ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵟⵟⵓⵕⴽ ⵙⵏⴻⵎⵔⴻⵏ ⴰⵙⴻⵏⵢⵉ ⴳⴻⵔ ⵢⵉⴷⵉⵙⴰⵏ ⵉⵎⴰⵍⵉⵢⴻⵏ ⵏ ⵡⴻⵎⵜⴰⵡⵉ ⵏ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ
ⵍⴻⵣⵣⴰⵢⴻⵔ - ⵟⵟⵓⵕⴽ ⵢⴻⵙⵏⴻⵎⵎⴻⵔ ⴰⵙⵙ ⵏ ⵜⵜⵍⴰⵜⴰ ⴰⵙⴻⵏⵢⵉ ⴳⴻⵔ ⵢⵉⴷⵉⵙⴰⵏ ⵉⵎⴰⵍⵉⵢⴻⵏ ⵏ ⵡⴻⵎⵜⴰⵡⵉ ⵏ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ⴷⵉ ⵎⴰⵍⵉ ⵓ ⵢⴻⵔⵏⴰ ⵢⴻⵔⵔⴰ ⵜⴰⵊⵎⵉⵍⵜ ⵉ ⵍⴻⵣⵣⴰⵢⴻⵔ ⵖⴻⴼ ⵡⴰⵢⴻⵏ ⴰⴽⴽ ⵜⴰⵅⴷⴻⵎ ⵙ ⵜⵉⵎⵎⴰⴷ-ⵉⵙ ⴷ ⵜⴰⵎⵙⴻⵍⵃⵓⵜ ⵏ ⵜⴻⴱⴷⴰⵎⵎⴰⵜ ⵜⴰⴳⴻⵔⴰⵖⵍⴰⵏⵜ ⵢⴻⵙⵙⴰⵡⴹⴻⵏ ⵖⴻⵔ ⵡⴻⵎⵙⴻⴼⵀⴻⵎ ⵖⴻⴼ ⵡⴻⵎⵜⴰⵡⵉ.
"ⴰⴷ ⵏⴻⵙⵏⴻⵎⵎⴻⵔ ⴰⵙⴻⵏⵢⵉ ⵏ ⵡⴻⵎⵜⴰⵡⵉ ⵏ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ, ⵢⴻⵍⵍⴰⵏ ⵢⴻⵜⵜⵡⴰⵙⴻⵏⵢⴰⵏ ⵢⴰⴽⴰⵏ ⵙⵖⵓⵔ ⴰⵏⴰⴱⴰⴹ ⴰⵎⴰⵍⵉ ⴷ ⴽⵔⴰ ⵙⴻⴳ ⵜⵔⴻⴱⴱⵓⵢⴰⵄ ⵜⵉⵎⵙⴻⵍⵃⵉⵏ ⴷⵉ ⴱⴰⵎⴰⴽⵧ ⴰⵙⵙ ⵏ 15 ⵎⴰⵢⵓ, ⴰⴽⴽ ⴷ ⵢⴰⴽ ⵉⴷⵉⵙⴰⵏ ⴰⵙⵙ ⵏ 20 ⵢⵓⵏⵢⵓ 2015", ⵉⴷ-ⵉⵡⴻⴽⴽⴻⴷ ⵓⵏⴰⴱⴰⴹ ⴰⵟⵓⵕⴽⵉ ⴷⴻⴳ ⵢⵉⵡⴻⵏ ⵏ ⵡⵓⵍⵖⵓ, ⵉ ⵜⴻⵟⵟⴻⴼ ⵜⵏⴻⴳⴳⴰ ⵏ ⵉⵙⴰⵍⵍⴻⵏ ⵏ ⵍⴻⵣⵣⴰⵢⴻⵔ.
"ⴰⴷ ⵏⴻⵙⵏⴻⵎⵎⴻⵔ ⵜⵉⴽⴽⴻⵍⵜ-ⵏⵏⵉⴹⴻⵏ ⴰⴽⴽ ⵉⴷⵉⵙⴰⵏ, ⵍⴰⴷⵖⴰ ⴰⵏⴰⴱⴰⴹ ⴰⵎⴰⵍⵉ ⴰⴽⴽ ⴷ ⵍⴻⵣⵣⴰⵢⴻⵔ ⴰⴽⴽ ⴷ ⵡⵉⴷ ⴷ-ⵢⴻⴼⴽⴰⵏ ⴰⴼⵓⵙ ⴰⵎⴰ ⴷ ⵉⵎⵏⴰⴹⵉⵢⴻⵏ ⵏⴻⵖ ⴷ ⵉⴳⴻⵔⴰⵖⵍⴰⵏⴻⵏ ⵢⴻⵙⵙⴰⵡⴹⴻⵏ ⵖⴻⵔ ⵢⵉⵙⵡⵉ-ⵢⴰⴳⵉ", ⵉⴷ-ⴱⴻⴷⵔⴻⵏ ⴷⴻⴳ ⵡⵓⵍⵖⵓ-ⵢⴰⴳⵉ.
ⴰⵏⴰⴱⴰⴹ ⴰⵟⵓⵕⴽⵉ ⵢⴻⵏⵏⴰ ⴷ ⴰⴽⴽⴻⵏ "ⴰⵙⵓⵔⵔⵉⴼ-ⴰⴳⵉ ⴷ ⵡⵉⵏ ⵢⴻⵙⵄⴰⵏ ⴰⵣⴰⵍ ⵉ ⵜⵓⵟⵟⴼⴰ ⵏ ⵜⴷⵓⴽⴽⵍⵉ ⵏ ⵡⴰⴽⴰⵍ ⴷ ⵢⵉⵙⴻⵖ ⴰⵖⴻⵍⵏⴰⵡ ⵏ ⵎⴰⵍⵉ".
ⴰⵙⴻⵏⵢⵉ ⵏ ⵡⴻⵎⵜⴰⵡⵉ ⵏ ⵍⴻⵣⵣⴰⵢⴻⵔ, ⵖⴻⴼ ⵍⴰⵃⵙⴰⴱ ⵓⵏⴰⴱⴰⴹ ⴰⵜⵓⵕⴽⵉ, "ⴰⴷ ⵉⵃⴻⵜⵜⴻⵎ ⵉⴱⴻⴷⴷⵉ ⵉⴱⴰⵏⴻⵏ ⵉ ⵢⴰⴽⴽ ⵉⴷⵉⵙⴰⵏ ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵕⴵⴰⵏ ⵎⴰⵍⵉ", ⵓ ⵢⴻⵏⵏⴰ ⴷⴰⵖⴻⵏ ⴱⴻⵍⵍⵉ " ⴰⵟⴰⴱⴱⴰⵇ-ⵉⵏⴻⵙ ⵙ ⵍⴻⴽⵎⴰⵍ ⴰⴷ ⵢⵉⵍⵉ ⴷ ⴰⵡⴻⵍⵍⵉⵀ ⵉⵡⴰⵜⴰⵏ ⵉ ⵓⵏⴻⴳⵎⵓ ⴷ ⵜⴻⵎⵖⴻⵕ ⵏ ⵜⵎⵓⵔⵜ".
