ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵔⵔⴰⵣ ⴰⵎⴻⵇⵔⴰⵏ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵏ ⵜⴽⵓⵔⵜ ⵜⴰⵎⴰⴼⴰⴳⵜ ⵏ ⵜⵍⴰⵡⵉⵏ: « ⴷ ⵜⴰⴳⵏⵉⵜ ⵏⵉⴹⴻⵏ ⵉ ⵜⵎⴻⵔⵏⵉⵡⵜ ⵏ ⵜⵜⴻⵊⵕⵉⴱⴰ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ » (ⵜⴰⴼⵉⴷⵉⵕⴰⵍⵉⵜ)

ⵍⴻⵣⵣⴰⵢⴻⵔ – ⵜⴰⵣⴻⵖⵖⴰ ⵜⴰⴽⴽⴰⴷⴷⴰⵍⵜ ⵏ ⵓⵎⴻⵖⵔⵓⵙ « ⵜⴰⵀⴰⵔ-ⴱⴻⵍⴰⴽⵀⴷⴰⵔ » ⵏ ⵛⵛⵔⴰⴳⴰ ⴰⴷ ⴷ-ⵢⵉⵍⵉ ⴷⴻⴳ-ⵙ, ⴳⴰⵔ 3 ⴷ 5 ⵢⵓⵍⵢⵓ 2015, ⵡⴰⵔⵔⴰⵣ ⴰⵎⴻⵇⵔⴰⵏ ⵏ ⵜⴽⵓⵔⵜ ⵜⴰⵎⴰⴼⴰⴳⵜ ⵏ ⵜⵍⴰⵡⵉⵏ, ⵜⴰⴳⵔⴰⵡⵜ ⵇ, ⴷⴻⴳ ⵜⴰⵖⵍⴰⵎⵜ ⵜⴰⵖⴻⵍⵏⴰⵡⵜ ⵜⴰⴷⵣⴰⵢⵔⵉⵜ ⴰⴷ ⵜⴻⵣⵎⴻⵔ ⴰⴷ ⵜⴽⴻⵎⵎⴻⵍ ⴰⵙⵙⴻⵡⵊⴻⴷ-ⵏⵏⴻⵙ ⵉ ⵜⵜⵉⵄⴰⴷⴰⵜ ⴰⵢ ⴷ-ⵢⴻⵜⵜⴻⴷⴷⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⵓⵏⵎⴰⵣⵓⵍ ⴰⵎⴻⵏⵣⵓ ⵏ ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⴽⵓⵔⵜ ⵜⴰⵎⴰⴼⴰⴳⵜ (ⴼⴰⵠⴱ).

« ⵜⴰ ⴷ ⵜⵉⵎⵙⵉⵣⵡⴻⵔⵜ ⴰⵢ ⵢⴻⵙⵄⴰⵏ ⴰⵣⴰⵍ-ⵏⵏⴻⵙ, ⴰⵎ ⵜⵉⴷⴰⴽ ⵢⴻⵣⵔⵉⵏ. ⵙⴻⴳ ⵎⴻⵍⵎⵉ ⴽⴰⵏ ⴰⵢ ⵜⵓⵔⴰⵔ ⵜⴻⵖⵍⴰⵎⵜ-ⵏⵏⴻⵖ ⵜⵉⵎⵙⵉⵣⵡⴻⵔⵜ ⵉⵛⵓⴱⴰⵏ ⵜⴰ ⴷⴻⴳ ⵜⴰⵍⴷⵢⵊⵧⵔⴳⴰⵏ, ⴷⴻⴳ ⴽⴰⵣⴰⵅⵙⵜⴰⵏ, ⵢⴻⵔⵏⴰ ⵜⴻⵏⴼⴻⵄ-ⵉⵜⵜ ⵜⴻⵎⵙⵉⵣⵡⴻⵔⵜ-ⴰ. ⵎⴰ ⴷ ⵜⵜⵉⵄⴰⴷ-ⴰ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⴷ ⴷ-ⵢⵉⵍⵉ ⴷ ⴰⴽⴻⵎⵎⴻⵍ ⵉ ⵓⵙⵙⴻⵡⵊⴻⴷ-ⴰ ⴰⵔⴰ ⵢⴻⴵⴵⴻⵏ ⵜⴰⵖⵍⴰⵎⵜ ⵜⴰⵖⴻⵍⵏⴰⵡⵜ ⴰⴷ ⴷ-ⵜⴻⵔⴱⴻⵃ ⵓⴳⴰⵔ ⵏ ⵜⵜⴻⵊⵕⵉⴱⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴻⵀⴷⵉ ⴰⴱⴻⵔⴽⴰⵏ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.

