ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙ ⵏ ⵜⴻⵣⵔⴰⵡⵜ ⵖⴻⴼ ⵓⵃⴻⵣⵣⴻⴱ ⵖⴻⴼ ⵜⵡⵓⵖⴰ ⴰⵢ ⵉⵣⴻⵎⵔⴻⵏ ⴰⴷ ⴷ-ⴹⵔⵓⵏⵜ ⴷⴻⴳ ⵓⵅⴻⴷⴷⵉⵎ ⴷⴻⴳ ⵜⵉⵏⴷⵓⴼ

ⵜⵉⵏⴷⵓⴼ – ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵡⴰⵙⵙ ⵏ ⵜⴻⵣⵔⴰⵡⵜ ⵖⴻⴼ ⵓⵃⴻⵣⵣⴻⴱ ⵖⴻⴼ ⵜⵡⵓⵖⴰ ⴰⵢ ⵉⵣⴻⵎⵔⴻⵏ ⴰⴷ ⴷ-ⴹⵔⵓⵏⵜ ⴷⴻⴳ ⵓⵅⴻⴷⴷⵉⵎ, ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵜⵉⵏⴷⵓⴼ, ⵃⴻⵜⵜⴻⵜⴻⵏ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵜⵜⵓⵏⴻⴼⴽ ⵡⵓⴳⴰⵔ ⵏ ⵡⴰⵣⴰⵍ ⵉ ⵜⵖⴻⵍⵍⵉⵙⵜ (ⵍⴰⵎⴰⵏ) ⵏ ⵢⵉⵅⴻⴷⴷⴰⵎⴻⵏ ⵢⴻⵔⵏⴰ ⴰⴷ ⴷ-ⵢⵉⵍⵉ ⵡⵓⴳⴰⵔ ⵏ ⵓⵃⴻⵣⵣⴻⴱ ⵖⴻⴼ ⵢⵉⵎⵉⵀⵉⵜⴻⵏ ⴰⵢ ⵉⵣⴻⵎⵔⴻⵏ ⴰⴷ ⵃⴰⵣⴻⵏ ⴰⵅⴻⴷⴷⴰⵎ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵡⴰⵢⴰ ⵙ ⵓⵙⵙⴻⴼⵄⴻⵍ ⵏ ⵢⵉⵍⵓⴳⴰⵏ ⴷ ⵍⴻⵇⵡⴰⵏⵉⵏ ⴷ ⵓⵙⵙⴻⵡⵊⴻⴷ ⵏ ⵜⵜⴰⵡⵉⵍⴰⵜ ⵏ ⵓⵃⵓⴷⴷⵓ.

ⵉⵎⵜⵜⴻⴽⴽⵉⵢⴻⵏ ⵍⵍⴰⵏ ⴳⴰⵔ-ⴰⵙⴻⵏ ⵢⴻⵎⴹⴻⴱⴱⵔⴻⵏ ⴷ ⵢⵉⴳⴻⵏⵙⴰⵙⴻⵏ ⵏ ⵜⴽⴻⴱⴱⴰⵏⵉⵢⵉⵏ, ⵉⵎⵙⴻⵏⵎⵓⵍⴰ ⴷ ⵢⵉⵅⴻⴷⴷⴰⵎⴻⵏ, ⵢⴻⵔⵏⴰ ⵃⴻⵜⵜⴻⵜⴻⵏ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵜⵜⵡⴰⵙⵡⴻⵊⴷⴻⵏ ⵜⵜⴰⵡⵉⵍⴰⵜ ⵏ ⵓⵃⴻⵣⵣⴻⴱ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⵜⵜⵡⴰⵇⴰⴷⵔⴻⵏ ⵍⴻⵇⵡⴰⵏⵉⵏ ⵏ ⵓⵅⴻⴷⴷⵉⵎ ⵢⴻⵔⵣⴰⵏ ⴰⵃⵓⴷⴷⵓ ⵏ ⵜⴷⴰⵡⵙⴰ (ⵚⵚⴻⵃⵃⴰ) ⴷ ⵜⵖⴻⵍⵍⵉⵙⵜ (ⵍⴰⵎⴰⵏ) ⵏ ⵢⵉⵅⴻⴷⴷⴰⵎⴻⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵜⴽⴻⴱⴱⴰⵏⵉⵢⵉⵏ ⵢⴻⵍⵍⴰⵏ ⴷⴻⴳ ⵜⵡⵉⵍⴰⵢⵜ-ⴰ.

