ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵙⴰⵍⵜ ⵏ ⴽⵀⴰⵍⵉⴼⴰ: ⵍⴻⵃⴽⴻⵎ ⴰⴷ ⴷ-ⵢⴻⴼⴼⴻⵖ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵛⵛⵕⴻⵄ ⵏ ⵜⴻⵊⵔⵉⵎⵉⵏ ⵏ ⵍⴻⴱⵍⵉⴷⴰ

ⵍⴻⵣⵣⴰⵢⴻⵔ – ⴰⵅⵅⴰⵎ ⵏ ⵛⵛⵕⴻⵄ ⵏ ⵜⴻⵊⵔⵉⵎⵉⵏ ⵏ ⵍⴻⴱⵍⵉⴷⴰ ⴰⴷ ⴷ-ⵢⴻⵙⵙⵓⴼⴼⴻⵖ ⵍⴻⵃⴽⴻⵎ ⵏ ⵜⴻⵎⵙⴰⵍⵜ ⵏ ⴽⵀⴰⵍⵉⴼⴰ ⴰⵙⵙ ⵏ ⵜⵜⵍⴰⵜⴰ, ⴷ ⵍⴻⵃⴽⴻⵎ ⵢⴻⵔⵣⴰⵏ 71 ⵏ ⵢⵉⵎⴻⵜⵜⵀⵓⵎⴻⵏ, ⴳⴰⵔ-ⴰⵙⴻⵏ ⵔⴰⴼⵉⴽ ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ, ⴰⵎⴻⵜⵜⵀⵓⵎ ⴰⴳⴻⵊⴷⴰⵏ ⴷⴻⴳ ⵜⴻⵎⵙⴰⵍⵜ ⵏ ⵓⴼⵍⴰⵙ ⵏ ⵜⴱⴰⵏⴽⴰ ⵏ ⴽⵀⴰⵍⵉⴼⴰ.

ⴰⴳⴻⵏⵙⴰⵙ ⵏ ⵓⵙⴻⵇⵇⴰⵎⵓ ⴰⵎⴰⵜⵓ ⵏ ⵢⵉⵎⵡⴻⴽⴽⵍⴻⵏ, ⵎⵧⵀⴰⵎⴻⴷ ⵣⴻⵔⴳ ⴻⵔⵔⴰⵙ, ⵢⴻⵙⵙⵓⵜⴻⵔ ⵍⴻⵃⴽⴻⵎ ⵙ ⵍⵃⴻⴱⵙ ⵉ ⵍⴻⴱⴷⴰ ⵎⴳⴰⵍ ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ, ⴳⴰⵔ 15 ⴷ 20 ⵏ ⵢⵉⵙⴻⴳⴳⴰⵙⴻⵏ ⵏ ⵍⵃⴻⴱⵙ ⵉ ⵢⵉⵎⵄⴰⵡⵏⴻⵏ-ⵏⵏⴻⵙ ⵓⵇⵔⵉⴱⴻⵏ, 18 ⵏ ⵡⴰⵢⵢⵓⵔⴻⵏ ⵏ ⵍⵃⴻⴱⵙ ⴷ ⵍⴻⵅⴹⴻⵢⵢⴰⵜ ⵉ ⵢⵉⵎⴻⵜⵜⵀⵓⵎⴻⵏ-ⵏⵏⵉ ⵏⵉⴹⴻⵏ.

ⵍⴻⵃⴽⴰⵎ-ⴰ ⵙⵡⴻⵀⵎⴻⵏ ⵉⴱⵓⴳⴰⵟⵓⵜⴻⵏ ⵏ ⵜⴻⵎⵃⴰⴷⴷⵉⵜ, ⴳⴰⵔ-ⴰⵙⴻⵏ ⴰⴽⴻⵔⵡⴰ ⵎⵉⵍⵧⵓⴷ ⴱⵔⴰⵀⵉⵎⵉ ⴷ ⵓⴽⴻⵔⵡⴰ ⴽⵀⴰⵍⴻⴷ ⴱⵧⵓⵔⴰⵢⵧⵓ, ⵢⴻⵔⵏⴰ ⵡⴰⵍⴰⵏ-ⵜⴻⵏ « ⴷ ⵜⵉⵖⴻⵣⴼⴰⵏⵉⵏ » ⵖⴻⴼ ⵍⴻⵃⵙⴰⴱ ⵏ ⵡⵉⴷ ⴰⵢ ⴷ-ⵢⴻⴼⴼⵖⴻⵏ ⴷⴻⴳ ⵛⵛⵕⴻⵄ ⵏ 2007 ⴰⵢ ⴷ-ⵢⴻⵍⵍⴰⵏ ⵡⴰⵔ ⵎⴰ ⵢⴻⵃⴷⴻⵕ ⵓⵎⴻⵜⵜⵀⵓⵎ ⴰⴳⴻⵊⴷⴰⵏ ⴰⵢⵖⴻⴼ ⵃⴻⴽⵎⴻⵏ ⵙ ⵍⵃⴻⴱⵙ ⵙ ⵓⵖⴰⴱⵉ.

