ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵎⴻⵏⵖⵉ ⵎⴳⴰⵍ ⵜⵎⴻⵙ ⵏ ⵜⵥⴻⴳⵡⴰ: ⵢⴻⵙⵙⴻⴼⴽ ⴰⴷ ⵢⴻⵡⵊⴻⴷ ⴽⵓⵍⵍⴻⵛ

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵢⴻⵙⵙⴻⴼⴽ ⴽⵓⵍⵍⴻⵛ ⴰⴷ ⵢⴻⵡⵊⴻⴷ ⵉ ⵓⵙⵙⴻⵖⵙⵉ ⵏ ⵜⵎⴻⵙ ⵏ ⵜⵥⴻⴳⵡⴰ ⵍⴰⴷⵖⴰ ⵉⵎⵉ ⵜⴰⴳⵏⵉⵜ ⵜⴰⵏⵎⴻⵜⵜⵉⵜ-ⵜⴰⴷⴰⵎⵙⴰⵏⵜ ⴷ ⵜⴻⴳⵏⵉⵜ ⵏ ⵓⵏⴻⵣⵡⵓ ⵣⴻⵎⵔⴻⵏⵜ ⴰⴷ ⴹⵓⵔⵔⴻⵏⵜ ⵜⵉⵥⴻⴳⵡⴰ ⵏ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⵢⵉⵎⴹⴻⴱⴱⵔⴻⵏ ⵏ ⵓⵃⵔⵉⵛ ⵏ ⵜⴼⴻⵍⵍⴰⵃⵜ ⴷ ⵜⵥⴻⴳⵡⴰ.

ⵜⵉⵎⵓⵔⴰ ⵏ ⵢⵉⵍⴻⵍ ⴰⴳⵔⴰⴽⴰⵍ, ⵍⴰⴷⵖⴰ, ⴰⴷ ⵜⵉⵖⵣⵉⴼ ⴷⴻⴳ-ⵙⴻⵏⵜ ⵜⴰⵍⵍⵉⵜ ⴰⵢⴷⴻⴳ ⴷ-ⵜⵜⵉⵍⵉ ⵜⵎⴻⵙ ⵏ ⵜⵥⴻⴳⵡⴰ ⵢⴻⵔⵏⴰ ⴰⴷ ⵜⵉⵎⵖⵓⵔ ⴷⴻⴳ-ⵙⴻⵏⵜ ⵜⵊⵓⵎⵎⴰ ⵏ ⵜⵥⴻⴳⵡⴰ ⴰⵢⴷⴻⴳ ⵣⴻⵎⵔⴻⵏ ⴰⴷ ⴰⴹⵏⴻⵏ ⵢⵉⵙⴻⴽⵍⴰ (ⵟⵟⵊⵓⵔ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵔⵓ ⴰⵎⴰⵜⵓ ⵏ ⵓⵖⵍⵉⴼ ⵏ ⵜⴼⴻⵍⵍⴰⵃⵜ ⴷ ⵜⵏⴻⴼⵍⵉⵜ ⵏ ⵜⵎⵓⵔⵜ, ⴼⵧⴷⵉⵍ ⴼⴻⵔⵔⵧⵓⴽⵀⵉ, ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⴳⴰⵔ ⵢⵉⵃⵔⵉⵛⴻⵏ ⵉ ⵢⵉⵎⴻⵏⵖⵉ ⵎⴳⴰⵍ ⵜⵎⴻⵙ ⵏ ⵜⵥⴻⴳⵡⴰ.