ⵜⵉⵎⵙⵉⵣⵡⴻⵔⵜ-ⴰ ⴰⴷ ⴷ-ⵜⵉⵍⵉ ⴷⴰⵖ ⴷ ⵜⴰⴳⵏⵉⵜ ⵉ ⵜⴻⵖⵍⴰⵎⵉⵏ ⴰⵔⴰ ⵢⴻⵜⵜⴻⴽⴽⵉⵏ ⴰⴽⴽⴻⵏ ⴰⴷ ⴷ-ⵔⵏⵓⵏⵜ ⵜⵉⵏⵇⵉⴹⵉⵏ ⵢⴻⵔⵏⴰ ⴰⴷ ⵙⵙⴻⵍⵀⵓⵏⵜ ⴰⵙⴻⵜⵜⴻⴼ-ⵏⵙⴻⵏⵜ ⴷⴻⴳ ⵓⵎⴰⴹⴰⵍ, ⴰⵎ ⵡⴰⴽⴽⴻⵏ ⴰⵔⴰ ⵇⵇⵉⵎⴻⵏⵜ ⴷⵉⵎⴰ ⵡⴻⵊⴷⴻⵏⵜ ⵉ ⵜⴻⵎⵙⵉⵣⵡⴻⵔⵜ.

« ⵜⴰⵖⵍⴰⵎⵜ ⵏ ⵍⴻⵣⵣⴰⵢⴻⵔ ⵏ ⵜⵍⴰⵡⵉⵏ ⴰⴷ ⵜⵓⵔⴰⵔ ⵜⵉⵎⵍⵉⵍⵉⵢⵉⵏ-ⵏⵏⴻⵙ ⴷⴻⴳ ⵢⵉⴹ (10ⵙ10 ⵏ ⵢⵉⴹ) ⵖⴻⴼ ⵍⴵⴰⵍ ⵏ ⵔⴻⵎⴹⴰⵏ, ⵢⴻⵔⵏⴰ ⴷⴻⴳ ⵢⵉⴹ ⴷⴰⵖ ⴰⵔⴰ ⵜⴻⵙⵍⴻⵖⵎⵓ. ⴷⴻⴳ ⵜⴻⵎⵙⵉⵣⵡⴻⵔⵜ-ⴰ, ⴰⴷ ⵜⵓⵔⴰⵔ ⵎⴳⴰⵍ ⵓⵙⵜⵕⴰⵍⵢⴰ (ⵡⵓⴽⵓⴷ ⵜⵓⵔⴰⵔ ⵢⴰⴳⵉ ⴷⴻⴳ ⴽⴰⵣⴰⵅⵙⵜⴰⵏ), ⵎⵉⴽⵙⵉⴽ ⴷ ⴽⴻⵏⵢⴰ ⵡⵓⴽⵓⴷ ⵜⴻⵅⵚⴻⵔ ⴷⴻⴳ ⵜⴻⵎⵍⵉⵍⵉⵜ ⵏ ⵜⵏⴻⴳⴳⴰⵔⵓⵜ ⵏ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⴰⵢ ⴷ-ⵢⴻⵍⵍⴰⵏ ⵙⴻⴳ ⵎⴻⵍⵎⵉ ⴽⴰⵏ ⴷⴻⴳ ⵏⴰⵉⵔⵧⴱⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⵎⴰⵣⵓⵍ ⴰⵎⴻⵏⵣⵓ ⵏ ⵓⵙⴻⵍⵡⴰⵢ ⵏ ⵜⴼⵉⴷⵉⵕⴰⵍⵉⵜ.

ⵙⴻⴳ ⵎⴻⵍⵎⵉ ⴽⴰⵏ, ⴷⴻⴳ ⵜⴻⵎⵙⵉⵣⵡⴻⵔⵜ ⵏ ⵜⴰⵍⴷⵢⴽⵧⵔⴳⴰⵏ (ⴽⴰⵣⴰⵅⵙⵜⴰⵏ) ⵏ ⵡⴰⵔⵔⴰⵣ ⴰⵎⴻⵇⵔⴰⵏ ⵏ 2015, ⵍⴻⵣⵣⴰⵢⴻⵔ ⵜⴻⵔⵏⴰ ⵓⵙⵜⵕⴰⵍⵢⴰ (ⵙ 3 ⵖⴻⵔ 0), ⵎⴰ ⴷⴻⴳ ⵡⴰⵔⵔⴰⵣ ⴰⵎⴻⵇⵔⴰⵏ ⵏ 2014, ⵍⴻⵣⵣⴰⵢⴻⵔ ⵜⴻⵔⴱⴻⵃ-ⴷ ⵢⵉⵡⴻⵏ ⵏ ⵓⵃⵔⵉⵛ ⵎⴳⴰⵍ ⵎⵉⴽⵙⵉⴽ ⴷ ⵙⵉⵏ ⵎⴳⴰⵍ ⴱⵓⵍⴳⴰⵕⵢⴰ.

