ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

5 ⵏ ⵍⵍⵙⵉⵙⴰⵏ ⵉ ⵓⵙⵏⴻⵔⵏⵉ ⵏ ⵜⵎⴻⵔⵔⵉⵜ ⴷⴻⴳ ⵍⴻⵣⵣⴰⵢⴻⵔ, ⵖⴻⴼ ⵍⴻⵃⵙⴰⴱ ⵏ ⴰⵎⴰⵔ ⴳⵀⵧⵓⵍ

ⵍⴻⵣⵣⴰⵢⴻⵔ –ⴰⵏⴻⵖⵍⴰⴼ ⵏ ⵓⵀⴻⵢⵢⵉ ⵏ ⵡⴰⴽⴰⵍ, ⵏ ⵜⵎⴻⵔⵔⵉⵜ ⴷ ⵜⴻⵏⴹⵉ, ⴰⵎⴰⵔ ⴳⵀⵧⵓⵍ, ⵢⴻⵏⵏⴰ-ⴷ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⴷ ⴰⴽⴽⴻⵏ ⵜⴰⵎⴻⵔⵔⵉⵜ ⴷⴻⴳ ⵍⴻⵣⵣⴰⵢⴻⵔ ⴰⴷ ⵜⴻⵔⵙ ⵖⴻⴼ 5 ⵏ ⵍⵍⵙⵉⵙⴰⵏ ⵉⵎⴻⵇⵔⴰⵏⴻⵏ, ⵡⵉ ⴷ ⵍⴻⴱⵏⵉ ⵏ ⵢⵉⵙⴻⵏⵙⴰ ⵏ ⵓⵙⵡⵉⵔ ⴰⴳⵔⴰⵖⵍⴰⵏ, ⴰⵙⵙⵉⵍⴻⵖ, ⴰⵎⴻⵥⵍⵓ (ⵙⵙⴻⵔⴱⵉⵙ), ⴰⴷⴻⵍⵍⴻⵍ ⴷ ⵓⵙⵏⴻⵔⵏⵉ ⵏ ⵍⵄⴻⵇⵍⴻⵢⵢⴰ ⴷ ⵜⴰⵎⴰⵢⵏⵓⵜ ⴷⴻⴳ ⵜⵎⵓⵔⵜ.

« 5 ⵏ ⵜⴳⴻⵊⴷⴰ ⴰⵢⵖⴻⴼ ⴰⵔⴰ ⵜⴻⵏⵏⴻⴼⵍⵉ ⵜⵎⴻⵔⵔⵉⵜ ⴷⴻⴳ ⵍⴻⵣⵣⴰⵢⴻⵔ », ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵖⴻⵎⵙⴰ ⴷⴻⴳ ⵢⵉⵊⵉⴼⴻⵕ ⵏ ⵓⵔⵥⴰⵎ ⵏ 5 ⵏ ⵢⵉⵙⴻⵏⵙⴰ ⵉⵎⴰⵢⵏⵓⵜⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

ⵎⴰⵙⵙ ⴳⵀⵧⵓⵍ ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ, ⴷⴻⴳ ⵜⴰⵣⵡⴰⵔⴰ, ⴰⴷ ⵜⵜⵡⴰⴱⵏⵓⵏⵜ ⵜⴷⵓⵎⵚⵉⴽⵉⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵙⵡⵉⵔ ⴰⴳⵔⴰⵖⵍⴰⵏ ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴷ-ⵜⵜⵡⴰⵙⵙⵉⵍⵖⴻⵏ ⵢⵉⵅⴻⴷⴷⴰⵎⴻⵏ ⴰⵔⴰ ⵉⵅⴻⴷⴷⵎⴻⵏ ⴷⴻⴳ-ⵙⴻⵏ ⴰⴽⴽⴻⵏ ⴰⴷ ⵜⵜⵡⴰⵙⴼⴻⵔⴽⴻⵏ ⵢⵉⵙⴻⵏⵙⴰ-ⴰ ⴰⴽⴽⴻⵏ ⵉⵡⴰⵜⴰ, ⵢⴻⵔⵏⴰ ⴷ ⵡⴰ ⴰⵢ ⴷ ⵛⵛⴻⵔⴹ ⵡⵉⵙ ⵙⵉⵏ.

ⵙⴰⴽⴽⵉⵏ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵛⵛⴻⵔⴹ ⵡⵉⵙ 3 ⵏⴻⵜⵜⴰ ⴷ ⴰⵙⵙⵓⵎⴻⵔ ⵏ ⵓⵎⴻⵥⵍⵓ ⵏ ⵓⵙⵡⵉⵔ ⴰⵄⵍⴰⵢⴰⵏ ⴰⴽⴽⴻⵏ ⴰⴷ ⵢⴰⴼ ⵓⵎⵙⴰⵖ (ⴰⵎⴻⵛⵜⴰⵔⵉ) ⴰⵢⴻⵏ ⴰⵢ ⵍⴰ ⵢⴻⵜⵜⵏⴰⴷⵉ. ⵎⴰ ⴷ ⵛⵛⴻⵔⴹ ⵡⵉⵙ 4 ⵏⴻⵜⵜⴰ ⴷ ⴰⴷⴻⵍⵍⴻⵍ ⴰⴽⴽⴻⵏ ⴰⴷ ⵜⵜⵡⴰⵙⵙⵏⴻⵏ ⵢⵉⵎⵓⴽⴰⵏ ⵏ ⵜⵎⴻⵔⵔⵉⵜ, ⵢⴻⵔⵏⴰ ⴰⴷⴻⵍⵍⴻⵍ-ⴰ ⵢⴻⵙⵙⴻⴼⴽ ⴰⴷ ⵢⴻⵙⵙⴻⵃⴱⵉⴱⴻⵔ ⵖⴻⴼ ⵓⵖⴻⵍⵍⴻⵜ ⵏ ⵢⵉⴼⴰⵔⵉⵙⴻⵏ ⴰⵢ ⴷ-ⵉⵡⴻⵊⴷⴻⵏ.

ⵛⵛⴻⵔⴹ ⵡⵉⵙ ⵙⴻⵎⵎⵓⵙ ⵏⴻⵜⵜⴰ ⴷ ⴰⵙⵏⴻⵔⵏⵉ ⵏ ⵍⵄⴻⵇⵍⴻⵢⵢⴰ ⵜⴰⵎⴰⵢⵏⵓⵜ ⵉ ⵍⵎⴻⵏⴷ ⵏ ⵓⵙⵙⵓⵎⴻⵔ ⵏ ⵓⵎⴻⵥⵍⵓ ⴰⵔⴰ ⵢⴻⴷⴷⵓⵏ ⴷ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ ⵢⴻⵔⵏⴰ ⵉⵙⴻⵏⵙⴰ ⵢⴻⵙⵙⴻⴼⴽ ⴰⴷ ⵓⴽⵍⴰⵍⴻⵏ ⵉⵜⵔⴰⵏ « ⴰⵔⴰ ⴷ-ⵔⴻⴱⵃⴻⵏ ».

ⴰⵏⴻⵖⵍⴰⴼ ⵉⴳⴻⵔ-ⴷ ⴷⴰⵖ ⵜⴰⵎⴰⵡⵜ ⴷ ⴰⴽⴽⴻⵏ ⴰⵟⴰⵙ ⵏ ⵢⵉⵎⵓⴽⴰⵏ ⴰⵢ ⵢⴻⵜⵜⵡⴰⴱⵏⴰⵏ ⵉ ⵜⵎⴻⵔⵔⵉⵜ ⵏ ⵜⵡⴰⵛⵓⵍⵉⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵢⴻⴱⴷⴻⵔ-ⴷ ⴰⵀⴻⵢⵢⵉ ⵏ ⵜⴻⴼⵜⵉⵙⵜ ⵏ ⵙⴰⴱⵍⴻⵜⵜⴻⵙ, ⴰⵙⵙⵉⵣⴷⴻⴳ ⴷ ⵓⵚⴻⴳⴳⴻⵎ ⵏ ⵡⴰⵙⵉⴼ ⵏ ⵍⵃⴻⵕⵕⴰⵛ ⴷ ⵓⵙⴰⴳⴻⵏ ⵏ ⵍⴵⴰⵎⵉⵍⴰ ⵙⴻⴳ ⵍⴻⵄⴹⵉⵍ ⴰⴷ ⴷ-ⵢⴻⵡⵊⴻⴷ ⵓⵙⴰⴳⴻⵏ ⵏ ⵜⵎⴻⵏⵜⴻⴼⴼⵓⵙⵜ ⴷⴻⴳ ⵜⵖⵉⵡⴰⵏⵜ ⵏ ⵍⵎⴻⵔⵚⴰ ⴷ ⵢⵉⵎⵓⴽⴰⵏ ⵏⵉⴹⴻⵏ ⴰⵔⴰ ⴷ-ⵢⴻⵜⵜⵡⴰⵀⴻⵢⵢⵉⵏ ⵉ ⵓⵃⴻⵡⵡⴻⵙ ⴷⴻⴳ ⵕⴰⵢⴻⵙ ⵃⴰⵎⵉⴷⵓ ⴷ ⴱⴰⴱ ⵍⵡⴰⴷ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵙⵙⵓⵎⴰⵜ ⵏ ⵢⵉⵙⴻⵏⵙⴰ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷ ⴰⴽⴽⴻⵏ ⵙⵙⵓⵎⴰⵜ ⵜⵜⴻⵎⴳⴻⵔⵔⴰⴷⴻⵏⵜ ⵙⴻⴳ ⵓⵙⴻⵏⵙⵓ ⵖⴻⵔ ⵡⴰⵢⴻⴹ, ⴷ ⴰⵛⵓ ⴽⴰⵏ, ⵉⵙⴻⵏⵙⴰ ⵏ ⵓⵙⵡⵉⵔ ⵓⵏⵏⵉⴳ ⵢⴻⵙⵙⴻⴼⴽ « ⴰⴷ ⴷ-ⵔⴻⴱⴱⵃⴻⵏ ⵉⴷⵔⵉⵎⴻⵏ » ⵙ ⵓⵙⵙⴻⴽⵔⵓ ⵏ ⵜⵎⵓⴷⵔⵓⵜⵉⵏ ⴷ ⵙⵙⵓⵎⴰⵜ ⵏ ⴽⵔⴰ ⵏ ⵢⵉⵎⴻⵥⵍⴰ ⴰⴽⴽⴻⵏ ⴰⴷ ⴷ-ⵙⵙⵓⵎⵔⴻⵏ ⵙⵙⵓⵎⴰⵜ ⵔⵅⵉⵙⴻⵏ ⵉ ⴽⵔⴰ ⵏ ⵜⴰⴳⴳⴰⵢⵉⵏ ⵏ ⵎⴻⴷⴷⴻⵏ.

