻⵛ ⵏ ⵜⴻⵥⵡⴻⵔⵜ ⵏ ⵜⴰⴼⵓⴽⵜ ⴷ ⵜⵉⵏ ⵏ ⵡⴰⴹⵓ, ⵎⴰ ⵙ ⵍⵎⵓⴷⴷⴰ ⵜⴰⵍⴻⵎⵎⴰⵙⵜ, ⴰⴷ ⵜⴻⵇⵇⴻⵍ ⵜⵎⵓⵔⵜ ⴰⴷ ⴷ-ⵜⵅⴻⴷⴷⴻⵎ ⵜⵔⵉⵙⵉⵜⵉ ⵙ ⵍⵃⴰⵎⵓ ⵏ ⵜⴰⴼⵓⴽⵜ, ⴰⵎ ⵡⴰⴽⴽⴻⵏ ⴰⵔⴰ ⵜⴻⵙⵙⴻⵇⴷⴻⵛ ⴰⵙⴷⵓⴽⴽⴻⵍ ⵏ ⵜⵜⴰⵡⵉⵍⴰⵜ ⵏ ⵜⴻⵥⵡⴻⵔⵜ, ⴰⵙⵙⴻⵇⴷⴻⵛ ⵏ ⵡⴰⵢⴻⵏ ⴷ-ⵢⵓⵙⴰⵏ ⵙⴻⴳ ⵢⵉⵎⴻⵅⵍⵓⵇⴻⵏ ⵉⵎⵓⴷⴷⵉⵔⴻⵏ ⴷⴻⴳ ⵓⵅⵍⴰⵇ ⵏ ⵜⴻⵥⵡⴻⵔⵜ ⴷ ⵓⵙⵙⴻⵇⴷⴻⵛ ⵏ ⵜⴻⵥⵡⴻⵔⵜ ⵏ ⵡⴰⴽⴰⵍ, ⴰⵢⴰ ⴰⴽⴽ ⵉ ⵍⵎⴻⵏⴷ ⵏ ⵓⵇⴰⴱⴻⵍ ⵏ ⵙⵙⵓⵇ ⵏ ⵜⵎⵓⵔⵜ, ⴰⵎ ⵡⴰⴽⴽⴻⵏ ⴰⵔⴰ ⵜⴻⵣⵎⴻⵔⵜ ⵜⵎⵓⵔⵜ ⴰⴷ ⵜⴻⵙⵙⴰⵊⵊⴰⵡ ⵜⴰⵥⵡⴻⵔⵜ-ⴰ ⵖⴻⵔ ⵜⵓⵕⵓⴼⵜ.

ⵙ ⵡⴰⵀⵉⵍ-ⴰ, ⵜⵉⵥⵡⴰⵔ ⴷ-ⵢⴻⵜⵜⴻⵇⵇⴰⵍⴻⵏ ⴰⴷ ⴰⵡⴹⴻⵏⵜ ⴰⴷ ⴷ-ⵜⴻⵜⵜⴰⴽⴼⴻⵏ 37% ⵙⴻⴳ ⵡⴰⵢⴻⵏ ⴰⵢ ⵜⴻⵃⵡⴰⵊ ⵜⵎⵓⵔⵜ ⴷ ⵜⵔⵉⵙⵉⵜⵉ, ⵢⴻⵔⵏⴰ ⴰⴷ ⵜⴻⵙⵙⵉⵡⴻⴹ ⵜⵎⵓⵔⵜ ⴰⴷ ⴷ-ⵜⴻⵙⵙⵉⴳⴻⵔ 300 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ (ⵎ3) ⵏ ⵍⴳⴰⵣ ⴳⴰⵔ 2021 ⴷ 2030, ⴷⵖⴰ ⴷ ⴰⵢⴰ ⴰⵔⴰ ⵢⴻⵊⵊⴻⵏ ⵜⴰⵎⵓⵔⵜ ⴰⴷ ⵜⴻⵏ-ⵜⴻⵙⵙⴻⵏⵣ ⵉ ⵓⵣⵖⴰⵔ ⵢⴻⵔⵏⴰ ⴰⴷ ⴷ-ⵜⴻⵔⴱⴻⵃ ⵓⴳⴰⵔ ⵏ ⵢⵉⴷⵔⵉⵎⴻⵏ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵏⴻⵔⵏⵉ ⵏ ⵜⵎⴻⵍⵍⵉⵍⵜ ⵏ ⵜⴻⵥⵡⴻⵔⵜ, ⴰⵀⵉⵍ-ⴰ ⵢⴻⵙⴱⴻⵢⵢⴻⵏ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵏⵇⴻⵙ ⵓⵙⵙⵓⴷⴻⵔ ⴰⵎⴰⵜⵓ ⵏ ⵜⴻⵥⵡⴻⵔⵜ ⵙⴻⴳ-ⴰ ⵖⴻⵔ 2030 ⵙ 9%, ⵙ ⵡⴰⵢⴰ, ⵜⴰⵎⵓⵔⵜ ⴰⴷ ⵜⴻⵇⵇⴻⵍ ⴰⴷ ⴷ-ⵜⴻⵙⵙⴰⴳⴰⵔ 63 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⵏ ⵓⵒⵉⵜⵕⵓⵍ, ⵢⴻⵔⵏⴰ ⴰⵢⴰ ⴰⴷ ⴷ-ⵢⴻⵙⵙⴻⵔⴱⴻⵃ 42 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ ⵉ ⵍⴻⵣⵣⴰⵢⴻⵔ.

