ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴱⵖⴰⵏ ⴰⴷ ⴷ-ⵍⵀⵓⵏ ⵙ ⵜⴻⵎⵙⴰⵍⵜ ⵏ ⵡⵉⴷ ⵢⴻⵏⴹⴻⵔⵔⴻⵏ ⴷⴻⴳ ⵢⴰⵎⴰⵏ, ⵎⴰ ⴷ ⵉⵎⴻⵏⵖⵉ ⵍⴰ ⵢⴻⵜⵜⴽⴻⵎⵎⵉⵍ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴱⵖⴰⵏ ⴰⴷ ⴷ-ⵍⵀⵓⵏ ⵙ ⵜⴻⴳⵏⵉⵜ ⵜⴰⵡⴻⵄⵕⴰⵏⵜ ⴷⴻⴳ ⵍⵍⴰⵏ ⵢⵉⵎⴷⴰⵏⴻⵏ ⵢⴻⵏⴹⴻⵔⵔⴻⵏ ⵙⴻⴳ ⵟⵟⵔⴰⴷ, ⵓⵍⴰ ⵎⴰ ⵍⵍⴰⵏ ⵡⵓⴳⵓⵔⴻⵏ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⴷ ⵉⵎⴻⵇⵔⴰⵏⴻⵏ ⴷⴻⴳ ⵓⵏⵔⴰⵔ, ⵢⴻⵔⵏⴰ ⵎⴰⵣⴰⵍ ⵍⴰ ⵢⴻⵜⵜⴽⴻⵎⵎⵉⵍ ⵢⵉⵎⴻⵏⵖⵉ ⴰⵙⵙ ⵏ ⵍⵃⴻⴷⴷ ⴷⴻⴳ ⵜⵎⵓⵔⵜ-ⴰ, ⵍⴰⴷⵖⴰ ⴷⴻⴳ ⵜⴻⵎⵏⴰⴹⵜ ⵏ ⵜⵍⵉⵙⴰ ⴰⴽⴽⴻⴷ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ.

ⵜⴰⴳⵏⵉⵜ ⵏ ⵢⵉⵎⴷⴰⵏⴻⵏ ⵢⴻⵏⴹⴻⵔⵔⴻⵏ ⵙⴻⴳ ⵟⵟⵔⴰⴷ ⴷⴻⴳ ⵢⴰⵎⴰⵏ ⵙⵉⵎⴰⵍ ⵍⴰ ⵜⴻⵜⵜⵣⴰⴷ, ⵓⵍⴰ ⵎⴰ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵍⴰ ⵜⵜⴽⴻⵎⵎⵉⵍⴻⵏ ⵍⵎⴻⴵⵀⵓⴷ-ⵏⵙⴻⵏ ⴰⴽⴽⴻⵏ ⴰⴷ ⵄⴰⵡⵏⴻⵏ ⵉⴷⵉⵙⴰⵏ ⵢⴻⵎⵅⴰⵚⴰⵎⴻⵏ ⴰⴽⴽⴻⵏ ⴰⴷ ⴷ-ⴰⴼⴻⵏ ⵜⵉⴼⵔⴰⵜ ⵜⴰⵙⴻⵔⵜⵉⵜ ⵉ ⵜⴰⵍⵓⴼⵜ ⴰⵢ ⵉⵃⵓⵣⴰⵏ ⵜⴰⵎⵓⵔⵜ-ⴰ.

ⵜⴰⵏⴰⵔⵉⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵙⴻⵎⵢⵓⴷⴷⴻⵙ ⵏ ⵜⵖⴰⵡⵙⵉⵡⵉⵏ ⵜⴰⵍⵙⴰⵏⵉⵏ (ⵧⵛⵀⴰ) ⵜⴻⵏⵏⴰ-ⴷ ⴷⴰⴽⴽⴻⵏ ⵍⴰ ⵜⴻⵜⵜⵅⴻⵎⵎⵉⵎ ⴰⴷ ⴷ-ⵜⵃⴰⵣ ⵓⴳⴰⵔ ⵏ ⵢⵉⴷⵔⵉⵎⴻⵏ ⵉ ⵓⵇⴰⴱⴻⵍ ⵏ ⵜⵓⵄⵊⵉⵍⵉⵏ ⴷ ⵓⵄⴰⵡⴻⵏ ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵖⴰⵔⵉⵎⴻⵏ ⵉⵢⴰⵎⴰⵏⵉⵢⴻⵏ ⴰⵢ ⵢⴻⵜⵜⵡⴰⴹⴹⴼⴻⵏ ⴷ ⵉⵎⴻⵕⵀⴰⵏ ⴷⴻⴳ ⵢⵉⵎⴻⵏⵖⵉ.

ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵏⵎⴰⵣⵓⵍ ⵏ ⵓⵎⴰⵔⵓ ⴰⵎⴰⵜⵓ ⵏ ⵜⵖⴰⵡⵙⵉⵡⵉⵏ ⵜⴰⵍⵙⴰⵏⵉⵏ, ⴰⵙⴻⵎⵢⴰⴷⴷⴰⵙ ⵏ ⵜⵓⵄⵊⵉⵍⵉⵏ, ⵙⵜⴻⵒⵀⴻⵏ ⵧ’ⴱⵔⵉⴻⵏ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⵙⴻⵏⴷⵓⵇ ⴰⵍⴻⵎⵎⴰⵙ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⴳⴻⵔⵎⴰⵏⵉⵏ ⵜⵓⵄⵊⵉⵍⵉⵏ ⴰⴷ ⵢⴻⵔⵏⵓ ⴰⴷ ⴷ-ⵉⵃⴰⵣ 25 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ.

ⵉⴷⵔⵉⵎⴻⵏ-ⴰ ⴰⴷ ⵜⵜⵡⴰⵙⵇⴻⴷⵛⴻⵏ ⵉ ⵓⵙⵙⵓⴽⴽⴻⵙ ⵏ ⵢⵉⵎⴷⴰⵏⴻⵏ ⵢⴻⵏⴹⴻⵔⵔⴻⵏ ⴷⴻⴳ ⵜⵎⵓⵔⵜ-ⴰ, ⴷ ⵓⴼⵔⴰⵇ ⵏ ⵡⵓⵞⵞⵉ, ⴰⵙⴻⵔⵖⵓ, ⵉⵙⴰⴼⴰⵔⴻⵏ, ⵜⵜⴰⵡⵉⵍ ⵏ ⵜⵓⵄⵊⵉⵍⵉⵏ, ⴰⵎⴰⵏ ⵏ ⵜⵉⵙⵙⵉⵜ ⴷ ⵜⵖⴰⵡⵙⵉⵡⵉⵏ ⵏ ⵜⴻⵣⴷⴻⴳ ⵉ ⵢⵉⵢⴰⵎⴰⵏⵉⵢⴻⵏ ⵢⴻⵃⵡⴰⴵⴻⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙⵙⵓⵜⵔⴻⵏ-ⴷ ⴰⴷ ⴷ-ⵢⴻⵇⵇⴻⵍ ⵓⵙⵙⵉⵡⴻⴹ ⵏ ⵙⵙⴻⵍⵄⴰ ⵉ ⵢⴰⵎⴰⵏ ⵙ ⵢⵉⵖⴻⵔⵔⵓⴱⴰ ⵉⵎⵙⴻⵏⵣⵉⵢⴻⵏ ⴰⴽⴽⴻⵏ ⵓⵔ ⵜⴻⵜⵜⵍⴰⵥ ⴰⵔⴰ ⵜⵎⵓⵔⵜ-ⴰ. « ⵢⴻⵙⵙⴻⴼⴽ ⴰⴷ ⴷ-ⵇⵇⵍⴻⵏ ⵢⵉⵖⴻⵔⵔⵓⴱⴰ ⵉⵎⵙⴻⵏⵣⵉⵢⴻⵏ » ⵖⴻⵔ ⵢⵉⵙⵓⴳⴰⵏ (ⵍⵎⴻⵔⵚⴰⵜ) ⵏ ⵢⴰⵎⴰⵏ ⴰⵛⴽⵓ ⵜⴰⵎⵓⵔⵜ-ⴰ ⵜⴻⵇⵇⴻⵏ ⵙ 90% ⵖⴻⵔ ⵡⴰⵢⴻⵏ ⴰⵢ ⴷ-ⵜⴻⵜⵜⴰⴵⴻⵡ ⵙⴻⴳ ⵜⵎⵓⵔⴰ ⵜⵉⴱⴻⵕⵕⴰⵏⵉⵢⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵧ’ⴱⵔⵉⴻⵏ.