ⵜⵓⴳⴳⵜⴰ ⵏ ⵢⵉⵙⴻⵏⵙⴰ ⵏ 5 ⵏ ⵢⵉⵜⵔⴰⵏ ⴰⴷ ⴷ-ⵜⴻⵙⵙⴻⵏⵇⴻⵙ ⵙⵙⵓⵎⴰ ⵏ ⵜⵏⵓⵙⵉ ⴷⴻⴳ ⵚⵚⴻⵏⴼ-ⴰ ⵏ ⵢⵉⵙⴻⵏⵙⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.

ⵓⵔ ⵜⵜⵄⴻⴹⴹⵉⵍⴻⵏ ⴰⵔⴰ ⴷ-ⵡⴻⵊⴷⴻⵏ 25.000 ⵏ ⵡⵓⵙⵓⵜⴻⵏ ⵉⵎⴰⵢⵏⵓⵜⴻⵏ ⴷⴻⴳ ⵢⵉⵙⴻⵏⵙⴰ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ

ⵎⴰ ⵓⵍⴰⵛ, ⴰⴷ ⴷ-ⵉⵍⵉⵏ 137 ⵏ ⵢⵉⵙⴻⵏⴼⴰⵔⴻⵏ ⵏ ⵜⵎⴻⵔⵔⵉⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵍⵍⴰⵏ ⴳⴰⵔ-ⴰⵙⴻⵏ ⵢⵉⵙⴻⵏⴼⴰⵔⴻⵏ ⵏ ⵢⵉⵙⴻⵏⵙⴰ ⴷ ⵢⵉⵙⵓⴷⴷⵉⵙⴻⵏ, ⵢⴻⵔⵏⴰ ⴰⵢⴰ ⴰⴷ ⴷ-ⵢⴻⵔⵏⵓ 25.000 ⵏ ⵡⵓⵙⵓⵜⴻⵏ ⵉⵎⴰⵢⵏⵓⵜⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵓⵏⴻⵖⵍⴰⴼ ⵏ ⵓⵀⴻⵢⵢⵉ ⵏ ⵡⴰⴽⴰⵍ, ⵏ ⵜⵎⴻⵔⵔⵉⵜ ⴷ ⵜⴻⵏⴹⵉ, ⴰⵎⴰⵔ ⴳⵀⵧⵓⵍ.