ⴰⵙⵙⴻⴼⵄⴻⵍ ⵏ ⵡⴰⵀⵉⵍ-ⴰ ⴰⴷ ⵢⴻⵔⵥⴻⵎ ⵜⴰⵡⵡⵓⵔⵜ ⵉ ⵓⵄⵣⴰⵍ ⴷ ⵓⵙⵙⴻⵃⵎⵓ ⵏ 100.000 ⵏ ⵜⵏⴻⵣⴷⵓⵖⵉⵏ ⴷⴻⴳ ⵓⵙⴻⴳⴳⴰⵙ, ⴰⵎ ⵡⴰⴽⴽⴻⵏ ⴰⵔⴰ ⵇⵇⵍⴻⵏⵜ ⵓⴳⴰⵔ ⵏ ⵓⵎⴻⵍⵢⵓⵏ ⵏ ⵜⴽⴻⵕⵕⵓⵙⵉⵏ ⴰⴷ ⵜⵜⴻⴷⴷⵓⵏⵜ ⵙ ⵍⴳⴰⵣ ⵏ ⵓⵒⵉⵜⵕⵓⵍ ⵉⵎⴻⵏⴳⵉ ⴷ 20.000 ⵏ ⵍⴽⵉⵕⴰⵏ, ⵢⴻⵔⵏⴰ ⴰⵢⴰ ⴰⴽⴽ ⴰⴷ ⴷ-ⵢⴻⵙⵏⵓⵍⴼⵓ 180.000 ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ.

ⴰⵙⵙⴻⴼⵄⴻⵍ ⵏ ⵙⵉⵏ-ⴰ ⵏ ⵡⴰⵀⵉⵍⴻⵏ ⴷ ⴰⵢⴻⵏ ⴰⵔⴰ ⵢⴻⵙⵙⵉⴼⴻⵙⵙⴻⵏ ⵓⵏⴰⴱⴰⴹ.

ⴰⵙⴻⵍⵡⴰⵢ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⵉⵡⴻⴽⴽⴻⴷ-ⴷ ⴰⴽⴽⴻⵏ ⴰⵀⵉⵍⴻⵏ-ⴰ ⵢⴻⵙⵙⴻⴼⴽ ⴰⴷ ⵜⴻⵏ-ⵢⴻⵙⵙⴻⴼⵄⴻⵍ ⵓⵏⴰⴱⴰⴹ ⵙ ⵓⵄⴻⵡⵡⴻⵍ ⵢⴻⵔⵏⴰ ⵢⴰⵍ ⴰⵙⴻⴳⴳⴰⵙ ⴰⴷ ⴷ-ⵉⵇⴻⴷⴷⴻⵎ ⵜⴰⵛⵔⴰⵡⵜ ⵖⴻⴼ ⵡⴰⵏⴷⴰ ⴰⵢ ⵢⴻⵙⵙⴰⵡⴻⴹ ⴷⴻⴳ ⵓⵅⴻⴷⴷⵉⵎ. ⵉⵎⴹⴻⴱⴱⴻⵔ ⴰⵎⴻⵇⵔⴰⵏ ⵏ ⵜⵎⵓⵔⵜ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵙⵏⴻⵔⵏⵉ ⵏ ⵜⴻⵥⵡⴰⵔ ⴷ-ⵢⴻⵜⵜⴻⵇⵇⴰⵍⴻⵏ ⴷ ⵜⵎⴻⵍⵍⵉⵍⵜ ⵏ ⵜⴻⵥⵡⴻⵔⵜ ⴷ ⴰⵢⴻⵏ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵓⵏⴻⵙⵏⴻⵔⵏⵉ ⴰⴷⴰⵎⵙⴰⵏ ⵏ ⵜⵎⵓⵔⵜ ⴷ ⵓⵙⵙⴻⵍⵀⵓ ⵏ ⵜⴻⴳⵏⵉⵜ ⵏ ⵜⵎⴻⴷⴷⵓⵔⵜ ⵏ ⵢⵉⵎⴻⵣⴷⴰⵖⴻⵏ, ⴰⵎ ⵡⴰⴽⴽⴻⵏ ⴰⵔⴰ ⵢⴻⵊⵊ ⵍⴻⵣⵣⴰⵢⴻⵔ ⴰⴷ ⵜⴻⵜⵜⴻⴽⴽⵉ ⴷⴻⴳ ⵍⵎⴻⵊⵀⵓⴷ ⴰⴳⵔⴰⵖⵍⴰⵏ ⵏ ⵓⵃⵔⴰⵣ ⵏ ⵜⵡⴻⵏⵏⴰⴹⵜ.

ⴰⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵢⴻⵙⵍⴰ ⵢⴻⵔⵏⴰ ⵢⴻⵙⵇⴻⵔⴷⴻⵛ ⵖⴻⴼ ⵓⵙⴰⵔⴰⴳ ⵏ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ (ⵜⵜⴻⵕⴱⴻⵢⵢⴰ) ⴰⵖⴻⵍⵏⴰⵡ ⴰⵢ ⵢⴻⵔⵣⴰⵏ ⴰⵙⵙⴻⵡⴻⴷ ⵏ ⵜⵓⵇⵇⵍⴰ ⴰⵢ ⴷ-ⵢⴻⵜⵜⴻⴷⴷⵓⵏ ⵖⴻⵔ ⵓⵖⴻⵔⴱⴰⵣ.

ⵉ ⵍⵎⴻⵏⴷ ⵏ ⵡⴰⵢⴰ, 8,5 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴱⴰⵍⵎⵓⴷⴻⵏ ⴰⵔⴰ ⵢⴻⵇⵇⵍⴻⵏ ⵖⴻⵔ ⵓⵖⴻⵔⴱⴰⵣ, ⵙ ⵡⴰⵢⴰ, ⴰⵎⴹⴰⵏ-ⴰ ⵢⴻⵔⵏⴰ ⵙ 150.000 ⵏ ⵢⵉⴱⴰⵍⵎⵓⴷⴻⵏ ⵖⴻⴼ ⵍⴻⵃⵙⴰⴱ ⵏ ⵡⴰⵢⴻⵏ ⵢⴻⵍⵍⴰⵏ ⴰⵙⵙ-ⴰ.