ⵍⴻⵅⵚⴰⵚ ⵏ ⵢⵉⵙⴻⵔⵖⴰ ⴷ ⴰⵢⴻⵏ ⴰⵢ ⵢⴻⵙⵡⴰⵖⴻⵏ ⵉⵎⵓⴽⴰⵏ ⵏ ⵓⴷⴰⵡⵉ, ⵢⴻⵔⵏⴰ, ⵎⴰ ⵓⵍⴰⵛ, 160 ⵙⴻⴳ ⵢⵉⵎⵓⴽⴰⵏ-ⴰ ⴰⵢ ⵉⵖⴻⵍⵇⴻⵏ. « ⴰⵏⴰⴳⵔⴰⵡ ⵏ ⵜⴷⴰⵡⵙⴰ ⵇⵔⵉⴱ ⴰⴷ ⵢⴻⵃⴱⴻⵙ ⴰⴽⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵧ’ⴱⵔⵉⴻⵏ.

ⴽⵔⴰ ⵏ ⵢⵉⴷⵉⵒⵍⵓⵎⴰⵜⵉⵢⴻⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵜⵜⴻⵀⵎⴻⵏ ⵜⴰⴳⴻⵍⴷⴰ ⵜⴰⵙⴰⵄⵓⴷⵉⵜ ⵙ ⵓⵃⴻⵜⵜⴻⵎ ⵏ « ⵜⴻⵔⴳⵓⵍⵜ ⵜⴰⵡⵍⴰⵍⵜ » ⵖⴻⴼ ⵢⴰⵎⴰⵏ ⴷⴻⴳ ⵓⴽⴰⵜⴰⵔ ⵏ ⵜⵃⴻⵎⵍⴰ ⴰⵢ ⴷ-ⵜⴻⴱⴷⴰ ⵙⴻⴳ ⵜⴳⴰⵔⴰ ⵏ ⵎⴻⵖⵔⴻⵙ ⵖⴻⵔ ⵢⵉⴷⵉⵙ ⵏ ⵜⵎⵓⵔⴰ ⵜⴰⵄⵕⴰⴱⵉⵏ ⵏⵉⴹⴻⵏ ⵎⴳⴰⵍ ⵢⵉⵖⴻⵡⵡⴰⵖⴻⵏ ⵉⵛⵉⵄⵉⵢⴻⵏ ⵉⵃⵓⵜⵉⵢⴻⵏ ⴷ ⵢⵉⵎⵙⵉⵙⴰⵏ-ⵏⵙⴻⵏ.

ⵎⴻⴷⴷⴻⵏ ⴰⵜⵏⵉ ⴷⴻⴳ ⵢⵉⵔ ⵜⴰⴳⵏⵉⵜ

ⴷⴻⴳ ⵜⴻⴳⵏⵉⵜ ⵉⵡⴻⵄⵕⴻⵏ ⴰⵎ ⵜⴰ, 15-ⵏⵏⵉ ⵏ ⵜⵎⵓⵔⴰ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) « ⵃⴻⵜⵜⴻⵜⴻⵏⵜ-ⴷ ⴷⴰⴽⴽⴻⵏ ⵉⵃⴰⵔ ⵍⵃⴰⵍ ⴰⴷ ⵜⴰⴷⴻⴼ ⵙⵙⴻⵍⵄⴰ ⵖⴻⵔ ⵜⵎⵓⵔⵜ-ⴰ ⵉ ⵍⵎⴻⵏⴷ ⵏ ⵓⵄⴰⵡⴻⵏ ⵏ ⵡⵉⴷ ⵢⴻⵏⴹⴻⵔⵔⴻⵏ, ⵍⴰⴷⵖⴰ ⵉⵎⵉ ⵜⴰⵎⴻⴷⴷⵓⵔⵜ ⵏ ⵢⵉⵎⴻⵣⴷⴰⵖⴻⵏ ⵏ ⵢⴰⵎⴰⵏ ⵜⴻⵇⵇⴻⵏ ⵖⴻⵔ ⵡⴰⴵⴰⵡ ⵏ ⵡⵓⵞⵞⵉ ⴷ ⵢⵉⵙⴻⵔⵖⴰ ⵙⴻⴳ ⵓⵣⵖⴰⵔ ».

