ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵙⵎⴻⴽⵜⴰⵢⵜ ⵏ 2063 ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ: ⵍⵍⵙⴰⵙ ⵉ ⵓⵙⵏⴻⵔⵏⵉ ⵏ ⵜⴻⴼⵔⵉⵇⵜ (ⵙⴻⵍⵍⴰⵍ)
ⵊⵓⵀⴰⵏⴻⵙⴱⵓⵔⴳ – ⴰⵏⴻⵖⵍⴰⴼ ⴰⵎⴻⵏⵣⵓ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ ⵉⵡⴻⴽⴽⴻⴷ-ⴷ, ⴰⵙⵙ ⵏ ⵍⵃⴻⴷⴷ ⴷⴻⴳ ⵊⵧⵀⴰⵏⵏⴻⵙⴱⵓⵔⴳ, ⴷⴰⴽⴽⴻⵏ ⵜⴰⵙⵎⴻⴽⵜⴰⵢⵜ ⵏ 2063 ⴰⵢ ⵢⴻⵜⵜⵡⴰⴷⴷⵎⴻⵏ ⴷⴻⴳ ⵜⵇⴰⵛⵓⵛⵜ ⵜⵉⵙ 24 ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷ « ⵜⴰⴼⵜⴰⵔⵜ ⵏ ⵜⵡⴻⵍⵍⵉⵀⵜ ⵜⴰⵙⵓⴷⴷⵙⴰⵏⵜ » ⵏ ⵜⵏⴻⴼⵍⵉⵜ ⵏ ⵜⴻⴼⵔⵉⵇⵜ ⵉ 50 ⵏ ⵢⵉⵙⴻⴳⴳⴰⵙⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ.
« ⵜⴻⵙⵎⴻⴽⵜⴰⵢⵜ ⵏ 2063 ⴷ ⵔⵔⴱⴻⵃ ⴰⵢ ⴷ-ⵢⴻⵜⵜⵡⴰⵃⴻⵕⵕⴻⵏ ⵉⵎⵉ ⵜⴰⴼⵜⴰⵔⵜ-ⴰ ⴷ ⵜⴰⵡⴻⵍⵍⵉⵀⵜ ⵜⴰⵙⵓⴷⴷⵙⴰⵏⵜ ⴰⵢ ⴷ-ⵢⴻⴽⴽⴰⵏ ⵙⴻⴳ ⵍⴻⵎⵛⴰⵡⵕⴰⵜ, ⴷ ⵜⵉⵏ ⴰⵢⴷⴻⴳ ⴷ-ⵢⴻⵍⵍⴰ ⵡⴰⵙⵙⴰⵖ ⴳⴰⵔ ⵜⴰⵍⵡⵉⵜ, ⵜⴰⵖⴻⵍⵍⵉⵙⵜ ⴷ ⵜⵏⴻⴼⵍⵉⵜ ⵢⴻⵔⵏⴰ ⵉⵙⵡⵉ-ⵏⵏⴻⵙ ⴷ ⴰⵙⵙⴻⵡⵊⴻⴷ ⵏ ⵜⴻⴼⵔⵉⵇⵜ ⴰⴽⴽⴻⵏ ⴰⴷ ⵜⵇⴰⴱⴻⵍ ⴽⵔⴰⴹ-ⴰ (3) ⵏ ⵢⵉⵛⵇⵉⵔⵔⵡⴻⵏ ⵉⵎⴻⵇⵔⴰⵏⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ ⵢⵉⵏⴰⵡ-ⵏⵏⴻⵙ ⵉ ⵍⵎⴻⵏⴷ ⵏ ⵓⵔⵥⴰⵎ ⵏ ⵜⵖⵉⵉⵜ ⵜⵉⵙ 25 ⵏ ⵓⵙⴰⵔⴰⴳ ⵏ ⵢⵉⵖⴼⴰⵡⴻⵏ ⵏ ⵓⵡⴰⵏⴰⴽ ⴷ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ.
