ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵉⵔ ⴰⵍⴳⴻⵔⵉⴻ: ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ ⵓⵙⵙⴻⴷⴷⵓ ⵏ ⵜⴽⴻⴱⴱⴰⵏⵉⵜ ⵉ ⴼⴻⵔⵔⵓ ⵏ ⵡⵓⴳⵓⵔⴻⵏ-ⵏⵏⴻⵙ

ⵍⴻⵣⵣⴰⵢⴻⵔ – ⴰⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⴰⵉⵔ ⴰⵍⴳⴻⵔⵉⴻ, ⵎⵧⵀⴰⵎⴻⴷ ⴰⴱⴷⵧⵓ ⴱⵧⵓⴷⴻⵔⴱⴰⵍⴰ, ⵢⴻⵏⵏⴰ-ⴷ ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ ⵓⵙⵙⴻⴼⵔⴻⴽ ⵏ ⵜⴽⴻⴱⴱⴰⵏⵉⵜ-ⴰ ⵏ ⵡⴰⴼⴼⵓⴳ ⴰⴽⴽⴻⵏ ⴰⴷ ⴼⵔⵓⵏ ⵡⵓⴳⵓⵔⴻⵏ-ⵏⵏⴻⵙ ⵢⴻⵔⵏⴰ ⴰⴷ ⵍⵀⵓⵏ ⵢⵉⵎⴻⵥⵍⴰ-ⵏⵏⴻⵙ (ⵙⵙⵔⴰⴱⴻⵙ).

« ⵓⵍⴰ ⵎⴰ ⵜⴰⴽⴻⴱⴱⴰⵏⵉⵜ ⵏ ⴰⵉⵔ ⴰⵍⴳⴻⵔⵉⴻ ⵜⴻⵙⵙⴰⴷⴻⴼ-ⴷ ⴰⵟⴰⵙ ⵏ ⵢⵉⴷⵔⵉⵎⴻⵏ, ⴰⵙⵙ-ⴰ ⴰⵜⵜⴰⵏ ⵍⴰ ⵜⴻⵜⵜⴻⴽⴽ ⵖⴻⴼ ⵢⵉⵡⴻⵜ ⵏ ⵜⴰⵍⵍⵉⵜ ⴷⴻⴳ ⵜⴻⵙⵄⴰ ⵓⴳⵓⵔⴻⵏ ⴷⴻⴳ ⵡⴰⵎⴻⴽ ⴰⵢ ⵍⴰ ⵜⴻⵜⵜⵡⴰⵙⵙⴻⴼⵔⴰⴽ, ⵢⴻⵔⵏⴰ ⵜⴻⵙⵄⴰ ⴰⵙⵙⴻⴼⵔⴻⴽ ⴷ ⴰⵇⴱⵓⵔ ⴰⵢ ⵢⴻⵇⵇⵍⴻⵏ ⵓⵔ ⵉⵡⴰⵜⴰ ⴰⵔⴰ ⴰⵢⴻⵏ ⴰⵢ ⵃⵡⴰⵊⴻⵏ ⵢⵉⵎⵙⴰⵖⴻⵏ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⵧⵓⴷⴻⵔⴱⴰⵍⴰ ⴷⴻⴳ ⵓⵙⴰⵔⴰⴳ ⵏ ⵢⵉⴽⴰⵜⴰⵔⴻⵏ ⵏ ⵜⴽⴻⴱⴱⴰⵏⵉⵜ ⴰⵢ ⴷ-ⵢⴻⵜⵜⵉⵍⵉⵏ ⵢⴰⵍ ⴰⵙⴻⴳⴳⴰⵙ.

ⵜⴰⴳⵏⵉⵜ-ⴰ ⴷ ⵜⵉⵏ ⴰⵢ ⵢⴻⵙⵙⴰⵡⴹⴻⵏ ⵜⴰⴽⴻⴱⴱⴰⵏⵉⵜ-ⴰ ⴰⴷ ⵜⴻⵙⵕⵓⵃ ⵉⵎⵓⵔⴻⵏ ⵏ ⵙⵙⵓⵇ, ⴰⵎ ⵡⴰⴽⴽⴻⵏ ⴰⵢ ⵜⴻⵇⵇⴻⵍ ⵜⵓⴳⵏⴰ-ⵏⵏⴻⵙ ⵜⴻⵛⵎⴻⵜ ⵢⴻⵔⵏⴰ ⵢⴻⵇⵇⴻⵍ ⵢⴻⵍⵍⴰ ⵛⵛⴻⴽ ⴷⴻⴳ ⵓⵜⵜⴽⴰⵍ ⴼⴻⵍⵍ-ⴰⵙ ⵉⵎⵉ ⵜⴰⵖⴰⵔⴰ ⵏ ⵢⵉⵎⴻⵥⵍⴰ-ⵏⵏⴻⵙ ⵜⴻⵇⵇⴻⵍ ⴷⵉⵔⵉ-ⵜⵜ ⵢⴻⵔⵏⴰ ⴰⴼⴼⵓⴳⴻⵏ-ⵏⵏⴻⵙ ⵇⵇⵍⴻⵏ ⵓⵔ ⴷ-ⵜⵜⵉⵍⵉⵏ ⴰⵔⴰ ⴷⴻⴳ ⵍⴰⵡⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ.

ⴷⵖⴰ ⵖⴻⴼ ⵡⴰⵢⴰ, ⵖⴻⴼ ⵡⴰⴽⴽⴻⵏ ⴷ-ⵢⴻⵏⵏⴰ ⵎⴰⵙⵙ ⴱⵧⵓⴷⴻⵔⴱⴰⵍⴰ, ⴰⵉⵔ ⴰⵍⴳⴻⵔⵉⴻ « ⵢⴻⵙⵙⴻⴼⴽ ⴰⴷ ⵜⵄⴰⵡⴻⴷ ⴰⵅⴻⵎⵎⴻⵎ ⵖⴻⴼ ⵡⴰⵎⴻⴽ ⴰⵔⴰ ⵜⴻⵜⵜⵖⴻⵍⵍⵉⵜ ⵢⴻⵔⵏⴰ ⴰⴷ ⵜⴻⵙⵙⴻⴼⵔⴰⴽ ⵜⵉⵖⴰⵡⵙⵉⵡⵉⵏ-ⵏⵏⴻⵙ ⴰⴽⴽⴻⵏ ⴰⴷ ⵜⴳⴻⵔⵔⴻⵣ ⴰⵎⴰⵀⵉⵍ-ⵏⵏⴻⵙ (ⴰⵅⴻⴷⴷⵉⵎ) » ⵢⴻⵔⵏⴰ ⴰⴷ ⴷ-ⵜⴻⵍⵀⵓ ⴷ ⵡⵓⴳⵓⵔⴻⵏ ⵡⴰⵔ ⵍⴻⵄⴹⵉⵍ.

ⵉⵙⵡⵉ ⴰⵏⴻⴳⴳⴰⵔⵓ ⵏⴻⵜⵜⴰ ⴷ ⴰⴱⴷⴰⴷ ⴷ ⵓⵙⵙⴻⴼⵕⴻⵃ ⵏ ⵢⵉⵎⵙⴰⵖⴻⵏ ⴰⴽⴽⴻⵏ ⴰⴷ ⵇⵇⵉⵎⴻⵏ ⴷ ⵜⴽⴻⴱⴱⴰⵏⵉⵜ ⴷ ⵓⵙⵙⴻⵊⵀⴻⴷ ⵏ ⵢⵉⵎⵓⵔⴻⵏ ⵏ ⵙⵙⵓⵇ ⵏ ⵜⴽⴻⴱⴱⴰⵏⵉⵜ ⵖⴻⴼ ⵣⵉⴽ ⵍⵃⴰⵍ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵇⴰⴷⴻⵔ ⵏ ⵡⴰⴽⵓⴷ ⵏ ⵡⴰⴼⴼⵓⴳ, ⴷ ⵢⵉⵡⴻⵜ ⵙⴻⴳ ⵜⵍⵓⴼⴰ ⴰⵢ ⵉⴹⵓⵔⵔⴻⵏ ⴰⵉⵔ ⴰⵍⴳⴻⵔⵉⴻ, ⴰⵇⴰⴷⴻⵔ ⵏ ⵡⴰⴽⵓⴷ ⵢⴻⵡⵡⴻⴹ ⵖⴻⵔ 60% ⴷⴻⵀ 2014, ⵢⴻⵔⵏⴰ ⵜⴰⵍⴻⵎⵎⴰⵙⵜ ⵏ ⵓⵄⴻⴹⴹⴻⵍ ⵜⵄⴻⴷⴷⴰ ⵉ ⵜⵙⴰⵄⴻⵜ. ⴰⵢⴰ ⵢⵓⵙⴰ-ⴷ ⴷⴷⴰⵡ ⵏ ⵢⵉⵙⵡⵉ ⴰⵢ ⵜⵄⴻⵡⵡⴻⵍ ⵜⴽⴻⴱⴱⴰⵏⵉⵜ ⴰⴷ ⵜ-ⵜⴰⵡⴻⴹ, ⵉⵎⵉ ⴰⵢ ⵜⴻⵙⵙⴻⴼⵔⴰ ⴰⴷ ⵜⴻⵜⵜⵇⴰⴷⴰⵔ ⴰⴽⵓⴷ ⵙ 70% ⴷⴻⴳ ⵡⴰⴽⵓⴷ ⴷⴻⴳ ⴰⵍⵓⴳⴻⵏ ⴰⴳⵔⴰⵖⵍⴰⵏ ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⵇⴰⴷⴻⵔ ⵏ ⵡⴰⴽⵓⴷ ⴰⴷ ⴷ-ⵢⵉⵍⵉ ⵙ 80%, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⴽⴻⴱⴱⴰⵏⵉⵜ. ⵙⴻⴳ ⵢⵉⴷⵉⵙ ⵏⵉⴹⴻⵏ, 558 ⵏ ⵡⴰⴼⴼⵓⴳⴻⵏ (ⴳⴰⵔ 61.000) ⴰⵢ ⵢⴻⵜⵜⵡⴰⴱⴻⵟⵍⴻⵏ ⴰⵙⴻⴳⴳⴰⵙ ⵢⴻⵣⵔⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵓⴳⵓⵔⴻⵏ-ⴰ ⵏ ⵓⵇⴰⴷⴻⵔ ⵏ ⵡⴰⴽⵓⴷ ⵇⵇⵏⴻⵏ, ⵍⴰⴷⵖⴰ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵖⴻⵔ ⵓⵙⵙⵉⵀⴻⵍ ⵏ ⴷⵉⵔⵉ ⵏ ⵡⴰⴼⴼⵓⴳⴻⵏ, ⴰⵖⴰⴱⵉ ⵏ ⴽⵔⴰ ⵏ ⵢⵉⵅⴻⴷⴷⴰⵎⴻⵏ ⵢⴻⵜⵜⴻⴷⴷⵓⵏ ⴷⴻⴳ ⵓⵙⴰⴼⴰⴳ, ⴰⵅⵚⴰⵔ ⵢⴻⵣⴳⴰⵏ ⵢⴻⵜⵜⴻⵇⵇⴰⵍ-ⴷ ⵏ ⵓⵏⴰⴳⵔⴰⵡ ⵏ ⵓⴽⵍⴰⵙ, ⴰⵙⴻⴽⴽⴻⵔ ⵏ ⵢⵉⴼⴻⵛⴽⴰ, ⵉⵏⴻⴼⵔⴰⴹⴻⵏ ⴷ ⵓⵃⴱⴰⵙ ⵏ ⵓⵅⴻⴷⴷⵉⵎ ⵏ ⵢⵉⵅⴻⴷⴷⴰⵎⴻⵏ.

ⵙ ⵍⵇⵉⵙ ⴰⵍⴻⵎⵎⴰⵙ, ⵜⴰⴽⴻⴱⴱⴰⵏⵉⵜ ⵢⴻⵙⵙⴻⴼⴽ ⴰⴷ ⵜⴻⵙⵏⴻⵔⵏⵉ ⴰⵎⴰ ⴷ ⴰⵙⵙⵉⵍⴻⵖ ⵏ ⵢⵉⵏⴻⵀⵀⴰⵕⴻⵏ ⵏ ⵢⵉⵙⴰⴼⴰⴳⴻⵏ, ⴰⵎⴰ ⴷ ⴰⵙⵙⴻⴼⵔⴻⴽ ⵏ ⵜⵖⴰⵡⵙⵉⵡⵉⵏ-ⵏⵏⴻⵙ ⴰⴽⴽⴻⵏ ⴰⴷ ⵢⴻⵍⵀⵓ ⵓⵎⴰⵀⵉⵍ-ⵏⵏⴻⵙ, ⴰⴷ ⴷ-ⵜⴻⵙⵙⴻⵡⵊⴻⴷ ⵉⵅⴻⴷⴷⴰⵎⴻⵏ ⴷⴻⴳ ⵡⴰⴽⵓⴷ ⵉⵡⴰⵜⴰⵏ, ⴰⴷ ⵜⴻⵙⵙⴻⵊⵀⴻⴷ ⵜⵉⵣⴻⵎⵎⴰⵔ ⵜⵉⵎⵙⴻⵏⵣⵉⵢⵉⵏ ⵉ ⵓⵙⵙⴻⴼⵕⴻⵃ ⵏ ⵢⵉⵎⵙⴰⵖⴻⵏ ⵢⴻⵔⵏⴰ ⴰⴷ ⵜⵇⴰⴱⴻⵍ ⵜⵉⵎⵙⵉⵣⵡⴻⵔⵜ ⵜⴰⴳⵔⴰⵖⵍⴰⵏⵜ ⴰⵢ ⴷ-ⵢⵓⵙⴰⵏ ⵙ ⵍⵊⴻⵀⴷ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵅⴻⴷⴷⴰⵎⴻⵏ, ⴰⵉⵔ ⴰⵍⴳⴻⵔⵉⴻ ⴰⴷ ⵜⴽⴻⵎⵎⴻⵍ ⴰⴷ ⴷ-ⵜⴻⵙⵙⵉⴷⵉⴼ ⵉⵅⴻⴷⴷⴰⵎⴻⵏ ⵉⵜⴻⴽⵏⵉⵢⴻⵏ (ⵉⵏⴻⵀⵀⴰⵕⴻⵏ ⵏ ⵢⵉⵙⴰⴼⴰⴳⴻⵏ, ⵉⵅⴻⴷⴷⴰⵎⴻⵏ ⴰⵔⴰ ⵢⴻⵜⵜⴻⴷⴷⵓⵏ ⴷⴻⴳ ⵢⵉⵙⴰⴼⴰⴳⴻⵏ ⴷ ⵢⵉⵅⴻⴷⴷⴰⵎⴻⵏ ⵏ ⵢⵉⵏⴰⴼⴰⴳⴻⵏ) ⵉⵎⵉ ⴷ ⵡⵉⴷ ⴰⵢ ⵉⵅⵓⵚⵚⴻⵏ, ⵎⴰ ⴷ ⵉⵅⴻⴷⴷⴰⵎⴻⵏ ⵏ ⵜⴻⴷⴱⴻⵍⵜ ⵏ ⵜⴽⴻⴱⴱⴰⵏⵉⵜ ⴰⵜⵏⵉ ⵍⵍⴰⵏ ⵙ ⵣⵣⵢⴰⴷⴰ.

« ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵎⵓⴽⴰⵏ ⵏ ⵓⵅⴻⴷⴷⵉⵎ ⴷⴻⴳ ⵜⴻⴱⴷⴻⵍⵜ, ⴰⵙⵙⵉⴷⴻⴼ ⴰⴷ ⵢⴻⵃⴱⴻⵙ ⵢⴻⵔⵏⴰ ⵡⵉⴷ ⴰⵔⴰ ⵢⴰⵡⵉⵏ ⵜⴰⵙⵜⴰⵖⵜ (ⵍⴰⵏⵜⵔⵉⵜ) ⵓⵔ ⴷ-ⵜⵜⴰⵙⴻⵏ ⴰⵔⴰ ⵢⵉⵅⴻⴷⴷⴰⵎⴻⵏ ⵏⵉⴹⴻⵏ ⴷⴻⴳ ⵓⵎⴽⴰⵏ-ⵏⵙⴻⵏ. ⵏⵏⵉⴳ ⵡⴰⵢⴰ, ⴰⴷ ⵏⵄⴰⵡⴻⴷ ⴰⴷ ⵏⴻⴼⵔⴻⵇ ⵉⵅⴻⴷⴷⴰⵎⴻⵏ ⴰⴽⴽⴻⵏ ⴰⴷ ⵏⵡⴻⵀⵀⵉ ⵉⵎⵓⴽⴰⵏ-ⴰ ⵏ ⵜⴻⴷⴱⴻⵍⵜ ⵖⴻⵔ ⵍⴻⵛⵖⴰⵍ ⵉⵏⴻⴼⵄⴻⵏ ⵓⴳⴰⵔ ⵜⴰⴽⴻⴱⴱⴰⵏⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ ⴰⵎⴻⵇⵔⴰⵏ ⵏ ⴰⵉⵔ ⴰⵍⴳⴻⵔⵉⴻ ⴰⵢ ⵢⴻⵙⵙⴻⵅⴷⴰⵎⴻⵏ ⴰⵣⴰⵍ ⵏ 9000 ⵏ ⵢⵉⵅⴻⴷⴷⴰⵎⴻⵏ.

« ⵙⴻⴳ ⵢⵉⴷⵉⵙ ⵏ ⵜⴻⴷⵔⵉⵎⵜ, ⵏⴻⵙⵄⴰ ⵜⵉⵣⴻⵎⵎⴰⵔ ⵢⴻⵍⵀⴰⵏ ⵢⴻⵔⵏⴰ ⵏⴻⴱⵖⴰ ⴰⴷ ⵜⴻⵏⵜ-ⵏⴻⵙⵙⴻⵊⵀⴻⴷ ⵙ ⵓⵎⴻⵥⵍⵓ ⴰⵔⴰ ⵢⴻⵙⵄⵓⵏ ⵜⴰⵖⴰⵔⴰ ⵢⴻⵍⵀⴰⵏ ⵓⴳⴰⵔ. ⵎⴰ ⵏⴻⵙⵙⴰⵡⴻⴹ ⴰⴷ ⴷ-ⵏⴻⵔⴱⴻⵃ ⵉⵎⴻⵏⵖⵉ-ⴰ, ⴰⵉⵔ ⴰⵍⴳⴻⵔⵉⴻ ⴰⴷ ⵜⴻⵙⵙⵉⵡⴻⴹ ⴰⴷ ⴷ-ⵜⴻⵇⵇⴻⵍ ⵖⴻⵔ ⵓⵎⴽⴰⵏ-ⵏⵏⴻⵙ ⴷⴻⴳ ⵓⵎⴰⴹⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵎⴰⵙⵙ ⴱⵧⵓⴷⴻⵔⴱⴰⵍⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⴷ ⴷ-ⵜⵜⵡⴰⴽⵔⵓⵏ 4 ⵏ ⵢⵉⵙⴰⴼⴰⴳⴻⵏ, ⵙⵉⵏ ⵙⴻⴳ-ⵙⴻⵏ ⴷ ⵉⵍⴻⵎⵎⴰⵙⴻⵏ, ⵎⴰ ⴷ ⵙⵉⵏ ⵏⵉⴹⴻⵏ ⴷ ⵉⵎⴻⵇⵔⴰⵏⴻⵏ, ⵙⴻⴳ 22 ⵢⵓⵏⵢⵓ ⴰⵔⵎⴰ ⴷ 20 ⵛⵜⴻⵎⴱⴻⵕ, ⴰⴽⴽⴻⵏ ⴰⴷ ⵅⴻⴷⵎⴻⵏ ⴷⴻⴳ ⵓⵙⵙⵉⵡⴻⴹ ⵏ ⵎⴻⴷⴷⴻⵏ ⴷⴻⴳ ⵜⴰⵍⵍⵉⵜ-ⴰ ⵏ ⵓⵏⴻⴱⴷⵓ, ⴷⴻⴳ ⵡⴰⵢⵢⵓⵔ ⵏ ⵔⴻⵎⴹⴰⵏ ⴷ ⵜⴰⵍⵍⵉⵜ ⵏ ⵍⵃⵉⵊⵊ.