ⵙ ⵡⴰⵢⴰ, ⵢⴻⵙⵙⴻⴼⴽ ⴰⴷ ⴰⴽⵉⵏ ⵡⵉⴷ ⵜⴻⵔⵣⴰ ⵜⴻⵎⵙⴰⵍⵜ ⵉ ⵡⴰⵢⴰ ⵢⴻⵔⵏⴰ ⴰⴷ ⴷ-ⵙⵡⴻⵊⴷⴻⵏ ⴷⵉⵎⴰ ⴰⵢⴻⵏ ⵉⵡⴰⵜⴰⵏ ⵍⴰⴷⵖⴰ ⵉⵎⵉ ⵜⵉⵥⴻⴳⵡⴰ ⵏ ⵍⴷⵣⴰⵢⴻⵔ ⵜⵏⴻⴷⴷⴻⵃ ⴰⵟⴰⵙ ⵜⵎⴻⵙ ⴷⴻⴳ-ⵙⴻⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⵙ ⵜⴻⴳⵏⵉⵜ ⵏ ⵓⵏⴻⵣⵡⵓ ⴷⴻⴳ 2012, ⴰⵢⴷⴻⴳ ⴰⵣⴰⵍ ⵏ 100.000 ⵏ ⵢⵉⵇⴻⵟⵟⴰⵔⴻⵏ ⴰⵢ ⵜⵃⵓⵣⴰ ⵜⵎⴻⵙ.

ⵎⴰⵙⵙ ⴼⴻⵔⵔⵧⵓⴽⵀⵉ ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵜⵉⵥⴻⴳⵡⴰ ⵏ ⵍⴷⵣⴰⵢⴻⵔ ⵜⵜⵡⴰⵣⴻⴷⵖⴻⵏⵜ, ⵎⴰⵛⵉ ⴰⵎ ⵜⵥⴻⴳⵡⴰ ⵏ ⵜⵎⵓⵔⴰ ⵏⵉⴹⴻⵏ ⵏ ⵢⵉⵍⴻⵍ ⴰⴳⵔⴰⴽⴰⵍ. ⴷⵖⴰ ⵖⴻⴼ ⵡⴰⵢⴰ ⴰⵢ ⵢⴻⵔⵏⴰ ⵍⵃⴻⵕⵙ ⵖⴻⴼ ⵜⴻⵖⴱⵓⵍⴰ ⵜⵉⴳⴰⵎⴰⵏⵉⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵔⵏⴰ ⵓⵎⵉⵀⵉ ⵏ ⵓⵏⴷⴰⵃ ⵏ ⵜⵎⴻⵙ ⴷⴻⴳ-ⵙⴻⵏⵜ.

ⴷⴻⴳ ⵍⴷⵣⴰⵢⴻⵔ, ⴷⴻⴳ ⵜⵍⴻⵎⵎⴰⵙⵜ, 30.000 ⵏ ⵢⵉⵇⴻⵟⵟⴰⵔⴻⵏ ⵏ ⵟⵣⴻⴳⵡⴰ ⴰⵢ ⵉⵔⴻⵖⵖⴻⵏ ⵢⴰⵍ ⴰⵙⴻⴳⴳⴰⵙ, ⴳⴰⵔ-ⴰⵙⴻⵏ 7000 ⵖⴻⵔ 8000 ⵏ ⵢⵉⵇⴻⵟⵟⴰⵔⴻⵏ ⴰⵢ ⵉⵔⴻⵖⵖⴻⵏ ⵎⵍⵉⵃ, ⵖⴻⴼ ⵍⴻⵃⵙⴰⴱ ⵏ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵥⴻⴳⵡⴰ, ⵎⵧⵀⴰⵎⴻⴷ ⴻⵙⵙⴻⴳⵀⵉⵔ ⵏⵧⵓⴰⵍ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⴱⴻⴷⴷⴻⵍ ⵏ ⵓⵏⴻⵣⵡⵓ ⵢⴻⵔⵏⴰ ⵢⴻⵙⵙⴻⵎⵖⴻⵔ ⵜⴰⵍⵓⴼⵜ-ⴰ ⴷⴻⴳ ⵎⵔⴰⵡ (10) ⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ.