Ɣⴻⴼ ⵡⴰⵢⴰ, ⴰⵃⵔⵉⵛ ⵏ ⵓⵙⵙⴻⴳⵎⵉ ⵜⴰⵖⴻⵍⵏⴰⵡⵜ ⵢⴻⵙⵙⴻⴼⴽ ⴰⴷ ⵢⴻⴱⵏⵓ ⵜⵉⴷⵓⵎⵚⵓⴽⵉⵡⵉⵏ ⵜⵉⵎⴰⵢⵏⵓⵜⵉⵏ ⴳⴰⵔ-ⴰⵙⴻⵏⵜ 562 ⵏ ⵢⵉⵖⴻⵔⴱⴰⵣⴻⵏ ⵉⵎⴻⵏⵣⴰ, 231 ⵏ ⵢⵉⵖⴻⵔⴱⴰⵣⴻⵏ ⵉⵍⴻⵎⵎⴰⵙⴻⵏ ⴷ 276 ⵏ ⵜⴻⵙⵏⴰⵡⵉⵢⵉⵏ, ⵏⵏⵉⴳ ⵡⴰⵢⴰ, ⴰⴷ ⵔⵏⵓⵏ ⴰⴷ ⴱⵏⵓⵏ 156 ⵏ ⵜⵏⴻⵛⵛⵉⵢⵉⵏ ⵜⵉⵖⵓⵔⴱⵉⵣⵉⵏ, 108 ⵏ ⵢⵉⵖⴻⵔⴱⴰⵣⴻⵏ ⴷⴻⴳ ⴰⵔⴰ ⵜⵜⴻⵜⵜⴻⵏ ⵢⵉⵏⴻⵍⵎⴰⴷⴻⵏ ⵉⵎⴻⴽⵍⵉ ⴷ 23 ⵏ ⵢⵉⵖⴻⵔⴱⴰⵣⴻⵏ ⴷⴻⴳ ⴰⵔⴰ ⵜⵜⵏⵓⵙⵓⵏ ⵢⵉⵏⴻⵍⵎⴰⴷⴻⵏ. ⵍⴻⴱⵏⵉ ⵏ ⵜⴷⵓⵎⵚⵓⴽⵉⵡⵉⵏ-ⴰ ⴰⴷ ⵜⵜⴻⴽⴽⵉⵏ ⴷⴻⴳ-ⵙ ⴰⵟⴰⵙ ⵏ ⵢⵉⵃⵔⵉⵛⴻⵏ ⵏⵉⴹⴻⵏ ⵍⴰⴷⵖⴰ ⵡⵉⵏ ⵏ ⵍⴻⴱⵏⵉ ⴷ ⵡⵉⵏ ⵏ ⵜⵎⴰⵣⴷⴰⵢⵉⵏ ⵜⵉⴷⵉⴳⴰⵏⵉⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⴷ ⴷ-ⵙⴽⴻⵛⵎⴻⵏ 19.000 ⵏ ⵢⵉⵅⴻⴷⴷⴰⵎⴻⵏ ⵉⵎⴰⵢⵏⵓⵜⴻⵏ ⴷⴻⴳ ⵓⵃⵔⵉⵛ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵢⴻⵔⵏⴰ ⵓⴳⴰⵔ ⵏ 10.000 ⵙⴻⴳ ⵢⵉⵅⴻⴷⴷⴰⵎⴻⵏ-ⴰ ⴰⴷ ⵅⴻⴷⵎⴻⵏ ⴷⴻⴳ ⵓⵏⵔⴰⵔ ⵏ ⵓⵙⵙⴻⴳⵔⴻⵔ ⴰⵙⵏⴻⴳⵎⴰⵏ. ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⴷ ⴷ-ⵙⵙⵉⴷⴼⴻⵏ ⵉⴷⵍⵉⵙⴻⵏ ⵉⵎⴰⵢⵏⵓⵜⴻⵏ ⵏ ⵓⵖⴻⵔⴱⴰⵣ ⴷⴻⴳ ⵡⴰⴽⴽ ⵉⵃⵔⵉⵛⴻⵏ ⵏ ⵓⵙⵙⴻⴳⵎⵉ. ⴷⴻⴳ ⵜⴳⴰⵔⴰ, ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵏⴻⵣⴷⵓⵖⵜ ⵏ ⵢⵉⵅⴻⴷⴷⴰⵎⴻⵏ ⵏ ⵓⵙⵙⴻⴳⵎⵉ, ⴰⴷ ⴽⴻⵎⵎⵍⴻⵏⵜ ⵜⵡⵉⵍⴰⵢⵉⵏ ⵏ ⵓⵏⵥⵓⵍ ⵜⵓⴽⵛⵉ ⵏ ⵜⵏⴻⵣⴷⵓⵖⵉⵏ-ⴰ ⴷⴻⴳ ⵓⵙⴻⴳⴳⴰⵙ ⴰⵖⵓⵔⴱⵉⵣ ⵏ 2015-2016.

