ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴰⵕⵢⵓⵢ ⵉ ⵡⴻⵎⵜⴰⵡⵉ ⵏ ⵜⴽⴻⴱⴱⴰⵏⵉⵜ ⵓⵙⵉⵡⴻⴹ ⵙ ⵡⴰⴼⴼⵓⴳ ⴰⴽⴽ ⴷ ⵢⵉⵎⴻⵙⵏⵉ ⴷⴻⴳ ⵢⵉⴳⴻⵏⵡⴰⵏ
ⵍⴻⵣⵣⴰⵢⴻⵔ – ⴰⵏⴻⵖⵍⴰⴼ ⵏ ⵓⵎⴻⵙⵏⵉ, ⴱⵧⵓⴷⵊⴻⵎⴰⴰ ⵜⴰⵍⴰⵉ ⵢⴻⴽⵛⴻⴼ-ⴷ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⴰⵟⴰⵙ ⵏ ⵢⵉⵃⴻⵣⵣⵉⴱⴻⵏ ⵉ ⵍⵎⴻⵏⴷ ⵏ ⵓⵙⵙⴻⵍⵀⵓ ⵏ ⵢⵉⵎⴻⵥⵍⴰ (ⵙⵙⵔⴰⴱⴻⵙ) ⵏ ⴰⵉⵔ ⴰⵍⴳⴻⵔⵉⴻ ⴰⴽⴽⴻⵏ ⴰⴷ ⴰⴼⴻⵏ ⴷⴻⴳ-ⵙ ⵢⵉⵎⵙⵉⴽⵍⴻⵏ (ⵉⵎⵚⴰⴼⵔⴻⵏ) ⵉⵎⴰⵏ-ⵏⵙⴻⵏ.
ⴳⴰⵔ ⵢⵉⵃⴻⵣⵣⵉⴱⴻⵏ-ⴰ ⵢⴻⵍⵍⴰ-ⴷ ⵓⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ ⵓⵙⵙⵉⵀⴻⵍ ⵏ ⵡⴰⴼⴼⵓⴳⴻⵏ ⵏ ⴰⵉⵔ ⴰⵍⴳⴻⵔⵉⴻ ⵖⴻⴼ ⵍⴻⵃⵙⴰⴱ ⵏ ⵡⴰⵎⴻⴽ ⴰⵢ ⴷ-ⵜⵜⴻⴳⴳⵜⴻⵏ ⵍⵖⴰⵛⵉ ⴷ ⵜⵜⴰⵡⵉⵍⴰⵜ ⴰⵢ ⵜⴻⵙⵄⴰ ⵜⴽⴻⴱⴱⴰⵏⵉⵜ-ⴰ (ⵉⵙⴰⴼⴰⴳⴻⵏ) ⴰⴽⴽⴻⵏ ⵓⵔ ⴷ-ⵢⴻⵜⵜⵉⵍⵉ ⴰⵔⴰ ⵓⵄⴻⴹⴹⴻⵍ ⴷ ⵓⵙⵙⴻⴱⵟⴻⵍ ⵏ ⵡⴰⴼⴼⵓⴳⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ ⵎⵉ ⴷ-ⵢⴻⵔⵔⴰ ⵖⴻⴼ ⵜⵓⵜⵜⵔⵉⵡⵉⵏ ⵏ ⵢⵉⵎⴰⵙⵍⴰⴹⴻⵏ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ ⴰⵢ ⵢⴻⵇⵇⵏⴻⵏ ⵖⴻⵔ ⵍⵇⴰⵏⵓⵏ ⵏ ⵜⴻⵎⵙⴰⴼⴳⴰ ⵜⴰⵖⴰⵔⵉⵎⵜ.
« ⵙ ⵢⵉⵃⴻⵣⵣⵉⴱⴻⵏ-ⴰ, ⵏⴻⵣⵎⴻⵔ ⴰⴷ ⵏⴻⴼⵔⵓ ⵓⴳⵓⵔ ⵏ ⵓⵄⴻⴹⴹⴻⵍ ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⵢⴰ ⵙ ⵓⵜⵜⴻⴽⴽⵉ ⵏ ⵡⴰⴽⴽ ⵡⵉⴷ ⴰⵢ ⵜⴻⵔⵣⴰ ⵜⴻⵎⵙⴰⵍⵜ, ⵎⴰⵛⵉ ⴰⵍⴰ ⴰⵉⵔ ⴰⵍⴳⴻⵔⵉⴻ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵛⵛⴻⵜⴽⵉ ⵏ ⵢⵉⵎⵙⵉⴽⵍⴻⵏ ⵖⴻⴼ ⵙⵙⵓⵎⴰ ⵖⵍⴰⵢⴻⵏ ⵏ ⵢⵉⵜⵉⴽⵉⵢⴻⵏ, ⵎⴰⵙⵙ ⵜⴰⵍⴰⵉ ⵢⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⵙⵙⵓⵎⴰ ⵏ ⵢⵉⵜⵉⴽⵉⵢⴻⵏ ⵢⴻⵜⵜⵄⴰⵡⴰⵏ-ⵉⵜⵜ ⵓⵡⴰⵏⴰⴽ ⵙ 60%, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⵢⴻⵣⵎⴻⵔ ⵍⵃⴰⵍ ⴰⴷ ⴷ-ⵉⵍⵉⵏ ⵡⴰⴼⴼⵓⴳⴻⵏ ⵙ ⵢⵉⵙⴰⴼⴰⴳⴻⵏ ⵏ ⵍⴻⴽⵔⴰ (ⵛⵀⴰⵔⵜⴻⵔ) ⴷⴻⴳ ⵓⵏⴻⴱⴷⵓ-ⴰ ⵙ ⵙⵙⵓⵎⴰⵜ ⵔⵅⵉⵙⴻⵏ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⴰⵢⴰ ⴷ ⵜⵉⴼⵔⴰⵜ ⵜⵓⵄⴹⵉⵍⵜ ⵙⵉⵎⴰⵍ ⴰⵔⴰ ⴷ-ⵙⴱⴻⴷⴷⴻⵏ ⵜⴰⴽⴻⴱⴱⴰⵏⵉⵜ ⵏ ⵡⴰⴼⴼⵓⴳ ⴰⵔⴰ ⵢⴻⵙⵙⴰⵡⴰⴹⴻⵏ ⵎⴻⴷⴷⴻⵏ ⵙ ⵙⵙⵓⵎⴰⵜ ⵔⵅⵉⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ ⵓⵏⴻⵖⵍⴰⴼ.
