ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵜⴰⵎⴰⴹⵍⴰⵏⵜ ⵏ ⵜⴻⵜⵍⵉⵜⵉⵜ ⵏ 2015: ⵓⴳⴰⵔ ⵏ 2000 ⵏ ⵢⵉⵏⴰⴷⴷⴰⵍⴻⵏ ⴰⵔⴰ ⴷ-ⵢⴰⵙⴻⵏ ⵖⴻⵔ ⵒⵉⴽⵉⵏ (ⵉⴰⴰⴼ)

ⵕⵓⵎⴰ – 2567 ⵏ ⵢⵉⵏⴰⴷⴷⴰⵍⴻⵏ (1423 ⵏ ⵢⵉⵔⴳⴰⵣⴻⵏ ⴷ 1144 ⵏ ⵜⵍⴰⵡⵉⵏ) ⵙⴻⴳ 203 ⵏ ⵜⵎⵓⵔⴰ ⵢⴻⵜⵜⴻⴽⴽⴰⵏ ⴷⴻⴳ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵜⴻⵜⵍⵉⵜⵉⵜ, ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵜⴻⵥⵔⵉⴳⵜ ⵜⵉⵙ 15 ⵏ ⵜⴻⵍⵖⵓⵖⴰ ⵜⴰⵎⴰⴹⵍⴰⵏⵜ ⵏ ⵜⴻⵜⵍⵉⵜⵉⵜ ⴰⵔⴰ ⴷ-ⵢⵉⵍⵉⵏ ⴳⴰⵔ 22 ⴷ 30 Ɣⵓⵛⵜ ⴰⵢ ⴷ-ⵢⴻⵜⵜⴻⴷⴷⵓⵏ ⴷⴻⴳ ⵒⵉⴽⵉⵏ (ⵛⵛⵉⵏⵡⴰ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⵜⴼⵉⴷⵉⵕⴰⵍⵉⵜ.

ⴷ ⵡⴰ ⴰⵢ ⴷ ⴰⵎⴹⴰⵏ ⴰⵎⴻⵇⵔⴰⵏ ⴰⴽⴽ ⵏ ⵢⵉⵏⴰⴷⴷⴰⵍⴻⵏ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⵍⵍⴰ ⵜⴻⵍⵖⵓⵖⴰ-ⴰ ⴷⴻⴳ 2009 ⴷⴻⴳ ⴱⴻⵔⵍⵉⵏ, ⴷ ⵜⵉⵏ ⴷⴻⴳ ⵜⵜⴻⴽⴽⴰⵏ 1895 ⵏ ⵢⵉⵏⴰⴷⴷⴰⵍⴻⵏ. ⵎⴰ ⴷ ⵜⴰⵍⵖⵓⵖⴰ ⵏ 2013 ⴷⴻⴳ ⵎⵓⵙⴽⵓ, ⵜⵜⴻⴽⴽⴰⵏⵜ ⴷⴻⴳ-ⵙ 203 ⵏ ⵜⵎⵓⵔⴰ.

ⵜⴰⵥⵔⵉⴳⵜ ⵜⴰⵎⴻⵣⵡⴰⵔⵓⵜ ⵏ ⵜⴻⵍⵖⵓⵖⴰ ⵏ ⵓⵎⴰⴹⴰⵍ ⵏ ⵜⴻⵜⵍⵉⵜⵉⵜ ⵜⴻⵍⵍⴰ-ⴷ ⴷⴻⴳ 1983, ⵜⵜⴻⴽⴽⴰⵏ ⴷⴻⴳ-ⵙ 1335 ⵏ ⵢⵉⵏⴰⴷⴷⴰⵍⴻⵏ ⵙⴻⴳ 153 ⵏ ⵜⵎⵓⵔⴰ, ⵢⴻⵔⵏⴰ ⴷ ⴰⵢⴰ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⴰⵎⴻⴽ ⴰⵢ ⵢⴻⵏⵏⴻⵔⵏⴰ ⵡⴰⴷⴷⴰⵍ-ⴰ ⵏ ⵜⴻⵜⵍⵉⵜⵉⵜ ⵎⵍⵉⵃ ⴷⴻⴳ 30 ⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷⴻⴳ ⵢⵉⵊⵉⴼⴻⵕ ⵏ ⵜⴻⵍⵖⵓⵖⴰ ⵏ ⵓⵎⴰⴹⴰⵍ ⵏ 2015, ⴰⴷ ⵢⴻⴼⵔⴻⵏ ⵓⵙⵡⵉⵔ ⵏ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵜⴻⵜⵍⵉⵜⵉⵜ ⴰⵙⴻⵍⵡⴰⵢ-ⵏⵏⴻⵙ ⴰⵎⴰⵢⵏⵓ. ⵙⵉⵏ ⵏ ⵢⵉⵎⴰⵣⵡⴰⵔⴻⵏ ⴰⵢ ⴷ-ⵢⴻⵙⵙⴻⵔⵙⴻⵏ ⵉⵎⴰⵏ-ⵏⵙⴻⵏ ⴰⴽⴽⴻⵏ ⴰⴷ ⴷ-ⵅⴻⵍⴼⴻⵏ ⴰⵙⵉⵏⵉⴳⴰⵍⵉ ⵍⴰⵎⵉⵏⴻ ⴷⵉⴰⵛⴽ. ⵡⵉ ⴷ ⴰⴱⵔⵉⵟⴰⵏⵉ ⵙⴻⴱⴰⵙⵜⵉⴰⵏ ⵛⵧⴻ ⴷ ⵡⵓⴽⵕⴰⵏⵉ ⵙⴻⵔⴳⵓⴻⵉ ⴱⵓⴱⴽⴰ.