ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⵉⵟⵔⵓ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ: ⴰⴱⵔⵉⴷ ⴰⵎⴰⵢⵏⵓⵜ ⵏ ⵃⴰⵢ ⵍⴱⴰⴷⵕ-ⵍⵃⴻⵕⵕⴰⵛ ⴰⴷ ⴷ-ⵢⴻⵡⵊⴻⴷ ⴷⴻⴳ ⵢⵓⵍⵢⵓ

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⴰⵙⵙ ⵏ ⵍⵃⴻⴷⴷ, ⵢⴻⴱⴷⴰ-ⴷ ⵙ ⵓⴱⵔⵉⴷ ⵓⵏⵚⵉⴱ ⵓⵄⵔⴰⴹ ⵏ ⵓⵎⵉⵟⵔⵓ ⴷⴻⴳ ⵓⴱⵔⵉⴷ-ⵏⵏⴻⵙ ⴰⵎⴰⵢⵏⵓⵜ ⴳⴰⵔ ⵃⴰⵢ ⵍⴱⴰⴷⵕ (ⴱⴰⵛⴵⴻⵕⵕⴰⵃ) ⴷⴻⴳ ⵍⵃⴻⵕⵕⴰⵛ, ⵢⴻⵔⵏⴰ ⴷ ⴰⵏⴻⵖⵍⴰⴼ ⵏ ⵓⵎⴻⵙⵏⵉ, ⴱⵧⵓⴷⵊⴻⵎⴰ ⵜⴰⵍⴰⵉ, ⴰⵢ ⵉⵔⴻⵥⵎⴻⵏ ⴰⵄⵔⴰⴹ-ⴰ. ⴷ ⴰⵛⵓ ⴽⴰⵏ, ⴰⵖⴻⵍⵍⴻⵜ ⴰⵎⵙⴻⵏⵣⵉ ⵏ ⵓⴱⵔⵉⴷ-ⴰ ⴰⴷ ⴷ-ⵢⵉⵍⵉ ⵙⴻⴳ ⵡⴰⵙⵙ ⵏ 4 ⵢⵓⵍⵢⵓ ⴷ ⴰⵙⴰⵡⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⴻⵜⵜⵡⴰⵅⴻⴱⴱⴻⵔ.

ⴰⵃⵔⵉⵛ ⵏ ⵃⴰⵢ ⵍⴱⴰⴹⵔ-ⵍⵃⴻⵕⵕⴰⵛ ⵖⴻⵣⵣⵉⴼ 4 ⵏ ⵢⵉⴽⵉⵍⵓⵎⵉⵜⵔⴻⵏ, ⵢⴻⵙⵄⴰ 4 ⵏ ⵜⴻⵖⵙⴰⵔ (ⴱⴰⵛⴵⴻⵕⵕⴰⵃ 1, ⴱⴰⵛⴵⴻⵕⵕⴰⵃ 2, ⵍⵃⴻⵕⵕⴰⵛ-ⵜⴰⵖⵙⴻⵔⵜ ⴷ ⵍⵃⴻⵕⵕⴰⵛ-ⵜⴰⵍⴻⵎⵎⴰⵙⵜ), ⵢⴻⵔⵏⴰ ⵢⴻⵙⵄⴰ ⵉⵎⵙⴰⵡⵏⴻⵏ ⵉ ⵢⵉⵎⴻⵄⴷⴰⵕ ⴷ ⵢⵉⵎⴷⴰⵏⴻⵏ ⵓⴹⵄⵉⴼⴻⵏ, ⵢⵉⵍⵉ ⴷⴻⴳ ⵓⵃⵔⵉⵛ-ⵏⵏⵉ ⴰⵎⴻⵣⵡⴰⵔⵓ (ⵍⴱⵓⵙⵟⴰ ⵜⴰⵎⴻⵇⵔⴰⵏⵜ-ⵃⴰⵢ ⵍⴱⴰⴷⵕ) ⵓⵍⴰⵛ ⵉⵎⵙⴰⵡⵏⴻⵏ.