ⵎⴰⵙⵙ ⴽⵀⴻⵍⵉⴼⴰ ⴹⴹⴼⴻⵏ-ⴰⵙ ⵍⴰⴷⵖⴰ ⵏ « ⵓⵙⵙⴻⴱⴷⴻⴷ ⵏ ⵜⴻⴳⵔⴰⵡⵜ ⵉ ⵓⵙⵙⴻⴼⵙⴻⴷ, ⵍⴻⵅⴷⴻⵄ ⵙ ⵍⴰⵎⴰⵏ, ⴰⴷⵖⴰⵍ ⵏ ⵍⴻⴽⵡⴰⵖⴻⴹ ⵏ ⵜⴻⴷⴱⴻⵍⵜ ⴷ ⵜⴱⴰⵏⴽⴰ ⴷ ⵓⵙⵙⴻⵇⴷⴻⵛ-ⵏⵙⴻⵏ, ⵜⵓⴽⵛⵉ ⵏ ⵜⵊⵓⵄⴰⵍ, ⴰⵙⵙⴻⵇⴷⴻⵛ ⵏ ⵜⵎⵓⵙⵙⵏⵉⵡⵉⵏ ⵉ ⵓⵙⵙⴻⴼⵙⴻⴷ ⴷ ⵓⴼⵍⴰⵙ ⵏ ⵜⴽⴻⵍⵍⴰⵅ ». ⴷ ⴰⵛⵓ ⴽⴰⵏ, ⵎⴰⵙⵙ ⴽⵀⴻⵍⵉⴼⴰ ⵓⵔ ⵢⴻⵃⴱⵉⵙ ⴰⵔⴰ ⵙⴻⴳ ⵓⴷⴰⴼⴻⵄ ⵖⴻⴼ ⵢⵉⵎⴰⵏ-ⵏⵏⴻⵙ ⵢⴻⵔⵏⴰ ⵢⴻⵏⵏⴰ-ⴷ, ⵙⴷⴰⵜ ⵍⵇⴰⴹⵉ ⴰⵏⵜⴰⵔ ⵎⴻⵏⵧⵓⴰⵔ, ⴷ ⴰⴽⴽⴻⵏ ⵓⵔ ⵉⴳⵉ ⴰⵛⴻⵎⵎⴰ ⵏ ⴷⵉⵔⵉ.

ⵙ ⴽⵔⴰ ⵢⴻⴽⴽⴰ ⵛⵛⵕⴻⵄ-ⵏⵏⵉ, ⵎⴰⵙⵙ ⴽⵀⴻⵍⵉⴼⴰ ⵉⵡⴻⵜ ⴰⴽⴽⴻⵏ ⴰⴷ ⵢⴻⵏⴽⴻⵕ ⴰⵢⴻⵏ ⴰⵢⵢⴻⵙ ⵢⴻⵜⵜⵡⴰⵜⵜⵀⴻⵎ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴷⵖⴰⵍ ⵏ ⵍⴻⵄⵇⵓⴷⴰⵜ ⵏ ⵓⵕⵀⴰⵏ ⵏ ⵡⴰⵢⵍⴰ ⵢⴻⴱⵏⴰⵏ, ⵉⵎⵉ ⴰⵢ ⵢⴻⵜⵜⵡⴰⵜⵜⵀⴻⵎ ⵉⴳⴰ-ⴷ ⵍⴻⴽⵡⴰⵖⴻⴹ ⵏ ⵓⵕⵀⴰⵏ ⵏ ⵜⴽⴻⵍⵍⴰⵅ ⴰⴽⴽⴻⵏ ⴰⴷ ⴰⵙ-ⴷ-ⵔⴻⴹⵍⴻⵏ ⵉⴷⵔⵉⵎⴻⵏ ⴰⵢⵢⴻⵙ ⴰⵔⴰ ⴷ-ⵢⴻⵙⵙⴻⴱⴷⴻⴷ ⵜⴰⴱⴰⵏⴽⴰ ⵏ ⴽⵀⴰⵍⵉⴼⴰ.

ⵎⴰ ⴷ ⵉⵎⴻⵜⵜⵀⵓⵎⴻⵏ ⵏⵉⴹⴻⵏ (70 ⵏ ⵢⵉⵎⴷⴰⵏⴻⵏ), 21 ⵙⴻⴳ-ⵙⴻⵏ ⴰⵜⵏⵉ ⵢⴰⴳⵉ ⴷⴻⴳ ⵍⵃⴻⴱⵙ, ⵢⴻⵔⵏⴰ ⴰⴽⴽⴻⵏ ⵎⴰ ⵍⵍⴰⵏ ⵄⴻⵔⴹⴻⵏ ⴰⴷ ⴷⴰⴼⵄⴻⵏ ⵖⴻⴼ ⵢⵉⵎⴰⵏ-ⵏⵙⴻⵏ ⵙ ⵓⵏⴽⴰⵕ ⵏ ⵡⴰⵢⴻⵏ ⴰⵢⵢⴻⵙ ⴰⵢ ⵜⵜⵡⴰⵜⵜⴻⵀⵎⴻⵏ, ⵢⴻⵔⵏⴰ ⵉⴱⵓⴳⴰⵟⵓⵜⴻⵏ-ⵏⵙⴻⵏ ⵏⵏⴰⵏ-ⴷ ⴷⴰⴽⴻⵏ ⵜⵜⴻⵀⵎⴰⵜ ⴰⵢⵢⴻⵙ ⵜⵜⵡⴰⵜⵜⴻⵀⵎⴻⵏ « ⵓⵔ ⵙⵄⵉⵏⵜ ⵍⵍⵙⴰⵙ ».