ⴰⵙⴻⵇⵇⴰⵎⵓ ⵢⴻⵏⵏⴰ-ⴷ ⴷⴰⴽⴽⴻⵏ « ⵜⴻⵛⵖⴻⴱ-ⵉⵜ ⴰⵟⴰⵙ ⵜⴻⵎⵙⴰⵍⵜ ⵏ ⵢⵉⵔ ⵜⴰⴳⵏⵉⵜ ⴷⴻⴳ ⵍⵍⴰⵏ ⵎⴻⴷⴷⴻⵏ ⴷⴻⴳ ⵢⴰⵎⴰⵏ, ⵢⴻⵔⵏⴰ ⵢⴻⵣⵎⴻⵔ ⵍⵃⴰⵍ ⴰⴷ ⵜⴻⵏ-ⵉⵃⴰⵣ ⵓⵍⴰ ⴷ ⵍⴰⵥ », ⵢⴻⵔⵏⴰ ⵉⴳⴰ ⵉⴼⴰⴷⴷⴻⵏ ⵉ ⵢⵉⴷⵉⵙⴰⵏ ⴰⵔⴰ ⴷ-ⵉⵚⴻⴷⴷⵇⴻⵏ ⴰⴽⴽⴻⵏ ⴰⴷ ⴷ-ⵚⴻⴷⴷⵇⴻⵏ ⵡⴰⵔ ⵛⵛⴻⵃⵃⴰ.

ⵜⵉⵎⵓⵔⴰ ⵏ ⵓⵙⴻⵇⵇⴰⵎⵓ ⵄⴰⵡⴷⴻⵏⵜ ⴳⵔⴻⵏⵜ-ⴷ ⵜⵉⵖⵔⵉ ⵉ ⵓⵃⴱⴰⵙ ⵏ ⵢⵉⵎⴻⵏⵖⵉ ⵉ ⵍⵎⴻⵏⴷ ⵏ ⵓⵄⴰⵡⴻⵏ ⵏ ⵡⵉⴷ ⵢⴻⵏⴹⴻⵔⵔⴻⵏ ⵢⴻⵔⵏⴰ ⵙⵙⵓⵜⵔⴻⵏ ⵉ ⵢⵉⴷⵉⵙⴰⵏ ⵢⴻⵎⵅⴰⵚⴰⵎⴻⵏ ⴷⴻⴳ ⵢⴰⵎⴻⵏ ⴰⴷ ⵇⵇⵍⴻⵏ « ⵡⴰⵔ ⵛⵛⴻⵔⴹ ⵢⴻⵔⵏⴰ ⵙ ⵏⵏⴻⵢⵢⴰ ⵣⴻⴷⴷⵉⴳⴻⵏ » ⵖⴻⵔ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ, ⵍⴰⴷⵖⴰ ⵉⵎⵉ ⴰⵢ ⵅⴻⵚⵔⴻⵏⵜ ⵍⴻⵎⵛⴰⵡⵕⴰⵜ-ⵏⵏⵉ ⵏ ⴳⴻⵏⴻⵠⴻ ⴰⵢ ⴷ-ⵢⴻⵍⵍⴰⵏ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.

ⵢⴻⵔⵏⴰ ⵢⵉⵎⴻⵏⵖⵉ ⵖⴻⴼ ⵜⵍⵉⵙⴰ ⴳⴰⵔ ⵢⴰⵎⴰⵏ ⴷ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ

ⵢⴻⵜⵜⵡⴻⵏⵖ ⵢⵉⵡⴻⵏ ⵏ ⵓⵄⴻⵙⵙⴰⵙ ⵏ ⵜⵍⵉⵙⴰ ⴰⵙⴰⵄⵓⴷⵉ ⵢⴻⵔⵏⴰ ⵢⴻⵊⵔⴻⵃ ⵡⴰⵢⴻⴹ ⵎⵉ ⴷ-ⵜⵜⴻⵡⵜⴻⵏ ⵙ ⵜⵎⴻⵥⴷⵉⵢⵉⵏ ⴰⵢ ⴷ-ⵇⴻⵔⵔⵙⴻⵏ ⴼⴻⵍⵍ-ⴰⵙⴻⵏ ⵙⴻⴳ ⵢⴰⵎⴰⵏ. ⵜⵉⵢⵉⵜⴰ-ⴰ ⵎⴳⴰⵍ ⵢⵉⵄⴻⵙⵙⴰⵙⴻⵏ ⵏ ⵜⵍⵉⵙⴰ ⵜⴻⵍⵍⴰ-ⴷ ⴰⵙⵙ ⵏ ⵙⵙⴻⴱⵜ ⴷⴻⴳ ⵜⴻⵎⵏⴰⴹⵜ ⵏ ⵊⵉⵣⴰⵏ ⴷⴻⴳ ⵓⵏⵥⵓⵍ ⵏ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ.

