ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵏⴻⵥⵔⵓⴼ ⵓⵜⵔⵉⵎ: ⵎⴰⵔⵉⴽⴰⵏ ⵜⵡⴻⵜ-ⴷ ⴷⴻⴳ ⵓⵔⴽⴰⴹ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴰⵢ ⵜⴻⵜⵜⴻⴳ ⵎⴻⵕⵕⵓⴽ

ⵡⴰⵙⵀⵉⵏⴳⵜⵧⵏ – ⴰⵖⵍⵉⴼ ⴰⵎⴰⵔⵉⴽⴰⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵉⵡⴻⵜ-ⴷ ⴷⴻⴳ ⵓⵕⴰⴱⵓⵍ-ⵏⵏⴻⵙ ⴰⵙⴻⴳⵙⴰⵏ ⵏ 2014 (ⵖⴻⴼ ⵜⴻⴳⵏⵉⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵓⵎⴰⴹⴰⵍ) ⴷⴻⴳ ⵓⵔⴽⴰⴹ ⵓⴼⴹⵉⵃ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴰⵢ ⴳⴰⵏ ⵢⵉⴷⵓⴱⴰ ⵏ ⵜⵓⴹⴹⴼⴰ ⵉⵎⴻⵕⵕⵓⴽⵉⵢⴻⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ.

ⴰⵕⴰⴱⵓⵍ-ⴰ ⴰⵢ ⴷ-ⵢⴻⴷⴼⴼⵖⴻⵏ ⵙⴻⴳ ⵎⴻⵍⵎⵉ ⴽⴰⵏ ⵢⴻⴱⴷⴻⵔ-ⴷ « ⴰⵙⵙⵉⴳⴻⴷ ⵏ ⵢⵉⵎⴻⵖⵏⴰⵙⴻⵏ ⵉⵚⴻⵃⵔⴰⵡⵉⵢⴻⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴰⵢ ⵍⴰ ⵢⴻⵙⵙⵓⵜⵓⵔⴻⵏ ⴰⵣⵔⴻⴼ ⵉ ⵓⴳⴳⵓⵛⵛⴻⵍⵎⴰⵏ », ⴷ ⵓⴽⴻⵎⵎⴻⵍ « ⵏ ⵜⵓⴹⴹⴼⴰ ⵏ ⵢⵉⵎⴷⴰⵏⴻⵏ ⴷⴻⴳ ⵍⴱⴰⵟⴻⵍ ⵢⴻⵔⵏⴰ ⵙ ⵓⵔⴽⴰⴹ ⵏ ⵍⵇⴰⵏⵓⵏ » ⴷ « ⵓⵎⵃⴰⵇ ⵏ ⵜⵍⴻⵍⵍⵉ ⵏ ⵡⴰⵡⴰⵍ ».

ⴰⵖⵍⵉⴼ ⴰⵎⴰⵔⵉⴽⴰⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵓⵔ ⵢⵓⵎⵉⵏ ⴰⵔⴰ ⴷⴰⵖ ⴰⴷⴰⴱⵓ ⴰⵎⴻⵕⵕⵓⴽⵉ ⴰⵢ ⴷ-ⵢⴻⵏⵏⴰⵏ ⴷ ⴰⴽⴽⴻⵏ ⵓⵍⴰⵛ ⵉⵎⴻⵃⴱⴰⵙ ⵉⵙⴻⵔⵜⵉⵢⴻⵏ ⵉⵚⴻⵃⵔⴰⵡⵉⵢⴻⵏ, ⵢⴻⵔⵏⴰ ⵢⴻⴱⴷⴻⵔ-ⴷ ⵓⵕⴰⴱⵓⵍ-ⴰ ⵓⴳⴰⵔ ⵏ 60 ⵏ ⵢⵉⵎⴻⵃⴱⴰⵙ ⵉⵙⴻⵔⵜⵉⵢⴻⵏ ⵉⵚⴻⵃⵔⴰⵡⵉⵢⴻⵏ, ⴳⴰⵔ-ⴰⵙⴻⵏ 22 ⵜⵜⵡⴰⵃⴻⴱⵙⴻⵏ ⵙⴻⴳ 2010, ⴰⵙⵎⵉ ⴰⵢ ⴷ-ⵍⵍⴰⵏⵜ ⵜⴻⴷⵢⴰⵏⵉⵏ ⵏ ⴳⴷⴻⵉⵎ ⵉⵣⵉⴽ.

ⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵎⴻⵕⵕⵓⴽ: ⴷ ⵜⴰⴳⵏⵉⵜ ⵢⴻⵙⵙⴰⴳⴰⴷⴻⵏ

ⵜⴰⴳⵏⵉⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵎⴻⵕⵕⵓⴽ ⵜⴻⵙⵙⴰⴳⴰⴷ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵕⴰⴱⵓⵍ-ⵏⵏⵉ ⴰⵢ ⴷ-ⵉⴽⴻⵛⴼⴻⵏ ⴷ ⴰⴽⴽⴻⵏ « ⵍⵇⴰⴹⵉⵢⴰⵜ ⵓⵔⵍ ⵍⵉⵏ ⴰⵔⴰ ⴷ ⵉⵎⵣⵉⵔⴳⴻⵏ ⵢⴻⵔⵏⴰ ⵎⴰⵣⴰⵍ ⵍⴰ ⵢⴻⵜⵜⴽⴻⵎⵎⵉⵍ ⵓⵡⴰⵏⴰⴽ (ⴷⴷⵓⵍ)ⴰ ⵍⴰ ⵉⵃⴻⵕⵕⴻⵙ ⵜⵉⴷⴷⵓⴽⵍⵉⵡⵉⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷ ⵜⵖⴻⵎⵙⴰ ».

« ⵜⴰⴳⴻⵍⴷⴰ ⵜⴰⵎⴻⵕⵕⵓⴽⵉⵜ, ⵓⵍⴰ ⵎⴰ ⵍⴰ ⵜⴻⵜⵜⵣⵓⵅⵅⵓ ⵙ ⵓⵏⴱⴰⴹ-ⵏⵏⴻⵙ ⴰⵎⴻⴳⴷⴰⵢ, ⵎⴰⵣⴰⵍ-ⵉⵜⵜ ⵍⴰ ⵜⴻⴳⴳⴰⵔ ⵉⵎⴰⵏ-ⵏⵏⴻⵙ ⴷⴻⴳ ⴽⵓⵍⵍⴻⵛ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵕⴰⴱⵓⵍ-ⵏⵏⵉ ⴰⵢ ⴷ-ⵉⴱⴻⴷⵔⴻⵏ, ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵣⴻⵔⴼⴰⵏ ⵏ ⵓⵎⴷⴰⵏ, ⴷ ⴰⴽⴽⴻⵏ ⵎⴻⵕⵕⵓⴽ « ⵍⴰ ⵜⴻⵜⵜⴽⴻⵎⵎⵉⵍ ⵜⴰⵙⴻⵔⵜⵉⵜ-ⵏⵏⴻⵙ ⵏ ⴷⵉⵎⴰ, ⵜⵉⵏ ⵏ ⵓⵙⴳⵓⴳⴻⵎ ⴷ ⵓⵎⵃⴰⵇ ⵏ ⵜⵍⴻⵍⵍⵉⵢⵉⵏ ⴰⴽⴽⴻⵏ ⴰⵢ ⵜⴳⴰ ⵉ ⵜⵉⴷⴷⵓⴽⵍⴰ ⵜⴰⵎⴻⵕⵕⵓⴽⵉⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ».

ⵎⴻⵕⵕⵓⴽ ⵓⵔ ⵜⴻⵙⵜⴻⵄⵕⴻⴼ ⴰⵔⴰ ⵙ ⵢⵉⵕⴰⴱⵓⵍⴻⵏ ⵏ ⵜⵉⴷⴷⵓⴽⵍⵉⵡⵉⵏ ⵜⵉⴳⵔⴰⵖⵍⴰⵏⵉⵏ ⴷⴻⴳ ⵢⴻⵍⵍⴰ ⵍⴰⵎⴰⵏ ⴰⵎ ⵀⵓⵎⴰⵏ ⵔⵉⴳⵀⵜⵙ ⵡⴰⵜⵛⵀ ⴷ ⴰⵎⵏⴻⵙⵜⵢ ⵉⵏⵜⴻⵔⵏⴰⵜⵉⵧⵏⴰⵍ, ⵢⴻⵔⵏⴰ ⵜⵓⴳⵉ ⵓⵍⴰ ⴷ ⴰⵕⴰⴱⵓⵍ ⵏ ⵓⵖⵍⵉⴼ ⴰⵎⴰⵔⵉⴽⴰⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴰⵢ ⴷ-ⵉⴱⴻⴷⵔⴻⵏ ⴰⵎⴻⵣⵔⵓⵢ ⵏ ⵓⵏⴻⵥⵔⵓⴼ ⵓⵜⵔⵉⵎ ⵙⴻⴳ ⵡⴰⵙⵎⵉ ⴰⵢ ⵜⴻⵥⴷⴻⵎ ⴼⴻⵍⵍ-ⴰⵙ ⵎⴻⵕⵕⵓⴽ ⴷⴻⴳ ⵟⵓⴱⴻⵔ ⵏ 1975, ⴷ ⵜⴻⴷⵢⴰⵏⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵎⵙⴰⵍⵜ ⵜⴰⵚⴻⵃⵔⴰⵡⵉⵜ ⴷ ⵍⵎⴻⴵⵀⵓⴷ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵎⴻⵏⴷ ⵏ ⴼⴻⵔⵔⵓ ⵏ ⵜⴰⵍⵓⴼⵜ-ⴰ.