ⵎⵉ ⵉⴼⵓⴽ ⵓⵙⴽⴰⵙⵉ ⵖⴻⴼ ⵓⴽⴰⵔⴰⵎ-ⴰ, ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵡⴻⴽⴽⴻⵍ ⴰⵏⴰⴱⴰⴹ ⴰⴽⴽⴻⵏ ⴰⴷ ⴷ-ⵉⵃⴰⵣ ⵜⴰⵊⴻⵍⵍⴰⴱⵜ ⵏ ⵢⵉⴷⵔⵉⵎⴻⵏ ⵏ ⵣⵣⵢⴰⴷⴰ ⵉ ⵓⵚⴻⴳⴳⴻⵎ ⵏ ⵢⵉⵖⴻⵔⴱⴰⵣⴻⵏ ⴰⵢ ⵢⴻⴼⴼⵉⵛⵛⵜⴻⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵖⵜⴻⵙ ⴰⴷ ⵉⴽⴻⵎⵎⴻⵍ ⵓⵅⴻⴷⴷⵉⵎ ⵙ ⵓⵇⴰⴷⴻⵔ ⵏ ⵢⵉⵃⴻⵣⵣⵉⴱⴻⵏ ⵏ ⵜⴻⵎⵙⴻⵜⵍⴻⵍⵜ ⵜⴰⵖⴻⵍⵏⴰⵡⵜ ⴰⵢ ⵢⴻⵜⵜⵡⴰⴷⴷⵎⴻⵏ ⴷⴻⴳ ⵢⵉⵙⴻⴳⴳⴰⵙⴻⵏ ⵢⴻⵣⵔⵉⵏ ⵉ ⵍⴼⴰⵢⴷⴰ ⵏ ⵢⵉⴱⴰⵍⵎⵓⴷⴻⵏ ⵏ ⵜⵡⴰⵛⵓⵍⵉⵏ ⵜⵉⴳⴻⵍⵍⵉⵍⵉⵏ.

ⴰⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵢⴻⵙⵍⴰ ⵢⴻⵔⵏⴰ ⵢⴻⵙⴽⴰⵙⵉ ⵖⴻⴼ ⵓⵙⴰⵔⴰⴳ ⴰⵢ ⴷ-ⵉⴳⴰ ⵓⵏⴻⵖⵍⴰⴼ ⵏ ⵓⵍⵎⵓⴷ ⵉⵎⵉⵏⴻⴳ ⴷ ⵓⵏⴰⴷⵉ ⵓⵙⵙⵏⴰⵏ ⵖⴻⴼ ⵓⵙⵙⴻⵡⵊⴻⴷ ⵏ ⵜⵓⵇⵇⵍⴰ ⵜⴰⵙⴷⴰⵡⴰⵏⵜ ⴰⵢ ⴷ-ⵢⴻⵜⵜⴻⴷⴷⵓⵏ.

ⴷⵖⴰ ⵙ ⵡⴰⵢⴰ, ⵉⴱⴰⵏ-ⴷ ⴷ ⴰⴽⴽⴻⵏ ⴰⵙⴻⴳⴳⴰⵙ ⴰⵙⵏⴻⴳⵎⴰⵏ ⵏ 2015-2016 ⴷ ⵡⵉⵏ ⴷⴻⴳ ⴰⵔⴰ ⴰⴷⴼⴻⵏ ⴰⵎⴻⵍⵢⵓⵏ ⴷ ⵓⵣⴳⴻⵏ ⵏ ⵢⵉⵏⴻⵍⵎⴰⴷⴻⵏ ⵖⴻⵔ ⵜⴻⵙⴷⴰⵡⵉⵜ, ⴷⵖⴰ 200.000 ⵏ ⵢⵉⵏⴻⵍⵎⴰⴷⴻⵏ ⴰⵔⴰ ⴷ-ⵢⴻⵔⵏⵓⵏ ⵖⴻⴼ ⵍⴻⵃⵙⴰⴱ ⵏ ⵓⵙⴻⴳⴳⴰⵙ-ⴰ ⴰⵔⴰ ⵉⴼⴰⴽⴻⵏ.