ⵉⴷⵓⴱⴰ ⵉⵙⴰⵄⵓⴷⵉⵢⴻⵏ ⵓⵔ ⴷ-ⵓⴼⵉⵏ ⴰⵔⴰ ⴰⵏⵡⴰ ⴰⵢ ⵜⴻⵏ-ⵉⴷ-ⵉⵡⵜⴻⵏ, ⵎⴰⵛⴰ ⵉⵖⴻⵡⵡⴰⵖⴻⵏ ⵉⵃⵓⵜⵉⵢⴻⵏ ⴰⵢ ⵍⴰ ⴽⴽⴰⵜⴻⵏ ⵢⵉⵖⴰⵍⵍⴻⵏ ⵉⵙⴰⵄⵓⴷⵉⵢⴻⵏ 3 ⵏ ⵡⴰⵢⵢⵓⵔⴻⵏ ⴰⵢⴰ, ⵡⵜⴻⵏ ⴰⵛⵃⴰⵍ ⴷ ⵜⵉⴽⴽⴻⵍⵜ ⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵉⵙⴰⵄⵓⴷⵉⵢⴻⵏ ⵖⴻⵔ ⴷⴰⵅⴻⵍ ⵏ ⵜⵎⵓⵔⵜ-ⵏⵙⴻⵏ.

ⴰⵙⵙ ⵏ ⵍⴰⵕⴻⴱⵄⴰ ⵢⴻⵣⵔⵉⵏ, ⵙⵉⵏ ⵏ ⵢⵉⵙⴻⵔⴷⴰⵙⴻⵏ ⵏ ⵢⵉⵖⴰⵍⵍⴻⵏ ⵏ ⵡⴰⴽⴰⵍ ⵉⵙⴰⵄⵓⴷⵉⵢⴻⵏ ⴰⵢ ⵢⴻⵜⵜⵡⴻⵏⵖⴻⵏ ⵎⵉ ⴷ-ⵇⴻⵔⵔⵙⴻⵏ ⴼⴻⵍⵍ-ⴰⵙⴻⵏ ⵙ ⵍⴱⵓⵎⴱⴰⵜ ⵙⴻⴳ ⵡⴰⴽⴰⵍ ⴰⵢⴰⵎⴰⵏⵉ ⴷⴻⴳ ⵜⴻⵎⵏⴰⴹⵜ ⵏ ⵊⴰⵣⴰⵏ. ⵢⴻⵜⵜⵡⴻⵏⵖ ⴷⴰⵖ ⵢⵉⵡⴻⵏ ⵏ ⵓⵄⴻⵙⵙⴰⵙ ⵏ ⵜⵍⵉⵙⴰ ⴰⵙⴰⵄⵓⴷⵉ ⴷⴻⴳ ⵜⴻⵏⵇⵉⴹⵜ ⵏ ⵓⵣⴳⴰⵔ ⵏ ⵜⵍⵉⵙⴰ ⵏ ⴰⵍⴰⴱ, ⴷⴻⴳ ⵜⴻⵎⵏⴰⴹⵜ ⵏ ⴰⵙⵙⵉⵔ.

ⴰⵙⵙ ⵏ ⵍⴻⵜⵏⵉⵢⴻⵏ, ⵢⴻⵜⵜⵡⴻⵏⵖ ⴷⴰⵖ ⵢⵉⵡⴻⵏ ⵏ ⵓⴷⵓⴼⴻⵙⵢⴰⵏ ⵉⵎⴰⵕⴰⵜⵉ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵎⵙⵉⵙⵉⵜ, ⴷⴻⴳ ⵢⵉⵡⴻⵏ ⵏ ⵓⵎⴱⴰⴷⴷⴻⵍ ⵏ ⵢⵉⵇⴻⵔⵔⵉⵙⴻⵏ ⴷⴻⴳ ⵜⴻⵎⵏⴰⴹⵜ ⵏ ⵏⴰⵊⵔⴰⵏ, ⵖⴻⴼ ⵜⵍⵉⵙⴰ ⴳⴰⵔ ⵢⴰⵎⴰⵏ ⴷ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ.

