ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵙⴻⵇⵇⴰⵎⵓⵜ ⵏ ⵜⵄⴻⵙⵙⴰⵙⵜ ⵏ ⵜⴱⴰⵏⴽⵉⵡⵉⵏ ⵜⴻⵃⴱⴻⵙ ⵜⴰⴷⴱⴻⵍⵜ ⵜⵓⵄⴹⵉⵍⵜ ⵏ ⴰⵍ ⵙⴰⵍⴰⵎ ⴱⴰⵏⴽ ⴰⵍⴳⴻⵔⵉⴰ

ⵍⴻⵣⵣⴰⵢⴻⵔ – ⵜⴰⵙⴻⵇⵇⴰⵎⵓⵜ ⵜⴰⴱⴰⵏⴽⴰⵏⵜ ⵢⴻⵍⵍⴰⵏ ⴷ ⴰⴱⴰⴷⵓ ⴰⴷⵣⴰⵢⵔⵉ ⵏ ⵜⵄⴻⵙⵙⴰⵙⵜ ⵏ ⵜⴱⴰⵏⴽⵉⵡⵉⵏ, ⵜⴻⵏⵏⴰ-ⴷ ⴷ ⴰⴽⴽⴻⵏ ⵜⴻⵃⴱⴻⵙ ⵜⵓⵖⴷⴰⴹⵜ ⵏ ⵓⵏⴻⴷⴱⴰⵍ ⵓⵄⴹⵉⵍ ⵏ ⵜⴱⴰⵏⴽⴰ ⵏ ⴰⵍ ⵙⴰⵍⴰⵎ ⴱⴰⵏⴽ ⴰⵍⴳⴻⵔⵉⴰ. « ⴰⵙⵙⴻⴽⵢⴻⴷ ⵏ ⵜⴻⴳⵏⵉⵜ ⵏ ⴰⵍ ⵙⴰⵍⴰⵎ ⴱⴰⵏⴽ ⴰⵍⴳⴻⵔⵉⴰ ⵢⴻⴽⵛⴻⴼ-ⴷ ⴷ ⴰⴽⴽⴻⵏ ⵜⴰⴱⴰⵏⴽⴰ-ⴰ ⵍⴰ ⵜⴻⵙⵙⴻⴼⵔⴰⴽ ⵍⴻⵛⵖⴰⵍ-ⵏⵏⴻⵙ ⴰⴽⴽⴻⵏ ⵉⵡⴰⵜⴰ. Ɣⴻⴼ ⵡⴰⵢⴰ, ⵜⴰⵙⴻⵇⵇⴰⵎⵓⵜ ⵜⴰⴱⴰⵏⴽⴰⵏⵜ ⵜⴻⵖⵜⴻⵙ ⴰⴷ ⵜⴻⵃⴱⴻⵙ ⵜⵓⵖⴷⴰⴹⵜ ⵏ ⵓⵏⴻⴷⴱⴰⵍ ⵓⵄⴹⵉⵍ ⴰⵙⵙ ⵏ 30 ⵢⵓⵏⵢⵓ 2015 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵙⴻⵇⵇⴰⵎⵓⵜ-ⴰ ⴷⴻⴳ ⵢⵉⵡⴻⵏ ⵏ ⵓⵍⵖⵓ ⴰⵢ ⵜⵓⵣⴻⵏ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ. ⴷⴻⴳ ⵢⵓⵍⵢⵓ ⵏ 2014, ⵜⴰⵙⴻⵇⵇⴰⵎⵓⵜ ⵜⴰⴱⴰⵏⴽⴰⵏⵜ ⵜⴻⵏⵏⴰ-ⴷ ⴷ ⴰⴽⴽⴻⵏ ⵜⵙⴻⵎⵎⴰ-ⴷ ⴰⵏⴻⴷⴱⴰⵍ ⵓⵄⴹⵉⵍ ⵉ ⵜⴱⴰⵏⴽⴰ-ⴰ. ⵡⴰ ⵢⴻⵍⵍⴰ-ⴷ ⴷ « ⴰⵃⴻⵣⵣⵉⴱ ⴰⵢ ⴷ-ⵢⴻⵍⵍⴰⵏ ⵖⴻⴼ ⵍⴵⴰⵍ ⵏ ⵜⴰⵍⵓⴼⵜ-ⵏⵏⵉ ⴰⵢ ⴷ-ⵢⴻⵍⵍⴰⵏ ⴳⴰⵔ ⵢⵉⵏⴰⴼⵓⵍⴻⵏ ⵏ ⵜⴱⴰⵏⴽⴰ-ⴰ ». ⴰⵍ ⵙⴰⵍⴰⵎ ⴱⴰⵏⴽ ⴰⵍⴳⴻⵔⵉⴰ ⴷ ⵜⴰⴱⴰⵏⴽⴰ ⴰⵢ ⴷ-ⵢⴻⵙⵙⵓⵎⵓⵔⴻⵏ ⵉⵎⴻⵥⵍⴰ ⵉⴱⴰⵏⴽⴰⵏⴻⵏ ⵉⵙⵍⴰⵎⴰⵏ. ⵜⴰⴱⴰⵏⴽⴰ-ⴰ ⵜⵅⴻⴷⴷⴻⵎ ⴷⴰⵖ ⴷⴻⴳ ⵓⵙⵙⴻⴼⵜⵉ ⴷⴻⴳ ⵍⴻⴱⵏⵉ, ⴷⴻⴳ ⵢⵉⵣⵡⴰⵍ, ⴷⴻⴳ ⵜⴼⵓⵍⵉⵏ ⴷ ⵢⵉⵙⴻⵏⴷⵓⵇⴻⵏ ⵏ ⵓⵙⵙⴻⴼⵜⵉ. ⵜⴰⴱⴰⵏⴽⴰ-ⴰ ⵢⴻⵜⵜⵓⵏⴻⴼⴽ-ⴰⵙ ⵜⵜⴻⵙⵔⵉⵃ ⵏ ⵜⴱⴰⵏⴽⴰ ⵏ ⵍⴻⵣⵣⴰⵢⴻⵔ ⴷⴻⴳ 2006, ⵢⴻⵔⵏⴰ ⵏⴻⵜⵜⴰⵜ ⴷ ⴰⴼⵓⵔⴽ ⵙⴻⴳ ⵜⴱⴰⵏⴽⴰ ⵜⵉⵎⴰⵕⴰⵜⵉⵜ ⵏ ⴰⵍ ⵙⴰⵍⴰⵎ ⴱⴰⵏⴽ. ⴳⴰⵔ ⵢⵉⵏⴰⴼⵓⵍⴻⵏ-ⵏⵏⴻⵙ (ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵕⴰⵙⴻⵍⵎⴰⵍ-ⵏⵏⴻⵙ), ⵜⴻⵍⵍⴰ ⵜⴽⴻⴱⴱⴰⵏⵉⵜ ⵏ ⵍⴻⴱⵏⵉ ⵏ ⴻⵎⴰⴰⵔ, ⵢⵉⵡⴻⵜ ⵏ ⵜⴽⴻⴱⴱⴰⵏⵉⵜ ⵜⵉⵎⴰⵕⴰⵜⵉⵜ ⵏ ⵓⵙⴻⵏⴽⵉⴷ ⴷ ⵢⵉⵡⴻⵜ ⵏ ⵜⴱⴰⵏⴽⴰ ⵜⴰⵍⵓⴱⵏⴰⵏⵉⵜ-ⵜⴰⴽⴰⵏⴰⴷⵉⵜ.