« ⴷⴻⴳ ⵎⵔⴰⵡ ⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ, ⵍⴰ ⴷ-ⵜⵜⵉⵍⵉⵏⵜ 4.000 ⵏ ⵜⵎⴻⵙⵙⵉⵡⵉⵏ ⴷⴻⴳ ⵓⵙⴻⴳⴳⴰⵙ, ⴷⴻⴳ ⵜⵍⴻⵎⵎⴰⵙⵜ, ⵢⵉⵍⵉ ⵓⵇⴱⴻⵍ, 2000 ⵖⴻⵔ 2300 ⵏ ⵜⵎⴻⵙⵙⵉⵡⵉⵏ ⴰⵢ ⵢⴻⵍⵍⴰⵏ ⵜⵜⵉⵍⵉⵏⵜ-ⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴷⴻⴳ 2012, ⵜⴰⵊⵓⵎⵎⴰ ⴰⵢ ⵜⵃⵓⵣⴰ ⵜⵎⴻⵙ ⵇⵔⵉⴱ ⴰⵢ ⵜⴻⵡⵡⵉⴹ ⵖⴻⵔ 100.000 ⵏ ⵢⵉⵇⴻⵟⵟⴰⵔⴻⵏ ⵉⵎⵉ ⴰⵢ ⵜⴻⵏⴷⴻⵃ ⵜⵎⴻⵙ ⴷⴻⴳ ⵡⴰⵣⴰⵍ ⵏ 5000 ⵏ ⵢⵉⵎⵓⴽⴰⵏ, ⵙⴰⴽⴽⵉⵏ ⴷⴻⴳ 2013, ⵔⵖⴰⵏ ⴽⴰⵏ 13000 ⵏ ⵢⵉⵇⴻⵟⵟⴰⵔⴻⵏ, ⵎⴰⵛⴰ ⴰⵙⴻⴳⴳⴰⵙ ⴰⵢ ⴷ-ⵉⴹⴻⴼⵔⴻⵏ, ⵔⵖⴰⵏ 39.000 ⵏ ⵢⵉⵇⴻⵟⵟⴰⵔⴻⵏ.

ⴰⵏⵇⴰⵙ ⴰⵢ ⴷ-ⵢⴻⵍⵍⴰⵏ ⴷⴻⴳ ⵙⵉⵏ ⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ « ⵢⴻⵙⵙⴽⴰⵏⴰⵢ-ⴷ ⴷⴰⴽⴽⴻⵏ ⴰⵅⴻⴷⴷⵉⵎ ⵉ ⵓⵙⵙⴻⵖⵙⵉ ⵏ ⵜⵎⴻⵙ ⵢⴻⵍⵍⴰ-ⴷ ⵙ ⵜⵖⴰⵡⵍⴰ ⵢⴻⵔⵏⴰ ⵢⴻⵙⵙⴰⵡⴻⴹ ⴰⴷ ⵢⴻⵙⵙⴻⵖⵙⵉ ⵜⵉⵎⴻⵙ ⵓⵇⴱⴻⵍ ⵎⴰ ⵜⵉⵎⵖⵓⵔ », ⴷⴻⴳ ⵡⴰⴽⵓⴷ ⴰⵢⴷⴻⴳ ⵜⴰⴳⵏⵉⵜ ⵏ ⵓⵏⴻⵣⵡⵓ ⵓⵔ ⵜⴱⴻⴷⴷⴻⵍ ⴰⵔⴰ ⴰⵟⴰⵙ ⵖⴻⴼ ⵍⴻⵃⵙⴰⴱ ⵏ 2012.

ⵎⴰⵙⵙ ⵏⵧⵓⴰⵍ ⵢⴻⵏⵏⴰ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⴷ ⴰⵎⴷⴰⵏ ⴰⵢ ⵢⴻⵙⵄⴰⵏ ⴰⵣⴰⵍ ⴰⵎⴻⵇⵔⴰⵏ ⴰⴽⴽ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⵎⴻⵙ ⵏ ⵜⵥⴻⴳⵡⴰ ⴰⵎⴰ ⵙⴻⴳ ⵢⵉⴷⵉⵙ ⵏ ⵓⵃⴻⵣⵣⴻⴱ, ⴰⵎⴰ ⵙⴻⴳ ⵡⵉⵏ ⵏ ⵓⵙⵙⴻⵖⵙⵉ.