Ɣⴻⴼ ⵍⴻⵃⵙⴰⴱ ⵏ ⵎⴰⵙⵙ ⵙⴻⵍⵍⴰⵍ, ⴰⵢ ⴷ-ⵢⵓⵙⴰⵏ ⵙ ⵢⵉⵙⴻⵎ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵖⴻⵔ ⵜⵇⴰⵛⵓⵛⵜ-ⴰ, ⵜⴰⵙⵎⴻⴽⵜⴰⵢⵜ ⵏ 2063 ⵜⴻⵍⵍⴰ-ⴷ « ⴷ ⵜⵉⵖⴻⵔⵖⴻⵔⵜ ⵉⴳⴻⵔⵔⵣⴻⵏ ⵉ ⵓⵎⴰⵀⵉⵍ (ⴰⵅⴻⴷⴷⵉⵎ) ⴷ ⵓⴽⴻⵎⵎⴻⵍ ⵓⴱⵔⵉⴷ ⵉ ⵍⵎⴻⵏⴷ ⵏ ⵓⵙⵙⴻⵇⵄⴻⴷ ⵏ ⵜⵏⴻⴼⵍⵉⵜ ⵏ ⵜⴻⴼⵔⵉⵇⵜ ⵉ 50 ⵏ ⵢⵉⵙⴻⴳⴳⴰⵙⴻⵏ ⴰⵢ ⴷ-ⵢⴻⵜⵜⴻⴷⴷⵉⵏ.
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⴰⵏⴻⵖⵍⴰⴼ ⴰⵎⴻⵏⵣⵓ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵙⵎⴰⵍ ⵏ ⵜⴳⴰⴷⴷⴰ ⴳⴰⵔ ⵓⵔⴳⴰⵣ ⴷ ⵜⵎⴻⵟⵟⵓⵜ « ⴷ ⵢⵉⵡⴻⵏ ⵙⴻⴳ ⵍⵍⵙⵉⵙⴰⵏ ⵏ ⵜⵏⴻⴼⵍⵉⵜ ⵉⵎⵜⴰⵡⴰⵏ, ⴷ ⵜⵉⵏ ⵢⴻⴱⵏⴰⵏ ⵖⴻⴼ ⵓⵎⴷⴰⵏ ⵢⴻⵔⵏⴰ ⴷ ⵜⵉⵏ ⴰⵢ ⵢⴻⵙⵙⴻⵔⵙⴻⵏ ⵜⴰⵎⴻⵟⵟⵓⵜ ⴷⴻⴳ ⵜⵍⴻⵎⵎⴰⵙⵜ ⵏ ⵍⵎⴻⵊⵀⵓⴷ ⵏ ⵜⵏⴻⴼⵍⵉⵜ ⵏ ⵜⴻⴼⵔⵉⵇⵜ ».
ⵏⵏⵉⴳ ⵡⴰⵢⴰ, ⵎⴰⵙⵙ ⵙⴻⵍⵍⴰⵍ ⵉⴳⴻⵔ-ⴷ ⵜⵉⵖⵔⵉ ⵉ ⵜⵓⴽⴽⵙⴰ ⵏ ⵡⵓⵏⵊⵓⴳⴻⵏ ⴰⵢ ⵉⴱⴻⴷⴷⴻⵏ ⴷⴻⴳ ⵓⴱⵔⵉⴷ ⵏ ⵓⵜⵜⴻⴽⴽⵉ ⵓⵎⵎⵉⴷ ⵏ ⵜⵎⴻⵟⵟⵓⵜ ⴷⴻⴳ ⵡⴰⴽⴽ ⵉⵏⵓⵔⴰⵔ ⵏ ⵓⵎⴰⵀⵉⵍ (ⴰⵅⴻⴷⴷⵉⵎ), ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷⴰⴽⴽⴻⵏ ⵍⴷⵣⴰⵢⴻⵔ ⵜⴳⴰ ⵍⵎⴻⵊⵀⵓⴷ ⴰⴽⴽⴻⵏ ⴰⴷ ⵜⴻⵙⵎⴻⵍ ⴷⴷⵓⵕ ⵏ ⵜⵎⴻⵟⵟⵓⵜ ⴷⴻⴳ ⵜⵎⴻⵜⵜⵉ.
