ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴽⵓⵔⵜ ⵏ ⵓⴹⴰⵔ: « ⵏⴻⵍⵍⴰ ⵏⴻⵙⵄⴰ ⴰⴽⴽ ⵜⵜⴰⵡⵉⵍⴰⵜ ⵉ ⵓⵙⵙⵓⴷⴷⴻⵙ ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ 2017 »
ⴰⴱⵉⴷⵊⴰⵏ – ⴰⵎⴰⵔⵉⵔ ⴰⴳⵔⴰⵖⵍⴰⵏ ⴰⴷⵣⴰⵢⵔⵉ ⴰⵇⴱⵓⵔ, ⵔⴰⴱⴰⵀ ⵎⴰⴷⵊⴻⵔ, ⵢⴻⵏⵏⴰ-ⴷ ⵉ ⵢⵉⵡⴻⵏ ⵏ ⵓⵖⵎⵉⵙ ⵏ ⵛôⵜⴻ-ⴷ’ⵉⵠⵧⵉⵔⴻ, « ⵍ’ⵉⵏⵜⴻⵍⵍⵉⴳⴻⵏⵜ ⴷ’ⴰⴱⵉⴷⵊⴰⵏ », ⴷ ⴰⴽⴽⴻⵏ ⵍⴷⵣⴰⵢⴻⵔ ⵍⵍⴰⵏ « ⵖⴻⵔ-ⵙ ⴰⴽⴽ ⵜⵜⴰⵡⵉⵍⴰⵜ » ⴰⴽⴽⴻⵏ ⴰⴷ ⵜⴻⵙⵙⵓⴷⴷⴻⵙ ⵜⴰⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ (ⵛⴰⵏ-2017) ⴰⵢ ⵢⴻⵜⵜⵓⵏⴻⴼⴽⴻⵏ ⵉ ⴳⴰⴱⵓⵏ.
« ⵏⴻⵍⵍⴰ ⵏⴻⵜⵜⴽⴻⵍ ⵙ ⵜⵉⴷⴻⵜ ⴰⴷ ⴰⵖ-ⴷ-ⵜⴻⴼⴽ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⴽⵓⵔⵜ ⵏ ⵓⴹⴰⵔ ⴰⵙⵙⵓⴷⴷⴻⵙ ⵏ ⵜⴻⵥⵔⵉⴳⵜ ⵏ 2017 ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ, ⴰⵛⴽⵓ ⵏⴻⵜⵜⵡⴰⵍⵉ ⴷ ⴰⴽⴽⴻⵏ ⵍⴷⵣⴰⵢⴻⵔ ⵜⴻⵙⵙⴻⵎⵍⴰⵍ-ⴷ ⴰⴽⴽ ⵜⵜⴰⵡⵉⵍⴰⵜ ⵢⴻⵙⵙⴻⴼⴽⴻⵏ ⴰⴽⴽⴻⵏ ⴰⴷ ⵜⵜ-ⵜⴻⵙⵙⵓⴷⴷⴻⵙ ⵢⴻⵔⵏⴰ ⴰⴷ ⵜⵜ-ⵜⴻⵔⵔ ⴷ ⵢⵉⵡⴻⵜ ⵙⴻⴳ ⵜⴻⵥⵔⵉⴳⵉⵏ ⵉⴳⴻⵔⵔⵣⴻⵏ ⴰⴽⴽ ⴷⴻⴳ ⵓⵎⴻⵣⵔⵓⵢ ⵏ ⵜⴻⵎⵙⵉⵣⵡⴻⵔⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⴷⵊⴻⵔ ⵉ ⵓⵖⵎⵉⵙ-ⴰ ⵉⵠⵡⴰⵕⵉ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵜ ⵏ ⵜⴼⵓⴳⵍⴰ ⵏ « ⵢⵉⴹ ⵏ ⵡⵓⵙⴽⴰⵕⴻⵏ ⵏ ⵜⴽⵓⵔⵜ ⵏ ⵓⴹⴰⵔ ⵜⴰⴼⵔⵉⵇⵉⵜ » ⴰⵢ ⴷ-ⵙⵙⵓⴷⴷⵙⴻⵏ ⴷⴻⴳ ⵜⴻⵣⵡⴰⵔⴰ ⵏ ⴷⴷⵓⵕⵜ-ⴰ ⴷⴻⴳ ⴰⴱⵉⴷⵊⴰⵏ.
