ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵇⵔⵉⴱ ⴰⴷ ⵉⴼⴰⴽ ⵍⴻⴱⵏⵉ ⵏ ⵍⵎⴻⵔⵚⴰ ⵏ ⵍⵇⴰⵍⴰ ⴰⴽⴽⴻⵏ ⴰⴷ ⴷ-ⵜⴻⵇⵇⴻⵍ ⵚⵚⵢⴰⴷⴰ ⵏ ⵓⵎⴻⵕⵊⴰⵏ

ⵟⵟⴰⵔⴻⴼ – ⵉⵅⴻⴷⴷⵉⵎⴻⵏ ⵏ ⵍⴻⴱⵏⵉ ⵏ ⵓⵙⴰⴳⴻⵏ (ⵍⵎⴻⵔⵚⴰ) ⵏ ⵚⵚⵢⴰⴷⴰ ⵏ ⵍⵇⴰⵍⴰ (ⵟⵟⴰⵔⴻⴼ) ⵇⵔⵉⴱ ⴰⴷ ⴼⴰⴽⴻⵏ , ⵢⴻⵔⵏⴰ « ⵜⵜⵡⴰⵙⵄⴻⵊⵍⴻⵏ » ⴰⴽⴽⴻⵏ ⴰⴷ ⴷ-ⵢⴻⵡⵊⴻⴷ ⵉ ⵜⴰⵍⵍⵉⵜ ⵏ ⵜⵓⵇⵇⵍⴰ ⵖⴻⵔ ⵚⵚⴰⵢⴰ ⵏ ⵓⵎⴻⵕⵊⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵅⴻⴱⴱⵔⴻⵏ ⴰⵙⵙ ⵏ ⵍⴻⵅⵎⵉⵙ ⵢⵉⵎⴻⵥⵍⴰ (ⵙⵙⵔⴰⴱⴻⵙ) ⵏ ⵜⵡⵉⵍⴰⵢⵜ.

ⵉⵅⴻⴷⴷⵉⵎⴻⵏ-ⴰ ⵜⴻⵍⵀⴰ-ⴷ ⵢⴻⵙ-ⵙⴻⵏ ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⵜⴽⴻⴱⴱⴰⵏⵉⵢⵉⵏ ⵏ ⵍⴷⵣⴰⵢⴻⵔ ⴷ ⵟⵟⴰⵍⵢⴰⵏ, ⵢⴻⵔⵏⴰ ⵍⴰ ⵜⵜⴻⴷⴷⵓⵏ ⵙ ⵓⵏⵢⴰ ⵢⴻⵍⵀⴰⵏ, « ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵢⵉⵡⴻⵜ ⵏ ⵜⵙⴻⵇⵇⴰⵎⵓⵜ ⵜⴰⴳⵔⴰⵖⵍⵉⴼⵜ ⴰⵢ ⵢⴻⵙⵏⴻⵇⴷⴻⵏ ⴰⵎⴽⴰⵏ-ⵏⵏⵉ ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⴼⵄⴻⵍ ⵏ ⵍⴻⵡⵚⴰⵢⴰⵜ ⵏ ⵓⵏⴻⵖⵍⴰⴼ ⴰⵎⴻⵏⵣⵓ ⵢⴻⵔⵣⴰⵏ ⴰⵙⵙⴻⵎⵍⵉⵍⵉ ⵏ ⵜⴻⴳⵏⴰⵜⵉⵏ ⵢⴻⵙⵙⴻⴼⴽⴻⵏ ⵉ ⵜⵓⵇⵇⵍⴰ ⵖⴻⵔ ⵚⵚⵢⴰⴷⴰ ⵏ ⵓⵎⴻⵕⵊⴰⵏ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⵡⵊⴻⴷ ⵏ ⵢⵉⵙⵓⴳⴰⵏ (ⵍⵎⴻⵔⵚⴰⵜ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⵜⴻⵖⴱⴰⵍⵓⵜ-ⴰ.