ⵖⴻⴼ ⵍⴻⵃⵙⴰⴱ ⵏ ⵜⵇⴻⴱⵟⴰⵏⵜ ⵏ ⵜⴻⵖⵍⴰⵎⵜ, ⴼⴰⵜⵉⵎⴰ-ⵣⵧⵀⵔⴰ ⵧⵓⴽⴰⵣⵉ, ⵜⵉⵎⵙⵉⵣⵡⴻⵔⵜ ⵏ ⵜⴰⵍⴷⵢⴽⵧⵔⴳⴰⵏ ⵜⴻⵔⵔⴰ-ⴷ ⵍⴰⵎⴰⵏ ⴷⴻⴳ ⵡⵓⵍⴰⵡⴻⵏ ⵏ ⵜⵎⴰⵔⵉⵔⵉⵏ, ⵍⴰⴷⵖⴰ ⵙⴷⴻⴼⴼⵉⵔ ⵎⴰ ⵔⵏⴰⵏⵜ ⵓⵙⵜⵕⴰⵍⵢⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⴷ ⴰⴽⴽⴻⵏ ⵜⴰⵖⵍⴰⵎⵜ-ⵏⵏⴻⵙ « ⵜⴻⵡⵊⴻⴷ ⴰⴽⴽⴻⵏ ⴰⴷ ⵜⵓⵔⴰⵔ ⴷⴻⴳ ⵜⴻⵎⵙⵉⵣⵡⴻⵔⵜ ⴰⵢ ⴷ-ⵢⴻⵜⵜⴻⴷⴷⵓⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ».

ⵖⴻⴼ ⵍⴻⵃⵙⴰⴱ ⵏ ⵡⴰⵢⴻⵏ ⴰⵢ ⴰⵖ-ⴷ-ⵢⵓⵡⴹⴻⵏ ⵙⴻⴳ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⴽⵓⵔⵜ ⵜⴰⵎⴰⴼⴰⴳⵜ, ⵜⴰⵖⵍⴰⵎⵜ ⵏ ⵓⵙⵜⵕⴰⵍⵢⴰ ⵜⵓⵡⴻⴹ-ⴷ ⵖⴻⵔ ⵍⴻⵣⵣⴰⵢⴻⵔ ⴰⵙⵙ ⵏ ⵍⴻⵜⵏⵉⵢⴻⵏ, ⵎⴰ ⴷ ⵜⵉⵖⵍⴰⵎⵉⵏ ⵏ ⵎⵉⴽⵙⵉⴽ ⴷ ⴽⴻⵏⵢⴰ ⴰⴷ ⴷ-ⴰⵡⴹⴻⵏⵜ ⴰⵙⵙ ⵏ ⵜⵜⵍⴰⵜⴰ.

ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⴰⵜⵜⴰⵏ ⴷⴻⴳ ⵓⵙⴻⵏⵙⵓ ⵏ ⴷⴰⵔ ⴷⵉⴰⴼ, ⴷⴻⴳ ⵛⵛⵔⴰⴳⴰ, ⴷⴻⴳ ⵡⴰⴽⵓⴷ ⴷⴻⴳ ⵜⵉⵖⵍⴰⵎⵉⵏ ⵜⵉⵏⴻⴱⴳⴰⵡⵉⵏ ⴰⴷ ⵜⵜⵡⴰⵙⵣⴻⴷⵖⴻⵏⵜ ⴷⴻⴳ ⵓⵙⴻⵏⵙⵓ ⵏ ⴷⴰⵔ ⴷⵉⴰⴼ ⵏ ⴱⵓⵛⴰⵡⵉ.

ⴰⵀⵉⵍ ⵏ ⵡⴰⵔⵔⴰⵣ ⴰⵎⴻⵇⵔⴰⵏ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ/ⵜⴰⵣⴻⵖⵖⴰ ⵜⴰⴽⴽⴰⴷⴷⴰⵍⵜ ⵏ ⵛⵛⵔⴰⴳⴰ:

ⵍⵊⴻⵎⵄⴰ, 3 ⵢⵓⵍⵢⵓ 2015:

5ⵙ10 ⵏ ⵜⵎⴻⴷⴷⵉⵜ: ⵎⵉⴽⵙⵉⴽ - ⴽⴻⵏⵢⴰ

10ⵙ10 ⵏ ⵜⵎⴻⴷⴷⵉⵜ  : ⵍⴻⵣⵣⴰⵢⴻⵔ - ⵓⵙⵜⵕⴰⵍⵢⴰ

ⵙⵙⴻⴱⵜ, 4 ⵢⵓⵍⵢⵓ 2015:

5ⵙ10 ⵏ ⵜⵎⴻⴷⴷⵉⵜ: ⵓⵙⵜⵕⴰⵍⵢⴰ - ⴽⴻⵏⵢⴰ

10ⵙ00 ⵏ ⵜⵎⴻⴷⴷⵉⵜ: ⵍⴻⵣⵣⴰⵢⴻⵔ - ⵎⵉⴽⵙⵉⴽ

ⵍⵃⴻⴷⴷ 5 ⵢⵓⵍⵢⵓ 2015:

5ⵙ10 ⵏ ⵜⵎⴻⴷⴷⵉⵜ: ⵓⵙⵜⵕⴰⵍⵉⴻ - ⵎⵉⴽⵙⵉⴽ

10ⵙ10 ⵏ ⵜⵎⴻⴷⴷⵉⵜ : ⴰⵍⴳéⵔⵉⴻ - ⴽⴻⵏⵢⴰ