« ⵙ 137-ⴰ ⵏ ⵢⵉⵙⴻⵏⴼⴰⵔⴻⵏ ⵏ ⵍⴻⴱⵏⵉ ⵏ ⵢⵉⵙⴻⵏⵙⴰ ⴷ ⵢⵉⵙⵓⴷⴷⵉⵙⴻⵏ ⵉⵎⴻⵔⵔⴰⵢⴻⵏ, ⵓⵔ ⵜⵜⵄⴻⴹⴹⵉⵍⴻⵏ ⴰⵔⴰ ⴰⴷ ⴷ-ⵡⴻⵊⴷⴻⵏ 25.000 ⵏ ⵡⵓⵙⵓⵜⴻⵏ ⵉⵎⴰⵢⵏⵓⵜⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷⴻⴳ ⵡⴰⴽⵓⴷ ⴷⴻⴳ ⴰⵙⵙ-ⴰ ⵍⵍⴰⵏ ⴽⴰⵏ 19.000 ⵏ ⵡⵓⵙⵓⵜⴻⵏ, » ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵎⵉ ⵢⴻⵔⵥⴻⵎù 5 ⵏ ⵢⵉⵙⴻⵏⵙⴰ ⵉⵎⴰⵢⵏⵓⵜⴻⵏ ⴰⵔⴰ ⵢⴻⵙⵄⵓⵏ ⴳⴰⵔ 2 ⴷ 4 ⵏ ⵢⵉⵜⵔⴰⵏ.

Ɣⴻⴼ ⵍⴻⵃⵙⴰⴱ ⵏ ⵓⵏⴻⵎⵀⴰⵍ ⵏ ⵜⵎⴻⵔⵔⵉⵜ ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ, ⵙⴰⵍⴰⵀ ⴱⵧⵓⴰⴽⵎⵧⵓⵎ, ⵉⵙⴻⵏⵙⴰ-ⴰ ⵉⵎⴰⵢⵏⵓⵜⴻⵏ ⴰⴷ ⵢⵉⵍⵉ ⵖⵓⵔ-ⵙⴻⵏ ⴳⴰⵔ 26 ⴷ 140 ⵏ ⵜⴻⵅⵅⴰⵎⵉⵏ ⴷ 600 ⵏ ⵡⵓⵙⵓⵜⴻⵏ ⵉⵎⴰⵢⵏⵓⵜⴻⵏ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵅⴻⵍⵇⴻⵏ 350 ⵏ ⵢⵉⵎⵓⴽⴰⵏ ⵏ ⵓⵎⴰⵀⵉⵍ (ⴰⵅⴻⴷⴷⵉⵎ).

ⵎⴰⵣⴰⵍ ⵍⵍⴰⵏ 5 ⵏ ⵢⵉⵙⴻⵏⴼⴰⵔⴻⵏ ⵏⵉⴹⴻⵏ ⵏ ⵢⵉⵙⴻⵏⵙⴰ ⴰⵢ ⵇⵔⵉⴱ ⴰⴷ ⴼⴰⴽⴻⵏ ⵙ ⵍⴻⴱⵏⵉ ⵢⴻⵔⵏⴰ ⴰⴷ ⵜⵜⵡⴰⵔⴻⵥⵎⴻⵏ ⴷⴻⴳ ⵜⴳⴰⵔⴰ ⵏ ⵓⵙⴻⴳⴳⴰⵙ-ⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ. ⵜⴰⵎⴷⵉⵏⵜ-ⴰ ⵜⴻⵙⵄⴰ ⴰⵙⵙ-ⴰ 172 ⵏ ⵢⵉⵙⴻⵏⵙⴰ ⵢⴻⵔⵏⴰ ⵙⵄⴰⵏ ⴰⵣⴰⵍ ⵏ 20.000 ⵏ ⵡⵓⵙⵓⵜⴻⵏ.

75 ⵏ ⵢⵉⵙⴻⵏⵙⴰ ⴰⵢ ⵢⴻⵜⵜⵡⴰⵚⴻⵏⵏⴼⴻⵏ ⴰⵚⴻⵏⵏⴻⴼ ⴰⵏⴻⴳⴳⴰⵔⵓ, ⵎⴰ ⴷ ⵉⵙⴻⵏⵙⴰ ⵏⵉⴹⴻⵏ ⵎⴰⵣⴰⵍ ⵍⴰ ⴷ-ⵜⴻⵜⵜⵉⵍⵉ ⵜⴻⵣⵔⴰⵡⵜ ⵖⴻⴼ ⵢⵉⴽⴰⵔⴰⵎⴻⵏ-ⵏⵙⴻⵏ. 5 ⵏ ⵢⵉⵙⴻⵏⵙⴰ ⴰⵢ ⵢⴻⵜⵜⵡⴰⵚⴻⵏⵏⴼⴻⵏ ⴷⴻⴳ ⵜⴰⴳⴳⴰⵢⵜ ⵏ 5 ⵏ ⵢⵉⵜⵔⴰⵏ, 2 ⵜⵜⵓⵏⴻⴼⴽⴻⵏ-ⴰⵙⴻⵏ 4 ⵏ ⵢⵉⵜⵔⴰⵏ, 18 ⵜⵜⵓⵏⴻⴼⴽⴻⵏ-ⴰⵙⴻⵏ 3 ⵏ ⵢⵉⵜⵔⴰⵏ, ⵎⴰ ⴷ ⵡⵉⵢⴰⴹ ⴷ ⵉⵙⴻⵏⵙⴰ ⵏ ⵓⵙⵡⵉⵔ ⴰⵎⴻⵥⵢⴰⵏ.