ⵎⴰⵙⵙ ⴽⵀⴻⵍⵉⴼⴰ ⵢⴻⵏⴽⴻⵕ ⴷ ⴰⴽⴽⴻⵏ ⵜⴰⴳⵔⴰⵡⵜ-ⵏⵏⴻⵙ ⵜⴻⴼⵍⴻⵙ, ⵢⵉⵍⵉ ⵜⴰⴱⴰⵏⴽⴰ ⵏ ⴽⵀⴰⵍⵉⴼⴰ ⵓⴼⴰⵏ-ⵜⵜ ⴷ ⴰⴽⴽⴻⵏ ⵅⵓⵚⵚⴻⵏ-ⵜⵜ 3,2 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⴷⴻⴳ ⵓⵙⴻⵏⴷⵓⵇ-ⵏⵏⴻⵙ ⴰⴳⴻⵊⴷⴰⵏ. ⵏⵏⵉⴳ ⵡⴰⵢⴰ, ⵎⴰⵙⵙ ⴽⵀⴻⵍⵉⴼⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵙⵎⵉ ⴰⵢ ⵢⴻⴼⴼⴻⵖ ⵙⴻⴳ ⵍⴻⵣⵣⴰⵢⴻⵔ ⴷⴻⴳ 2003, ⵢⴻⴵⴵⴰ-ⴷ ⵜⵉⴽⴻⴱⴱⴰⵏⵉⵢⵉⵏ-ⵏⵏⴻⵙ ⴷⴻⴳ ⵜⴻⴳⵏⵉⵜ ⵢⴻⵍⵀⴰⵏ.

Ɣⴻⴼ ⵍⴻⵃⵙⴰⴱ-ⵏⵏⴻⵙ, ⵜⴰⴱⴰⵏⴽⴰ-ⵏⵏⴻⵙ ⵜⴻⵍⵍⴰ ⵜⴻⵙⵄⴰ 97 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⴷⴻⴳ ⵓⵙⴻⵏⴷⵓⵇ-ⵏⵏⴻⵙ ⴰⴳⴻⵊⴷⴰⵏ. ⵎⴰ ⴷ ⵜⴰⴽⴻⴱⴱⴰⵏⵉⵜ-ⵏⵏⴻⵙ ⵏ ⵡⴰⴼⴼⵓⴳ, ⴽⵀⴰⵍⵉⴼⴰ ⴰⵉⵔⵡⴰⵢⵙ, ⵜⴻⵍⵍⴰ ⵜⴻⵙⵄⴰ ⵍⴼⴰⵢⴷⴰ ⵏ 7 ⵏ ⵢⵉⵎⴻⵍⵢⵓⵏⴻⵏ ⵏ ⵡⵓⵕⵓⵜⴻⵏ.

ⵉⵎⴻⵜⵜⵀⵓⵎⴻⵏ ⴰⵢ ⴷ-ⵢⴻⵙⵄⴻⴷⴷⴰⵏ ⵍⵃⴻⴱⵙ ⴰⵢ ⴰⵙⴻⵏ-ⵢⴻⵜⵜⵡⴰⵃⴻⴽⵎⴻⵏ ⴷⴻⴳ ⵛⵛⵕⴻⵄ ⵏ 2007 ⵓⵙⴰⵏ-ⴷ ⵃⴻⴷⵕⴻⵏ ⴷⴻⴳ ⵛⵛⵕⴻⵄ ⵏ ⵓⵙⴻⴳⴳⴰⵙ-ⴰ ⴷ ⵉⵏⴰⴳⴰⵏ, ⵢⴻⵔⵏⴰ ⴷⴻⴳ ⵛⵛⵕⴻⵄ-ⴰ, ⴰⵢⴻⵏ ⴷ-ⵛⴻⵀⴷⴻⵏ ⵖⴻⴼ ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ ⵢⴻⵎⴳⴻⵔⵔⴰⴷ ⵖⴻⴼ ⵡⴰⵢⴻⵏ ⴰⵢ ⴷ-ⵏⵏⴰⵏ ⴼⴻⵍⵍ-ⴰⵙ ⵓⵇⴱⴻⵍ. ⴰⵍⴰ ⴰⵏⴻⵎⵀⴰⵍ ⵏ ⵓⵙⴻⵏⴷⵓⵇ ⴰⴳⴻⵊⴷⴰⵏ, ⴰⴽⵍⵉ ⵢⵧⵓⵛⴻⴼ, ⵓⵔ ⵉⴱⴻⴷⴷⵍⴻⵏ ⴰⵔⴰ ⵛⵛⵀⴰⴷⴰ-ⵏⵏⴻⵙ.