ⴰⵎⴰⵙⵡⴰⴹ ⵏ ⵓⵎⴰⵀⵉⵍ (ⴰⵅⴻⴷⴷⵉⵎ) ⵏ ⵜⵡⵉⵍⴰⵢⵜ-ⴰ, ⴰⴱⴷⴻⵔⵔⴰⵀⵎⴰⵏⴻ ⵧⵓⵍⵀⴰⴷⵊ, ⵢⴻⵏⵏⴰ-ⴷ ⴷⴰⴽⴽⴻⵏ ⵉⵙⵡⵉ ⵏ ⵡⴰⵙⵙ-ⴰ ⵏ ⵜⴻⵣⵔⴰⵡⵜ ⵏⴻⵜⵜⴰ ⴷ ⴰⵅⴻⴱⴱⴻⵔ ⵖⴻⴼ ⵢⵉⵍⵓⴳⴰⵏ ⴷ ⵍⴻⵇⵡⴰⵏⵉⵏ ⵏ ⵍⵍⵙⴰⵙ ⴷ ⵡⵉⴷ ⵢⴻⵜⵜⵚⴻⴳⴳⵉⵎⴻⵏ ⴰⴽⴽ ⴰⵢⴻⵏ ⵢⴻⵔⵣⴰⵏ ⵜⴰⵖⴻⵍⵍⵉⵙⵜ ⴷ ⵓⵃⵓⴷⴷⵓ ⵏ ⵢⵉⵅⴻⴷⴷⴰⵎⴻⵏ ⵙⴻⴳ ⵢⵉⵎⵉⵀⵉⵜⴻⵏ ⴷ ⵡⴰⴹⴹⴰⵏⴻⵏ ⴰⵢ ⵉⵣⴻⵎⵔⴻⵏ ⴰⴷ ⵜⴻⵏ-ⵃⴰⵣⴻⵏ ⴷⴻⴳ ⵓⵎⴰⵀⵉⵍ. ⵎⴰ ⴷ ⵉⵙⵡⵉ ⵏⵉⴹⴻⵏ ⵏⴻⵜⵜⴰ ⴷ ⴰⵙⵃⵓⵍⴼⵓ ⵏ ⵜⴽⴻⴱⴱⴰⵏⵉⵢⵉⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵜⴻⵎⵏⴰⴹⵜ-ⴰ ⴰⴽⴽⴻⵏ ⴰⴷ ⴼⴽⴻⵏⵜ ⵓⴳⴰⵔ ⵏ ⵡⴰⵣⴰⵍ ⵉ ⵜⵖⴻⵍⵍⵉⵙⵜ ⵏ ⵢⵉⵅⴻⴷⴷⴰⵎⴻⵏ-ⵏⵙⴻⵏⵜ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵔⵔⴻⵏⵜ ⴷⴰⵖ ⵍⵡⴻⵍⵀⴰ-ⵏⵙⴻⵏⵜ ⵖⴻⵔ ⵓⵃⵓⴷⴷⵓ ⵏ ⵜⵡⴻⵏⵏⴰⴹⵜ.