ⵜⵉⵖⵔⵉ ⵉ ⵓⵙⵙⴻⵄⵊⴻⵍ ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵙⵙⴻⴼⴽ ⴰⴷ ⴷ-ⵏⴻⵙⵎⴻⴽⵜⵉ ⴷ ⴰⴽⴽⴻⵏ ⵜⵉⵎⵓⵔⴰ ⵜⵉⵎⴰⵙⵍⴰⴹⵉⵏ ⵏ ⵓⵙⴻⵇⵇⴰⵎⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⴷ-ⵢⴻⵍⵀⴰⵏ ⵙ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ ⴳⵔⴻⵏⵜ-ⴷ ⵜⵉⵖⵔⵉ, ⴷⴻⴳ ⵢⵉⵡⴻⵜ ⵏ ⵜⵖⵉⵎⵉⵜ ⴰⵢ ⴷ-ⵢⴻⵍⵍⴰⵏ ⵉ ⵓⵙⵙⵓⴽⴽⵓ ⵏ ⵜⵉⵟ ⵖⴻⴼ ⵜⴻⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ, ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⴻⵜⵜⵡⴰⵙⵙⴻⵄⵊⴻⵍ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵡⴰⵢⴰ ⵙ ⵜⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ ⴷⴻⴳ ⴰⵖⵔⴻⴼ ⴰⵚⴻⵃⵔⴰⵡⵉ ⴰⴷ ⵜⵜ-ⵉⴷ-ⵢⴻⴼⵔⵓ ⵖⴻⴼ ⵓⵣⴻⴽⴽⴰ-ⵏⵏⴻⵙ ⵙ ⵜⵍⴻⵍⵍⵉ.

ⵉⴳⴻⵏⵙⴰⵙⴻⵏ ⵏ ⵠⴻⵏⴻⵣⵓⴻⵍⴰ, ⴻⵛⵓⴰⴷⵧⵔ, ⴽⵓⴱⴰ, ⵏⵉⵛⴰⵔⴰⴳⵓⴰ, ⴱⵓⵍⵉⵠⵢⴰ, ⵍⴻⵣⵣⴰⵢⴻⵔ, ⵜⴰⴼⵔⵉⵇⵜ ⵏ ⵓⵏⵥⵓⵍ ⴷ ⵙⵉⴻⵔⵔⴰ ⵍⴻⵧⵏⴻ ⵏⵏⴰⵏ-ⴷ ⴷ ⴰⴽⴽⴻⵏ ⴷ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⵢⴻⵙⵄⴰⵏ ⵜⴰⵎⴰⵙⵉⵜ ⴰⴽⴽⴻⵏ ⴰⴷ ⴼⵔⵓⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ.

ⵉⵎⵉ ⵜⴰⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⵜⴻⵇⵇⴻⵏ ⵖⴻⵔ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ, « ⴷ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⴹⴻⵎⵏⴻⵏ ⴰⵙⵙⴻⴼⵄⴻⵍ, ⵙ ⵓⵙⵙⴻⵎⵢⵓⴷⴷⴻⵙ ⴷ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵏ ⵜⵏⴻⵖⵜⵓⵙⵉⵜ ⵜⵉⵎⴻⵣⴳⵉⵢⵉⵏ ⵏ ⵓⴳⵔⴰⵡ ⴰⵎⴰⵜⵓ ⴷ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴰⵢ ⵉⴹⴻⵎⵏⴻⵏ ⴰⵣⵔⴻⴼ ⵓⵔ ⵢⴻⵜⵜⵡⴰⵏⴽⴰⵕⴻⵏ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⵉ ⵓⴳⴳⵓⵛⵛⴻⵍⵎⴰⵏ ⴷ ⵓⵣⴰⵔⵓⴳ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⴳⴻⵏⵙⴰⵙⴻⵏ ⵏ ⵟⴰⵎ-ⵏⵏⵉ (8) ⵏ ⵜⵎⵓⵔⴰ.

ⵉⵎⵜⵜⴻⴽⴽⵉⵢⴻⵏ ⴷⴻⴳ ⵜⵖⵉⵎⵉⵜ-ⴰ ⵏⵏⴰⵏ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷ ⴰⴽⴽⴻⵏ ⴰⵔⴽⴰⴹ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ ⵡⴰⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⴹⴹⴼⴻⵏ ⴷ ⵓⵖⴻⵍⵍⴻⵜ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⵏ ⵜⴻⵖⴱⵓⵍⴰ ⵜⵉⴳⴰⵎⴰⵏⵉⵏ ⵏ ⵡⴰⴽⴰⵍⴻⵏ-ⴰ ⴷ ⴰⵢⴻⵏ ⴰⵢ ⵜⴻⵏ-ⵉⵛⴻⵖⴱⴻⵏ.