ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵙⴰⵍⵜ ⵏ ⵊⵧⵏⴰⵜⵀⴰⵏⴻ ⴷ ⵎⵛ ⵍⴻⵣⵣⴰⵢⴻⵔ: ⵔⴰⵉⵙⵙⵉ ⴰⴷ ⵉⵄⴻⴷⴷⵉ ⴷⴻⴳ ⵜⵙⴻⵇⵇⴰⵎⵓⵜ ⵏ ⵍⴰⴷⴻⴱ

ⵍⴻⵣⵣⴰⵢⴻⵔ – ⴰⵙⴻⵍⵡⴰⵢ ⵏ ⵎⵛ ⵍⴻⵣⵣⴰⵢⴻⵔ, ⴰⴱⴷⴻⵍⴽⵔⵉⵎ ⵔⴰⵉⵙⵙⵉ, ⴰⴷ ⵢⴻⴱⴷⴻⴷ ⴷⴻⴳ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ ⵙⴷⴰⵜ ⵜⵙⴻⵇⵇⴰⵎⵓⵜ ⵏ ⵍⴰⴷⴻⴱ ⵏ ⵜⴻⵎⵖⵓⵏⵜ ⵏ ⵜⴽⵓⵔⵜ ⵏ ⵓⴹⴰⵔ ⵜⴰⵎⵙⴰⴷⵓⵔⵜ (ⵍⴼⵒ) ⴰⴽⴽⴻⵏ ⴰⴷ ⴷ-ⵢⴻⵙⵙⴻⴼⵀⴻⵎ ⵎⴰⵖⴻⴼ ⴰⵢ ⴷ-ⵢⴻⵙⵙⴰⴷⴻⴼ ⵎⴰⵜⵉⵊⴰⵙ ⵊⵧⵏⴰⵜⵀⴰⵏⴻ (ⴰⵄⴻⵙⵙⴰⵙ ⵏ ⵢⵉⵙⵡⵉ ⵏ ⵓⵙⵎ ⴱⴻⵍⵄⴻⴱⴱⴰⵙ) ⴰⴽⴽⴻⵏ ⴰⴷ ⵢⵓⵔⴰⵔ ⴷⴻⴳ ⵜⴻⵖⵍⴰⵎⵜ-ⵏⵏⴻⵙ ⴽⵔⴰ ⵏ ⵍⴻⴷⵡⴰⵕ ⴰⵢⴰ, ⵢⵉⵍⵉ ⴰⵎⴰⵔⵉⵔ-ⴰ ⵎⴰⵣⴰⵍ ⵢⴻⵙⵄⴰ ⵍⴻⵄⵇⴻⴷ ⴷ ⵜⵖⵍⴰⵎⵜ ⵏ ⴱⴻⵍⵄⴻⴱⴱⴰⵙ. ⵖⴻⴼ ⵍⴻⵃⵙⴰⴱ ⵏ ⵓⵙⴻⵍⵡⴰⵢ ⵏ ⵜⴻⵎⵖⵓⵏⵜ ⵏ ⵜⴽⵓⵔⵜ ⵏ ⵓⴹⴰⵔ ⵜⴰⵎⵙⴰⴷⵓⵔⵜ, ⵎⴰⵀⴼⵧⵓⴷ ⴽⴻⵔⴱⴰⴷⵊ (ⵓⵎⵉ ⵜⴻⵖⵔⴰ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⵙ ⵓⵙⴰⵡⴰⵍ ⴰⵙⵙ ⵏ ⵍⵃⴻⴷⴷ), ⴰⵙⴻⵍⵡⴰⵢ ⵏ ⵎⵛ ⵍⴻⵣⵣⴰⵢⴻⵔ ⵢⴻⵣⵎⴻⵔ « ⴰⴷ ⵢⴻⵜⵜⵡⴰⵄⴰⵇⴻⴱ ⵙ ⵜⴻⵇⵙⴻⵃ ». « ⵉⵍⵓⴳⴰⵏ ⴱⴰⵏⴻⵏ ⴷⴻⴳ ⵜⴻⵎⵙⴰⵍⵜ-ⴰ. ⵓⵔ ⵢⴻⵙⵄⵉ ⴰⵔⴰ ⴰⵣⵔⴻⴼ ⴰⴷ ⵢⴻⵎⵛⵉⵡⴻⵕ ⴷ ⵓⵎⴰⵔⵉⵔ ⵏⴻⵖ ⴰⴷ ⵢⴻⵙⵜⴻⵏⵢⵉ ⵢⵉⴷ-ⵙ ⵍⴻⵄⵇⴻⴷ ⴷⴻⴳ ⵡⴰⴽⵓⴷ ⴰⵢⴷⴻⴳ ⴰⵎⴰⵔⵉⵔ-ⵏⵏⵉ ⵎⴰⵣⴰⵍ ⵢⴻⵙⵄⴰ ⵍⴻⵄⵇⴻⴷ ⴷ ⵜⴻⵖⵍⴰⵎⵜ ⵏⵉⴹⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴽⴻⵔⴱⴰⴷⵊ.

Tamehla n teɣlamt n Muludeyya tdufeɛ-d ɣef yiman-nnes yerna tenna-d d akken aɛessas n yiswi Jonathane iwekked-as-d d akken yerbeḥ USM Belɛebbas deg lexṣem-nni ay t-icerken d teɣlamt-a imi ur t-id-txelleṣ ara acḥal n wayyuren.

« Azref n ustenyi n leɛqed ur t-tesɛi la MC Lezzayer wala amarir-a skud Taseqqamut n ferru n wimgerraden ur d-terri ara s lexbar ɣef temsalt-a » (yellan gar Jonathane d USM Belɛebbas), ɣef wakken ay d-yenna uselway n Temɣunt n tkurt n uḍar tamsadurt, am wakken ay d-yerna d akken ula d Jonathane yezmer « ad yettwaɛaqeb s teqseḥ ».  

Aɛessas-a n yiswi afṛensis-adzayri yesɛa 25 n yiseggasen yudef ad yurar deg USM Belɛebbas deg unebdu n useggas yezrin, yerna d tin ay d ttejṛiba-nnes tamezwarut deg telɣuɣa n Lezzayer, d ttejṛiba n diri, imi taɣlamt-nnes teɣli ɣer Temɣnt tis 2 deg tgara n tsemhuyt yezrin.