ⴷⴻⴳ ⵜⴻⵔⵣⵉ-ⴰ ⵏ ⵓⵙⵙⴻⴼⵇⴻⴷ, ⵃⴻⵜⵜⴻⵜⴻⵏ-ⴷ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵡⵉⵍⴰⵢⵜ, ⵖⴻⴼ ⵓⴼⴰⴽⵉ, ⴷⴻⴳ ⵜⴰⵣⵡⴰⵔⴰ, ⵏ ⵜⵖⴰⵡⵙⵉⵡⵉⵏ « ⵢⴻⵙⵙⴻⴼⴽⴻⵏ » ⵉ ⵓⵔⵥⴰⵎ ⵓⵄⴹⵉⵍ ⵏ ⵓⵙⴰⴳⴻⵏ-ⴰ, ⴰⵎ ⵓⵙⵙⴻⴼⵔⴻⴳ-ⵏⵏⴻⵙ, ⵜⴰⴼⴰⵜ ⴷ ⵜⵓⵇⵇⵏⴰ-ⵏⵏⴻⵙ ⵖⴻⵔ ⵓⵥⴻⴹⴹⴰ ⵏ ⵡⴰⵎⴰⵏ ⵏ ⵜⵉⵙⵙⵉⵜ.

ⵉⵅⴻⴷⴷⵉⵎⴻⵏ-ⴰ ⴰⴷ ⴷ-ⵡⴻⵊⴷⴻⵏ « ⵓⵇⴱⴻⵍ ⵜⴳⴰⵔⴰ ⵏ ⵢⵓⵏⵢⵓ ⵏ 2015 », ⴰⵎ ⵡⴰⴽⴽⴻⵏ ⴰⵔⴰ ⴷ-ⵙⵡⴻⵊⴷⴻⵏ ⵜⵉⵏⴻⴳⵎⴻⵔⵜ ⴷ ⵍⵍⵓⵣⵉⵏ ⵏ ⵓⴳⵔⵉⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵙⴰⴳⴻⵏ-ⴰ ⴰⴷ ⵢⴻⵙⵄⵓ ⵜⴰⵎⴷⴰ ⵏ 5,3 ⵏ ⵢⵉⵇⴻⵟⵟⴰⵔⴻⵏ, ⴷ ⵡⴰⴽⴰⵍ ⵏ 6,3 ⵏ ⵢⵉⵇⴻⵟⵟⴰⵔⴻⵏ. ⵉⵅⴻⴷⴷⵉⵎⴻⵏ-ⵏⵏⴻⵙ ⵡⴻⵊⴷⴻⵏ-ⴷ ⵙ 95%.

ⴰⵙⴰⴳⴻⵏ-ⴰ ⴰⴷ ⵢⴻⵣⵎⴻⵔ ⴰⴷ ⵢⴰⵡⵉ 142 ⵏ ⵢⵉⵖⴻⵔⵔⵓⴱⴰ ⵏ ⵚⵚⵢⴰⴷⴰ ⵢⴻⵔⵏⴰ ⴳⴰⵏ-ⵜ-ⵉⴷ ⵉ ⵍⵎⴻⵏⴷ ⵏ ⵓⵙⵙⴻⵊⵀⴻⴷ ⵏ ⵚⵚⵢⴰⴷⴰ ⵏ ⵢⵉⵙⴻⵍⵎⴰⵏ ⴷⴻⴳ ⵜⵡⵉⵍⴰⵢⵜ-ⴰ ⴰⵢ ⵢⴻⵜⵜⵡⴰⵙⵙⵏⴻⵏ ⵙ ⵢⵉⵔⵚⵉⴼⴻⵏ-ⵏⵏⴻⵙ ⵏ ⵓⵎⴻⵕⵊⴰⵏ ⴷ ⵜⵓⴳⴳⵜⴰ ⵏ ⵢⵉⵙⴻⵍⵎⴰⵏ ⴷⴻⴳ-ⵙ. ⴰⵣⴰⵍ ⵏ 7000 ⵏ ⵢⵉⵎⴷⴰⵏⴻⵏ ⴰⵔⴰ ⵢⴰⴼⴻⵏ ⴰⵅⴻⴷⴷⵉⵎ ⴷⴻⴳ ⵓⵙⴰⴳⴻⵏ ⵏ ⵍⵇⴰⵍⴰ.