ⴰⵎⴹⴰⵏ-ⴰ ⴰⵎⴻⵇⵔⴰⵏ ⵏ ⵢⵉⵏⴻⵍⵎⴰⴷⴻⵏ ⴰⴷ ⵢⴰⴷⴻⴼ ⵖⴻⵔ 49 ⵏ ⵜⴻⵙⴷⴰⵡⵉⵢⵉⵏ ⴳⴰⵔ-ⴰⵙⴻⵏⵜ ⵜⵉⴷ ⵏ ⵓⵙⵙⵉⵍⴻⵖ ⵢⴻⵜⵜⴽⴻⵎⵎⵉⵍⴻⵏ, 10 ⵏ ⵡⴰⵎⵎⴰⵙⴻⵏ ⵉⵙⴷⴰⵡⴰⵏⴻⵏ, 20 ⵏ ⵢⵉⵖⴻⵔⴱⴰⵣⴻⵏ ⵉⵖⴻⵍⵏⴰⵡⴻⵏ ⵉⵎⵉⵏⴳⴻⵏ ⴷ 7 ⵏ ⵢⵉⵖⴻⵔⴱⴰⵣⴻⵏ ⵉⵎⵉⵏⴳⴻⵏ, ⴷⵖⴰ ⵙ ⵓⵊⴻⵎⵎⴰⵍ, ⵍⵍⴰⵏ 98 ⵏ ⵢⵉⵖⵙⵓⵔⴻⵏ ⴰⵔⴰ ⵢⴻⵎⵎⴰⴳⵔⴻⵏ ⵉⵏⴻⵍⵎⴰⴷⴻⵏ ⴷⴻⴳ ⵡⴰⴽⴽ ⵜⵉⵡⵉⵍⴰⵢⵉⵏ ⵏ ⵜⵎⵓⵔⵜ. ⴰⵥⴻⴹⴹⴰ-ⴰ ⴰⴷ ⴷ-ⵔⵏⵓⵏ ⵖⴻⵔ-ⵙ 75.000 ⵏ ⵢⵉⵎⵓⴽⴰⵏ ⵉⵙⵏⴻⴳⵎⴰⵏⴻⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⵓⵇⵇⵍⴰ ⵜⴰⵙⴷⴰⵡⴰⵏⵜ ⴰⵢ ⴷ-ⵢⴻⵜⵜⴻⴷⴷⵓⵏ ⴷ ⵜⵉⵏ ⴷⴻⴳ ⴰⵔⴰ ⴷ-ⵜⵜⵡⴰⵀⴻⵢⵢⵉⵏ 50.000 ⵏ ⵡⵓⵙⵓⵜⴻⵏ ⴷⴻⴳ ⵜⵏⴻⵣⴷⵓⵖⵉⵏ ⵏ ⵢⵉⵏⴻⵍⵎⴰⴷⴻⵏ, ⴷⵖⴰ ⴰⴷ ⵜⴻⵙⵄⵓ ⵜⵎⵓⵔⵜ ⵙ ⵓⵊⴻⵎⵎⴰⵍ 680.000 ⵏ ⵡⵓⵙⵓⵜⴻⵏ ⴷⴻⴳ 394 ⵏ ⵜⵏⴻⵣⴷⵓⵖⵉⵏ ⵜⵉⵙⴷⴰⵡⴰⵏⵉⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, 4600 ⵏ ⵢⵉⵙⴻⵍⵎⴰⴷⴻⵏ ⵉⵙⴷⴰⵡⴰⵏⴻⵏ ⴰⵔⴰ ⴷ-ⵙⵙⵉⴷⴼⴻⵏ ⵖⴻⵔ ⵓⵅⴻⴷⴷⵉⵎ ⵉ ⵍⵎⴻⵏⴷ ⵏ ⵓⵙⴻⴳⴳⴰⵙ-ⴰ ⴰⵎⴰⵢⵏⵓ, ⵢⴻⵔⵏⴰ ⴰⴷ ⵔⵏⵓⵏ ⵖⴻⵔ 52.500 ⵏ ⵢⵉⵙⴻⵍⵎⴰⴷⴻⵏ ⴰⵢ ⵢⴻⵍⵍⴰⵏ ⵢⴰⴳⵉ, ⴳⴰⵔ-ⴰⵙⴻⵏ 5.500 ⵏ ⵢⵉⵒⵕⵓⴼⵉⵙⵓⵔⴻⵏ ⴷ ⵡⵓⴳⴰⵔ ⵏ 11.500 ⵏ ⵢⵉⴽⴻⵔⵡⴰⵜⴻⵏ ⵏ ⵢⵉⵙⴰⵔⴰⴳⴻⵏ.

