ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵍⵓⴼⵜ ⵏ ⵢⴰⵎⴰⵏ: ⵍⴻⵣⵣⴰⵢⴻⵔ ⵜⴻⵛⴽⴻⵕ-ⴷ ⴰⵔⵥⴰⵎ ⵏ ⵍⴻⵎⵛⴰⵡⵕⴰⵜ ⴷⴻⴳ ⴳⴻⵏⴻⵠⴻ (ⴰⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ)
ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⵍⴻⵣⵣⴰⵢⴻⵔ « ⵜⴻⵛⴽⴻⵕ-ⴷ » ⴰⵔⵥⴰⵎ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⴳⴻⵏⴻⵠⴻ, ⵏ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⴳⴰⵔ ⵢⵉⴷⵉⵙⴰⵏ ⵉⵢⴰⵎⴰⵏⵉⵢⴻⵏ ⵢⴻⵔⵏⴰ ⵜⴻⵙⵙⴰⵔⴰⵎ ⴷ ⴰⴽⴽⴻⵏ ⴰⵎⵛⵉⵡⴻⵕ-ⴰ ⴰⴷ ⵢⴻⵙⵙⵉⵡⴻⴹ ⵖⴻⵔ ⵜⵉⴼⵔⴰⵜ « ⵜⴰⵙⴻⵔⵜⵉⵜ » ⵏ ⵜⴰⵍⵓⴼⵜ ⴰⵢⵖⴻⴼ ⵜⴻⵜⵜⵄⴻⴷⴷⵉ ⵜⵎⵓⵔⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵏ ⵓⵖⵍⵉⴼ ⵏ ⵡⴰⵙⵙⴰⵖⴻⵏ ⵏ ⵓⵣⵖⴰⵔ, ⴰⴱⴷⴻⵍⴰⵣⵉⵣ ⴱⴻⵏⴰⵍⵉ ⵛⵀⴻⵔⵉⴼ.
« ⵏⴻⵙⵜⴻⵕⵃⴻⴱ ⵙ ⵓⵔⵥⴰⵎ, ⴰⵙⵙ-ⴰ, ⵏ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⴳⴰⵔ ⵢⵉⴷⵉⵙⴰⵏ ⵉⵢⴰⵎⴰⵏⵉⵢⴻⵏ ⴷⴻⴳ ⴳⴻⵏⴻⵠⴻ, ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵢⴻⵔⵏⴰ ⵏⴻⵙⵙⴰⵔⴰⵎ ⴷ ⴰⴽⴽⴻⵏ ⴰⵎⵛⵉⵡⴻⵕ-ⴰ ⴰⴷ ⵢⴻⵣⵎⴻⵔ ⴰⴷ ⵢⴻⵙⵙⵉⵡⴻⴹ ⵖⴻⵔ ⵜⵉⴼⵔⴰⵜ ⵜⴰⵙⴻⵔⵜⵉⵜ ⵏ ⵜⴰⵍⵓⴼⵜ-ⴰ, ⴷ ⵜⵉⵏ ⴰⵔⴰ ⵢⴻⵙⵙⵉⴼⴻⵙⵙⴻⵏ ⴰⵎⵙⵓⵖⴰⵍ ⴳⴰⵔ ⵜⴻⴳⵔⴰⵡⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⴻⵏⵏⵉ ⵜⴰⵢⴰⵎⴰⵏⵉⵜ ⵢⴻⵔⵏⴰ ⴰⴷ ⵜⴻⴵⴵ ⵜⴰⵎⵓⵔⵜ-ⴰ ⴰⴷ ⴷ-ⵜⴻⴼⴼⴻⵖ ⵙⴻⴳ ⵜⵏⵉⴼⵉⴼⵜ ⵏ ⵓⵔⵡⴰⵢ ⴷ ⵜⴻⴽⵔⵉⴹⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵏ ⵓⵖⵍⵉⴼ.
« ⵏⴻⴽⴽⵏⵉ ⵏⴻⵜⵜⵄⴰⵡⴰⴷ-ⴷ ⴰⵡⴻⴽⴽⴻⴷ ⵏ ⵓⴱⴷⴰⴷ-ⵏⵏⴻⵖ ⵖⴻⵔ ⵢⵉⴷⵉⵙ ⵏ ⵓⴽⴰⵍⴰ-ⴰ ⴰⵢ ⵍⴰ ⴷ-ⵢⴻⵜⵜⵍⴰⵍⴻⵏ, ⴷ ⵡⵉⵏ ⵢⴻⵍⵍⴰⵏ ⴷ ⴰⵙⵓⵔⵉⴼ ⴷⴻⴳ ⵓⴱⵔⵉⴷ ⵏ ⵓⵏⴰⴷⵉ ⵏ ⵜⵉⴼⵔⴰⵜ ⵜⴰⵎⴰⵜⵓⵜ, ⵏ ⵜⴰⵍⵡⵉⵜ, ⵉ ⵜⴰⵍⵓⴼⵜ ⵏ ⵜⵎⵓⵔⵜ-ⴰ ⵜⴰⵡⴻⵍⵜⵎⴰⵜ ⵙ ⵓⵎⵛⵉⵡⴻⵕ ⴰⵎⴰⴳⵍⴰⵢ, ⴰⴱⴻⵏⵏⴰⵢ ⵢⴻⵔⵏⴰ ⴷ ⴰⵎⴰⵙⴰⵢ, ⴰⵎ ⵡⴰⴽⴽⴻⵏ ⴰⵢ ⴷ-ⵏⴳⴻⵔ ⵜⵉⵖⵔⵉ ⵉ ⵡⴰⴽⴽ ⵉⴷⵉⵙⴰⵏ ⴷ ⵢⵉⵎⴻⴳⴳⵉⵢⴻⵏ ⵉⵙⴻⵔⵜⵉⵢⴻⵏ ⴰⴽⴽⴻⵏ ⴰⴷ ⴼⴻⵔⵏⴻⵏ ⴰⴱⵔⵉⴷ ⵏ ⵓⵎⵙⴻⴼⵀⴰⵎ ⵢⴻⵔⵏⴰ ⴰⴷ ⵔⵔⴻⵏ ⵏⵏⴼⴻⵄ ⵏ ⵢⴰⵎⴰⵏ ⴷ ⵏⴻⵜⵜⴰ ⴰⵢ ⴷ ⴰⵎⴻⵣⵡⴰⵔⵓ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵎⴰⵙⵙ ⴱⴻⵏⴰⵍⵉ ⵛⵀⴻⵔⵉⴼ.
