ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵊⵎⵉⵍⵜ ⴷⴻⴳ ⵍⴷⵣⴰⵢⴻⵔ ⵉ ⵓⵎⴻⴷⴷⴰⴽⴻⵍ ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ ⵀⴻⵏⵔⵉ ⵎⴰⵉⵍⵍⵧⵜ

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⴳⴰⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⵜⴰⵊⵎⵉⵍⵜ ⵉ ⵓⵎⴻⴷⴷⴰⴽⴻⵍ ⵏ ⵜⴻⴳⵔⴰⵡⵍⴰ ⵜⴰⵖⴻⵍⵏⴰⵡⵜ, ⵀⴻⵏⵔⵉ ⵎⴰⵉⵍⵍⵧⵜ, ⴷ ⴰⵏⴻⵍⵎⴰⴷ-ⴰⴼⴻⵙⵢⴰⵏ ⴰⴼⵕⴻⵏⵙⵉⵙ ⴰⵢ ⵢⴻⵍⵍⴰⵏ ⵢⴻⵜⵜⵡⴰⵙⵙⴻⵇⵏⴻⵄ ⵙ ⵜⴻⵍⵇⴻⵢ ⵙ ⵓⵣⵔⴻⴼ ⵏ ⵢⵉⴷⵣⴰⵢⵔⵉⵢⴻⵏ ⴰⴽⴽⴻⵏ ⴰⴷ ⴰⵡⵉⵏ ⵜⵉⵍⴻⵍⵍⵉ-ⵏⵙⴻⵏ ⵢⴻⵔⵏⴰ ⴷ ⴰⵢⴰ ⴰⵢ ⵜ-ⵢⴻⵊⵊⴰⵏ ⴰⴷ ⴷ-ⵢⴰⴽⴻⵔ, ⴷⴻⴳ 1956, ⵜⵜⴻⵄⴱⴻⵢⵢⴰ ⵏ ⵍⴻⵙⵍⴰⵃ ⴰⴽⴽⴻⵏ ⴰⴷ ⵜⵜ-ⵢⴻⵙⵙⵉⵡⴻⴹ ⵉ ⵢⵉⴳⴻⵏ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ.

ⵜⴰⵊⵎⵉⵍⵜ-ⴰ ⵃⴻⴷⵕⴻⵏ ⴷⴻⴳ-ⵙ ⵙ ⵓⵎⴰⵜⴰ ⵡⵉⴷ ⴰⵢ ⴰⵙ-ⵢⴻⵜⵜⵉⵍⵉⵏ ⴷ ⴽⵔⴰ ⵙⴻⴳ ⵢⵉⵔⴼⵉⵇⴻⵏ ⵏ ⵍⴻⵙⵍⴰⵃ ⵏ ⵓⵎⴻⵖⵏⴰⵙ-ⴰ ⴰⵢ ⵢⴻⵏⵏⵓⵖⴻⵏ ⵎⴳⴰⵍ ⵓⵙⵙⴻⵀⵔⴻⵙ (ⵍⵉⵙⵜⵉⵄⵎⴰⵕ), ⵢⴻⵔⵏⴰ ⴷⴷⴰⵏ ⵖⴻⵔ ⵜⵎⴻⵇⴱⴻⵔⵜ ⵜⴰⵎⴰⵙⵉⵃⵉⵜ ⵏ ⵜⵖⵉⵡⴰⵏⵜ ⵏ ⵍⵎⴰⴷⴰⵏⴻⵢⵢⴰ ⴰⴽⴽⴻⵏ ⴰⴷ ⴰⵙ-ⵙⵙⵉⵡⴹⴻⵏ ⵕⵕⴻⵃⵎⴰ ⵉ « ⵓⵎⴻⵖⵔⵓⵙ »-ⴰ (ⵛⵛⴰⵀⵉⴷ) ⵏ ⵜⴻⴳⵔⴰⵡⵍⴰ ⵜⴰⵖⴻⵍⵏⴰⵡⵜ.

ⵀⴻⵏⵔⵉ ⵎⴰⵉⵍⵍⵧⵜ ⵉⵍⵉⵍ ⴷⴻⴳ 21 ⵟⵓⴱⴻⵔ 1928 ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵢⴻⵔⵏⴰ ⴷⴻⴳ 1953 ⴰⵢ ⴷ-ⵢⵓⴼⴰ ⵜⵉⴷⴻⵜ ⵖⴻⴼ ⵢⵉⵎⴻⵏⵖⵉ ⴷ ⵓⵣⵔⴻⴼ ⵏ ⵢⵉⴷⵣⴰⵢⵔⵉⵢⴻⵏ ⴰⴽⴽⴻⵏ ⴰⴷ ⴰⵡⵉⵏ ⵜⵉⵍⴻⵍⵍⵉ-ⵏⵙⴻⵏ. ⴷⴻⴳ 4 ⵢⴻⴱⵔⵉⵔ ⵏ 1956, ⵎⴰⵉⵍⵍⵧⵜ ⵢⴻⵄⵣⴻⵎ ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⵎⴰⵀⵉⵍ (ⴰⵅⴻⴷⴷⵉⵎ), ⵢⴻⵔⵏⴰ ⵢⴻⵙⵙⴻⵔⵡⴻⵍ ⵢⵉⵡⴻⵜ ⵏ ⵜⵜⴻⵄⴱⴻⵢⵢⴰ ⵏ ⵍⴻⵙⵍⴰⵃ ⵖⴻⵔ ⵢⵉⴳⴻⵏ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ. ⴷⴻⴳ ⵢⵉⴳⴻⵏ-ⴰ, ⵎⴰⵉⵍⵍⵧⵜ ⵜⴻⵜⵜⵓⵏⴻⴼⴽ-ⴰⵙ ⵜⴼⴻⵙⵏⴰ ⵏ ⵓⴳⴻⵏⵙⴻⵙ, ⵢⴻⵔⵏⴰ ⵇⵇⵏⴻⵏ-ⵜ ⵖⴻⵔ ⵜⵡⵉⵍⴰⵢⵜ ⵜⴰⴳⵔⴰⵡⴰⵍⵜ ⵜⵉⵙ 4.

ⵀⴻⵏⵔⵉ ⵎⴰⵉⵍⵍⵧⵜ ⵢⴻⵖⵍⵉ ⴷⴻⴳ ⵢⵉⴳⴻⵔ ⵏ ⵢⵉⵙⴻⵖ ⴷⴻⴳ ⵢⵓⵏⵢⵓ ⵏ 1956, ⵙ ⵍⴻⵙⵍⴰⵃ ⴷⴻⴳ ⵓⴼⵓⵙ, ⴷⴻⴳ ⵢⵉⵡⴻⵏ ⵏ ⵓⴽⵎⵉⵏ ⴰⵢ ⴰⵙ-ⵏⴷⵉⵏ ⵢⵉⵙⴻⵔⴷⴰⵙⴻⵏ ⵉⴼⵕⴻⵏⵙⵉⵙⴻⵏ ⴷⴻⴳ ⵍⴽⴰⵔⵉⵎⴻⵢⵢⴰ, ⴷⴻⴳ ⵜⵡⵉⵍⴰⵢⵜ ⵏ ⵛⵛⵍⴻⴼ.