ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⵏⴻⵙ ⵜⴻⵙⵙⴻⴵⵀⴻⴷ ⵍⴰⵎⴰⵏ ⴷⴻⴳ ⵢⵉⵎⵓⴽⴰⵏ ⵏ ⵓⵃⴻⵡⵡⴻⵙ

ⵜⵓⵏⴻⵙ – ⵜⵓⵏⴻⵙ ⵜⴻⵏⵏⴰ-ⴷ, ⴰⵙⵙ ⵏ ⵍⴰⵕⴻⴱⵄⴰ, ⴷ ⴰⴽⴽⴻⵏ ⵜⴻⴱⴷⴰ ⵜⴻⵙⵙⴻⴵⵀⴰⴷ ⵜⴰⵖⴻⵍⵍⵉⵙⵜ ⴷⴻⴳ ⵜⴻⵎⵏⴰⴹⵉⵏ ⴰⵢ ⴷ-ⵢⴻⵣⵣⵉⵏ ⵉ ⵢⵉⵎⵓⴽⴰⵏ ⵉⵎⴻⵔⵔⴰⵢⴻⵏ ⵙⴷⴻⴼⴼⵉⵔ ⵜⵅⴰⵣⴰⴱⵉⵜ-ⵏⵏⵉ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⵡⴻⵏ ⵏ ⵓⵙⴻⵏⵙⵓ ⵏ ⵢⵉⵔⵉ ⵏ ⵍⴻⴱⵃⴻⵕ ⴷⴻⴳ ⵜⵜⵡⴻⵏⵖⴻⵏ 38 ⵏ ⵢⵉⵎⴻⵔⵔⴰⵢⴻⵏ, ⴳⴰⵔ-ⴰⵙⴻⵏ 30 ⵏ ⵢⵉⴱⵔⵉⵟⴰⵏⵉⵢⴻⵏ, ⵖⴻⴼ ⵍⴻⵃⵙⴰⴱ ⵏ ⵜⴻⵛⵔⴰⵡⵉⵜ ⵜⴰⵏⴻⴳⴳⴰⵔⵓⵜ. « ⵏⴻⵣⵔⴻⵄ ⵓⴳⴰⵔ ⵏ 1000 ⵏ ⵢⵉⵎⴻⴳⴳⵉⵢⴻⵏ ⴷⴻⴳ ⵡⴰⴽⴽ ⵜⵉⴼⵜⵉⵙⵉⵏ ⴷ ⵢⵉⵙⴻⵏⵙⴰ ⵉⵎⴻⵔⵔⴰⵢⴻⵏ ⴰⵙⵙ ⵏ ⵍⴰⵕⴻⴱⵄⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵎⵧⵀⴰⵎⴻⴷ ⴰⵍⵉ ⴰⵔⵧⵓⵉ. ⴷⴻⴳ ⵓⵙⴻⵏⵙⵓ ⵏ ⵉⵎⵒⴻⵔⵉⴰⵍ ⵎⴰⵔⵀⴰⴱⴰ, ⵉⵎⴻⴳⴳⵉⵢⴻⵏ-ⴰ ⵉⵎⵙⴻⵍⵍⵃⴻⵏ ⵍⵍⴰⵏ ⵍⵙⴰⵏ ⵉⵔⵉⴽⵉⵢⴻⵏ ⴷⴻⴳ ⵢⵓⵔⴰ « ⵜⴰⵎⵙⵓⵍⵜⴰ ⵏ ⵜⵎⴻⵔⵔⵉⵜ », ⵢⴻⵔⵏⴰ ⵍⵍⴰⵏ ⵜⵜⴻⵣⵣⵉⵏ ⵙ ⵢⵉⴽⵡⴰⴷⴻⵏ ⴷⴻⴳ ⵜⴻⴼⵜⵉⵙⵜ ⵏ ⵓⵙⴻⵏⵙⵓ-ⴰ ⴷⴻⴳ ⴰⵢ ⴷ-ⵜⴻⵍⵍⴰ ⵜⵅⴰⵣⴰⴱⵉⵜ, ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵏ ⵏ ⵓⵏⴻⵎⵢⴰⵔⵓ ⵏ ⴰⴼⵒ. ⵓⴳⴰⵔ ⵏ 1000 ⵏ ⵢⵉⵎⴻⴳⴳⵉⵢⴻⵏ ⵏ ⵜⴻⵎⵙⵓⵍⵜⴰ ⴰⵔⴰ ⵉⴱⴻⴷⴷⴻⵏ ⵖⴻⴼ ⵜⵖⴻⵍⵍⵉⵙⵜ ⴷⴻⴳ ⵜⴻⵎⵏⴰⴹⵉⵏ ⵏ ⵜⵎⴻⵔⵔⵉⵜ, ⵜⵉⴼⵜⵉⵙⵉⵏ, ⵉⵙⴻⵏⵙⴰ ⴷ ⵢⵉⵎⵓⴽⴰⵏ ⵏⵉⴹⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ-ⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵜⴰⵒ. « ⵉⵖⴰⵍⵍⴻⵏ-ⴰ ⴰⴷ ⵜⵜⵡⴰⵣⴻⵔⵄⴻⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ. ⴷⴻⴳ ⵒⵧⵔⵜ ⴻⵍ ⴽⴰⵏⵜⴰⵧⵓⵉ, ⴰⵏⴷⴰ ⴰⵢ ⴷ-ⵜⴻⵍⵍⴰ ⵜⵅⴰⵣⴰⴱⵉⵜ-ⵏⵏⵉ, ⵉⵏⴻⵖⵎⴰⵙⴻⵏ ⵏ ⴰⴼⵒ ⵥⵔⴰⵏ ⴽⵔⴰ ⵏ ⵢⵉⵎⵙⵓⵍⵜⴰ ⴰⵢ ⵉⴱⴻⴷⴷⴻⵏ ⴷⵉⵏ, ⵍⴰ ⵜⵜⵄⴰⵙⵙⴰⵏ. ⴷ ⴰⵛⵓ ⴽⴰⵏ, ⴷⴻⴳ ⵇⴻⵔⵟⴰⵊ, ⴳⴰⵎⵎⴰⵔⵜⵀ ⴷ ⵙⵉⴷⵉ ⴱⵓⵙⵄⵉⴷ (ⴷⴻⴳ ⵓⴳⴰⴼⴰ ⵏ ⵜⵓⵏⴻⵙ ⵜⴰⵎⴰⵏⴻⵖⵜ), ⵓⵍⴰ ⵎⴰ ⵉⴷⵓⴱⴰ ⵕⴻⴳⴳⵎⴻⵏ-ⴷ ⴰⴷ ⵏ-ⵔⵏⵓⵏ ⵉⵎⵙⵓⵍⵜⴰ ⵉ ⵓⵙⵙⴻⴵⵀⴻⴷ ⵏ ⵜⵄⴻⵙⵙⴰⵙⵜ, ⵉⴹⴻⵍⵍⵉ ⵜⴰⵎⴻⴷⴷⵉⵜ, ⵡⴻⵔⵄⴰⴷ ⵓⵔ ⴷ-ⵢⴻⵍⵍⵉ ⵡⴰⵛⴻⵎⵎⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵏⴻⵖⵎⴰⵙⴻⵏ-ⴰ. ⴰⴽⴽⴻⵏ ⴽⴰⵏ ⴰⵢ ⴷ-ⵜⴻⵍⵍⴰ ⵜⵅⴰⵣⴰⴱⵉⵜ-ⴰ ⴰⵢ ⴷ-ⵜⴻⵔⵔⴰ ⵜⴻⴳⵔⴰⵡⵜ ⵏ « ⵓⵡⴰⵏⴰⴽ ⵉⵙⵍⴰⵎⴰⵏ (ⴷⴰⵄⴻⵛ) » ⵖⴻⴼ ⵢⵉⵙⴻⵎ-ⵏⵏⴻⵙ, ⴰⵏⴰⴱⴰⴹ ⴰⵜⵓⵏⵙⵉ ⵢⴻⵏⵏⴰ-ⴷ ⴷ ⴰⴽⴽⴻⵏ ⵉⵎⵙⵓⵍⵜⴰ ⵏ ⵜⵎⴻⵔⵔⵉⵜ ⴰⴷ ⵜⵜⵡⴰⵙⴻⵍⵍⵃⴻⵏ –ⵢⴻⵔⵏⴰ ⴰⵢⴰ ⴰⴷ ⴷ-ⵢⵉⵍⵉ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ, ⵖⴻⴼ ⵍⴻⵃⵙⴰⴱ ⵏ ⵢⵉⴷⵓⴱⴰ. ⴰⵙⴻⵍⵍⴻⵃ ⵏ ⵢⵉⵎⴻⴳⴳⵉⵢⴻⵏ-ⴰ ⵢⴻⵜⵜⴻⴽⴽⴰ ⴷⴻⴳ ⵓⵖⴰⵡⴰⵙ « ⴰⵙⵓⵔⴼⴰⵏ » ⴰⵢ ⵢⴻⵜⵜⵡⴰⵙⴼⴻⵄⵍⴻⵏ ⵙⴻⴳ ⵡⴰⵙⵙ ⵏ ⵍⴰⵕⴻⴱⵄⴰ ⴷ ⴰⵙⴰⵡⴻⵏ. ⵏⵏⵉⴳ ⵡⴰⵢⴰ, ⵉⵎⴻⴳⴳⵉⵢⴻⵏ-ⴰ ⵉⵎⵙⴻⵍⵍⵃⴻⵏ ⴰⴷ ⵉⵍⵉⵏ ⴰⵎⴰ ⵙⴷⴰⵅⴻⵍ ⵢⵉⵙⴻⵏⵙⴰ, ⴰⵎⴰ ⴱⴻⵕⵕⴰ-ⵏⵙⴻⵏ, ⴰⵎⴰ ⴷⴻⴳ ⵜⴻⴼⵜⵉⵙⵉⵏ, ⴰⵎⴰ ⴷⴻⴳ ⵢⵉⵎⵓⴽⴰⵏ ⵏ ⵜⵎⴻⵔⵔⵉⵜ ⴷ ⵢⵉⴷⴻⴳⴳⴻⵏ ⵉⵙⴻⵏⵣⵉⴽⴰⵏⴻⵏ. ⴰⵙⵙ ⵏ ⵍⵊⴻⵎⵄⴰ, ⵉⵇⴻⵔⵔⴻⵙ ⵢⵉⵡⴻⵏ ⵏ ⵓⵏⴻⵍⵎⴰⴷ ⴰⵜⵓⵏⵙⵉ ⵏ 23 ⵏ ⵢⵉⵙⴻⴳⴳⴰⵙⴻⵏ ⵖⴻⴼ ⵢⵉⵎⴻⵔⵔⴰⵢⴻⵏ ⵢⴻⵍⵍⴰⵏ ⴷⴻⴳ ⵜⴻⴼⵜⵉⵙⵜ ⴷ ⵜⵏⴻⵔⴷⴰⴱⵜ ⵏ ⵓⵙⴻⵏⵙⵓ ⵏ ⵉⵎⵒⴻⵔⵉⴰⵍ ⵎⴰⵔⵀⴰⴱⴰ. ⴰⵏⴻⵍⵎⴰⴷ-ⴰ ⵉⵙⴻⵎ-ⵏⵏⴻⵙ ⵙⴻⵉⴼⴻⴷⴷⵉⵏⴻ ⵔⴻⵣⴳⵓⵉ ⵢⴻⵔⵏⴰ ⵢⴻⵙⵙⴻⵇⴷⴻⵛ ⴰⴱⴻⵛⴽⵉⴹ ⵏ ⴽⴰⵍⴰⵛⵀⵏⵉⴽⵧⵠ ⴰⵢ ⴷ-ⵢⴻⴼⴼⴻⵔ ⴷⴻⴳ ⵢⵉⵡⴻⵜ ⵏ ⵜⵔⴰⴼⵓⴽⵜ. ⵖⴻⴼ ⵍⴻⵃⵙⴰⴱ ⵏ ⵢⵉⵏⴰⴳⴰⵏ ⴰⵢ ⵉⵃⴻⴷⵕⴻⵏ ⴷⵉⵏ, ⴰⵏⴻⵍⵎⴰⴷ-ⴰ ⵢⴻⵇⵇⵉⵎ ⵢⴻⵜⵜⴻⴷⴷⵓ, ⵢⴻⵜⵜⵇⴻⵔⵔⵉⵙ ⴷⴻⴳ ⵜⴻⴼⵜⵉⵙⵜ ⴷ ⵜⵏⴻⵔⴷⴰⴱⵜ-ⵏⵏⵉ ⵏ ⵓⵙⴻⵏⵙⵓ ⵓⴳⴰⵔ ⵏ 30 ⵏ ⵜⴻⴷⵇⵉⵇⵉⵏ ⵓⵇⴱⴻⵍ ⵎⴰ ⵏⵖⴰⵏ-ⵜ ⵢⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ. 38 ⵏ ⵢⵉⵎⴷⴰⵏⴻⵏ ⴰⵢ ⵢⴻⵜⵜⵡⴻⵏⵖⴻⵏ ⴷⴻⴳ ⵜⵅⴰⵣⴰⴱⵉⵜ-ⴰ, ⵢⴻⵔⵏⴰ ⴷ ⵡⴰ ⴰⵢ ⴷ ⴰⵏⵟⴰⴳ ⴰⵔⴻⴱⵔⴰⴱ ⴰⵎⴻⵇⵔⴰⵏ ⴰⴽⴽ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵎⴻⵣⵔⵓⵢ ⵏ ⵜⵓⵏⴻⵙ. ⵡⵉⴷ ⵢⴻⵎⵎⵓⵜⴻⵏ ⵜⵜⵡⴰⵄⴻⵇⵍⴻⵏ ⴰⴽⴽⴻⵏ ⵎⴰ ⵍⵍⴰⵏ, ⵖⴻⴼ ⵍⴻⵃⵙⴰⴱ ⵏ ⵡⴰⵢⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ ⴰⵜⵓⵏⵙⵉ ⵏ ⵜⴷⴰⵡⵙⴰ. « ⵜⵜⵡⴰⵄⴻⵇⵍⴻⵏⵜ ⴰⴽⴽ ⵜⴼⴻⴽⴽⵉⵡⵉⵏ. ⴳⴰⵔ ⵡⵉⴷ ⵢⴻⵎⵎⵓⵜⴻⵏ, ⵍⵍⴰⵏ 30 ⵏ ⵢⵉⴱⵔⵉⵟⴰⵏⵉⵢⴻⵏ. Ɣⴻⴼ ⵍⴻⵃⵙⴰⴱ ⵏ ⵜⴻⵍⵖⴰ ⵢⴻⵍⵍⴰⵏ ⵖⴻⵔ-ⵏⴻⵖ, ⵡⵉ ⴰⴽⴽ ⴷ ⵉⵎⴻⵔⵔⴰⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵢⵉⵎⴻⵥⵍⴰ (ⵙⵙⵔⴰⴱⴻⵙ) ⵏ ⵜⵓⵄⵊⵉⵍⵉⵏ ⵏ ⵓⵖⵍⵉⴼ, ⵏⴰⵧⵓⴼⴻⵍ ⵙⵧⵎⵔⴰⵏⵉ, ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ ⵍⴻⵃⵙⴰⴱ-ⴰ ⴷ ⵏⴻⵜⵜⴰ ⴰⵢ ⴷ ⵜⴰⵛⵔⴰⵡⵜ ⵜⴰⵏⴻⴳⴳⴰⵔⵓⵜ. ⵣⵧⵀⵔⴰ ⴷⵔⵉⵙⵙ, ⵎⵢⴰⵍ ⵏ ⵓⵙⴻⵏⵙⵓ-ⵏⵏⵉ, ⵢⴻⵏⵏⴰ-ⴷ ⴷ ⴰⴽⴽⴻⵏ « ⴰⴽⴽ ⵜⵉⵖⵜⴰⵙ (ⵏ ⵜⵅⴰⵣⴰⴱⵉⵜ-ⴰ) ⵍⵍⴰⵏⵜ ⵣⴻⴷⵖⴻⵏⵜ ⴷⴻⴳ ⵓⵙⴻⵏⵙⵓ(-ⵏⵏⴻⵙ) ». « ⵡⵉⴷ-ⵏⵏⵉ ⴷ ⵉⵎⴻⵔⵔⴰⵢⴻⵏ ⴰⵢ ⴷ-ⵡⵡⵉⵏⵜ ⵜⵏⴻⴳⴳⵉⵡⵉⵏ ⵏ ⵜⵎⴻⵔⵔⵉⵜ ». ⵙⵉⵏ ⵏ ⵡⴰⵍⵎⴰⵏⵉⵢⴻⵏ, 3 ⵏ ⵢⵉⵔⵍⴰⵏⴷⵉⵢⴻⵏ, ⵢⵉⵡⴻⵜ ⵏ ⵜⵒⵓⵕⵜⵓⴳⴰⵍⵉⵜ, ⵢⵉⵡⴻⵜ ⵏ ⵜⴱⵉⵍⵊⵉⴽⵉⵜ ⴷ ⵢⵉⵡⴻⵜ ⵏ ⵜⵔⵓⵙⵉⵜ ⴰⵢ ⵢⴻⵎⵎⵓⵜⴻⵏ ⴷⴰⵖ ⴷⴻⴳ ⵜⵅⴰⵣⴰⴱⵉⵜ-ⴰ. 39 ⵏ ⵢⵉⵎⴷⴰⵏⴻⵏ ⵏⵉⴹⴻⵏ, ⴳⴰⵔ-ⴰⵙⴻⵏ ⵉⵜⵓⵏⵙⵉⵢⴻⵏ, ⴰⵢ ⵉⵊⴻⵔⵃⴻⵏ. ⴰⵄⵇⴰⵍ ⵏ 38-ⵏⵏⵉ ⵏ ⵜⴼⴻⴽⴽⵉⵡⵉⵏ ⵢⴻⵟⵟⴻⴼ ⴰⴽⵓⴷ, ⵖⴻⴼ ⵍⴻⵃⵙⴰⴱ ⵏ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⴷⵓⴱⴰ, ⴰⵛⴽⵓ ⵉⵎⴷⴰⵏⴻⵏ-ⵏⵏⵉ ⵢⴻⵎⵎⵓⵜⴻⵏ ⵍⵍⴰⵏ ⵍⵙⴰⵏ ⴽⴰⵏ ⵉⵛⴻⴹⴹⵉⴹⴻⵏ ⵏ ⵓⵄⵓⵎⵓ ⵢⴻⵔⵏⴰ ⵓⵔ ⵍⵍⵉⵏ ⴰⵔⴰ ⵙⵄⴰⵏ ⵍⴻⴽⵡⴰⵖⴻⴹ ⵖⴻⵔ-ⵙⴻⵏ.