ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⴻⵙⵜⵖⴰⵏⴻⵎ: ⵜⴻⴱⴷⴰ ⵜⴻⴷⵢⴰⵏⵜ ⵏ « ⵜⴻⵡⵡⵓⵔⴰ ⵉⵔⴻⵥⵎⴻⵏ » ⵖⴻⴼ ⵜⵎⴻⵔⵔⵉⵜ

ⵎⴻⵙⵜƔⴰⵏⴻⵎ – ⴰⵏⴻⵖⵍⴰⴼ ⵏ ⵓⵀⴻⵢⵢⵉ ⵏ ⵡⴰⴽⴰⵍ, ⵏ ⵜⵎⴻⵔⵔⵉⵜ ⴷ ⵜⴻⵏⴹⵉ, ⴰⵎⴰⵔ ⴳⵀⵧⵓⵍ, ⵢⴻⵙⵙⴻⵍⵡⵉ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵎⴻⵙⵜⵖⴰⵏⴻⵎ ⴱⴻⴷⴷⵓ ⵓⵏⵚⵉⴱ ⵏ ⵜⴻⴷⵢⴰⵏⵜ ⵏ « ⵜⴻⵡⵡⵓⵔⴰ ⵉⵔⴻⵥⵎⴻⵏ » ⵖⴻⴼ ⵜⵎⴻⵔⵔⵉⵜ ⵉ ⵍⵎⴻⵏⴷ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵜⵎⴻⵔⵔⵉⵜ ⵢⴻⵜⵜⵡⴰⵙⴼⵓⴳⵍⴻⵏ ⴷⴻⴳ 25 ⵢⵓⵏⵢⵓ.

ⵎⴰⵙⵙ ⴳⵀⵧⵓⵍ ⵢⴻⵔⵣⴰ ⵖⴻⴼ ⵢⵉⵡⴻⵜ ⵏ ⵜⴻⵎⵣⵉⴽⴽⴻⵏⵜ ⵖⴻⴼ ⵜⵎⴻⵔⵔⵉⵜ ⴷⴻⴳ ⵓⵅⵅⴰⵎ ⵏ ⵢⵉⴷⵍⴻⵙ ⵧⵓⵍⴷ ⴰⴱⴷⴻⵔⵔⴰⵀⵎⴰⵏⴻ ⴽⴰⴽⵉ, ⵢⴻⵔⵏⴰ ⵉⵃⴻⵜⵜⴻⵜ-ⴷ ⵖⴻⴼ ⵓⵙⵙⴻⴼⵜⵉ ⴷ ⵓⵙⵙⵉⵍⴻⵖ ⴷⴻⴳ ⵓⵏⵔⴰⵔ ⵏ ⵜⵎⴻⵔⵔⵉⵜ, ⴰⵛⴽⵓ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⴰⵢⴰ ⴷ ⵜⵓⵣⵡⵉⵔⵜ ⵉ ⵓⵙⵓⵔⵉⴼ ⴰⵢ ⴷ-ⵢⴻⵜⵜⴻⴷⴷⵓⵏ ⴷⴻⴳ ⵓⵏⵔⴰⵔ-ⴰ.

ⴰⵏⴻⵖⵍⴰⴼ ⵉⵃⴻⵜⵜⴻⵜ-ⴷ ⴷⴰⵖ ⴷ ⴰⴽⴽⴻⵏ ⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵙⵙⴻⴼⵜⵉ, ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵙⵙⵉⴼⵙⴻⵙ ⴷⴻⴳ ⵢⵉⵃⴻⵣⵣⵉⴱⴻⵏ ⴰⴽⴽⴻⵏ ⴰⴷ ⵜⵜⵡⴰⵙⴼⴻⵄⵍⴻⵏ ⵢⵉⵙⴻⵏⴼⴰⵔⴻⵏ ⵏ ⵜⵎⴻⵔⵔⵉⵜ ⵢⴻⵔⵏⴰ ⴰⴷ ⵜⴻⵔⵏⵓ ⵜⴻⵣⵎⴻⵔⵜ ⵏ ⵓⵎⵎⴰⴳⴻⵔ ⵏ ⵢⵉⵖⴻⵔⵎⴰⵏⴻⵏ ⴷ ⵢⵉⵎⴻⵔⵔⴰⵢⴻⵏ ⵉⴱⴻⵕⵕⴰⵏⵉⵢⴻⵏ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵢⴻⵜⵜⵡⴰⵅⵍⴻⵇ ⵓⵎⵙⵉⵣⵡⴻⵔ ⴰⴽⴽⴻⵏ ⴰⴷ ⴷ-ⵜⵉⵍⵉ ⵜⵖⴰⵔⴰ.