ⴰⵙⴻⵏⴼⴰⵔ ⵏ ⵍⴻⴱⵏⵉ ⵏ ⵓⵃⵔⵉⵛ-ⴰ ⵢⴻⴱⴷⴰ-ⴷ ⴷⴻⴳ ⵓⵏⴻⴱⴷⵓ ⵏ 2008, ⵢⴻⵔⵏⴰ ⵢⴻⵙⵇⴰⵎ-ⴷ ⵓⵙⴻⵏⴼⴰⵔ-ⴰ 110 ⵏ ⵢⵉⵎⴻⵍⵢⵓⵏⴻⵏ ⵏ ⵡⵓⵕⵓⵜⴻⵏ.

ⴰⵄⵔⴰⴹ ⵏ ⵓⵎⵉⵟⵔⵓ ⴷⴻⴳ ⵓⵙⵙⴻⵖⵣⴻⴼ-ⴰ ⴰⵎⴻⵣⵡⴰⵔⵓ ⵏ ⵓⵎⵉⵟⵔⵓ ⵏ ⵍⴻⵣⵣⴰⵢⴻⵔ ⵢⴻⴱⴷⴰ-ⴷ ⵙⴻⴳ ⵜⴻⵖⵙⴻⵔⵜ ⵏ ⵍⵃⴻⵕⵕⴰⵛ. ⵉⵎⵙⵉⴽⵍⴻⵏ ⴰⵔⴰ ⵢⴰⵡⴹⴻⵏ ⵖⴻⵔ ⵍⵃⴻⵕⵕⴰⵛ ⵜⴰⵍⴻⵎⵎⴰⵙⵜ ⴰⴷ ⵣⴻⵎⵔⴻⵏ ⴰⴷ ⴰⴼⴻⵏ ⵉⵟⴰⴽⵙⵉⵢⴻⵏ, ⵍⴽⵉⵕⴰⵏ ⴷ ⵜⵎⴰⵛⵉⵏⵉⵏ ⴰⵢⵢⴻⵙ ⴰⵔⴰ ⴽⴻⵎⵎⵍⴻⵏ ⴰⴱⵔⵉⴷ-ⵏⵙⴻⵏ.

ⵙⴻⴳ ⵡⴰⵙⵙ ⵏ 5 ⵢⵓⵍⵢⵓ ⴷ ⴰⵙⴰⵡⴻⵏ, ⵉⵎⵙⵉⴽⵍⴻⵏ ⴰⴷ ⵣⴻⵎⵔⴻⵏ ⴰⴷ ⵜⵜⴻⴷⴷⵓⵏ ⵙⴻⴳ ⵍⵃⴻⵕⵕⴰⵛ ⴰⵔⵎⴰ ⴷ ⵜⴰⴼⵓⵔⴰ (ⵍⴱⵓⵙⵟⴰ ⵜⴰⵎⴻⵇⵔⴰⵏⵜ) ⴷⴻⴳ 20 ⴽⴰⵏ ⵏ ⵜⴻⴷⵇⵉⵇⵉⵏ, ⵢⴻⵔⵏⴰ ⵙⴻⴳ ⵎⴰⵢⵓ ⵢⴻⵣⵔⵉⵏ, ⵇⵇⵍⴻⵏ ⵢⵉⵎⵙⵉⴽⵍⴻⵏ ⵣⴻⵎⵔⴻⵏ ⴰⴷ ⵙⵇⴻⴷⵛⴻⵏ ⵉⵙⴰⵡⴰⵍⴻⵏ-ⵏⵙⴻⵏ ⵏ ⵓⴼⵓⵙ ⴰⵎ ⵡⴰⴽⴽⴻⵏ ⴰⵢ ⵣⴻⵎⵔⴻⵏ ⴰⴷ ⵇⵇⵏⴻⵏ ⵖⴻⵔ ⵉⵏⵜⴻⵔⵏⴻⵜ ⴷⴻⴳ ⵓⵎⵉⵟⵔⵓ.