ⴰⵏⴻⴳⴳⴰⵔⵓ-ⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⴰⵇⴱⵓⵔ, ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ, ⴷ ⵏⴻⵜⵜⴰ ⴰⵢ ⴷ ⵙⵙⴻⴱⴱⴰ ⵏ ⵍⴻⵅⵚⴰⵚ-ⵏⵏⵉ ⵏ ⵢⵉⴷⵔⵉⵎⴻⵏ ⵢⴻⵔⵏⴰ ⵢⴻⴼⴽⴰ-ⴷ ⵜⵜⴱⵓⵜ ⵙ 11 ⵏ ⵍⴻⴽⵡⴰⵖⴻⴹ ⵏ ⵜⴱⴰⵏⴽⴰ ⴰⵢ ⴷ-ⵢⴻⵍⵍⴰⵏ ⴳⴰⵔ ⵜⵏⴻⴳⴳⵉⵡⵉⵏ ⵏ ⵜⴱⴰⵏⴽⴰ ⵏ ⴽⵀⴰⵍⵉⴼⴰ ⵢⴻⵔⵏⴰ ⴱⴻⵢⵢⵏⴻⵏ-ⴷ ⴷ ⴰⴽⴽⴻⵏ ⵎⴰⵙⵙ ⴽⵀⴻⵍⵉⴼⴰ ⵢⴻⵜⵜⴻⴽⴽⴰ ⴷⴻⴳ ⵡⴰⵢⴰ.

ⴷ ⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⴰⵢ ⵉⵄⴻⵔⵇⴻⵏ

ⵜⵉⵎⴻⵙⵍⵉⵡⵜ ⵏ ⵡⴰⴽⴽ ⵉⵎⴻⵜⵜⵀⵓⵎⴻⵏ ⵜⴻⴽⵛⴻⴼ-ⴷ ⴽⵔⴰ ⵏ ⵜⵖⴰⵡⵙⵉⵡⵉⵏ ⵢⴻⴼⴼⵔⴻⵏ ⵢⴻⵇⵇⵏⴻⵏ ⵖⴻⵔ ⵓⴼⵍⴰⵙ ⵏ ⵜⴻⴳⵔⴰⵡⵜ ⵏ ⴽⵀⴰⵍⵉⴼⴰ, ⴷ ⴰⴼⵍⴰⵙ ⴰⵢ ⵢⴻⵙⵕⵓⵃⴻⵏ ⵉⴷⵔⵉⵎⴻⵏ ⴷ ⵉⵎⴻⵇⵔⴰⵏⴻⵏ ⵉ ⵡⴰⵟⴰⵙ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵏⴰⴳⴷⵓⴷⵉⵏ ⴰⵢ ⵢⴻⵙⵙⴻⵔⵙⴻⵏ ⵉⴷⵔⵉⵎⴻⵏ-ⵏⵙⴻⵏ ⴷⴻⴳ ⵜⴱⴰⵏⴽⴰ ⵏ ⴽⵀⴰⵍⵉⴼⴰ ⵢⴻⵔⵏⴰ ⵓⵔ ⵜⴻⵏ-ⵉⴷ-ⵔⵔⵉⵏⵜ ⴰⵔⴰ.

ⵜⵉⴽⴻⴱⴱⴰⵏⵉⵢⵉⵏ-ⴰ ⵙⵙⴻⵔⵙⴻⵏⵜ ⵉⴷⵔⵉⵎⴻⵏ-ⵏⵙⴻⵏⵜ ⴷⴻⴳ ⵜⴱⴰⵏⴽⴰ-ⴰ ⴰⵛⴽⵓ ⵜⴰⵏⴻⴳⴳⴰⵔⵓⵜ-ⴰ ⵜⴻⵍⵍⴰ ⵜⴻⵜⵜⴰⴽⴼ ⵍⴼⴰⵢⴷⴰ ⴷ ⵜⴰⵎⴻⵇⵔⴰⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴹⴻⴱⴱⵔⴻⵏ ⵏ ⵜⴽⴻⴱⴱⴰⵏⵉⵢⵉⵏ-ⴰ.

ⴰⴽⴽⴰ ⴰⵢ ⴰⵙ-ⵜⴻⴹⵔⴰ ⵉ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵢⵉⵎⴰⵙⵜⴰⵖⴻⵏ (ⵡⵉⴷ ⵢⴻⵜⵜⴰⵖⴻⵏ ⵍⴰⵏⵜⵔⵉⵜ) ⴰⵢ ⵢⴻⵙⵙⴻⵔⵙⴻⵏ 12 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⴷⴻⴳ ⵜⴱⴰⵏⴽⴰ ⵏ ⴽⵀⴰⵍⵉⴼⴰ, ⵢⴻⵔⵏⴰ ⵢⴻⵙⵙⴰⵡⴻⴹ ⴰⴷ ⴷ-ⵢⴻⵔⵔ ⴽⴰⵏ 8 ⵏ ⵢⵉⵎⴻⵍⵢⴰⵕⴻⵏ ⵙⴻⴳ-ⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵙⴻⴳ ⵢⵉⵏⴰⴳⴰⵏ.

ⴰⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵓⵙⴻⵏⴽⵉⴷ ⵏ ⵜⵔⴻⴱⴱⴰⵡⵜ (ⵛⵏⴰⵛ) ⵢⴻⵙⵙⴻⵔⵙ 1,8 ⴷ ⴰⵎⴻⵍⵢⴰⵕ ⵏ ⵢⵉⴷⵉⵏⴰⵕⴻⵏ. ⵎⴰ ⴷ ⴰⵙⴻⵏⴷⵓⵇ ⵏ ⵓⴹⵎⴰⵏ ⵏ ⵢⵉⵙⵎⴰⴷⴻⵏ ⵉⵎⴻⵥⵢⴰⵏⴻⵏ ⵢⴻⵙⵙⴻⵔⵙ ⴳⴰⵔ 500 ⴷ 600 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ, ⵢⴻⵔⵏⴰ ⵉⵙⴻⵏⴷⵓⵇⴻⵏ-ⴰ ⵙⵙⴰⵡⴹⴻⵏ ⴰⴷ ⴷ-ⵔⵔⴻⵏ ⴰⵃⵔⵉⵛ ⴷ ⴰⵎⴻⵥⵢⴰⵏ ⵙⴻⴳ ⵡⴰⵢⴻⵏ ⵙⵙⴻⵔⵙⴻⵏ.

ⵉⵎⴹⴻⴱⴱⵔⴻⵏ ⴷ ⵢⵉⴽⴰⵜⴰⵔⴻⵏ ⵏ ⵜⵏⴰⵔⵉⵜ ⵏ ⵓⵙⵎⴰⵍ ⴷ ⵓⵙⵙⴻⴼⵔⴻⴽ ⴰⵚⵓⴽⴰⵏ (ⵧⵒⴳⵉ) ⵙⵙⴰⵡⵍⴻⵏ-ⴷ ⵓⵍⴰ ⴷ ⵏⵉⵜⵏⵉ ⵖⴻⴼ ⵢⵉⴷⵔⵉⵎⴻⵏ ⵉⵎⴻⵇⵔⴰⵏⴻⵏ ⴰⵢ ⵙⵙⴻⵔⵙⴻⵏ ⴷ ⵡⴰⵎⴻⴽ ⴰⵢ ⵎⵎⴻⵞⵞⴻⵏ.

ⵎⴰ ⴷ ⵎⵧⵏⵛⴻⴼ ⴱⴰⴷⵙⵉ, ⵡⵉⵏ ⴰⵢ ⵢⴻⵙⵙⴻⵏⵣⴻⵏ ⴰⵢⵍⴰ ⵏ ⵜⴱⴰⵏⴽⴰ ⵏ ⴽⵀⴰⵍⵉⴼⴰ ⵉ ⵍⵎⴻⵏⴷ ⵏ ⵜⴻⵖⴷⴻⵎⵜ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵍⴻⵎⵎⴻⵔ ⴷ ⴰⵢ ⵜⴻⵙⵔⵉⵙ ⵙⵧⵏⴰⵜⵔⴰⵛⵀ 400 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⴷⴻⴳ ⵜⴱⴰⵏⴽⴰ-ⴰ, ⵜⵉⵍⵉ ⴰⴷ ⴷ-ⵜⵉⵍⵉ « ⵜⵡⴰⵖⵉⵜ ⴷ ⵜⴰⵎⴻⵇⵔⴰⵏⵜ » ⴷⴻⴳ ⵜⵎⵓⵔⵜ.

ⴰⵟⴰⵙ ⵏ ⵢⵉⵏⴰⴳⴰⵏ ⴰⵢ ⴷ-ⵉⵛⴻⵀⴷⴻⵏ ⴷⴻⴳ ⵛⵛⵕⴻⵄ-ⴰ, ⵢⴻⵔⵏⴰ ⴽⵔⴰ ⵙⴻⴳ-ⵙⴻⵏ ⵢⴻⵜⵜⵓⵏⴻⴼⴽ ⵡⴰⵣⴰⵍ ⴰⵎⴻⵇⵔⴰⵏ ⵉ ⵛⵛⵀⴰⴷⴰⵜ-ⵏⵙⴻⵏ ⵉⵎⵉ ⴰⵢ ⵍⵍⴰⵏ ⴹⴹⴼⴻⵏ ⵉⵎⵓⴽⴰⵏ ⴷ ⵓⵏⵏⵉⴳⴻⵏ (ⴽⵔⴰ ⵙⴻⴳ-ⵙⴻⵏ ⵎⴰⵣⴰⵍ-ⵉⵜⴻⵏ ⴰⵔ ⴰⵙⵙ-ⴰ ⴹⴹⴼⴻⵏ ⵉⵎⵓⴽⴰⵏ ⵙ ⵡⴰⵣⴰⵍ-ⵏⵙⴻⵏ).