ⵎⴰⵙⵙ ⴳⵀⵧⵓⵍ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴰⵡⵉⵍⴰⵢⵜ ⵏ ⵎⴻⵙⵜⵖⴰⵏⴻⵎ ⵖⴻⵔ-ⵙ 1.800 ⵏ ⵡⵓⵙⵓⵜⴻⵏ, ⵢⴻⵔⵏⴰ ⵖⴻⴼ ⵍⴻⵃⵙⴰⴱ-ⵏⵏⴻⵙ ⴰⵎⴹⴰⵏ-ⴰ ⴷ ⴰⵎⴻⵥⵢⴰⵏ ⴰⵟⴰⵙ ⵉⵎⵉ ⵜⴰⵡⵉⵍⴰⵢⵜ-ⴰ ⵜⴻⵙⵙⴰⵔⴰⵎ ⴰⴷ ⵢⵉⵍⵉ ⵖⴻⵔ-ⵙ ⵓⵣⴻⴽⴽⴰ ⵉⵛⴻⴱⵃⴻⵏ ⴷⴻⴳ ⵜⵎⴻⵔⵔⵉⵜ.

ⵉ ⵍⵎⴻⵏⴷ ⵏ ⵡⴰⵢⴰ, ⵍⵍⴰⵏ-ⴷ ⵢⵉⵙⴻⵏⴼⴰⵔⴻⵏ ⵉ ⵓⵙⵙⴻⵡⵊⴻⴷ ⵏ 4.000 ⵏ ⵡⵓⵙⵓⵜⴻⵏ ⵉⵎⴰⵢⵏⵓⵜⴻⵏ, ⵢⴻⵔⵏⴰ ⵙⴻⴳ-ⴰ ⵖⴻⵔ 2017, ⵎⴰ ⵓⵍⴰⵛ, 6.000 ⵏ ⵡⵓⵙⵓⵜⴻⵏ ⴰⵔⴰ ⴷ-ⵉⵡⴻⵊⴷⴻⵏ ⴷⴻⴳ ⵜⵡⵉⵍⴰⵢⵜ-ⴰ. ⵏⵏⵉⴳ ⵡⴰⵢⴰ, ⵎⴰⵙⵙ ⴳⵀⵧⵓⵍ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴰⵣⵎⴻⵔⵜ ⵏ ⵓⵎⵎⴰⴳⴻⵔ ⵏ ⵜⵡⵉⵍⴰⵢⵜ-ⴰ ⵢⴻⵙⵙⴻⴼⴽ ⴰⴷ ⵜⵉⵍⵉ ⴳⴰⵔ 10.000 ⴷ 15.000 ⵏ ⵡⵓⵙⵓⵜⴻⵏ ⴰⴽⴽⴻⵏ ⴰⴷ ⵜⴻⵙⵙⵉⵡⴻⴹ ⴰⴷ ⵜⴻⵎⵎⴰⴳⴻⵔ ⴰⵎⴹⴰⵏ-ⵏⵏⵉ ⴰⵎⴻⵇⵔⴰⵏ ⵏ ⵢⵉⵎⴻⵙⵏⴻⴱⴷⴰ ⴰⵢ ⴷ-ⵢⴻⵜⵜⴻⵏⵖⴰⵍⴻⵏ ⴼⴻⵍⵍ-ⴰⵙ, ⵍⴰⴷⵖⴰ ⵉⵎⵉ ⵜⴰⵡⵉⵍⴰⵢⵜ-ⴰ ⴷ ⵢⵉⵡⴻⵏ ⵙⴻⴳ ⵢⵉⵎⵓⴽⴰⵏ ⵉⵛⴻⴱⵃⴻⵏ ⴰⴽⴽ ⴷⴻⴳ ⵢⵉⵍⴻⵍ ⴰⴳⵔⴰⴽⴰⵍ.

ⵎⴰⵙⵙ ⴳⵀⵧⵓⵍ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⵎⴻⵙⵜⵖⴰⵏⴻⵎ ⵎⴰⵣⴰⵍ ⵜⴻⴼⴼⴻⵔ ⵜⵉⵣⴻⵎⵎⴰⵔ ⴷⴻⴳ ⵜⵎⴻⵔⵔⵉⵜ ⵢⴻⵔⵏⴰ ⴷ ⴰⵢⴰ ⴰⵔⴰ ⵜⵜ-ⵢⴻⴵⴵⴻⵏ ⴰⴷ ⵜⴻⵇⵇⴻⵍ ⴷ ⴰⵎⴽⴰⵏ ⵎⴻⵛⵀⵓⵕⴻⵏ ⴷⴻⴳ ⵓⵏⵔⴰⵔ-ⴰ.

ⴰⵏⴻⵖⵍⴰⴼ ⵉⵃⴻⵜⵜⴻⵜ-ⴷ ⴷⴰⵖ ⵖⴻⴼ ⵓⵏⴻⵡⵡⴻⵄ, ⴰⵎⵢⴻⵙⵙⵎⴰⴷ ⴷ ⵓⴷⴷⵓⴽⴽⴻⵍ ⵏ ⵜⴰⵍⵍⵓⵏⵉⵏ ⵏ ⵓⵔⵎⵓⴷ ⴰⴷⴰⵎⵙⴰⵏ.

