ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵒⴻⵠ : ⴰⵎⵛⵉⵡⴻⵕ ⵉⵍⴰⵇ ⴰⴷ ⵢⵉⵍⵉ ⵖⴻⴼ ⵡⴰⵢⴻⵏ ⵉⵛⴰⵖⴱⴻⵏ ⵜⵉⵎⵓⵔⴰ ⵜⴰⵄⵕⴰⴱⵉⵏ
ⴱⴻⵢⵔⵓⵜ – ⴰⵏⴻⵖⵍⴰⴼ ⵏ ⴷⴷⴻⵡⵍⴰ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵕ ⴷ ⵡⴻⵎⵄⵉⵡⴻⵏ ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⴷⵉ ⴱⴻⵢⵔⵧⵓⵜⵀ ⴷ ⴰⴽⴽⴻⵏ ⴰⴽⴰⵔⴰⵎ ⴰⵏⴻⴳⴳⴰⵔⵓ ⴰⵔⴰ ⴷ-ⵢⴻⴼⴼⵖⴻⵏ ⵙⴻⴳ ⵡⴻⵎⵛⵉⵡⴻⵕ-ⴰⴳⵉ ⵖⴻⴼ ⵜⵙⴻⵔⵜⵉⵜ ⵜⵓⵔⵓⴱⵉⵜ ⵏ ⵜⴻⵎⵄⴰⵛⴻⵔⵜ (ⵒⴻⵠ) ⵉⵍⴰⵇ ⴰⴷ ⵢⵉⵍⵉ ⴷ ⴰⵙⵓⴷⴷⴻⵎ ⵏ ⵍⴻⴱⵖⵉ ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⵢⴻⴱⵖⴰⵏ ⴰⴷ ⵉⵍⵉⵏⵜ ⴷ ⵜⵉⴳⴻⵊⴷⴰ ⵏ ⵍⴻⴱⵏⵉ ⵏ ⵡⵓⴷⴷⵓⵙ ⴰⴳⴻⵔⴰⵖⵍⴰⵏ.
" ⵏⴻⵙⵙⴰⵔⴰⵎ ⴷ ⴰⴽⴽⴻⵏ ⴰⴽⴰⵔⴰⵎ ⵏ ⵜⴰⴳⴳⴰⵔⴰ ⴰⵔⴰ ⴷ-ⵢⵓⴷⴷⴰⵎⴻⵏ ⵙⴻⴳ ⵡⴻⵎⵛⵉⵡⴻⵕ-ⴰⴳⵉ ⵖⴻⴼ ⵜⵙⴻⵔⵜⵉⵜ ⵜⵓⵔⵓⴱⵉⵜ ⵏ ⵜⴻⵎⵄⴰⵛⴻⵔⵜ ⴰⴷ ⴷ-ⵉⴱⴻⴳⴳⴻⵏ ⵍⴻⴱⵖⵉ-ⵏⵏⴻⵖ ⵉ ⵡⴻⵎⵄⵉⵡⴻⵏ ⴰⴽⴽ ⴷ ⵍⴻⴱⵖⵉ ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⵢⴻⵍⵍⴰⵏ ⴷⴻⴳ ⵢⵉⴷⵉⵙ ⵏ ⵡⴻⵏⵥⵓⵍ ⵏ ⵢⵉⵍ ⴰⴳⴻⵔⴰⴽⴰⵍ ⴰⴽⴽⴻⵏ ⴰⴷ ⵉⵍⵉⵏⵜ ⴷ ⵜⵉⴳⴻⵊⴷⴰ ⴷⴻⴳ ⵓⵙⵓⵔⵔⵉⴼ ⵏ ⵍⴻⴱⵏⵉ ⵏ ⵡⴷⴷⵓⵙ ⴰⴳⴻⵔⴰⵖⵍⴰⵏ ⵏ ⵓⵣⴻⴽⴽⴰ", ⵉⴷ-ⵉⵡⴻⴽⴽⴻⴷ ⵎⴰⵙ ⵍⴰⵎⴰⵎⵔⴰ ⴷⴻⴳ ⵢⵉⵡⴻⵜ ⵏ ⵜⴻⵖⵕⵉ ⵉ ⵜⵡⴰⴽⴽⵍⴰ ⵉⵙⴰⵍⵍⴻⵏ ⵏ ⵍⴻⵣⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵜⴻⵎⵍⵉⵍⵉⵜ-ⴰⴳⵉ.
ⵢⴻⵙⵙⴻⴼⵀⴻⵎ-ⴷ ⴱⴻⵍⵍⵉ ⵜⵉⵔⵣⴰ-ⵙ ⵖⴻⵔ ⵍⵓⴱⵏⴰⵏ ⴷⴻⴳ-ⵙ ⴰⵟⴰⵙ ⵏ ⵍⴻⵇⴷⵉⵛ, ⴰⵜⴻⴽⴽⵉ ⴷⴻⴳ ⵓⵙⴰⵔⴰⴳ ⵢⴻⵔⵣⴰⵏ ⴰⵎⵛⵉⵡⴻⵕ ⵖⴻⴼ ⵜⵙⴻⵔⵜⵉⵜ ⵜⵓⵔⵓⴱⵉⵜ ⵏ ⵜⴻⵎⵄⴰⵛⴻⵔⵜ ⴰⴽⴽ ⴷ ⵢⵉⴷⵉⵙ ⵢⴻⵔⵣⴰⵏ ⵍⴻⵎⵅⴰⵍⵜⴰⵜ ⴳⴻⵔ ⵍⴻⵣⵣⴰⵢⴻⵔ ⴷ ⵍⵓⴱⵏⴰⵏ ⴷⴻⴳ ⵓⵃⵔⵉⵛ ⵓⵏⴻⴳⵎⵓ.
ⴰⵏⴻⵖⵍⴰⴼ ⵏ ⴷⴷⴻⵡⵍⴰ ⵢⴻⵙⵙⴻⴼⵀⴻⵎ-ⴷ ⴱⴻⵍⵍⵉ ⴰⵣⴰⵔⴰⴳ ⵖⴻⴼ ⵡⴻⵎⵛⵉⵡⴻⵕ ⵢⴻⵔⵣⴰⵏ ⵜⴰⵙⴻⵔⵜⵉⵜ ⵜⵓⵔⵓⴱⵉⵜ ⵏ ⵜⴻⵎⵄⴰⵛⴻⵔⵜ ⵜⴻⵍⵍⴰ-ⴷ " ⴷ ⵜⵉⵣⵉ ⵜⵉⵙⵙⵏⴰⵜ ⵏ ⵜⴻⵎⵍⵉⵍⵉⵜ ⴷ-ⵢⴻⵍⵍⴰⵏ ⴷⵉ ⵢⴻⴱⵔⵉⵔ ⵢⴻⵣⵔⵉⵏ ⴷⵉ ⴱⴰⵔⵛⴻⵍⵧⵏⴻ (ⵚⴱⴻⵏⵢⵓⵍ) ⴰⵏⴷⴰ ⵉⴷ-ⴱⴻⴳⴳⵏⴻⵏⵜ ⵜⵎⵓⵔⴰ ⵜⴰⵄⵕⴰⴱⵉⵏ ⵉⵡⴻⵍⵍⵉⵀⴻⵏ-ⵏⵙⴻⵏ ⵢⴻⵔⵣⴰⵏ ⵜⴰⵎⵙⴰⵍⵜ-ⴰⴳⵉ".