ⵢⵉⵡⴻⵏ ⵙⴻⴳ ⵢⵉⵏⴰⴳⴰⵏ-ⴰ ⴷ ⴰⵏⴻⴱⴱⴰⴹ ⵏ ⵜⴱⴰⵏⴽⴰ ⵏ ⵍⴻⵣⵣⴰⵢⴻⵔ, ⵎⵧⵀⴰⵎⴻⴷ ⵍⴰⴽⵙⴰⵛⵉ, ⴰⵢ ⴷ-ⵢⴻⵏⵏⴰⵏ ⴷ ⴰⴽⴽⴻⵏ ⵜⴰⴱⴰⵏⴽⴰ ⵜⴰⵇⴱⵓⵔⵜ ⵏ ⴽⵀⴰⵍⵉⴼⴰ ⵜⵓⵡⴻⴹ ⵖⴻⵔ ⵓⵙⵡⵉⵔ ⴷⴻⴳ « ⵓⵔ ⵜⴻⵙⵄⵉ ⴰⵔⴰ ⵉⴷⵔⵉⵎⴻⵏ » ⴷⴻⴳ 2003, ⵢⴻⵔⵏⴰ ⴰⵢⴰ ⵢⴻⴱⵖⴰ ⴰⴷ ⴷ-ⵢⵉⵏⵉ ⴷ ⴰⴽⴽⴻⵏ ⵓⵔ ⵜⴻⵍⵍⵉ ⴰⵔⴰ ⵜⴻⵣⵎⴻⵔ ⴰⴷ ⵜⵅⴻⵍⵍⴻⵚ ⴰⵢⴻⵏ ⴰⵢ ⵜⴻⵜⵜⵡⴰⵍⴰⵙ, ⴷⵖⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⵜⴰⴱⴰⵏⴽⴰ ⵏ ⵍⴻⵣⵣⴰⵢⴻⵔ ⴰⴷ ⴰⵙ-ⵜⴻⵙⵙⴻⴱⵟⴻⵍ ⵜⵜⴻⵙⵔⵉⵃ-ⵏⵏⴻⵙ ⵉ ⵜⴱⴰⵏⴽⴰ ⵏ ⴽⵀⴰⵍⵉⴼⴰ.

ⵎⴰ ⴷ ⵎⵧⵀⴰⵎⴻⴷ ⴷⵊⴻⵍⵍⴰⴱ, ⴰⵏⴻⴷⴱⴰⵍ ⴰⵇⴱⵓⵔ ⵏ ⵜⴱⴰⵏⴽⴰ ⵢⴻⵔⵏⴰ ⴷ ⴰⵏⴻⵖⵍⴰⴼ ⴰⵇⴱⵓⵔ ⵏ ⵜⴻⴷⵔⵉⵎⵜ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴰⴱⴰⵏⴽⴰ ⵏ ⴽⵀⴰⵍⵉⴼⴰ « ⵜⴻⵍⵍⴰ ⵜⵔⴻⴹⴹⴻⵍ ⵉⴷⵔⵉⵎⴻⵏ ⵡⴰⵔ ⵎⴰ ⵜⵓⵔⴰ-ⵜⴻⵏ, ⵓⵔ ⵜⴻⵍⵍⵉ ⴰⵔⴰ ⵜⴻⵙⵄⴰ ⵜⴰⵙⴻⵇⵇⴰⵎⵓⵜ ⵉ ⵓⵔⴹⴰⵍ ⵏ ⵢⵉⴷⵔⵉⵎⴻⵏ ⵢⴻⵔⵏⴰ ⵓⵔ ⵜⴻⵙⵄⵉ ⴰⵔⴰ ⵉⴽⴰⵔⴰⵎⴻⵏ ⵖⴻⴼ ⵢⵉⵔⴻⴹⴹⴰⵍⴻⵏ-ⵏⵏⵉ », ⴷⵖⴰ ⴷ ⴰⵢⴰ ⴰⴽⴽ ⴰⵢ ⵢⴻⵙⵡⴰⵖⴻⵏ ⵜⴰⴷⵔⵉⵎⵜ ⵏ ⵜⴱⴰⵏⴽⴰ-ⴰ.

