ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵎⴻⵃⴱⴰⵙ ⵉⵙⴻⵔⵜⵉⵢⴻⵏ ⵉⵚⴻⵃⵔⴰⵡⵉⵢⴻⵏ ⴱⴷⴰⵏ-ⴷ ⴰⵙⵓⵏⴷⴻⴷ ⵏ ⵍⴰⵥ ⵉ ⵓⴱⴷⴰⴷ ⵖⴻⵔ ⵢⵉⴷⵉⵙ ⵏ ⵜⴻⴽⴱⴻⵔ ⵀⴰⴷⴷⵉ
ⵔⵔⴱⴰⵟ - ⵉⵎⴻⵃⴱⴰⵙ ⵉⵙⴻⵔⵜⵉⵢⴻⵏ ⵉⵚⴻⵃⵔⴰⵡⵉⵢⴻⵏ (ⵜⴰⴳⵔⴰⵡⵜ ⵏ ⴳⴷⴻⵢⵎ ⵉⵣⵉⴽ) ⴱⴷⴰⵏ-ⴷ « ⴰⵙⵓⵏⴷⴻⴷ ⵏ ⵍⴰⵥ ⵉ ⵓⵃⴻⵣⵣⴻⴱ » ⵏ 48 ⵏ ⵜⵙⴰⵄⵜⵉⵏ ⵙⴻⴳ ⵡⴰⵙⵙ ⵏ ⵜⵜⵍⴰⵜⴰ ⴰⴽⴽⴻⵏ ⴰⴷ ⴷ-ⵙⵙⴻⴽⵏⴻⵏ ⵜⴰⵎⵙⴻⵜⵍⴻⵍⵜ-ⵏⵙⴻⵏ ⵖⴻⵔ ⵢⵉⴷⵉⵙ ⵏ ⵜⵖⴻⵔⵎⴰⵏⵜ ⵜⴰⵚⴻⵃⵔⴰⵡⵉⵜ ⵜⴻⴽⴱⴻⵔ ⵀⴰⴷⴷⵉ ⴰⵢ ⵉⴳⴰⵏ ⵓⵍⴰ ⴷ ⵏⴻⵜⵜⴰⵜ ⴰⵙⵓⵏⴷⴻⴷ ⵏ ⵍⴰⵥ ⵙⴷⴻⴼⴼⵉⵔ ⵎⴰ ⵏⵖⴰⵏ ⵢⵉⵎⵀⵓⵔⴰⵙ ⵉⵎⴻⵕⵕⵓⴽⵉⵢⴻⵏ ⵎⴻⵎⵎⵉ-ⵙ ⴷⴻⴳ ⵍⴻⵄⵢⵓⵏ, ⵖⴻⴼ ⵡⴰⴽⴽⴻⵏ ⴷ-ⵜⴻⵏⵏⴰ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵜⴰⵚⴻⵃⵔⴰⵡⵉⵜ (ⵙⵒⵙ).
ⵉⵎⴻⵃⴱⴰⵙ ⵉⵙⴻⵔⵜⵉⵢⴻⵏ ⵉⵚⴻⵃⵔⴰⵡⵉⵢⴻⵏ ⵏⵏⴰⵏ-ⴷ, ⴷⴻⴳ ⵢⵉⵡⴻⵏ ⵏ ⵓⵍⵖⵓ, ⴷ ⴰⴽⴽⴻⵏ ⴱⵖⴰⵏ ⴰⴷ ⴷ-ⵙⵙⴻⴽⵏⴻⵏ ⵜⴰⵎⵙⴻⵜⵍⴻⵍⵜ-ⵏⵙⴻⵏ ⵖⴻⵔ ⵢⵉⴷⵉⵙ ⵏ ⵜⴻⴽⴱⴻⵔ ⵀⴰⴷⴷⵉ ⴰⵢ ⵉⴳⴰⵏ ⴰⵙⵓⵏⴷⴻⴷ ⵏ ⵍⴰⵥ ⵡⴰⵔ ⵜⵉⵍⵉⵙⴰ ⵙⴻⴳ ⵡⴰⵙⵙ ⵏ 15 ⵎⴰⵢⵓ 2015 ⵙⴷⴰⵜ ⵜⵇⴻⵏⵚⵓⵍⵉⵜ ⵜⴰⵎⴻⵕⵕⵓⴽⵉⵜ ⴷⴻⴳ ⵍⴰⵙ ⵒⴰⵍⵎⴰⵙ, ⴰⴽⴽⴻⵏ ⴰⴷ ⵜⴻⵙⵙⵓⵜⴻⵔ ⴰⴷ ⴷ-ⵢⵉⵍⵉ ⵓⵃⵜⴰⵛ « ⵓⵄⴷⵉⵍ ⵢⴻⵔⵏⴰ ⴷ ⴰⵎⴻⵙⵖⴰⵔⵓ » ⴷⴻⴳ ⵜⵎⴻⵏⵖⵉⵡⵜ ⵏ ⵎⴻⵎⵎⵉ-ⵙ, ⵎⵧⵀⴰⵎⴻⴷ ⵍⴰⵎⵉⵏⴻ ⵀⴰⵉⴷⴰⵍⵍⴰ, ⵢⴻⵔⵏⴰ ⴰⴷ ⵄⴻⴷⴷⵉⵏ ⵡⵉⴷ ⴰⵢ ⵜ-ⵢⴻⵏⵖⴰⵏ ⴷⴻⴳ ⵛⵛⵕⴻⵄ.
ⴳⵔⴻⵏ-ⴷ ⴷⴰⵖ ⵜⵉⵖⵔⵉ ⵉ ⵓⵖⵔⴻⴼ ⴰⵚⴻⵃⵔⴰⵡⵉ ⴰⴽⴽⴻⵏ ⴰⴷ ⴷ-ⵜⴻⵙⵙⴽⴻⵏ ⵜⴰⵎⵙⴻⵜⵍⴻⵍⵜ ⵖⴻⵔ ⵢⵉⴷⵉⵙ ⵏ ⵜⴻⴽⴱⴻⵔ ⴷⴷⴰⵡ ⵓⴱⴻⵔⵔⵉⵃ ⵏ « ⵏⴻⴽⴽⵏⵉ ⴰⴽⴽ ⴷ ⴰⵔⵔⴰⵡ ⵏ ⵜⴻⴽⴱⴻⵔ ⵀⴰⴷⴷⵉ », ⴰⵎ ⵡⴰⴽⴽⴻⵏ ⴰⵢ ⴷ-ⵡⵜⴻⵏ ⴷⴻⴳ ⵜⵓⵇⵇⵏⴰ ⴰⵢ ⵇⵇⵏⴻⵏ ⵢⵉⴷⵓⴱⴰ ⵉⵎⴻⵕⵕⵓⴽⵉⵢⴻⵏ ⵜⵉⵟ-ⵏⵙⴻⵏ ⵖⴻⴼ ⵡⴰⵢⴻⵏ ⴰⵢ ⵍⴰ ⴷ-ⵜⴻⵙⵙⵓⵜⵓⵔ ⵎⴰⵙⵙⴰ ⵜⴻⴽⴱⴻⵔ ⵀⴰⴷⴷⵉ.
ⵎⵧⵀⴰⵎⴻⴷ ⵍⴰⵎⵉⵏⴻ ⵀⴰⵉⴷⴰⵍⵍⴰ, ⵎⴻⵎⵎⵉ-ⵙ ⵏ ⵎⴰⵙⵙⴰ ⵜⴻⴽⴱⴻⵔ ⵀⴰⴷⴷⵉ, ⴷ ⵏⴻⵜⵜⴰ ⴰⵢ ⴷ ⴰⵏⴻⴳⴳⴰⵔⵓ ⴰⵢ ⵢⴻⵜⵜⵡⴻⵏⵖⴻⵏ ⵖⴻⴼ ⵓⴼⵓⵙ ⵏ ⵢⵉⴷⵓⴱⴰ ⵉⵎⴻⵕⵕⵓⴽⵉⵢⴻⵏ ⴷ ⵢⵉⵎⵀⵓⵔⴰⵙ-ⵏⵙⴻⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ, ⵢⴻⵔⵏⴰ ⵍⵍⴰⵏⵜ-ⴷ ⵓⵇⴱⴻⵍ ⵡⴰⵢⴰ ⵜⴻⵊⵔⵉⵎⵉⵏ ⵏⵉⴹⴻⵏ ⵏ ⵜⵎⴻⵏⵖⵉⵡⵜ, ⴰⵎ ⵜⵉⵏ ⴷⴻⴳ ⵢⴻⵎⵎⵓⵜ ⵀⴰⵙⵙⴰⵏⴰ ⴻⵍⵓⴰⵍⵉ, ⵢⴻⵜⵜⵡⴻⵏⵖⴻⵏ ⴷⴻⴳ ⵛⵜⴻⵎⴱⴻⵕ ⴷⴻⴳ ⵍⵃⴻⴱⵙ ⵏ ⴷⴰⵅⵍⴰ, ⵏⴻⵖ ⵜⵉⵏ ⵏ ⵙⴰⵉⴷ ⴷⴰⵎⴱⴰⵔ, ⴰⵢ ⵏⵖⴰⵏ ⵢⵉⵎⵙⵓⵍⵜⴰ ⵉⵎⴻⵕⵕⵓⴽⵉⵢⴻⵏ ⵡⴰⵔ ⴰⴽⵓⵔⵓ ⵎⵉ ⵢⴻⵍⵍⴰ ⵢⴻⵜⵜⴻⴷⴷⵓ ⵖⴻⵔ ⵓⵅⵅⴰⵎ-ⵏⵏⴻⵙ.
