ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵇⵡⴰⵏⵉⵏ ⵉⵎⴰⵢⵏⵓⵜⴻⵏ ⵉ ⵓⵙⵙⵉⴼⵙⴻⵙ ⵏ ⵓⵙⵙⴻⴼⵜⵉ ⴷⴻⴳ ⵜⵎⴻⵔⵔⵉⵜ
ⵎⴻⵙⵜƔⴰⵏⴻⵎ – ⴰⵏⴻⵖⵍⴰⴼ ⵏ ⵓⵀⴻⵢⵢⵉ ⵏ ⵡⴰⴽⴰⵍ, ⵏ ⵜⵎⴻⵔⵔⵉⵜ ⴷ ⵜⴻⵏⴹⵉ, ⴰⵎⴰⵔ ⴳⵀⵧⵓⵍ, ⵢⴻⵏⵏⴰ-ⴷ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵎⴻⵙⵜⵖⴰⵏⴻⵎ, ⴷ ⴰⴽⴽⴻⵏ ⴰⴷ ⵜⵜⵡⴰⵙⵡⴻⵊⴷⴻⵏ ⵍⴻⵇⵡⴰⵏⵉⵏ ⵉⵎⴰⵢⵏⵓⵜⴻⵏ ⵉ ⵓⵙⵙⵉⴼⵙⴻⵙ ⵏ ⵓⵙⵙⴻⴼⵜⵉ ⴷⴻⴳ ⵜⴻⵎⵏⴰⴹⵉⵏ ⵏ ⵓⵙⵙⴻⵎⵖⴻⵔ ⵏ ⵜⵎⴻⵔⵔⵉⵜ.
ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢ ⴷ-ⵉⴳⴰ ⵉ ⵜⵖⴻⵎⵙⴰ ⴷⴻⴳ ⵢⵉⵊⵉⴼⴻⵕ ⵏ ⵜⴻⵔⵣⵉ ⵏ ⵓⵙⵙⴻⴼⵇⴻⴷ ⵖⴻⴼ ⵜⵡⵉⵍⴰⵢⵜ-ⴰ, ⵎⴰⵙⵙ ⴳⵀⵧⵓⵍ ⵉⵃⴻⵜⵜⴻⵜ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵏⴻⵡⵡⴻⵄ ⴷⴻⴳ ⵜⵙⴻⴳⴷⴰ ⴷ ⵢⵉⵎⴻⵥⵍⴰ (ⵙⵙⵔⴰⴱⴻⵙ) ⴰⴽⴽⴻⵏ ⴰⴷ ⵇⵇⵍⴻⵏⵜ ⵜⴻⵎⵏⴰⴹⵉⵏ ⵏ ⵓⵙⵙⴻⵎⵖⴻⵔ ⵏ ⵜⵎⴻⵔⵔⵉⵜ ⴷ ⵉⵎⵓⴽⴰⵏ ⴰⵢ ⴷ-ⵉⵊⴻⴱⴱⴷⴻⵏ.
ⴷⵖⴰ ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ ⴰⵙⵙ ⵏ ⵍⵃⴻⴷⴷ ⴰⴷ ⴷ-ⵜⵉⵍⵉ ⵜⴻⵎⵍⵉⵍⵉⵜ ⵜⴰⵖⴻⵍⵏⴰⵡⵜ ⵏ ⵡⴰⴽⴽ ⵉⵎⴹⴻⴱⴱⵔⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⴷⴷⵎⴻⵏ ⵉⵃⴻⵣⵣⵉⴱⴻⵏ ⵢⴻⵔⵣⴰⵏ ⴰⵖⴻⵍⵍⴻⵜ ⵏ ⵜⴻⵎⵏⴰⴹⵉⵏ ⵏ ⵓⵙⵙⴻⵎⵖⴻⵔ ⵏ ⵜⵎⴻⵔⵔⵉⵜ ⵢⴻⵔⵏⴰ ⴰⴷ ⵡⴻⵀⵀⵉⵏ ⴰⵎⴰⵀⵉⵍ-ⵏⵙⴻⵏ (ⴰⵅⴻⴷⴷⵉⵎ) ⵖⴻⵔ ⵜⴷⴰⵎⵙⴰ ⴰⵔⴰ ⴷ-ⵉⵅⴻⵍⵇⴻⵏ ⵉⵎⵓⴽⴰⵏ ⵏ ⵓⵎⴰⵀⵉⵍ ⵢⴻⵔⵏⴰ ⴰⴷ ⴷ-ⵜⴻⵙⵙⵉⴷⴻⴼ ⵉⴷⵔⵉⵎⴻⵏ ⴱⴻⵕⵕⴰ ⵉ ⵢⵉⵙⴻⵔⵖⴰ.
ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵖⵍⵉⴼ ⵏ ⵓⵀⴻⵢⵢⵉ ⵏ ⵡⴰⴽⴰⵍ ⵍⴰ ⵉⵅⴻⴷⴷⴻⵎ ⴰⴽⴽⴻⵏ ⴰⴷ ⵉⵡⴻⵀⵀⵉ ⴰⴽⴽ ⵉⵃⵔⵉⵛⴻⵏ ⵖⴻⵔ ⵢⵉⵏⵓⵔⴰⵔ ⴰⵢ ⴷ-ⵢⴻⵙⵙⴰⴷⴰⴼⴻⵏ ⵉⴷⵔⵉⵎⴻⵏ, ⵢⴻⵔⵏⴰ ⵢⴻⵙⵙⴻⴼⴽ ⴷⴰⵖ ⴰⴷ ⵜⵜⵡⴰⴷⴷⵎⴻⵏ ⵢⵉⵃⴻⵣⵣⵉⴱⴻⵏ ⵉ ⵍⵎⴻⵏⴷ ⵏ ⵜⵓⴽⴽⵙⴰ ⵏ ⵢⵉⵄⴻⵡⵡⵉⵇⴻⵏ ⵏ ⵍⴻⴽⵡⴰⵖⴻⴹ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⴷ-ⵜⵉⵍⵉ ⵜⴻⴽⵙⴰⵎⵎⴰⵙⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⴼⵜⵉ ⵢⴻⵔⵏⴰ ⴰⴷ ⵙⵙⵉⴼⴻⵙⵙⴻⵏ ⵖⴻⴼ ⵢⵉⵎⵙⴻⴼⵜⵉⵢⴻⵏ ⴰⴽⴽⴻⵏ ⴰⴷ ⴷ-ⵔⴻⴹⵍⴻⵏ ⵉⴷⵔⵉⵎⴻⵏ ⵏⴻⵖ ⴰⴷ ⵜⴻⵏ-ⵉⴷ-ⵉⵚⴰⵃ ⵡⴰⴽⴰⵍ ⴷⴻⴳ ⴰⵔⴰ ⴳⴻⵏ ⵉⵙⴻⵏⴼⴰⵔⴻⵏ-ⵏⵙⴻⵏ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵙⴻⵏⴼⴰⵔ ⵏ ⵓⵚⴻⵏⵏⴻⴼ ⵏ ⵢⵉⵙⴻⵏⵙⴰ ⵖⴻⴼ ⵍⴻⵃⵙⴰⴱ ⵏ ⵜⵖⴰⵔⴰ-ⵏⵙⴻⵏ « ⵍⴰ ⵢⴻⵜⵜⴻⴷⴷⵓ ⴰⴽⴽⴻⵏ ⵢⴻⵍⵀⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴳⵀⵧⵓⵍ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⴰⴷ ⵜⵜⵡⴰⴷⴷⵎⴻⵏ ⵢⵉⵃⴻⵣⵣⵉⴱⴻⵏ ⴰⵔⴰ ⵉⴳⴻⵏ ⵉⴼⴰⴷⴷⴻⵏ ⵉ ⵢⵉⵙⴻⵏⵙⴰ ⴰⴽⴽⴻⵏ ⴰⴷ ⵙⵙⴻⵍⵀⵓⵏ ⵉⵡⴻⵥⵍⴰ-ⵏⵙⴻⵏ (ⵙⵙⵔⴰⴱⴻⵙ).
