ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵓⵎⴰⴹⴰⵍ ⵏ ⵜⴰⵜⵍⵉⵜⵉⵜ 2015 ⵏ « ⵢⵉⵎⴻⵥⵢⴰⵏⴻⵏ »: ⵉⵏⴰⴷⴷⴰⵍⴻⵏ ⵉⴷⵣⴰⵢⵔⵉⵢⴻⵏ ⴰⴷ ⴷⴷⵓⵏ ⴰⵙⵙ ⵏ 8 ⵢⵓⵍⵢⵓ ⵖⴻⵔ ⴼⵔⴰⵏⴽⴼⵓⵔⵜ

ⵍⴻⵣⵣⴰⵢⴻⵔ – 9 ⵏ ⵢⵉⵏⴰⴷⴷⴰⵍⴻⵏ ⵏ ⵜⴰⵜⵍⵉⵜⵍⵉⵜ ⵏ ⵜⴰⴳⴳⴰⵢⵜ ⵏ « ⵢⵉⵎⴻⵥⵢⴰⵏⴻⵏ » ⴰⵔⴰ ⵢⴻⴷⴷⵓⵏ ⴰⵙⵙ ⵏ 8 ⵢⵓⵍⵢⵓ ⵖⴻⵔ ⴽⵓⵍⵓⵎⴱⵢⴰ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⵙ ⵢⵉⵙⴻⵎ ⵏ ⵍⴻⵣⵣⴰⵢⴻⵔ ⴷⴻⴳ ⵜⴻⵍⵖⵓⵖⴰ ⵏ ⵓⵎⴰⴹⴰⵍ ⵏ 2015 ⵏ ⵜⴰⴳⴳⴰⵢⵜ-ⴰ, ⴰⵔⴰ ⴷ-ⵢⵉⵍⵉⵏ ⴳⴰⵔ 15 ⴷ 19 ⵙⴻⴳ ⵡⴰⵢⵢⵓⵔ-ⴰ ⴷⴻⴳ ⵜⴻⵎⴷⵉⵏⵜ ⵏ ⵛⴰⵍⵉ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⴰⵙⵙ ⵏ ⵍⴰⵕⴻⴱⵄⴰ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⴰⵜⵍⵉⵜⵉⵜ. « ⴰⴱⵔⵉⴷ-ⵏⵏⴻⵖ ⴰⵎ ⵡⴰⴽⴽⴰ: ⵍⴻⵣⵣⴰⵢⴻⵔ-ⴼⵔⴰⵏⴽⴼⵓⵔⵜ-ⴱⵧⴳⵧⵜⴰ-ⵛⴰⵍⵉ. ⴰⴷ ⵏⴻⵇⵍⴻⵄ ⴰⵙⵙ ⵏ 8 ⵢⵓⵍⵢⵓ ⵖⴻⴼ 1ⵙ00 ⵏ ⵜⵚⴻⴱⵃⵉⵜ ⵢⴻⵔⵏⴰ ⴰⴷ ⵏⴰⵡⴻⴹ ⵖⴻⵔ ⴷⵉⵏ ⴰⵣⴻⴽⴽⴰ-ⵏⵏⵉ (ⵖⴻⴼ 9ⵙ00) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵜⵥⴻⵡⵔⵉⵡⵉⵏ ⵜⵉⵍⴻⵎⵥⵉⵢⴻⵏ ⵏ ⵜⴼⵉⴷⵉⵕⴰⵍⵉⵜ, ⴷⵊⴰⵎⴻⵍ ⴱⴻⵍⴰⵉⴷ. ⵜⴰⴳⵔⴰⵡⵜ ⵏ ⵢⵉⵏⴰⴷⴷⴰⵍⴻⵏ ⵉⴷⵣⴰⵢⵔⵉⵢⴻⵏ ⴷⴷⴰⵏ ⴷⴻⴳ-ⵙ ⴰⵍⴰ ⵢⵉⵇⵛⵉⵛⴻⵏ, ⵢⴻⵔⵏⴰ ⴰⴷ ⵜⵀⴻⵢⵢⵉ ⵉⵎⴰⵏ-ⵏⵏⴻⵙ ⵖⴻⵔ ⵓⵎⴽⴰⵏ 6 ⵏ ⵡⵓⵙⵙⴰⵏ ⵓⵇⴱⴻⵍ ⵎⴰ ⵜⴻⴱⴷⴰ ⵜⴻⵎⵙⵉⵣⵡⴻⵔⵜ-ⴰ. ⵙ ⵡⴰⵢⴰ, ⵜⴰⴳⵔⴰⵡⵜ-ⴰ « ⴰⴷ ⵜⴼⴰⵕⴻⵙ (ⵜⴰⵍⵍⵉⵜ-ⴰ) ⴰⴽⴽⴻⵏ ⴰⴷ ⵜⴻⵏⵏⴰⵎ ⴰⵏⴻⵣⵡⵓ ⴰⴷⵉⴳⴰⵏ », ⴰⵎ ⵡⴰⴽⴽⴻⵏ ⴰⵔⴰ « ⴼⴰⴽⴻⵏ ⴰⵙⵙⴻⵡⵊⴻⴷ-ⵏⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴱⴻⵍⴰⵉⴷ ⴰⵔⴰ ⵢⵉⵍⵉⵏ ⴷ ⵉⵖⴻⴼ ⵏ ⵜⵎⴰⴳⵍⴰ ⵜⴰⴷⵣⴰⵢⵔⵉⵜ ⴷⴻⴳ ⴽⵓⵍⵓⵎⴱⵢⴰ. 9-ⵏⵏⵉ ⵏ ⵢⵉⵏⴰⴷⴷⴰⵍⴻⵏ ⴰⵔⴰ ⵢⴻⵜⵜⴻⴽⴽⵉⵏ ⵙ ⵢⵉⵙⴻⵎ ⵏ ⵍⴻⵣⵣⴰⵢⴻⵔ (ⴷⴻⴳ ⵜⴰⴳⴳⴰⵢⵜ ⵏ « ⵢⵉⵎⴻⵥⵢⴰⵏⴻⵏ ») ⵏⵉⵜⵏⵉ ⴷ ⴰⵍⵉ-ⴱⴻⵏⴰⵜ ⴼⵧⵓⴰⴷ (400 ⵏ ⵢⵉⵎⵉⵜⵔⴻⵏ ⵙ ⵢⵉⴼⴻⵔⴳⴰⵏ), ⴱⴰⴽⵀⵜⴰⵧⵓⵉ ⴰⴽⵔⴰⵎ (400 ⵏ ⵢⵉⵎⵉⵜⵔⴻⵏ ⵙ ⵢⵉⴼⴻⵔⴳⴰⵏ), ⵜⴰⵀⴰⵔ ⵍⴰⵣⵀⴰⵔ (800 ⵏ ⵢⵉⵎⵉⵜⵔⴻⵏ), ⴰⵏⵉⵙ ⴱⴻⵏⵙⵉⵜⵉⵜⵉ, ⵎⵧⵀⴰⵎⴻⴷ ⴱⵧⵓⴰⵣⵉⵣⴰ (1500 ⵏⵏ ⵢⵉⵎⵉⵜⵔⴻⵏ), ⴰⵍⵉ ⴷⵊⵧⵓⴷⴰⵔ, ⴰⴱⴷⴻⵔⵔⴻⵣⵣⴰⴽ ⴰⴱⴻⴷ (3000 ⵏ ⵢⵉⵎⵉⵜⵔⴻⵏ ⴰⵍⴻⴼⴼⴰⵙ), ⵎⵧⵀⴰⵎⴻⴷ ⴳⵀⴰⵍⴻⵎ (2000 ⵏ ⵢⵉⵎⵉⵜⵔⴻⵏ ⵙ ⵢⵉⴼⴻⵔⴳⴰⵏ), ⵙⴰⵉⴷ ⵜⵧⵓⵛⵀⴻ (ⵜⵉⴷⴷⵉⵜ). 9-ⴰ ⵏ ⵢⵉⵏⴰⴷⴷⴰⵍⴻⵏ ⵜⵜⵡⴰⵇⴻⴱⵍⴻⵏ ⵉ ⵜⴻⵍⵖⵓⵖⴰ ⵏ ⵓⵎⴰⴹⴰⵍ ⵏ 2015 ⵏ ⵛⴰⵍⵉ ⵉⵎⵉ ⴰⵢ ⵙⵙⴰⵡⴹⴻⵏ ⵖⴻⵔ ⵢⵉⴳⵎⴰⴹ ⴰⴷⴷⴰⵢⴻⵏ ⴷⴻⴳ ⵜⴻⵍⵖⵓⵖⴰ ⵜⴰⵖⴻⵍⵏⴰⵡⵜ (ⵉⵎⴻⵥⵢⴰⵏⴻⵏ/ⵉⵍⴻⵎⵥⵉⵢⴻⵏ) ⴰⵢ ⴷ-ⵢⴻⵍⵍⴰⵏ ⴳⴰⵔ 14 ⴷ 16 ⵢⵓⵏⵢⵓ ⴷⴻⴳ ⴱⴳⴰⵢⴻⵜ. ⵜⴰⴳⵔⴰⵡⵜ ⵏ ⵍⴻⵣⵣⴰⵢⴻⵔ ⴰⵜⵜⴰⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵙⴻⴳ 26 ⵢⵓⵏⵢⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⵊⴰⵎⴻⵍ ⴱⴻⵍⴰⵉⴷ, « ⵢⴻⵔⵏⴰ ⴽⵓⵍⵍⴻⵛ ⵉⵄⴻⴷⴷⴰ ⴰⴽⴽⴻⵏ ⵉⵡⴰⵜⴰ », ⵓⵍⴰ ⵙⴻⴳ ⵢⵉⴷⵉⵙ ⵏ ⵜⴷⴰⵡⵙⴰ, ⴰⵎ ⵡⴰⴽⴽⴻⵏ ⵓⵍⴰ ⴷ ⵢⵉⵡⴻⵏ ⵏ ⵓⵏⴰⴷⴷⴰⵍ ⵓⵔ ⵢⴻⵊⵔⵉⵃ.