ⴰⵍⵉ ⴰⵧⵓⵏ, ⴰⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⴻⴳⵔⴰⵡⵜ ⵏ ⵙⴰⵉⴷⴰⵍ, ⵢⴻⵏⵏⴰ-ⴷ, ⵙⴻⴳ ⵢⵉⴷⵉⵙ-ⵏⵏⴻⵙ, ⴷ ⴰⴽⴽⴻⵏ ⵏⴻⵜⵜⴰ ⴷ ⵢⵉⵡⴻⵏ ⵙⴻⴳ 3 ⵏ ⵢⵉⵏⴻⵎⵀⴰⵍⴻⵏ (ⵙⴻⴳ ⴳⴰⵔ 25) ⵏ ⵜⴻⴳⵔⴰⵡⵜ ⵏ ⵙⴰⵉⴷⴰⵍ « ⴰⵢ ⵢⵓⴳⵉⵏ » ⴰⴷ ⵙⵙⴻⵔⵙⴻⵏ ⵉⴷⵔⵉⵎⴻⵏ ⴷⴻⴳ ⵜⴱⴰⵏⴽⴰ ⵏ ⴽⵀⴰⵍⵉⴼⴰ ⵢⴻⵔⵏⴰ ⵙⴰⵉⴷⴰⵍ ⵜⴻⵙⵙⴰⵡⴻⴹ ⴰⴷ ⴷ-ⵜⴻⵔⵔ 59,6 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵙ ⵢⵉⵡⴻⵜ ⵏ ⵜⵜⴻⴽⵏⵉⵜ ⵏ ⵓⵙⵙⴻⴼⵔⴻⴽ ⴰⵢ ⴷ-ⵉⴳⴰ ⵏⴻⵜⵜⴰ ⵙ ⵜⵉⵎⵎⴰⴷ-ⵏⵏⴻⵙ, ⴷ ⵜⵉⵏ ⵓⵎⵉ ⵉⵙⴻⵎⵎⴰ « ⵓⵙⵙⴻⴽⴽⵉ ⵏ ⵜⵙⴻⵔⵡⴰⵙⵉⵏ ».

ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵏⴻⵖⵍⴰⴼ ⴰⵇⴱⵓⵔ ⵏ ⵓⵎⴰⵀⵉⵍ (ⴰⵅⴻⴷⴷⵉⵎ), ⴰⴱⵧⵓⴷⵊⴻⵔⵔⴰ ⵙⵧⵍⵜⴰⵏⵉ, ⵢⴻⵏⵏⴰ-ⴷ ⴷ ⴰⴽⴽⴻⵏ « ⵓⵔ ⵜ-ⵅⴻⴱⴱⵔⴻⵏ ⴰⵔⴰ », ⴷⴻⴳ 2001, ⵖⴻⴼ ⵓⵙⵙⴻⵔⵙⵉ ⵏ 1000 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⵙⴰⵏⵜⵉⵎⴻⵏ ⵏ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵢⵉⵙⴻⵏⴽⵉⴷⴻⵏ ⵉⵏⵎⴻⵜⵜⵉⵢⴻⵏ (ⵛⵏⴰⵙ) ⴷⴻⴳ ⵜⴱⴰⵏⴽⴰ ⵜⴰⵇⴱⵓⵔⵜ ⵏ ⴽⵀⴰⵍⵉⴼⴰ.

ⴷ ⵍⴻⵅⵚⴰⵔⴰ ⵜⴰⵎⴻⵇⵔⴰⵏⵜ

ⵛⵛⵀⴰⴷⴰⵜ ⵏ ⵢⵉⵏⴻⵖⵍⴰⴼⴻⵏ ⵉⵇⴱⵓⵔⴻⵏ ⵏ ⵜⴻⴷⵔⵉⵎⵜ ⵎⵧⵓⵔⴰⴷ ⵎⴻⴷⴻⵍⵛⵉ ⴷ ⵎⵧⵀⴰⵎⴻⴷ ⵜⴻⵔⴱⴰⵛⵀⴻ, ⴰⵏⴻⵎⵀⴰⵍ ⴰⵎⴰⵜⵓ ⴰⵇⴱⵓⵔ ⵏ ⵍⵅⴻⵣⵏⴰ, ⴽⴰⵔⵉⵎ ⴷⵊⵧⵓⴷⵉ ⴷ ⵓⵎⴰⵜⵓ ⴰⵎⴰⵜⵓ ⵏ ⵜⴷⵓⴽⵍⵉ ⵜⴰⵎⴰⵜⵓⵜ ⵏ ⵢⵉⵅⴻⴷⴷⴰⵎⴻⵏ ⵉⴷⵣⴰⵢⵔⵉⵢⴻⵏ (ⵓⴳⵜⴰ), ⴰⴱⴷⴻⵍⵎⴰⴷⵊⵉⴷ ⵙⵉⴷⵉ ⵙⴰⵉⴷ, ⵢⴻⵖⵔⴰ-ⵜⴻⵏⵜ-ⵉⴷ ⴰⴽⴽ ⵍⵇⴰⴹⵉ ⴰⵏⵜⴰⵔ ⵎⴻⵏⵧⵓⴰⵔ.

ⴷⴻⴳ ⵛⵛⵀⴰⴷⴰ-ⵏⵏⴻⵙ, ⵎⴰⵙⵙ ⵎⴻⴷⴻⵍⵛⵉ ⵢⴻⵏⵏⴰ-ⴷ ⴷ ⴰⴽⴽⴻⵏ ⵓⵔ ⵢⴻⵍⵍⵉ ⴰⵔⴰ ⴰⴽⴽ ⵢⴻⵙⵄⴰ ⴽⵔⴰ ⵏ ⵡⴰⵙⵙⴰⵖ » ⴷ ⵜⴱⴰⵏⴽⵉⵡⵉⵏ ⴷ ⵓⵙⵙⴻⴼⵇⴻⴷ-ⵏⵙⴻⵏⵜ ⵙⴷⴻⴼⴼⵉⵔ ⵎⴰ ⵙⵄⴻⴷⴷⴰⵏ ⵍⵇⴰⵏⵓⵏ ⴰⵎⴰⵢⵏⵓ ⵖⴻⴼ ⵢⵉⴷⵔⵉⵎⴻⵏ ⴷ ⵓⵙⵎⴰⴷ.