ⵎⴰⵙⵙ ⴳⵀⵧⵓⵍ ⵢⴻⵙⵙⴻⴼⵇⴻⴷ ⵍⴻⵛⵖⴰⵍ ⵏ ⵓⵀⴻⵢⵢⵉ ⴷ ⵓⵜⴻⵡⵡⴻⵍ ⵏ ⵜⴻⴼⵜⵉⵙⵜ ⵏ « ⵛⵍⵧⵠⵉⵙ » ⴷⴻⴳ ⴱⴻⵏⴰⴱⴷⴻⵍⵎⴰⵍⴻⴽ ⵔⴰⵎⴷⴰⵏⴻ », ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⵉ ⵢⵉⵖⴻⵔⵎⴰⵏⴻⵏ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⵙ ⵍⴵⴻⵀⴷ ⴷⴻⴳ ⵜⵎⴻⵔⵔⵉⵜ ⵙ ⵓⵃⵔⴰⵣ ⵏ ⵜⵡⴻⵏⵏⴰⴹⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⵔⵔⴱⴻⵃ ⵏ ⵜⵙⴻⵎⵀⵓⵢⵜ ⵏ ⵢⵉⵎⵓⵔⴰ ⵏ ⵓⵏⴻⴱⴷⵓ « ⵓⵔ ⵜⴻⵔⵣⵉ ⴰⵔⴰ ⴰⵖⵍⵉⴼ ⴽⴰⵏ ⵉ ⵢⵉⵎⴰⵏ-ⵏⵏⴻⵙ ⵡⴰⵏⴰⴳ ⵓⵍⴰ ⴷ ⴰⵖⴻⵔⵎⴰⵏ ⵖⴻⵔ-ⵙ ⴷⴷⵓⵕ ⴷⴻⴳ ⵡⴰⵢⴰ ».
ⴰⵏⴻⵖⵍⴰⴼ ⵢⴻⴷⴷⴰ ⴷⴰⵖ ⵖⴻⵔ ⵓⵅⵅⴰⵎ ⵏ ⵢⵉⴷⵍⴻⵙ ⵏ « ⵧⵓⵍⴷ ⴰⴱⴷⴻⵔⵔⴰⵀⵎⴰⵏⴻ ⴽⴰⴽⵉ » ⴷⴻⴳ ⵎⴻⵙⵜⵖⴰⵏⴻⵎ ⴰⵏⴷⴰ ⴰⵢ ⵢⴻⵔⵣⴰ ⵖⴻⴼ ⵜⴻⵎⵣⵉⴽⴽⴻⵏⵜ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵜⵎⴻⵔⵔⵉⵜ, ⴷ ⵜⵉⵎⵣⵉⴽⴽⴻⵏⵜ ⴷⴻⴳ ⵜⵜⴻⴽⴽⴰⵏ ⴰⵟⴰⵙ ⵏ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ.
ⵜⴰⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵓⵀⴻⵢⵢⵉ ⴷ ⵓⵃⵓⴷⴷⵓ ⵏ ⵡⴰⴽⴰⵍ ⵜⵇⴻⴷⴷⴻⵎ-ⴷ ⵉ ⵓⵏⴻⵖⵏⴰⴼ ⵢⵉⵡⴻⵏ ⵏ ⵓⵏⴻⵙⴽⵉⵏ ⵖⴻⴼ ⵓⵖⴰⵡⴰⵙ ⵏ ⵓⵀⴻⵢⵢⵉ ⵏ ⵜⵡⵉⵍⴰⵢⵜ ⵏ ⵎⴻⵙⵜⵖⴰⵏⴻⵎ.