ⵎⴰⴷⵊⴻⵔ (ⴰⵢ ⴷ-ⵉⵔⴻⴱⵃⴻⵏ ⴰⵔⵔⴰⵣ ⵏ ⵜⴽⵓⵔⵜ ⵏ ⵡⵓⵔⴻⵖ ⵜⴰⴼⵔⵉⵇⵉⵜ ⵏ 1987) ⵢⴻⵙⵙⴽⴻⵏ-ⴷ ⴰⵙⵃⵉⵙⵙⴻⴼ-ⵏⵏⴻⵙ ⵉⵎⵉ ⵎⴰⵛⵉ ⵉ ⵍⴷⵣⴰⵢⴻⵔ ⵓⵎⵉ ⵢⴻⵜⵜⵓⵏⴻⴼⴽ ⵓⵙⵙⵓⴷⴷⴻⵙ ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ 2017.
« ⵉⵀ, ⴰⵇⵍ-ⵉⵢⵉ ⵅⴻⵍⵄⴻⵖ ⵢⴻⵔⵏⴰ ⵎⴰⵣⴰⵍ-ⵉⵢⵉ ⵃⴻⵣⵏⴻⵖ ⵖⴻⴼ ⵜⵎⵓⵔⵜ-ⵉⵏⵓ. ⵓⵔ ⴱⵖⵉⵖ ⴰⵔⴰ ⴰⴷ ⴰⴷⴼⴻⵖ ⴷⴻⴳ ⵜⵜⴼⴰⵚⵉⵍ ⵏ ⵓⴼⵔⴰⵏ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⴽⵓⵔⵜ ⵏ ⵓⴹⴰⵔ. ⴷ ⴰⵛⵓ ⴽⴰⵏ, ⴱⵖⵉⵖ ⴰⴷ ⵜⴻⵥⵔⴻⵎ ⴷ ⴰⴽⴽⴻⵏ ⵏⴻⴼⵀⴻⵎ ⴽⵓⵍⵍⴻⵛ. ⵣⴻⵎⵔⴻⵖ ⴽⴰⵏ ⴰⴷ ⴷ-ⵉⵏⵉⵖ ⴷ ⴰⴽⴽⴻⵏ ⴰⵇⵍ-ⵉⵢⵉ ⵃⴻⵣⵏⴻⵖ ⵖⴻⴼ ⵜⵎⵓⵔⵜ-ⵉⵏⵓ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⴷⵊⴻⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⵍⴷⵣⴰⵢⴻⵔ ⵜⵓⵥⴰ ⵎⵍⵉⵃ ⵖⴻⵔ ⵙⴷⴰⵜ ⴷⴻⴳ 27 ⵏ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴻⴱⵏⵉ ⵏ ⵜⴷⵓⵎⵚⵉⴽⵉⵡⵉⵏ ⵜⵉⵏⴰⴷⴷⴰⵍⵉⵏ, ⵢⴻⵔⵏⴰ ⴰⵢⴰ ⴷ ⵢⵉⵡⴻⵜ ⵙⴻⴳ ⵜⵖⴰⵡⵙⵉⵡⵉⵏ ⴰⵢ ⵢⴻⵜⵜⴰⴷⴼⴻⵏ ⴷⴻⴳ ⵍⴻⵃⵙⴰⴱ ⴷⴻⴳ ⵜⵓⴽⵛⵉ ⵏ ⵓⵙⵙⵓⴷⴷⴻⵙ ⵏ ⵜⴻⵎⵙⵉⵣⵡⴻⵔⵜ-ⴰ ⵜⴰⴳⵔⴰⵖⵍⴰⵏⵜ.