« ⵜⴰⵎⵓⵔⵜ-ⵉⵏⵓ ⵜⴻⵅⴷⴻⵎ ⵎⵍⵉⵃ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ ⴰⴽⴽⴻⵏ ⴰⴷ ⵜⴻⵙⵙⴻⵊⵀⴻⴷ ⴰⵎⴽⴰⵏ ⵏ ⵜⵎⴻⵟⵟⵓⵜ ⴷⴻⴳ ⵓⴽⴰⵜⴰⵔ ⵏ ⵢⵉⵡⴻⵏ ⵏ ⵓⵙⴻⵏⴼⴰⵔ ⴷ ⴰⵎⴻⵇⵔⴰⵏ ⴰⵢ ⴷ-ⵢⴻⴱⴷⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵉ ⵍⵎⴻⵏⴷ ⵏ ⵓⵙⵎⴰⵍ ⴰⵎⴻⵇⵔⴰⵏ ⵏ ⵓⵇⴰⴷⴻⵔ ⵏ ⵜⴳⴰⴷⴷⴰ ⵜⴰⵎⴻⵏⴹⴰⵡⴰⵏⵜ ⴳⴰⵔ ⵜⵎⴻⵟⵟⵓⵜ ⴷ ⵓⵔⴳⴰⵣ, ⴷ ⴰⵇⴰⴷⴻⵔ ⴰⵔⴰ ⵢⴻⴵⴵⴻⵏ ⵜⴰⵎⴻⵟⵟⵓⵜ ⴰⴷ ⴷ-ⵜⴻⴼⵔⵓⵔⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵜⴰⵙⴻⵎⵎⴻⵙⴽⴻⵍⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴷ ⵜⵉⵏ ⴰⵢ ⵉⵔⴻⵥⵎⴻⵏ ⴰⴱⵔⵉⴷ ⵉ « ⵓⵄⴰⵡⴻⴷ ⵏ ⵓⵎⵙⴰⵍ » ⵏ ⵍⴻⵇⵡⴰⵏⵉⵏ, ⴳⴰⵔ-ⴰⵙⴻⵏ ⵍⵇⴰⵏⵓⵏ ⵏ ⵜⵡⴰⵛⵓⵍⵜ, ⵡⵉⵏ ⵏ ⵜⴻⵖⵍⴻⵏⵜ ⴷ ⵍⵇⴰⵏⵓⵏ ⵏ ⵓⵄⴰⵇⴻⴱ, ⵢⴻⵔⵏⴰ ⵍⴻⵇⵡⴰⵏⵉⵏ-ⴰ ⴰⴽⴽ ⵢⴻⵔⵏⴰ-ⴷ ⵖⴻⵔ-ⵙⴻⵏ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵏ ⵓⵙⵙⴻⵊⵔⴻⵎ ⵏ ⵜⴻⴽⵔⵉⴹⵜ ⵎⴳⴰⵍ ⵜⵎⴻⵟⵟⵓⵜ.
ⵓⵍⴰ ⴷ ⵍⵇⴰⵏⵓⵏ ⵏ ⵜⴻⴼⵔⴰⵏⵉⵏ ⵢⴻⵜⵜⵡⴰⴱⴻⴷⴷⴻⵍ ⵉ ⵍⵎⴻⵏⴷ ⵏ ⵓⵙⵙⴻⵊⵀⴻⴷ ⵏ ⵓⵜⵜⴻⴽⴽⵉ ⵏ ⵜⵍⴰⵡⵉⵏ ⴷⴻⴳ ⵢⵉⴳⵔⴰⵡⴻⵏ ⵢⴻⵜⵜⵡⴰⴼⴻⵔⵏⴻⵏ, ⵢⴻⵔⵏⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⴰⴼⵎⵉⴹⵉ ⵏ ⵜⵍⴰⵡⵉⵏ ⴷⴻⴳ ⵓⵎⵏⵉ ⴰⴷ ⵉⵄⴻⴷⴷⵉ ⵙⴻⴳ 8% ⴷⴻⴳ 2007 ⵖⴻⵔ 32% ⵉⵎⵉⵔ-ⴰ.
