ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⵇⴰⵏⵓⵏ ⵏ ⵓⵙⵎⴰⴷ ⵏ ⵜⴻⴷⵔⵉⵎⵜ ⵏ 2015 ⴷ ⵡⵉⵏ ⴰⵔⴰ ⵉⵄⴰⵡⵏⴻⵏ ⵙⵙⴻⵍⵄⴰ ⵜⴰⵖⴻⵍⵏⴰⵡⵜ ⵢⴻⵔⵏⴰ ⴰⴷ ⵜⵜ-ⵉⵏⴻⵡⵡⴻⵄ (ⵙⴻⵍⵍⴰⵍ)

ⵎⵄⴻⵙⴽⴻⵕ - ⴰⵏⴻⵖⵍⴰⴼ ⴰⵎⴻⵏⵣⵓ, ⴰⴱⴻⵍⵎⴰⵍⴻⴽ ⵙⴻⵍⵍⴰⵍ, ⵢⴻⵏⵏⴰ-ⴷ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵎⵄⴻⵙⴽⴻⵕ ⴷ ⴰⴽⴽⴻⵏ ⵉⵙⵡⵉ ⵏ ⵍⵇⴰⵏⵓⵏ ⵏ ⵓⵙⵎⴰⴷ ⵏ ⵜⴻⴷⵔⵉⵎⵜ ⵏ 2015 ⵏⴻⵜⵜⴰ ⴷ ⴰⵄⴰⵡⴻⵏ ⴷ ⵓⵏⴻⵡⵡⴻⵄ ⵏ ⵓⴼⴰⵔⴻⵙ ⴰⵖⴻⵍⵏⴰⵡ.

ⵉⵙⵡⵉ ⵏ ⵍⵇⴰⵏⵓⵏ ⵏ ⵓⵙⵎⴰⴷ ⵏ ⵜⴻⴷⵔⵉⵎⵜ ⵏ 2015 ⵏⴻⵜⵜⴰ ⴷ ⴰⵄⴰⵡⴻⵏ ⴷ ⵓⵏⴻⵡⵡⴻⵄ ⵏ ⵓⴼⴰⵔⴻⵙ ⴰⵖⴻⵍⵏⴰⵡ, ⵖⴻⴼ ⵡⴰⴽⴽⴻⵏ ⴰⵢ ⴷⵢⴻⵏⵏⴰ ⵎⴰⵙⵙ ⵙⴻⵍⵍⴰⵍ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵖⴻⵎⵙⴰ ⴷⴻⴳ ⵢⵉⵊⵉⴼⴻⵕ ⵏ ⵜⴻⵔⵣⵉ ⵏ ⵓⵎⴰⵀⵉⵍ (ⴰⵅⴻⴷⴷⵉⵎ) ⴰⵢ ⵉⴳⴰ ⵖⴻⴼ ⵜⵡⵉⵍⴰⵢⵜ ⵏ ⵎⵄⴻⵙⴽⴻⵕ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⵍⵄⵓⵍⴰ ⵏ ⵢⵉⴷⵔⵉⵎⴻⵏ ⵉⴱⴻⵕⵕⴰⵏⵉⵢⵉⵏ ⵏ ⵍⴻⵣⵣⴰⵢⴻⵔ ⵍⴰ ⵜⴻⵜⵜⵡⴰⵚⴻⵔⵔⴰⴼ ⵙ « ⵍⵎⵉⵣⴰⵏ ».

ⵉⵙⵡⵉ ⵏ ⵓⵀⴻⵢⵢⵉ ⵏ ⵍⵇⴰⵏⵓⵏ ⵏ ⵓⵙⵎⴰⴷ ⵏ ⵜⴻⴷⵔⵉⵎⵜ, ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⵙⴻⵍⵍⴰⵍ ⵏⴻⵜⵜⴰ ⴷ « ⴰⵇⴰⴱⴻⵍ ⵏ ⵡⵓⴳⵓⵔⴻⵏ ⵏ ⵓⵖⴻⵍⵍⵓⵢ ⵏ ⵙⵙⵓⵎⴰ ⵏ ⵓⵒⵉⵜⵕⵓⵍ ».