ⵎⵉ ⵉⴼⵓⴽ ⵓⵙⴽⴰⵙⵉ-ⴰ, ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵃⴻⵜⵜⴻⵜ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⵏⴰⴱⴰⴹ ⴰⴷ ⴷ-ⵢⴻⵙⵙⴻⵡⵊⴻⴷ ⵉⵙⴻⵍⵎⴰⴷⴻⵏ ⴰⴽⴽⴻⵏ ⴰⵢ ⴷ-ⵢⴻⵙⵙⴻⵡⵊⴰⴷ ⵜⵉⵙⴷⴰⵡⵉⵢⵉⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵙⴻⵇⵇⴰⵎⵓ ⵏ ⵢⵉⵏⴻⵖⵍⴰⴼⴻⵏ ⵢⴻⵙⵏⴰ ⵢⴻⵔⵏⴰ ⵢⴻⵙⴽⴰⵙⵉ ⵖⴻⴼ ⵓⵙⴰⵔⴰⴳ ⵏ ⵓⵏⴻⵖⵍⴰⴼ ⵏ ⵜⴷⴰⵡⵙⴰ, ⵏ ⵢⵉⵎⴻⵣⴷⴰⵖⴻⵏ ⴷ ⵜⵙⴻⵎⵎⴻⵙⴽⴻⵍⵜ ⵏ ⵢⵉⵙⴱⵉⵟⴰⵔⴻⵏ ⵢⴻⵇⵇⵏⴻⵏ ⵖⴻⵔ ⵓⵖⴰⵡⴰⵙ ⴰⵖⴻⵍⵏⴰⵡ ⵏ ⵢⵉⵎⴻⵏⵖⵉ ⵎⴳⴰⵍ ⵓⴽⴻⵏⵙⵉⵔ.

ⴰⵖⴰⵡⴰⵙ-ⴰ ⴷ ⵉⵎⴹⴻⴱⴱⴻⵔ ⴰⵎⴻⵇⵔⴰⵏ ⵏ ⵜⵎⵓⵔⵜ ⴰⵢ ⵢⵓⵎⵕⴻⵏ ⴰⴷ ⵜ-ⵉⴷ-ⵀⴻⵢⵢⵉⵏ, ⵜⴻⵅⴷⴻⵎ ⴷⴻⴳ ⵓⵀⴻⵢⵢⵉ-ⵏⵏⴻⵙ ⵢⵉⵡⴻⵜ ⵏ ⵜⴻⴳⵔⴰⵡⵜ ⵙⴻⴳ ⵢⵉⵎⵙⵓⵊⵊⵉⵢⴻⵏ (ⵉⵟⴱⵉⴱⴻⵏ) ⵓⵥⵡⵉⵔⴻⵏ ⴰⴽⴽ ⵏ ⵜⵎⵓⵔⵜ, ⵢⴻⵔⵏⴰ ⴼⵓⴽⴻⵏ-ⵜ ⴽⵔⴰ ⵏ ⵡⴰⵢⵢⵓⵔⴻⵏ ⴰⵢⴰ. ⴰⵏⴰⴱⴰⴹ ⵢⴻⵔⵔⴰ ⴰⵖⴰⵡⴰⵙ-ⴰ ⴷ ⵉⵖⴰⵡⴰⵙⴻⵏ ⵏ ⵜⵉⴳⴰⵡⵜ ⵜⴰⴽⵎⴰⵎⵜ ⵢⴻⵔⵏⴰ ⴰⴷ ⵜⵜⵡⴰⵇⴻⵢⵢⵎⴻⵏ ⵙⴻⴳ ⵢⵉⴷⵉⵙ ⵏ ⵜⴻⴷⵔⵉⵎⵜ.

ⴰⵖⴰⵡⴰⵙ ⴰⵖⴻⵍⵏⴰⵡ ⵉ ⵢⵉⵎⴻⵏⵖⵉ ⵎⴳⴰⵍ ⵓⴽⴻⵏⵙⵉⵔ ⴷ ⵡⵉⵏ ⴰⵔⴰ ⴷ-ⵢⴻⵔⵣⵓⵏ ⴰⵙⵙⴻⵍⵀⵓ (ⵉ) ⵏ ⵓⵃⴻⵣⵣⴻⴱ ⵎⴳⴰⵍ ⵜⵖⴰⵡⵙⵉⵡⵉⵏ ⴰⵢ ⴷ-ⵢⴻⵜⵜⴳⴻⵏ ⴰⴹⴹⴰⵏ-ⴰ (ⵉⵉ) ⵜⵉⵣⴻⵎⵎⴰⵔ ⵏ ⵓⴽⵛⴰⴼ ⵏ ⴽⵔⴰ ⵏ ⵢⵉⴽⴻⵏⵙⵉⵢⴻⵏ, (ⵉⵉⵉ) ⵜⵉⵣⴻⵎⵎⴰⵔ ⵏ ⵓⵄⵇⴰⵍ ⵏ ⵡⴰⴹⴹⴰⵏ-ⴰ ⵖⴻⵔ ⵓⵎⴷⴰⵏ.