ⴷⵖⴰ ⵖⴻⴼ ⵡⴰⵢⴰ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⵢⴻⵍⵍⴰ ⵓⵎⵢⴻⵙⵙⵎⴰⴷ ⴳⴰⵔ ⵜⵎⴻⵔⵔⵉⵜ ⵏ ⵢⵉⵍⴻⵍ, ⵜⵉⵏ ⵏ ⵓⴷⵔⴰⵔ, ⵜⵉⵏ ⵏ ⵍⵃⴻⵎⵎⴰⵎⴰⵜ, ⵜⵉⵏ ⵏ ⴷⴷⵉⵏ, ⵜⴰⵎⴻⵔⵔⵉⵜ ⵜⴰⴷⴻⵍⵙⴰⵏⵜ ⴷ ⵜⵎⴻⵔⵔⵉⵜ ⵜⴰⵎⴻⵣⵔⵓⵢⴰⵏⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵍⵍⴰ ⵓⵎⵢⴻⵙⵙⵎⴰⴷ ⴳⴰⵔ ⵜⵎⴻⵔⵔⵉⵜ, ⴰⴷⴷⴰⵍ ⴷ ⵜⴷⴰⵡⵙⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵔⵥⴰⵎ ⵏ ⵜⴻⵎⵏⴰⴹⵉⵏ ⵜⵉⵎⴻⵇⵔⴰⵏⵉⵏ ⵏ ⵜⵎⴻⵔⵔⵉⵜ, ⵉⵙⵓⴷⴷⵉⵙⴻⵏ ⴷ ⵢⵉⵎⴰⵣⵉⵔⴻⵏ ⵉ ⵓⵃⴻⵡⵡⴻⵙ ⵏ ⵜⵡⴰⵛⵓⵍⵉⵏ ⵜⵉⴷⵣⴰⵢⵔⵉⵢⵉⵏ.

ⵜⵉⵎⵣⵉⴽⴽⴻⵏⵜ-ⴰ ⵜⵜⴻⴽⴽⴰⵏ ⴷⴻⴳ-ⵙ ⵜⵎⴻⵀⵍⴰ ⵏ ⵜⵎⴻⵔⵔⵉⵜ ⴷ ⵜⴻⵏⴹⵉ, ⵜⴰⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵜⵏⴻⴼⵍⵉⵜ ⵏ ⵜⵎⴻⵔⵔⵉⵜ, ⵜⵉⵎⴻⵀⵍⵉⵡⵉⵏ ⵏ ⵓⵙⵙⵉⵍⴻⵖ ⴷ ⵓⵍⵎⵓⴷ ⴰⵎⵙⴰⴷⵓⵔ, ⵜⵉⵎⴻⵀⵍⵉⵡⵉⵏ ⵏ ⵢⵉⴷⵍⴻⵙ, ⵜⵉⵏⴻⴳⴳⵉⵡⵉⵏ ⵏ ⵜⵎⴻⵔⵔⵉⵜ ⴷ ⵓⵙⵙⵉⴽⴻⵍ, ⵜⴰⵏⴰⵔⵉⵜ ⵏ ⵜⵎⴻⵔⵔⵉⵜ ⵏ ⵎⴻⵙⵜⵖⴰⵏⴻⵎ ⴷ ⵙⵉⵔⴰⵜ ⴷ ⵢⵉⵏⴹⴻⵏ ⵢⴻⵎⵎⵓⵣⵣⴳⴻⵏ ⴷⴻⴳ ⵜⵖⴰⵡⵙⵉⵡⵉⵏ ⵏ ⵜⵥⵓⵔⵉ, ⵜⵉⵕⴰⴽⵏⵉⵡⵉⵏ ⴷ ⵜⴷⵓⴳⵉ ⵖⴻⴼ ⵓⴳⵍⵉⵎ, ⴳⴰⵔ ⵡⵉⵢⴰⴹ.

ⵎⴰⵙⵙ ⴳⵀⵧⵓⵍ ⵢⴻⵙⵙⴻⴼⵇⴻⴷ ⴰⵟⴰⵙ ⵏ ⵢⵉⵙⴻⵏⴼⴰⵔⴻⵏ ⴰⵢ ⵢⴻⵇⵇⵏⴻⵏ ⵖⴻⵔ ⵜⵎⴻⵔⵔⵉⵜ, ⴳⴰⵔ-ⴰⵙⴻⵏ 3 ⵏ ⵢⵉⵙⴻⵏⵙⴰ, ⵢⵉⵡⴻⵜ ⵏ ⵜⵏⴻⵣⴷⵓⵖⵜ ⵏ ⵜⵎⴻⵔⵔⵉⵜ ⴰⵢ ⵜⴻⴱⵏⴰ ⵢⵉⵡⴻⵜ ⵏ ⵜⴽⴻⴱⴱⴰⵏⵉⵜ ⵜⵓⵙⵍⵉⴳⵜ ⴷⴻⴳ ⵜⵉⵣⴳⴻⵍⵜ ⵜⴰⵎⴻⵔⵔⴰⵏⵜ ⵏ « ⵙⴰⴱⵍⴻⵜⵜⴻⵙ » ⴷ ⵜⴰⵢⴻⴹ ⴷⴻⴳ ⴱⴻⵏⴰⴱⴷⴻⵍⵎⴰⵍⴻⴽ ⵔⴰⵎⴷⴰⵏⴻ.