Ɣⴻⴼ ⵍⴻⵃⵙⴰⴱ ⵏ ⵓⵎⴰⵙⵡⴰⴹ ⴰⴳⴻⵊⴷⴰⵏ ⵏ ⵓⵎⴰⵀⵉⵍ ⵏ ⵜⵉⵏⴷⵓⴼ, ⴰⴱⴷⴻⵍⴽⴰⴷⴻⵔ ⵍⵉⵎⴰⵎ, ⵍⴷⵣⴰⵢⴻⵔ ⵜⴻⵙⵄⴰ ⵍⴻⵇⵡⴰⵏⵉⵏ, ⴳⴰⵔ-ⴰⵙⴻⵏ ⵍⵇⴰⵏⵓⵏ ⵓⴹⴹⵓⵏ 07/88 ⴰⵢ ⵢⴻⵔⵣⴰⵏ ⴰⵙⵙⴻⴼⵔⴻⴽ ⵏ ⵓⵃⴻⵣⵣⴻⴱ ⵖⴻⴼ ⵢⵉⵎⵉⵀⵉⵜⴻⵏ ⵏ ⵓⵎⴰⵀⵉⵍ, ⴰⵎ ⵡⴰⴽⴽⴻⵏ ⴰⵢ ⵜⴻⵙⵄⴰ ⵜⵉⵙⵓⴷⴰ ⴰⵢ ⴷ-ⵢⴻⵍⵀⴰⵏ ⵙ ⵓⵃⵓⴷⴷⵓ ⵏ ⵜⴷⴰⵡⵙⴰ ⴷ ⵜⵖⴻⵍⵍⵉⵙⵜ ⵏ ⵢⵉⵅⴻⴷⴷⴰⵎⴻⵏ, ⴳⴰⵔ-ⴰⵙⴻⵏⵜ ⵜⴰⵙⵡⴻⴹⵜ ⵜⴰⵎⴰⵜⵓⵜ ⵏ ⵓⵎⴰⵀⵉⵍ, ⴰⵙⴻⵇⵇⴰⵎⵓ ⵓⵏⵏⵉⴳ ⴰⵖⴻⵍⵏⴰⵡ ⵏ ⵓⵃⵓⴷⴷⵓ ⵏ ⵜⴷⴰⵡⵙⴰ ⴷ ⵜⵖⴻⵍⵍⵉⵙⵜ, ⵉⵎⴻⵥⵍⴰ (ⵙⵙⵔⴰⴱⴻⵙ) ⵏ ⵜⴻⵙⵏⴰⵊⵢⴰ ⵏ ⵓⵎⴰⵀⵉⵍ ⴷ ⵓⵃⴻⵣⵣⴻⴱ ⴰⵢ ⵢⴻⵜⵜⵉⵍⵉⵏ ⴷⴻⴳ ⵜⴽⴻⴱⴱⴰⵏⵉⵢⵉⵏ, ⴷ ⵢⵉⵙⴻⵇⵇⵓⵎⴰ ⵏ ⵡⵓⵖⵓⵙ ⴷ ⵜⵖⴻⵍⵍⵉⵙⵜ.

ⴰⵎⴰⵙⴰⵢ ⵏ ⵓⵎⴻⵥⵍⵓ ⵏ ⵓⵃⴻⵣⵣⴻⴱ ⵖⴻⴼ ⵢⵉⵎⵉⵀⵉⵜⴻⵏ ⴷ ⵡⴰⴹⴹⴰⵏⴻⵏ ⵏ ⵓⵎⴰⵀⵉⵍ ⴷⴻⴳ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵓⵙⴻⵏⴽⵉⴷ ⴰⵏⵎⴻⵜⵜⵉ (ⵛⵏⴰⵙ), ⵧⵎⴰⵔ ⴱⴻⵏⵙⴰⴷⴻⴽ, ⵢⴻⵏⵏⴰ-ⴷ, ⵙⴻⴳ ⵢⵉⴷⵉⵙ-ⵏⵏⴻⵙ, ⴷⴰⴽⴽⴻⵏ ⵜⵓⴼⴼⵖⵉⵡⵉⵏ ⵖⴻⵔ ⵡⴻⵏⵔⴰⵔ ⵏ ⵢⵉⵎⴻⵥⵍⴰ-ⵏⵏⴻⵙ ⴷ ⴰⵢⴻⵏ ⴰⵢ ⵜⴻⵏ-ⵢⴻⵊⵊⴰⵏ ⴰⴷ ⴳⵔⴻⵏ ⵜⴰⵎⴰⵡⵜ ⴷⴰⴽⴽⴻⵏ ⴷⴻⴳ ⴽⵔⴰ ⵏ ⵜⴽⴻⴱⴱⴰⵏⵉⵢⵉⵏ, ⵍⵍⴰⵏ ⴰⵟⴰⵙ ⵏ ⵢⵉⵅⴻⴷⴷⴰⵎⴻⵏ ⵓⵔ ⵢⴻⵜⵜⵇⴰⴷⴰⵔⴻⵏ ⴰⵔⴰ ⵉⵍⵓⴳⴰⵏ ⵏ ⵜⵖⴻⵍⵍⵉⵙⵜ ⴷ ⵓⵃⴻⵣⵣⴻⴱ.

ⴰⴽⴽⴻⵏ ⴰⴷ ⵜⴻⴼⵔⵓ ⵜⴻⴳⵏⵉⵜ ⴰⵎ ⵜⴰ, ⵢⴻⵙⵙⴻⴼⴽ ⴰⴽⴽ ⵡⵉⴷ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴷ ⴷ-ⴳⵔⴻⵏ ⵉⵎⴰⵏ-ⵏⵙⴻⵏ ⵢⴻⵔⵏⴰ ⴰⴷ ⵙⵃⵓⵍⴼⵓⵏ ⵉⵅⴻⴷⴷⴰⵎⴻⵏ ⵖⴻⴼ ⵍⵡⴰⵊⴻⴱ ⵏ ⵓⵇⴰⴷⴻⵔ ⵏ ⵜⴻⵡⵜⵉⵍⵉⵏ (ⵛⵛⵓⵔⵓⴹ) ⵏ ⵡⴻⵃⵔⵣⴰ ⵏ ⵜⴷⴰⵡⵙⴰ ⴷ ⵜⵖⴻⵍⵍⵉⵙⵜ.