« ⵜⴰⵙⴻⵎⵎⴻⵙⴽⴻⵍⵜ-ⴰ ⵜⴻⵔⵔⴰ ⵍⴷⵣⴰⵢⴻⵔ ⴳⴰⵔ 30 ⵏ ⵜⵎⵓⵔⴰ ⵜⵉⵎⴻⵣⵡⵓⵔⴰ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵢⵉⵙⵡⵉ ⵏ ⵡⴰⵀⵉⵍ ⵏ ⵜⵉⴳⴰⵡⵜ ⵏ ⵒⴻⴽⵉⵏ ⴷ ⵓⵎⵜⴰⵡⴰ ⵏ ⵜⵓⴽⴽⵙⴰ ⵏ ⵡⴰⴽⴽ ⵍⴻⵚⵏⴰⴼ ⵏ ⵎⴻⵃⵢⴰⴼ ⵎⴳⴰⵍ ⵜⵎⴻⵟⵟⵓⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵎⴻⵔⵏⵉⵡⵜ ⵏ ⵓⵜⵜⴻⴽⴽⵉ ⵏ ⵜⵎⴻⵟⵟⵓⵜ ⴷⴻⴳ ⵓⵏⴰⴱⴰⴹ, ⵎⴰⵙⵙ ⵙⴻⵍⵍⴰⵍ ⵢⴻⴱⴷⴻⵔ-ⴷ ⵍⴰⴷⵖⴰ ⵜⵓⴽⵛⵉ ⵏ ⵓⵎⴽⴰⵏ ⵏ ⵓⵏⴻⵖⵍⴰⴼ ⵉ ⵜⵎⴻⵟⵟⵓⵜ, ⴷ ⵡⴰⴷⴰⴼ ⵏ ⵜⵎⴻⵟⵟⵓⵜ ⵖⴻⵔ ⵢⵉⵎⵓⴽⴰⵏ ⵏ ⵓⴷⴰⴱⵓ ⵏⵉⴹⴻⵏ ⴰⵎ ⵜⴷⵉⵒⵍⵓⵎⴰⵜⵉⵜ, ⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⴷ ⵜⵎⴻⵣⴷⴰⵢⵉⵏ ⵜⵉⴷⵉⴳⴰⵏⵉⵏ.
ⴷ ⴰⵛⵓ ⴽⴰⵏ, ⵎⴰⵙⵙ ⵙⴻⵍⵍⴰⵍ ⵢⴻⵏⵏⴰ-ⴷ ⴷⴰⴽⴽⴻⵏ ⵓⵍⴰ ⵎⴰ ⵢⴻⵍⵍⴰ-ⴷ ⵍⵎⴻⵊⵀⵓⴷ ⴷ ⴰⵎⴻⵇⵔⴰⵏ, « ⴰⵛⴻⵎⵎⴰ ⵓⵔ ⵢⴻⵜⵜⵡⴰⴹⵎⴻⵏ ⵢⴻⵜⵜⵡⴰⵃⴻⵕⵕ-ⴷ ⵉ ⵍⴻⴱⴷⴰ » ⵢⴻⵔⵏⴰ ⵢⴻⵙⵙⴻⴼⴽ « ⴷⵉⵎⴰ ⴰⴷ ⵉⴽⴻⵎⵎⴻⵍ ⵓⵎⴰⵀⵉⵍ ⴰⴽⴽⴻⵏ ⴰⴷ ⵜⵜⵡⴰⵙⵊⴻⵀⴷⴻⵏ ⵢⵉⵙⵡⴰⵏ ⵏ ⵜⴳⴰⴷⴷⴰ ⴷ ⵓⵙⴼⵓⵍⵎⴻⵏ ⵏ ⵜⵎⴻⵟⵟⵓⵜ ⵉ ⵍⴼⴰⵢⴷⴰ ⵏ ⵜⵏⴻⴼⵍⵉⵜ ⵏ ⵜⵎⵓⵔⴰ-ⵏⵏⴻⵖ ⴷ ⵓⴵⴵⵓⴵⴵⴻⴳ ⵏ ⵜⵎⴻⵜⵜⵉⵢⵉⵏ-ⵏⵏⴻⵖ ».