ⵎⴰ ⵓⵍⴰⵛ, 44 ⵏ ⵢⵉⵎⴷⴰⵏⴻⵏ, ⴳⴰⵔ-ⴰⵙⴻⵏ ⴰⵎⴰ ⴷ ⵉⵙⴻⵔⴷⴰⵙⴻⵏ, ⴰⵎⴰ ⴷ ⵉⵖⴻⵔⵎⴰⵏⴻⵏ, ⴰⵢ ⵢⴻⵎⵎⵓⵜⴻⵏ ⵙⴻⴳ ⵜⴳⴰⵔⴰ ⵏ ⵎⴻⵖⵔⴻⵙ ⵙⴻⴳ ⵢⵉⵇⴻⵔⵔⵉⵙⴻⵏ ⴰⵎ ⵡⵉ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴻⵏⴽⴻⵔ ⵜⵎⴻⵙ ⴰⵙⵙ ⵏ ⵙⵙⴻⴱⵜ ⴷⴻⴳ ⵢⵉⵡⴻⵜ ⵏ ⵜⵚⴻⴼⴼⴰⵢⵜ ⵏ ⵓⵒⵉⵜⵕⵓⵍ ⴷⴻⴳ ⵄⴰⴷⴻⵏ, ⴷⴻⴳ ⵓⵏⵥⵓⵍ ⵏ ⵢⴰⵎⴰⵏ, ⵎⵉ ⵡⵜⴻⵏ ⵢⵉⵖⴻⵡⵡⴰⵖⴻⵏ ⴰⵙⴰⴳⴻⵏ ⵙ ⵍⴱⵓⵎⴱⴰⵜ ⴰⴽⴽⴻⵏ ⵓⵔ ⵜⵜⴰⴵⴵⴰⵏ ⴰⵔⴰ ⵢⵉⵡⴻⵏ ⵏ ⵓⵖⴻⵔⵔⴰⴱⵓ ⵏ ⵍⴻⵎⵄⴰⵡⵏⴰ ⴰⴷ ⴷ-ⵉⵇⴻⵔⵔⴻⴱ.

ⵜⴰⵎⵙⵉⵙⵉⵜ ⵜⴳⴰ ⴰⵙⵙ ⵏ ⵙⵙⴻⴱⵜ « ⵎⴰ ⵓⵍⴰⵛ, 15 ⵏ ⵜⵢⵉⵜⵉⵡⵉⵏ ⵜⵉⴳⴻⵏⵡⴰⵏⵉⵏ » ⴷⴻⴳ ⵢⵉⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵄⴰⴷⴻⵏ.

ⵖⴻⴼ ⵍⴻⵃⵙⴰⴱ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵉⵎⴻⵏⵖⵉ ⴷⴻⴳ ⵢⴰⵎⴰⵏ ⵢⴻⴳⵍⴰ ⵢⴰⴳⵉ ⵙ 2.800 ⵏ ⵜⵎⴻⴷⴷⵓⵔⵉⵏ, ⴳⴰⵔ-ⴰⵙⴻⵏⵜ 1.400 ⵏ ⵢⵉⵖⴰⵔⵉⵎⴻⵏ, ⴰⵎ ⵡⴰⴽⴽⴻⵏ ⴰⵢ ⵊⴻⵔⵃⴻⵏ 13.000 ⵏ ⵢⵉⵎⴷⴰⵏⴻⵏ ⵙⴻⴳ ⵡⴰⵙⵎⵉ ⴰⵢ ⵢⴻⵏⴽⴻⵔ ⵛⵛⵡⴰⵍ ⴷⴻⴳ ⵎⴻⵖⵔⴻⵙ.

(ⵙⵖⵓⵔ ⵔⴰⴼⵉⴽ ⵛⵀⵉⴱⴰⵏⴻ)