ⵜⴰⴷⵓⴽⵜⵓⵔⵜ ⴼⴰⵜⵉⵀⴰ ⵏⴻⴳⵀⴰⵙ, ⵢⴻⵎⵎⵓⵣⵣⴳⴻⵏ (ⵢⴻⵜⵅⴻⵚⵚⴻⵚⴻⵏ) ⴷⴻⴳ ⵜⴻⵙⵏⴰⵊⵢⴰ ⵏ ⵓⵎⴰⵀⵉⵍ, ⵢⴻⵔⵏⴰ ⴷ ⵏⴻⵜⵜⴰⵜ ⴰⵢ ⴷ ⵜⵉⵎⵙⵓⵊⵊⵉⵜ ⵜⴰⵡⵃⵉⴷⵜ ⵉⵅⴻⴷⴷⵎⴻⵏ ⴷⴻⴳ ⵡⴻⵃⵔⵉⵛ-ⴰ ⴷⴻⴳ ⵜⵡⵉⵍⴰⵢⵜ-ⴰ, ⵜⴻⵏⵏⴰ-ⴷ ⴷⴰⴽⴽⴻⵏ ⵍⵍⴰⵏ ⴰⵟⴰⵙ ⵏ ⵢⵉⵅⴻⴷⴷⴰⵎⴻⵏ ⵓⵔ ⵢⴻⵙⵙⵉⵏⴻⵏ ⴰⵔⴰ ⵉⵍⵓⴳⴰⵏ ⵏ ⵜⴻⵙⵏⴰⵊⵢⴰ ⵏ ⵓⵎⴰⵀⵉⵍ ⴷ ⵓⵃⴻⵣⵣⴻⴱ, ⴰⵎ ⵡⴰⴽⴽⴻⵏ ⴰⵢ ⴷ-ⵜⵃⴻⵜⵜⴻⵜ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⵉⵍⵉ ⵡⴻⵙⵃⵓⵍⴼⵓ ⵏ ⵢⵉⵅⴻⴷⴷⴰⵎⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵎⵙⴰⵍ ⵢⴻⵇⵇⵏⴻⵏ ⵖⴻⵔ ⵢⵉⵎⵉⵀⵉⵜⴻⵏ ⵏ ⵓⵎⴰⵀⵉⵍ ⴷ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵏ ⵓⵃⴻⵣⵣⴻⴱ ⵖⴻⴼ ⵡⴰⵢⴰ ⴷ ⵡⴻⵃⵔⴰⵣ ⵏ ⵜⴷⴰⵡⵙⴰ.

ⵎⴰ ⴷ ⵉⴳⴻⵏⵙⴰⵙⴻⵏ ⵏ ⵜⴽⴻⴱⴱⴰⵏⵉⵢⵉⵏ ⴱⴻⴷⵔⴻⵏ-ⴷ ⴷⴰⵖ ⴷⴰⴽⴽⴻⵏ ⵉⵅⴻⴷⴷⴰⵎⴻⵏ ⵓⵔ ⵍⴰ ⵙⵙⴻⵇⴷⴰⵛⴻⵏ ⴰⵔⴰ ⴰⵟⴰⵙ ⵜⵜⴰⵡⵉⵍⴰⵜ ⵏ ⵜⵖⴻⵍⵍⵉⵙⵜ ⴷ ⵓⵃⵓⴷⴷⵓ, ⵢⴻⵔⵏⴰ ⴷ ⴰⵢⴰ ⴰⵢ ⵜⴻⵏ-ⵢⴻⵜⵜⴰⵊⵊⴰⵏ ⴰⴷ ⵙⵙⴻⵔⵙⴻⵏ ⵉⵎⴰⵏ-ⵏⵙⴻⵏ ⴷ ⵓⵎⵉⵀⵉ ⵢⴻⵔⵏⴰ ⵓⵔ ⵜⵜⵃⴻⵣⵣⵉⴱⴻⵏ ⴰⵔⴰ ⵉ ⵜⴷⴰⵡⵙⴰ-ⵏⵙⴻⵏ.