« ⵉⵕⴰⴱⵓⵍⴻⵏ ⴰⵢ ⴷ-ⵜⵀⴻⵢⵢⴰ ⵜⴱⴰⵏⴽⴰ ⵏ ⵍⴻⵣⵣⴰⵢⴻⵔ ⴱⴻⴷⵔⴻⵏ-ⴷ ⵜⵉⵖⴰⵡⵙⵉⵡⵉⵏ ⵙ ⵓⵎⴰⵜⴰ, ⵅⵓⵚⵚⴻⵏ ⴷⴻⴳ ⵜⵜⴼⴰⵚⵉⵍ ⵢⴻⵔⵏⴰ ⵍⵍⴰⵏ ⵙⵄⴰⵏ ⵜⵓⵛⵛⴹⵉⵡⵉⵏ, ⴰⵛⴽⵓ ⵀⴻⵢⵢⴰⵏ-ⵜⴻⵏ-ⵉⴷ ⵢⵉⵅⴻⴷⴷⴰⵎⴻⵏ ⵓⵔ ⵢⴻⵙⵄⵉⵏ ⴰⵔⴰ ⴰⵙⵡⵉⵔ ⵉⵡⴰⵜⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵜⴻⵔⴱⴰⵛⵀⴻ.

ⴷⴻⴳ ⵡⵓⵙⵙⴰⵏ ⵡⵉⵙ 26 ⴷ 27 ⵏ ⵛⵛⵕⴻⵄ-ⴰ, ⵓⴳⴰⵔ ⵏ 100 ⵏ ⵢⵉⴳⴻⵏⵙⴰⵙⴻⵏ ⵏ ⵢⵉⵎⵛⴻⵜⴽⵉⵢⴻⵏ ⴰⵢ ⴷ-ⵉⵄⴻⴷⴷⴰⵏ ⵙⴷⴰⵜ ⵍⵇⴰⴹⵉ ⴰⴽⴽⴻⵏ ⴰⴷ ⴷ-ⵙⵙⵉⵡⵍⴻⵏ ⵖⴻⴼ ⵍⵎⴰⴹⴻⵔⵔⴰ ⴰⵢ ⵜⴻⵏ-ⵉⵃⵓⵣⴰⵏ ⴰⵙⵎⵉ ⴰⵢ ⵜⴻⴼⵍⴻⵙ ⵜⴱⴰⵏⴽⴰ ⵏ ⴽⵀⴰⵍⵉⴼⴰ.

ⴽⵔⴰ ⵙⴻⴳ-ⵙⴻⵏ ⵏⵏⴰⵏ-ⴷ ⴷ ⴰⴽⴽⴻⵏ ⵓⵔ ⵙⵙⴰⵡⴹⴻⵏ ⴰⵔⴰ ⴰⴷ ⴷ-ⵔⵔⴻⵏ ⴰⴽⴽ ⵉⴷⵔⵉⵎⴻⵏ ⴰⵢ ⵙⵙⴻⵔⵙⴻⵏ ⴷⴻⴳ ⵜⴱⴰⵏⴽⴰ-ⵏⵏⵉ ⵉⵎⵉ ⴰⵢ ⵍⵍⴰⵏ ⵅⵓⵚⵚⴻⵏ ⵢⵉⴷⵔⵉⵎⴻⵏ ⴷⴻⴳ ⵜⵏⴻⴳⴳⵉⵡⵉⵏ-ⵏⵏⴻⵙ, ⵎⴰ ⴷ ⴽⵔⴰ ⵏⵉⴹⴻⵏ ⵇⵇⵍⴻⵏ-ⴰⵙⴻⵏ-ⴷ ⵛⵡⵉⵟ ⵏ ⵢⵉⴷⵔⵉⵎⴻⵏ ⵎⵉ ⵢⴻⵏⵣⴰ ⵡⴰⵢⵍⴰ ⵏ ⵜⴱⴰⵏⴽⴰ ⵏ ⴽⵀⴰⵍⵉⴼⴰ, ⵎⴰⵛⴰ ⴰⵢⴻⵏ ⴰⵢ ⴰⵙⴻⵏ-ⴷ-ⵢⴻⵇⵇⵍⴻⵏ ⵛⵡⵉⵟ ⵎⴰⴹⵉ ⵖⴻⴼ ⵍⴻⵃⵙⴰⴱ ⵏ ⵡⴰⵢⴻⵏ ⴰⵢ ⵙⵙⴻⵔⵙⴻⵏ (ⴰⵣⴰⵍ ⵏ 5%).