ⵉⵙⴻⵏⵙⴰ ⴰⵢ ⵢⴻⵔⵥⴻⵎ ⵎⴰⵙⵙ ⴳⵀⵧⵓⵍ ⴰⵙⵙ ⵏ ⵜⵜⵍⴰⵜⴰ ⴷ ⵙⵜ ⵀⵧⵜⴻⵍ ⴰⵢ ⴷ-ⵢⴻⵣⴳⴰⵏ ⴷⴻⴳ ⵓⵣⵏⵉⵇ ⵏ ⴽⵔⵉⵎ-ⴱⴻⵍⴽⴰⵛⴻⵎ ⴷⴻⴳ ⵍⴻⵣⵣⴰⵢⴻⵔ ⵜⴰⵍⴻⵎⵎⴰⵙⵜ, ⵍⴰⵍⴰ ⴷⵧⵓⴷⵊⴰ ⴷⴻⴳ ⵃⵉⴷⵕⴰ, ⵍⴻ ⵙⵧⵍⵜⴰⵏⴻ ⴷ ⴰⴼⵔⵉⵛⴰ ⵏⵧⵠⴰ ⴷⴻⴳ ⵃⵓⵙⵉⵏ ⴷⴰⵢ ⴷ ⵓⵙⴻⵏⵙⵓ ⵏ ⴱⴻⵙⵜ ⵏⵉⴳⵀⵜ ⴷⴻⴳ ⴱⴰⴱ ⵣⵣⴻⵡⵡⴰⵕ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵏⴻⵖⵍⴰⴼ ⵢⴻⵔⵥⴻⵎ, ⴷⴻⴳ ⵓⵣⵏⵉⵇ ⵏ ⴷⵉⴷⵧⵓⵛⵀⴻ-ⵎⵧⵓⵔⴰⴷ, ⵜⴰⵏⴻⴳⴳⴰ ⵜⴰⵎⵙⴻⵏⵣⵉⵜ ⵏ ⵜⵏⴰⵔⵉⵜ ⵜⴰⵖⴻⵍⵏⴰⵡⵜ ⵜⴰⴷⵣⴰⵢⵔⵉⵜ ⵏ ⵜⵎⴻⵔⵔⵉⵜ ⵙⴷⴻⴼⴼⵉⵔ ⵎⴰ ⵄⴰⵡⴷⴻⵏ-ⴰⵙ ⴰⵚⴻⴳⴳⴻⵎ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵙⴻⵏⴷⵓⵇⴻⵏ ⵏ ⵓⵄⴰⵡⴻⵏ ⵏ ⵜⵎⴻⵔⵔⵉⵜ ⴷ ⵢⵉⵙⴻⵏⴷⵓⵇⴻⵏ ⵏ ⵓⵄⴰⵡⴻⵏ ⵏ ⵜⴻⵏⴹⵉ (ⵚⵚⴻⵏⵄⴰ ⵜⴰⵇⴱⵓⵔⵜ), ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵏⴰⴱⴰⴹ ⵢⴻⵇⴱⴻⵍ ⴰⴷ ⵜⴻⵏ-ⵢⴻⴵⴵ ⴷⴻⴳ ⵍⵇⴰⵏⵓⵏ ⵏ ⵓⵙⵙⵎⴰⴷ ⵏ ⵜⴻⴷⵔⵉⵎⵜ ⵏ 2015 ⴰⴽⴽⴻⵏ ⴰⴷ ⵉⴽⴻⵎⵎⴻⵍ ⵓⵄⴰⵡⴻⵏ ⵏ ⵢⵉⵔⵎⵓⴷⴻⵏ-ⴰ ⴰⴽⴽⵉⵏ ⵉ 2015 ⵢⵉⵍⵉ ⵙⵙⴻⴼⵔⴰⵏ ⵏⴰⵇⴰⵍ ⴰⴷ ⴽⴽⵙⴻⵏ ⵉⵙⴻⵏⴷⵓⵇⴻⵏ-ⴰ.