ⴷⵖⴰ ⵢⴻⵏⵏⴰ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⵜⴰⵙⵓⴷⴷⴻⵙⵜ ⵏ ⵓⵏⴰⴱⴰⴹ ⵜⴻⵜⵜⵡⴰⵙⵙⴻⴼⵄⴻⵍ ⵙ ⵜⵙⴻⵔⵜⵉⵜ ⵏ ⵓⵙⵏⴻⵔⵏⵉ ⵏ ⵜⵎⵓⵔⵜ ⵢⴻⵔⵏⴰ ⴷ ⵜⴰ ⴷ ⵜⴰⵙⴻⵔⵜⵉⵜ ⴰⵢ ⵢⴻⴽⴽⴰⵜⴻⵏ ⴰⴽⴽⴻⵏ ⴰⴷ ⵜⴻⵙⵙⴻⵍⵀⵓ ⵜⴰⵎⴻⴷⴷⵓⵔⵜ ⵏ ⵢⵉⵎⴻⵣⴷⴰⵖⴻⵏ ⵏ ⵜⵎⵓⵔⵜ (ⴱⴻⵕⵕⴰ ⵉ ⵜⴻⵎⴷⵉⵏⵉⵏ) ⴷ ⵓⵎⴻⴷⵅⵓⵍ-ⵏⵙⴻⵏ ⴰⴽⴽⴻⵏ ⴰⴷ ⵜⴻⵏⵇⴻⵙ ⵜⴻⵄⴽⴻⵎⵜ ⵖⴻⴼ ⵜⴻⵖⴱⵓⵍⴰ ⵜⵉⴳⴰⵎⴰⵏⵉⵏ.

ⵜⵉⵎⵏⴰⴹⵉⵏ ⵏ ⵓⴳⴰⵎⴰ ⵣⴻⴷⵖⴻⵏ-ⵜⴻⵏⵜ 40% ⵙⴻⴳ ⵢⵉⴷⵣⴰⵢⵔⵉⵢⴻⵏ ⵢⴻⵔⵏⴰ ⴱⴷⴰⵏ ⵍⴰ ⵜⵜⴻⵇⵇⴰⵍⴻⵏ ⵖⴻⵔ-ⵙⴻⵏⵜ ⵎⴻⴷⴷⴻⵏ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ ⵉⵎⵉ ⴰⵢ ⵜⴻⵍⵀⴰ ⵜⴻⴳⵏⵉⵜ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ).

ⴰⵏⴰⴳⵔⴰⵡ ⵏ ⵢⵉⵎⴻⵏⵖⵉ ⵎⴳⴰⵍ ⵜⵉⵎⴻⵙ ⵏ ⵜⵥⴻⴳⵡⴰ ⵔⵏⴰⵏ ⵙⵖⴻⵣⴼⴻⵏ-ⴰⵙ ⵜⴰⵍⵍⵉⵜ-ⵏⵏⴻⵙ ⵉ ⵓⵙⴻⴳⴳⴰⵙ-ⴰ, ⵢⴻⵔⵏⴰ ⴰⴷ ⴷ-ⵢⴻⴱⴷⵓ ⵙⴻⴳ 1 ⵢⵓⵏⵢⵓ ⴰⵔⵎⴰ ⴷ 30 ⵟⵓⴱⴻⵔ « ⴰⵎ ⵡⴰⴽⴽⴻⵏ ⴰⵢ ⵙⵙⴻⵍⵀⴰⵏ ⵛⵡⵉⵟ ⵜⴰⵎⴻⵍⵍⵉⵍⵜ ⴷ ⵓⴼⵔⴰⵏ ⵏ ⵜⴻⵎⵏⴰⴹⵉⵏ » ⴰⵢⴷⴻⴳ ⴰⵔⴰ ⵢⴻⵔⵙ ⵜⵜⴰⵡⵉⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵏⵧⵓⴰⵍ.

ⴰⵏⴰⴳⵔⴰⵡ-ⴰ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵥⴻⴳⵡⴰ ⵍⵍⴰⵏ ⴷⴻⴳ-ⵙ 400 ⵏ ⵢⵉⵎⵓⴽⴰⵏ ⵏ ⵜⵄⴻⵙⵙⴰⵙⵜ, ⵓⴳⴰⵔ ⵏ 400 ⵏ ⵜⴻⴳⵔⴰⵡⵉⵏ ⵏ ⵜⴳⴻⵔⵎⴰⵏⵜ, ⴰⵣⴰⵍ ⵏ 30.000 ⵏ ⵢⵉⵅⴻⴷⴷⴰⵎⴻⵏ ⵙⴻⴳ ⵢⵉⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ, ⵜⵜⵉⵍⵉⵏ ⴰⵎⴰ ⴷⴻⴳ ⵜⵥⴻⴳⵡⴰ ⵏⴻⵖ ⵜⴰⵎⴰ-ⵏⵙⴻⵏⵜ, ⵢⴻⵔⵏⴰ ⵣⴻⵎⵔⴻⵏ ⴰⴷ ⵜⴻⵏ-ⵙⵇⴻⴷⵛⴻⵏ ⵢⴰⵍ ⵜⵉⴽⴽⴻⵍⵜ ⴰⵢⴷⴻⴳ ⴰⵔⴰ ⵜⴻⵏⴷⴻⵃ ⵜⵎⴻⵙ ⴷ ⵡⵓⴳⴰⵔ ⵏ 2700 ⵏ ⵜⴻⵏⵇⵉⴹⵉⵏ ⵏ ⵡⴰⵎⴰⵏ.

ⴰⵏⴰⴳⵔⴰⵡ-ⴰ ⴰⴷ ⵏⴻⵔⵏⵓ ⵖⴻⵔ-ⵙ ⵡⵉⵏ ⵏ ⵓⵃⵓⴷⴷⵓ ⴰⵖⴰⵔⵉⵎ ⴰⵢⴷⴻⴳ ⵍⵍⴰⵏⵜ 22 ⵏ ⵜⴻⴳⵔⴰⵡⵉⵏ ⵢⴻⵜⵜⴻⴷⴷⵓⵏ ⵖⴻⵔ ⵢⵉⵎⵓⴽⴰⵏ ⵏ ⵜⵎⴻⵙ.

ⵓⵇⴱⴻⵍ ⵎⴰ ⵜⵓⴷⴻⴼ-ⴷ ⴼⵕⴰⵏⵙⴰ ⵖⴻⵔ ⵍⴷⵣⴰⵢⴻⵔ, ⵜⴰⵎⵓⵔⵜ ⵜⴻⵍⵍⴰ ⵜⴻⵙⵄⴰ 5 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵟⵟⴰⵔⴻⵏ ⵏ ⵜⵥⴻⴳⵡⴰ ⵜⵓⵛⴱⵉⵃⵉⵏ, ⵎⴰⵛⴰ ⴰⵙⵎⵉ ⴰⵢ ⵜⴻⵡⵡⵉ ⵜⵎⵓⵔⵜ ⴰⵣⴰⵔⵓⴳ ⴷⴻⴳ 1962, ⴳⴳⵔⴰⵏ-ⴰⵙ-ⴷ ⴽⴰⵏ 3 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵟⵟⴰⵔⴻⵏ. ⴰⵙⵙ-ⴰ, ⵜⴰⵎⵓⵔⵜ ⵜⴻⵙⵄⴰ 4,2 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵟⵟⴰⵔⴻⵏ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⵙ ⵓⵅⴻⴷⴷⵉⵎ ⵏ ⵜⵓⵥⵓⵜ ⵏ ⵢⵉⵙⴻⴽⵍⴰ.

ⵜⵉⵎⴻⵙ ⵏ ⵜⵥⴻⴳⵡⴰ ⵜⴻⵜⵜⵃⴰⵣ ⵢⴰⵍ ⴰⵙⴻⴳⴳⴰⵙ ⵜⴰⵊⵓⵎⵎⴰ ⵏ 350 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵟⵟⴰⵔⴻⵏ ⴷⴻⴳ ⵓⵎⴰⴹⴰⵍ, ⴳⴰⵔ-ⴰⵙⴻⵏⵜ 600.000 ⵏ ⵢⵉⵇⴻⵟⵟⴰⵔⴻⵏ ⴷⴻⴳ ⵓⵙⴻⴳⴳⴰⵙ ⴷⴻⴳ ⵜⵎⵓⵔⴰ ⵏ ⵢⵉⵍⴻⵍ ⴰⴳⵔⴰⴽⴰⵍ.