ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉⴳⴻⵔ-ⴷ ⵜⵉⵖⵔⵉ ⵉ ⵓⵃⴱⴰⵙ ⵓⵄⴹⵉⵍ ⵏ ⵢⵉⵎⴻⵏⵖⵉ ⵉ ⵓⵄⴰⵡⴻⵏ ⵏ ⵎⴻⴷⴷⴻⵏ ⴷⴻⴳ ⵢⴰⵎⴰⵏ

ⵏⴻⵡ ⵢⵧⵔⵍ (ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) – ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵔⵏⴰ-ⴷ ⵜⴰⵖⴻⵛⵜ-ⵏⵏⴻⵙ ⵖⴻⵔ ⵜⴻⵖⵔⵉ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴱⴰⵏ ⴽⵉ-ⵎⵧⵧⵏ, ⵉ ⵍⵎⴻⵏⴷ ⵏ ⵓⵃⴱⴰⵙ ⵏ ⵢⵉⵎⴻⵏⵖⵉ ⵉ ⵓⵄⴰⵡⴻⵏ ⵏ ⵡⵉⴷ ⵢⴻⵏⴹⴻⵔⵔⴻⵏ ⴷⴻⴳ ⵢⴰⵎⴰⵏ.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢ ⴷ-ⵢⴻⴼⴼⵖⴻⵏ ⴰⵙⵙ ⵏ ⵜⵜⵍⴰⵜⴰ ⵜⴰⵎⴻⴷⴷⵉⵜ, 15 ⵏ ⵜⵎⵓⵔⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⴳⵔⴻⵏ-ⴷ ⵜⵉⵖⵔⵉ ⵉ « ⵡⴰⴽⴽ ⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴷ ⵙⵙⵉⴼⴻⵙⵙⴻⵏ ⴰⴼⵔⴰⵇ ⵏ ⵍⴻⵎⵄⴰⵡⵏⴰ ⴰⵢ ⵢⴻⵙⵙⴻⴼⴽⴻⵏ ⴰⴷ ⴷ-ⵢⵉⵍⵉ ⵙ ⵜⵖⴰⵡⵍⴰ, ⴷⴻⴳ ⵍⴰⵎⴰⵏ ⵢⴻⵔⵏⴰ ⵡⴰⵔ ⵓⴳⵓⵔⴻⵏ ⵙ ⵓⵙⵙⵉⴼⵙⴻⵙ ⵉ ⵡⵉⴷ ⵢⴻⵜⵜⵄⴰⵡⴰⵏⴻⵏ ⴰⴽⴽⴻⵏ ⴰⴷ ⴰⵡⴹⴻⵏ ⵖⴻⵔ ⵡⵉⴷ ⵢⴻⵃⵡⴰⵊⴻⵏ ⵍⴻⵎⵄⴰⵡⵏⴰ-ⴰ, ⵍⴰⴷⵖⴰ ⵡⵉⴷ ⵢⴻⵃⵡⴰⵊⴻⵏ ⴰⴷⴰⵡⵉ ».

ⴷⴻⴳ ⵜⵍⴻⵎⵎⴰⵙⵜ ⵏ ⵎⴰⵢⵓ, ⵢⴻⵍⵍⴰ-ⴷ ⵓⵃⴱⴰⵙ ⵓⵄⴹⵉⵍ ⵏ ⵢⵉⵎⴻⵏⵖⵉ ⵉ ⵜⴰⵍⵍⵉⵜ ⵏ 5 ⵏ ⵡⵓⵙⵙⴰⵏ ⴰⴽⴽⴻⵏ ⴰⴷ ⵣⴻⵎⵔⴻⵏⵜ ⵜⵏⴻⴳⴳⵉⵡⵉⵏ ⵏ ⵓⵄⴰⵡⴻⵏ ⴰⴷ ⴼⴻⵔⵇⴻⵏⵜ ⵍⴻⵎⵄⴰⵡⵏⴰ.

ⵢⴰⵎⴰⵏ ⵢⴻⵏⴽⴻⵔ ⴷⴻⴳ-ⵙ ⵢⵉⵎⴻⵏⵖⵉ ⵙⴻⴳ ⵡⴰⵙⵎⵉ ⴰⵢ ⴷ-ⴽⴻⵛⵎⴻⵏ ⵢⵉⵖⴻⵡⵡⴰⵖⴻⵏ ⵉⵃⵓⵜⵉⵢⴻⵏ ⵖⴻⵔ ⵜⵎⴰⵏⴻⵖⵜ ⵏ ⵚⴻⵏⵄⴰ ⴷⴻⴳ ⵛⵜⴻⵎⴱⴻⵕ ⵢⴻⵔⵏⴰ ⵓⵥⴰⵏ-ⴷ ⵖⴻⵔ ⵜⴻⵎⴷⵉⵏⵜ ⵏ ⵄⴰⴷⴻⵏ, ⴷⴻⴳ ⵓⵏⵥⵓⵍ, ⴷⵖⴰ ⴷ ⴰⵢⴰ ⴰⵢ ⵉⵃⴻⵜⵜⵎⴻⵏ ⴰⵙⴻⵍⵡⴰⵢ ⴰⴱⴷ ⵔⴰⴱⴱⵧ ⵎⴰⵏⵙⵧⵓⵔ ⵀⴰⴷⵉ ⴰⴷ ⵢⴻⵔⵡⴻⵍ ⵖⴻⵔ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ.

ⵜⴰⵎⵙⵉⵙⵉⵜ ⵜⴰⵄⵕⴰⴱⵜ ⵢⴻⵍⵍⴰⵏ ⴷⴷⴰⵡ ⵕⵕⴰⵢ ⵏ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ, ⵍⴰ ⵜⴻⴽⴽⴰⵜ ⵜⴰⵎⵓⵔⵜ ⵏ ⵢⴰⵎⴰⵏ ⵙ ⵍⴱⵓⵎⴱⴰⵜ ⵙⴻⴳ 26 ⵎⴻⵖⵔⴻⵙ ⵢⴻⵣⵔⵉⵏ, ⴰⴽⴽⴻⵏ ⴰⴷ ⵜⴻⵥⵥⴻⵄ ⵉⵖⴻⵡⵡⴰⵖⴻⵏ ⵉⵃⵓⵜⵉⵢⴻⵏ, ⵢⴻⵔⵏⴰ ⵜⵉⵢⵜⵉⵡⵉⵏ-ⴰ ⴳⵍⴰⵏⵜ ⵙ ⵡⵓⴳⴰⵔ ⵏ 2000 ⵏ ⵜⵎⴻⴷⴷⵓⵔⵉⵏ ⵖⴻⴼ ⵍⴻⵃⵙⴰⴱ ⵏ ⴽⵔⴰ ⵏ ⵢⵉⴷⵉⵙⴰⵏ.