ⴰⵢⴰ ⴷⴰⵖ ⴷ ⴰⵢⴻⵏ ⴰⵔⴰ ⵢⴻⴵⴵⴻⵏ ⵉⵎⴻⵣⴷⴰⵖⴻⵏ ⵏ ⵜⵖⵉⵡⴰⵏⵉⵏ ⵏ ⵍⵃⴻⵕⵕⴰⵛ ⴷ ⴱⵓⵕⵓⴱⴰ ⴰⴷ ⵃⴻⴷⵕⴻⵏ ⴷⴻⴳ ⵜⵙⴻⵀⵕⵉⵡⵉⵏ ⴰⵔⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵜⵍⴻⵎⵎⴰⵙⵜ ⵏ ⵜⴻⵎⴷⵉⵏⵜ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷⴻⴳ ⵡⴰⵢⵢⵓⵔ-ⴰ ⵏ ⵔⴻⵎⴹⴰⵏ.

ⴰⵎⵉⵟⵔⵓ ⵏ ⵍⴻⵣⵣⴰⵢⴻⵔ ⵢⴻⵜⵜⵡⴰⵔⵥⴻⵎ ⵉ ⵓⵖⴻⵍⵍⴻⵜ ⴰⵎⵙⴻⵏⵣⵉ ⴷⴻⴳ ⵡⴰⵎⴱⴻⵕ ⵏ 2011, ⵢⴻⵔⵏⴰ ⵉⵣⵉⵔⵉⴳ-ⵏⵏⴻⵙ ⴰⵎⴻⵣⵡⴰⵔⵓ ⵖⴻⵣⵣⵉⴼ 9,5 ⵏ ⵢⵉⴽⵉⵍⵓⵎⵉⵜⵔⴻⵏ, ⵢⴻⵇⵇⴻⵏ ⵍⴱⵓⵙⵟⴰ ⵜⴰⵎⴻⵇⵔⴰⵏⵜ ⵖⴻⵔ ⵃⴰⵢ ⵍⴱⴰⴷⵕ (ⴱⴰⵛⴵⴻⵕⵕⴰⵃ). ⴷⴻⴳ ⵜⴻⵣⵡⴰⵔⴰ ⵏ ⵢⵓⵍⵢⵓ, ⴰⴷ ⵢⴻⵜⵜⵡⴰⵔⵥⴻⵎ ⵓⵙⵙⴻⵖⵣⴻⴼ-ⵏⵏⴻⵙ ⴰⵎⴻⵣⵡⴰⵔⵓ ⵏ 4 ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⵔ ⵍⵃⴻⵕⵕⴰⵛ, ⵙⴻⴳ ⵍⴻⵄⴹⵉⵍ ⴰⴷ ⴷ-ⵡⴻⵊⴷⴻⵏ ⵢⵉⵙⵙⴻⵖⵣⴰⴼ-ⵏⵏⴻⵙ ⵏⵉⴹⴻⵏ ⴷⴻⴳ ⵜⴻⵣⵡⴰⵔⴰ ⵏ 2016. ⴰⵙⵙⴻⵖⵣⴻⴼ ⵡⵉⵙ ⵙⵉⵏ ⴰⴷ ⴷ-ⵢⵉⵍⵉ ⵖⴻⵔ ⵄⵉⵏ ⵏⵏⴻⵄⴵⴰ, ⴷⴻⴳ ⵜⵖⵉⵡⴰⵏⵜ ⵏ ⵓⵙⴰⴽⴰ ⵏ ⵇⵙⴻⵏⵟⵉⵏⴰ (ⴳⵓé ⴷⴻ ⵛⵧⵏⵙⵜⴰⵏⵜⵉⵏⴻ).

ⴰⵙⵙⴻⵖⴻⴼ ⵏ ⵃⴰⵢ ⵍⴱⴰⴹⵔ-ⵄⵉⵏ ⵏⵏⴻⵄⴵⴰ ⵖⴻⵣⵣⵉⴼ 3,6 ⵏ ⵢⵉⴽⵉⵍⵓⵎⵉⵜⵔⴻⵏ ⵢⴻⵔⵏⴰ ⴰⴷ ⵢⴻⵙⵙⴰⵡⴰⴹ ⵎⴻⴷⴷⴻⵏ ⵖⴻⵔ ⵜⵖⵉⵡⴰⵏⵉⵏ ⵏ ⴱⴰⵛⴵⴻⵕⵕⴰⵃ ⴷ ⵓⵙⴰⴽⴰ ⵏ ⵇⵙⴻⵏⵟⵉⵏⴰ, ⵢⴻⵔⵏⴰ ⴰⴷ ⵣⴻⵎⵔⴻⵏ ⵎⴻⴷⴷⴻⵏ ⴰⴷ ⵜⵜⴰⵡⴹⴻⵏ ⴰⵔⵎⴰ ⴷ ⵜⴰⵖⵙⴻⵔⵜ ⵏ ⵜⵎⴰⵛⵉⵏⵜ ⵏ ⵄⵉⵏ ⵏⵏⴻⵄⴵⴰ.