ⵎⵉ ⵜ-ⵜⵜⵔⴻⵏ ⵖⴻⴼ ⵙⵙⴻⴱⴱⴰ ⴰⵢ ⵢⴻⴵⴵⴰⵏ ⵍⴷⵣⴰⵢⴻⵔ ⵓⵔ ⵜⵜ-ⵉⴷ-ⵢⴻⵜⵜⵚⴰⵃ ⴰⵔⴰ ⵓⵙⵙⵓⴷⴷⴻⵙ ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ ⵏ 2017, ⵎⴰⴷⵊⴻⵔ (ⵢⴻⵍⵍⴰⵏ ⴷ ⴰⵍⵖⵓⵖ ⵏ ⵜⴻⴼⵔⵉⵇⵜ ⴷⴻⴳ ⵜⴻⵥⵔⵉⴳⵜ ⵏ 1990) ⵢⴻⵏⵏⴰ-ⴷ ⴷ ⴰⴽⴽⴻⵏ ⴷ ⵜⴰⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⴽⵓⵔⵜ ⵏ ⵓⴹⴰⵔ (ⵛⴰⴼ) ⴰⵢ ⵉⵣⴻⵎⵔⴻⵏ ⴰⴷ ⴷ-ⵜⴻⵔⵔ ⵖⴻⴼ ⵜⵓⵜⵜⵔⴰ-ⴰ.
« ⵛⵉⴽⴽⴻⵖ ⵜⵓⵜⵜⵔⴰ-ⴰ ⵢⴻⵙⵙⴻⴼⴽ ⴰⴷ ⵜⴻⵜⵜⵓⵏⴻⴼⴽ ⵉ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⴽⵓⵔⵜ ⵏ ⵓⴹⴰⵔ ⴰⵛⴽⵓ ⵎⴰⵛⵉ ⵖⴻⵔ-ⵏⴻⵖ ⴰⵢ ⵜⴻⵍⵍⴰ ⵜⵔⵉⵔⵉⵜ. ⴰⵍⴰ ⴷ ⵜⴰⵙⵓⴷⵓⵜ-ⴰ ⴰⵢ ⵢⴻⵥⵔⴰⵏ ⵎⴰⵖⴻⴼ ⵓⵔ ⴰⵖ-ⵜⴻⴼⵔⵉⵏ ⴰⵔⴰ. ⴰⵢⴻⵏ ⴰⵢ ⵢⴻⵙⵙⴻⴼⴽ ⴰⴷ ⵏⵏⴰⴷⵉ ⴰⴷ ⵜ-ⵏⵥⴻⵔ ⵏⴻⵜⵜⴰ ⴷ ⴰⵢⴻⵏ ⴰⵢ ⵢⴻⴹⵔⴰⵏ ⵙ ⵜⵉⴷⴻⵜ ⴷⴻⴳ ⵜⵀⴰⵔⴰ ⵏ ⵓⴳⵔⴰⵡ-ⵏⵏⵉ ⴰⵎⴰⵜⵓ ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⵇⴰⵀⵉⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵔⴰⴱⴰⵀ ⵎⴰⴷⵊⴻⵔ.
« ⵓⵍⴰ ⵎⴰ ⵓⵔ ⵏⴻⴱⵖⵉ ⴰⴷ ⵏⴻⵙⵙⴻⵏⵇⴻⵙ ⵙⴻⴳ ⵡⴰⵣⴰⵍ ⵏ ⵢⵉⵡⴻⵏ, ⵏⴻⵍⵍⴰ ⵏⴻⵙⵄⴰ ⴰⴽⴰⵔⴰⵎ ⵢⵉⴼⴻⵏ ⴰⴽⴽ ⵡⵉⵢⴰⴹ. ⵙⴻⴳ ⵢⵉⴷⵉⵙ-ⵉⵏⵓ, ⵙⵙⴰⵔⴰⵎⴻⵖ ⴷ ⴰⴽⴽⴻⵏ ⵜⵓⵛⵛⴹⴰ-ⴰ ⴰⴷ ⵜⴻⵜⵜⵡⴰⵔⴻⵇⵇⴻⵄ ⴽⵔⴰ ⵏ ⵡⴰⵙⵙ ».
