ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵀⴰⵏⴰⵢ ⴰⵎⴻⵣⵡⴰⵔⵓ ⵏ ⵜⵎⴻⵣⴳⵓⵏⵜ "ⵍⴻⵙ ⵠⵧⵉⵍⴻⵙ ⴷⴻ ⵍ’ⴰⵎⵧⵓⵔ" (ⵉⵖⵓⵎⵎⵓⵢⴻⵏ ⵏ ⵜⴰⵢⵔⵉ) ⵎⵎⵓⴳⵔⴻⵏ-ⵜ ⵙ ⵓⵎⴰⴳⴻⵔ ⴰⵃⵎⴰⵢⴰⵏ ⴷⴻⴳ ⵄⴻⵏⵏⴰⴱⴰ

ⵄⴻⵏⵏⴰⴱⴰ (ⵜⴰⵏⴻⴳⴳⴰ) - ⴰⵀⴰⵏⴰⵢ ⴰⵎⴻⵣⵡⴰⵔⵓ ⵏ ⵜⵎⴻⵣⴳⵓⵏⵜ "ⵍⴻⵙ ⵠⵧⵉⵍⴻⵙ ⴷⴻ ⵍ’ⴰⵎⵧⵓⵔ", ⴰⴼⴰⵔⴻⵙ ⴰⵎⴻⵣⵡⴰⵔⵓ ⵉ ⵢⴻⵙⵙⵓⵍⵉ ⴷⴻⴳ 2015 ⵓⵎⴻⵣⴳⵓⵏ ⴰⵎⵏⴰⴹⴰⵏ ⵏ ⵄⴻⵏⵏⴰⴱⴰ ⴰⵣⵣⴻⴷⵉⵏⴻ ⵎⴻⴷⵊⵧⵓⴱⵉ, ⵎⵎⵓⴳⵔⴻⵏ-ⵜⵜ ⴰⵎⴰⴳⴻⵔ ⴰⵃⵎⴰⵢⴰⵏ ⵢⵉⵏⴰⴳⴷⵓⴷⴻⵏ ⵏ ⵜⴻⵎⴷⵉⵏⵜ ‘’ⵜⵓⵛⴱⵉⵃⵜ’’ ⵎⵉ ⴷ-ⵜⵄⴻⴷⴷⴰ ⴰⵙⵙ ⵏ ⵍⴰⵔⴻⴱⵄⴰ ⵜⴰⵎⴻⴷⴷⵉⵜ.

ⴷⴷⴻⵇⵙ ⵉ ⵡⵡⵜⴻⵏ ⴰⴼⵓⵙ ⵉ ⵜⵚⴻⴽⴽⴰ ⵜⵡⴰⵛⵓⵍⵉⵏ ⴷ ⵡⵉⴷ ⵉⵃⴻⵎⵎⵍⴻⵏ ⵜⴰⵥⵓⵔⵉ ⵜⵉⵙ 4 ⵢⴻⵍⵍⴰⵏ ⵟⵟⴼⴻⵏ ⵉⵎⴻⴹⵇⴰⵏ ⴷⴻⴳ ⵜⵣⴻⵇⵇⴰ ⵏ ⵓⵎⴻⵣⴳⵓⵏ ⴰⵎⵏⴰⴹⴰⵏ ⵏ ⵄⴻⵏⵏⴰⴱⴰ (ⵜⵔⴰ). ⵜⵉⵔⴰ ⴷ ⵓⵎⴷⴰⵢ ⵏ ⵀⴰⵎⵉⴷ ⴳⵧⵓⵔⵉ ⴷ ⴷⵊⴰⵎⴻⵍ ⵀⴰⵎⵧⵓⴷⴰ, ⵉ ⵢⴻⵙⵙⴰⵡⴹⴻⵏ ⴰⴷ ⴰⵙ-ⵔⵏⵓⵏ ‘’ⵜⵉⵥⴻⴹⵜ ⵜⴰⵥⵓⵔⴰⵏⵜ’’ ⵉ ⵜⵎⴻⵣⴳⵓⵏⵜ.

ⵉⵏⴰⴳⴷⵓⴷⴻⵏ ⵉ ⴷ-ⵢⵓⵙⴰⵏ ⴷⴻⴳ ⵡⴰⵟⴰⵙ ⵢⵉⴷⵙⴻⵏ ⴰⴽⴽⴻⵏ ⴰⴷ ⵃⴻⴷⵔⴻⵏ ⵉ ⵓⵀⴰⵏⴰⵢ ⴰⵎⴻⵣⵡⴰⵔⵓ, ⵢⴻⵙⵄⴰⵏ ⵢⵉⵡⴻⵜ ⵏ ⵜⵙⴰⵄⴻⵜ ⴷ 10 ⵜⴻⴷⵇⵉⵇⵉⵏ, ⵜⴻⵄⴵⴻⴱ-ⵉⵜⴻⵏ, ⵡⵡⵜⴻⵏ-ⴰⵙ ⴰⴼⵓⵙ ⵉ ⵜⵓⵔⴰⵔⵜ ⵏ ⵢⵉⵣⴻⴼⴼⴰⵏⴻⵏ ⵉ ⴷ-ⵢⵓⵔⴰⵔⴻⵏ ⴷⴻⴳ ⵜⵎⴻⵣⴳⵓⵏⵜ, ⵉ ⵢⴻⵛⵏⴰⵏ ⵜⴰⵎⴰⵛⴰⵀⵓⵜ ⵏ ⵙⴻⵎⵎⵓⵙ ⵏ ⵢⵉⵄⴻⴳⴳⴰⵍⴻⵏ ⵏ ⵜⵡⴰⵛⵓⵍⵜ ⵢⴻⵔⵡⵉⵏ ⵙⴻⴳ ⵓⴳⵓⵔ ⴰⵍⵇⴰⵢⴰⵏ ⴷ ⵡⴰⵙⵙⴰⵖⴻⵏ ⵉⵛⵓⴷⴷⴻⵏ ⵢⴻⵙⵙⴻⵡⵃⴰⵍⴻⵏ.

ⴷ ⵜⴰⵎⴻⵣⴳⵓⵏⵜ ⵉ ⵢⴻⵙⴳⴻⵔⵡⴻⵏ ⵜⴰⴹⵙⴰ ⴷ ⵍⴻⵃⵣⴻⵏ, ⵜⴻⴼⵙⴻⵔ-ⴷ ⵍⵉⵃⴰⵍⴰ ⵏ ⵜⵎⴻⵜⵜⵉ ⵉⴷⴻⴳ ⵓⵍⴰⵛ ⵜⴰⵖⵡⴰⵍⵜ ⴰⵏⴷⴰ ⴰⵔⴰ ⵏⴰⴼ ⴷⵔⴻⵏ ⵎⴻⴷⴷⴻⵏ ⴷⴻⴳ ⵢⵉⵡⴻⵜ ⵏ ⵜⵓⴷⴻⵔⵜ ⵉⴷⴻⴳ ⵡⴰ ⵓⵔ ⵢⴻⵛⵍⵉⴳ ⵙⴻⴳ ⵡⴰ.