ⴰⵙⵙⴻⵖⵣⴻⴼ ⵡⵉⵙ ⴽⵔⴰⴹ (3) ⵏ ⵢⵉⵣⵉⵔⵉⴳ-ⴰ ⴷ ⵡⵉⵏ ⴰⵔⴰ ⵢⴻⵇⵇⵏⴻⵏ ⵍⴱⵓⵙⵟⴰ ⵜⴰⵎⴻⵇⵔⴰⵏⵜ ⴷ ⵜⴻⵇⵚⴻⴱⵜ ⵏ ⵡⴰⴷⴷⴰ (1,7 ⵏ ⵢⵉⴽⵉⵍⵓⵎⵉⵜⵔⴻⵏ), ⴷ ⴰⵛⵓ ⴽⴰⵏ, ⵓⵔ ⴷ-ⵉⵡⴻⵊⵊⴻⴷ ⴰⵔⴰ ⴰⵔⵎⴰ ⴷ 2017, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴽⴻⴱⴱⴰⵏⵉⵜ ⵏ ⵓⵎⵉⵟⵔⵓ ⵏ ⵍⴻⵣⵣⴰⵢⴻⵔ (ⴻⵎⴰ).

ⵍⴰ ⴷ-ⵜⴻⵜⵜⵉⵍⵉ ⴷⴰⵖ ⵜⴻⵣⵔⴰⵡⵜ ⵖⴻⴼ 3 ⵏ ⵢⵉⵙⵙⴻⵖⵣⴰⴼ ⵏⵉⴹⴻⵏ. ⴰⵎⴻⵣⵡⴰⵔⵓ ⴷ ⴰⵙⵙⴻⵖⵣⴻⴼ ⴳⴰⵔ ⵓⵎⵕⴰⵃ ⵏ ⵢⵉⵎⴻⵖⵔⵓⵙⴻⵏ (ⵙⴰⵃⴻⵜ ⵛⵛⵓⵀⴰⴷⴰ) ⴷ ⵛⵀⴻⵠⴰⵍⵍⴻⵢ. ⵡⵉⵙ ⵙⵉⵏ ⴷ ⴰⵙⵙⴻⵖⵣⴻⴼ ⴳⴰⵔ ⵄⵉⵏ ⵏⵏⴻⵄⴵⴰ ⴷ ⴱⴻⵔⵔⴰⵇⵉ, ⵎⴰ ⴷ ⵡⵉⵙ ⴽⵔⴰⴹ ⴷ ⴰⵙⵙⴻⵖⵣⴻⴼ ⴳⴰⵔ ⵍⵃⴻⵕⵕⴰⵛ ⴷ ⴱⴰⴱ ⵣⵣⴻⵡⵡⴰⵕ ⴰⵔⴰ ⵢⴻⵇⵇⵍⴻⵏ ⴰⴷ ⵢⴻⵙⵙⴰⵡⴰⴹ ⵎⴻⴷⴷⴻⵏ ⴰⵔⵎⴰ ⴷ ⴰⵏⴰⴼⴰⴳ ⵏ ⵍⴻⵣⵣⴰⵢⴻⵔ, ⵜⵉⵙⴷⴰⵡⵉⵢⵉⵏ ⵏ ⴱⴰⴱ ⵣⵣⴻⵡⵡⴰⵕ ⴷ ⵓⵟⵔⴰⵎⵡⴰⵢ ⴰⵢ ⴷ-ⵢⵓⵙⴰⵏ ⵙⴷⴰⵜ ⵜⴻⵙⴷⴰⵡⵉⵜ ⵏ ⵀⵧⵓⴰⵔⵉ ⴱⵧⵓⵎⴻⴷⵉⴻⵏⴻ.