ⴰⵏⴰⴱⴰⴹ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⵢⴻⵙⵙⴻⴼⴽ ⴰⴷ ⵉⵅⴻⵎⵎⴻⵎ, ⵙ ⵍⵇⴰⵏⵓⵏ ⵏ ⵓⵙⵎⴰⴷ ⵏ ⵜⴻⴷⵔⵉⵎⵜ, ⵖⴻⴼ ⵡⴰⵎⴻⴽ ⴰⵔⴰ ⵢⴻⵙⵙⴻⵏⵇⴻⵙ ⴽⵔⴰ ⵏ ⵍⴻⵖⵔⴰⵎⴰⵜ ⴰⵎ ⵍⴻⵖⵔⴰⵎⴰ ⵏ ⵓⵔⵎⵓⴷ ⴰⵎⵙⴰⴷⵓⵔ (ⵜⴰⵒ) ⴷ ⵍⴻⵖⵔⴰⵎⴰ ⵏ ⵍⴼⴰⵢⴷⴰ ⵏ ⵜⴽⴻⴱⴱⴰⵏⵉⵢⵉⵏ (ⵉⴱⵙ), ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⵙⵙⵓⵎⴰ ⵏ ⵢⵉⵙⴻⵔⵖⴰ ⵓⵔ ⵜⵔⴻⵏⵏⵓ ⴰⵔⴰ.

« Ɣⴻⴼ ⵍⴻⵃⵙⴰⴱ ⵏ ⵢⵉⵎⴰⵣⵣⴰⵢⴻⵏ, ⵙⵙⵓⵎⴰ ⵏ ⵓⵒⵉⵜⵕⵓⵍ ⴷⴻⴳ 2016 ⴰⴷ ⵜⵉⵍⵉ ⴳⴰⵔ 50 ⴷ 70 ⵏ ⵢⵉⴷⵓⵍⴰⵕⴻⵏ ⵉ ⵜⴱⴻⵜⵜⵉⵜ, ⵢⴻⵔⵏⴰ ⵎⴰ ⵢⴻⵍⵍⴰ ⵔⴻⴽⴷⴻⵏⵜ ⵙⵙⵓⵎⴰⵜ, ⵓⵔ ⵏⵙⴻⵄⵄⵓ ⴰⵔⴰ ⵓⴳⵓⵔⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵙⴻⵍⵍⴰⵍ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵏⴻⵖⵍⴰⴼ ⴰⵎⴻⵏⵣⵓ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⵉⴼⴰⵔⵉⵙⴻⵏ ⵏ ⵓⵙⵙⵓⴷⴻⵔ ⵓⵎⵉ ⴷ-ⵢⴻⵙⵙⴻⵏⵇⴻⵙ ⵓⵏⴰⴱⴰⴹ ⴷⴻⴳ ⵙⵙⵓⵎⴰ ⵓⵔ ⵜⵔⴻⵏⵏⵓ ⴰⵔⴰ ⵙⵙⵓⵎⴰ-ⵏⵙⴻⵏ ⴷⴻⴳ ⵡⴰⵢⵢⵓⵔ ⵏ ⵔⴻⵎⴹⴰⵏ.

« ⴰⵏⴰⴱⴰⴹ ⵓⵔ ⵍⴰ ⵢⴻⵜⵜⵏⴰⴷⵉ ⴰⵔⴰ ⴰⴷ ⴷ-ⵢⴰⵖ ⵍⴻⵀⵏⴰ ⵏ ⵜⵎⴻⵜⵜⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⴰⵡⴰⵏⴰⴽ (ⴷⴷⵓⵍⴰ) ⴰⴷⵣⴰⵢⵔⵉ « ⵢⴻⴱⵏⴰ ⵖⴻⴼ ⵜⵙⴻⵔⵜⵉⵜ ⵜⴰⵏⵎⴻⵜⵜⵉⵜ-ⵜⴰⵎⴻⴳⴷⴰⵢⵜ ⵢⴻⵔⵏⴰ ⴷ ⵜⴰ, ⴷⴰⵖ, ⴰⵢ ⴷ ⵜⴰⵎⵓⵖⵍⵉ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ».