ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴵⴰⵡ ⵏ ⵜⴽⴻⵕⵕⵓⵙⵉⵏ: ⵜⴰⵍⵓⴼⵜ ⵏ ⵜⴽⴻⵕⵕⵓⵙⵉⵏ ⴰⵢ ⵢⴻⵜⵜⵡⴰⵃⴻⴱⵙⴻⵏ ⵓⵔ ⵜⴻⵜⵜⵄⴻⵟⵟⵉⵍ ⴰⵔⴰ ⴰⴷ ⵜⴻⴼⵔⵓ

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⵓⴳⵓⵔ ⵏ ⵜⴽⴻⵕⵕⵓⵙⵉⵏ ⴰⵢ ⵢⴻⵜⵜⵡⴰⵃⴻⴱⵙⴻⵏ ⴷⴻⴳ ⴽⵔⴰ ⵏ ⵢⵉⵙⵓⴳⴰⵏ (ⵍⵎⴻⵔⵚⴰⵜ) ⵙⴻⴳ ⵡⴰⵙⵎⵉ ⴰⵢ ⵢⴻⵜⵜⵡⴰⵙⵙⴻⴼⵄⴻⵍ ⵓⵣⵎⴰⵎ ⵏ ⵛⵛⵓⵔⵓⴹ ⴰⵢ ⵢⴻⵙⵙⴻⴼⴽ ⴰⴷ ⵜ-ⵇⴰⴷⵔⴻⵏⵜ ⵜⴽⴻⴱⴱⴰⵏⵉⵢⵉⵏ ⵢⴻⵙⵏⵓⵣⵓⵢⴻⵏ ⵜⵉⴽⴻⵕⵕⵓⵙⵉⵏ, ⴰⴷ ⵢⴻⴼⵔⵓ ⴷⴻⴳ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ ⴷ ⵍⵎⵉⵏⴰⵜ, ⴰⴱⴷⴻⵙⵙⴻⵍⴰⵎ ⴱⵧⵓⵛⵀⵧⵓⴰⵔⴻⴱ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ. « ⵜⵉ ⵎⴰⵛⵉ ⴷ ⵜⵉⴽⴻⵕⵕⵓⵙⵉⵏ ⴰⵢ ⵢⴻⵜⵜⵡⴰⵃⴻⴱⵙⴻⵏ (ⴷⴻⴳ ⵢⵉⵙⵓⴳⴰⵏ). ⵜⴰ ⴷ ⵜⴰⵙⴻⴽⴽⵉⵔⵜ ⴰⵢ ⴷ-ⵢⴻⵜⵜⵡⴰⵙⵡⴻⵊⴷⴻⵏ ⴰⴽⴽⴻⵏ ⴰⴷ ⵜⴻⵏⵜ-ⵉⴷ-ⵙⵙⵓⴼⴼⵖⴻⵏ. ⵜⴰⵎⵙⴰⵍⵜ-ⴰ ⴰⴷ ⵜⴻⴼⵔⵓ ⵙⴻⴳ-ⴰ ⵖⴻⴼ ⴽⵔⴰ ⵏ ⵡⵓⵙⵙⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴻⴳ ⵢⵉⵊⵉⴼⴻⵕ ⵏ ⵢⵉⵡⴻⵜ ⵏ ⵜⵖⵉⵎⵉⵜ ⴰⵢ ⴷ-ⵢⴻⵍⵍⴰⵏ ⵉ ⵜⵓⵜⵜⵔⵉⵡⵉⵏ ⵜⵉⵎⴰⵡⵉⵢⵉⵏ ⴷⴻⴳ ⵓⵙⴻⵇⵇⴰⵎⵓ ⵏ ⵓⵖⵍⴰⵏ. ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴰⵎⵙⴰⵍⵜ-ⴰ ⵜⴻⵔⵣⴰ ⴰⵎⴹⴰⵏ ⴷ ⴰⵎⴻⵥⵢⴰⵏ ⵏ ⵜⴽⴻⵕⵕⵓⵙⵉⵏ ⴰⵢ ⴷ-ⵢⴻⵜⵜⵡⴰⵙⵙⵓⵜⵔⴻⵏ ⵓⵇⴱⴻⵍ 15 ⵢⴻⴱⵔⵉⵔ (ⴰⵣⴻⵎⵣ ⴰⵢⴷⴻⴳ ⵢⴻⵜⵜⵡⴰⵙⵙⴻⴼⵄⴻⵍ ⵓⵣⵎⴰⵎ-ⵏⵏⵉ ⴰⵎⴰⵢⵏⵓ ⵏ ⵛⵛⵓⵔⵓⴹ), ⴽⵔⴰ ⵙⴻⴳ-ⵙⴻⵏⵜ ⵜⵜⵡⴰⵅⴻⵍⵍⵚⴻⵏⵜ ⵙ ⵜⴻⴱⵕⴰⵜ ⵏ ⵓⵙⵎⴰⴷ, ⵎⴰ ⴷ ⴰⵎⵓⵔ ⴰⵎⴻⵇⵔⴰⵏ ⵙⴻⴳ-ⵙⴻⵏⵜ, ⵜⵜⵡⴰⵅⴻⵍⵍⵚⴻⵏⵜ ⵙ ⴹⴹⵎⴰⵏⴰ ⵏ ⵍⴻⵅⵍⴰⵚ ⵙ ⵍⴻⴽⵡⴰⵖⴻⴹ (ⵔⴻⵎⴷⵧⵛ). « ⵢⴰⵍ ⵚⵚⴻⵏⴼ ⵏ ⵓⵅⴻⵍⵍⴻⵚ ⴰⴷ ⴰⵙ-ⴷ-ⵏⴻⴳ ⵜⵉⴼⵔⴰⵜ ⴰⵢⵢⴻⵙ ⴰⵔⴰ ⵜⴼⴰⴽ ⵜⵙⴻⴽⴽⵉⵔⵜ ⵏ ⵡⴰⴵⴰⵡ ⵢⴻⵔⵏⴰ ⴰⴷ ⴷ-ⴼⴼⵖⴻⵏⵜ ⵜⴽⴻⵕⵕⵓⵙⵉⵏ-ⵏⵏⵉ (ⴰⵢ ⴷ-ⵢⴻⵜⵜⵡⴰⴵⵡⴻⵏ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⵧⵓⵛⵀⵧⵓⴰⵔⴻⴱ. ⴽⵔⴰ ⵙⴻⴳ ⵜⴽⴻⵕⵕⵓⵙⵉⵏ-ⴰ ⴷ ⵉⴷⵓⴱⴰ ⵉⵏⴰⴳⴷⵓⴷⴻⵏ ⴰⵢ ⵜⴻⵏ-ⵉⴷ-ⵢⴻⵙⵙⵓⵜⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⵜⴰ ⴷ « ⵜⴰⵍⵍⵉⵜ ⵏ ⵜⵓⴽⴽⵉⵜ » ⴰⵢ ⵢⴻⵙⵙⴻⴼⴽⴻⵏ ⴰⴷ ⴷ-ⵜⵉⵍⵉ ⵉ ⵍⵎⴻⵏⴷ ⵏ ⵓⵙⵙⴻⴼⵄⴻⵍ ⵓⵎⵎⵉⴷ ⵏ ⵢⵉⵍⵓⴳⴰⵏ ⴰⵢ ⵢⴻⵙⵙⴻⴷⴷⴰⵢⴻⵏ ⴰⴵⴰⵡ ⵏ ⵜⴽⴻⵕⵕⵓⵙⵉⵏ ⵜⵉⵎⴰⵢⵏⵓⵜⵉⵏ. ⵜⵉⴽⴻⵕⵕⵓⵙⵉⵏ ⴰⵢ ⴷ-ⵢⴻⵇⵇⵉⵎⴻⵏ ⴷⴻⴳ ⵜⴻⴳⵏⵉⵜ-ⴰ ⴷⵔⵓⵙⵉⵜ ⵎⵍⵉⵃ ⵖⴻⴼ ⵍⴻⵃⵙⴰⴱ ⵏ ⵓⵊⴻⵎⵎⴰⵍ ⵏ ⵜⴽⴻⵕⵕⵓⵙⵉⵏ ⴰⵢ ⴷ-ⵢⴻⵜⵜⵡⴰⴵⴰⵡⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵖⵍⴰⴼ. ⴰⵎⴹⴰⵏ ⵏ ⵜⴽⴻⵕⵕⵓⵙⵉⵏ ⴰⵢ ⴷ-ⵎⴰⵣⴰⵍ ⵜⵜⵡⴰⵃⴻⴱⵙⴻⵏⵜ ⴷⴻⴳ ⵢⵉⵙⵓⴳⴰⵏ ⵢⵓⵡⴻⴹ ⵖⴻⵔ 4.000, ⵢⴻⵔⵏⴰ ⴰⵜⴻⵏⵜⵉ ⵉⵎⵉⵔ-ⴰ ⴷⴻⴳ ⵓⵙⴰⴳⴻⵏ ⵏ ⵊⵉⵊⴻⵍ, ⵖⴻⴼ ⵍⴻⵃⵙⴰⴱ ⵏ ⵜⴻⵖⴱⵓⵍⴰ ⵏ ⵓⵖⵍⵉⴼ ⵏ ⵜⴻⵎⴳⵓⵔⵉ. ⵙⴻⴳ ⵢⵉⴷⵉⵙ ⵏⵉⴹⴻⵏ, ⵎⴰⵙⵙ ⴱⵧⵓⵛⵀⵧⵓⴰⵔⴻⴱ ⵉⵅⴻⴱⴱⴻⵔ-ⴷ ⴷ ⴰⴽⴽⴻⵏ ⴰⵖⵍⵉⴼ-ⵏⵏⴻⵙ ⵢⴻⵍⵀⴰ-ⴷ ⵓⵙⵙⴰⵏ-ⴰ, ⵙ ⵓⵎⵄⴰⵡⴻⵏ ⵏ ⵢⵉⵖⵍⵉⴼⴻⵏ ⵏⵉⴹⴻⵏ, ⴳⴰⵔ-ⴰⵙⴻⵏ ⵡⵉⵏ ⵏ ⵜⵏⴻⵣⵣⵓⵜ, ⵙ ⵡⴰⵢⴻⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⴷ-ⵢⴻⵜⵜⵡⴰⵙⵙⴻⵡⵊⴻⴷ ⵉ ⵓⵙⵙⴻⴼⵄⴻⵍ ⵏ ⵜⵓⵔⴰⴳⵉⵏ ⵏ ⵡⴰⴵⴰⵡ ⵏ ⵜⴽⴻⵕⵕⵓⵙⵉⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⴰⴵⴰⵡ ⵏ ⵜⴽⴻⵕⵕⵓⵙⵉⵏ ⵜⵉⵎⴰⵢⵏⵓⵜⵉⵏ ⵓⵔ ⵢⴻⵜⵜⵄⴻⴷⴷⵉ ⴰⵔⴰ ⵉ 400.000 ⵉ ⵓⵙⴻⴳⴳⴰⵙ, ⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵇⴱⴻⵍ ⵓⵍⴰ ⴷ ⴰⵖⵍⵉⴼ ⵏ ⵜⵏⴻⵣⵣⵓⵜ. ⵙⴻⴳ ⵜⴰⵎⴰ ⵏⵉⴹⴻⵏ, ⵎⵉ ⴷ-ⵢⴻⵔⵔⴰ ⵖⴻⴼ ⵜⵓⵜⵜⵔⵉⵡⵉⵏ ⵜⵉⵎⴰⵡⵉⵢⵉⵏ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⴰⵏⴻⵖⵍⴰⴼ ⵉⵅⴻⴱⴱⴻⵔ-ⴷ ⴷ ⴰⴽⴽⴻⵏ ⵍⴰ ⴷ-ⵜⵜⵡⴰⵀⴻⵢⵢⴰⵢⴻⵏ ⵢⵉⵙⴻⵏⴼⴰⵔⴻⵏ ⵉⵎⴳⵓⵔⴰⵏⴻⵏ ⵉ ⵜⵡⵉⵍⴰⵢⵉⵏ ⵏ ⵓⵏⵥⵓⵍ. ⴷⵖⴰ, ⴷⴻⴳ ⵜⴻⵎⵙⴰⵍⵜ-ⴰ, ⵢⴻⴱⴷⴻⵔ-ⴷ ⵍⴻⴱⵏⵉ ⵏ ⵢⵉⵡⴻⵜ ⵏ ⵍⵍⵓⵣⵉⵏ ⵏ ⵓⵅⴷⴰⵎ ⵏ ⵣⵣⴵⴰⴵ ⴷⴻⴳ ⴰⴷⵔⴰⵔ, ⴷ ⵜⵉⵏ ⴰⵔⴰ ⵢⴻⵙⵄⵓⵏ ⵜⴰⵣⵎⴻⵔⵜ ⵏ ⵓⴼⴰⵔⴻⵙ ⵏ 150.000 ⵏ ⵢⵉⵟⵓⵏⴻⵏ ⴷⴻⴳ ⵓⵙⴻⴳⴳⴰⵙ, ⵢⴻⵔⵏⴰ ⵜⴻⵍⵍⴰ-ⴷ ⵙ ⵜⵉⵛⵛⵓⵔⴽⴰ ⴳⴰⵔ ⵜⴽⴻⴱⴱⴰⵏⵉⵜ ⵜⴰⵏⴰⴳⴷⵓⴷⵜ, ⵜⴰⴽⴻⴱⴱⴰⵏⵉⵜ ⵜⵓⵙⵍⵉⴳⵜ ⴷ ⵜⴽⴻⴱⴱⴰⵏⵉⵜ ⵜⴰⴱⴻⵕⵕⴰⵏⵉⵜ, ⴰⵎ ⵡⴰⴽⴽⴻⵏ ⴰⵔⴰ ⵜⴻⵜⵜⵡⴰⴱⵏⵓ ⵍⵍⵓⵣⵉⵏ ⵜⴰⵎⴰⵢⵏⵓⵜ ⵏ ⵓⵙⵉⵎⴰⵏ ⴰⵔⴰ ⵢⴻⵙⵄⵓⵏ ⵜⴰⵣⵎⴻⵔⵜ ⵏ ⵓⴼⴰⵔⴻⵙ ⵏ 1,5 ⴷ ⴰⵎⴻⵍⵢⵓⵏ ⵏ ⵢⵉⵟⵓⵏⴻⵏ ⴷⴻⴳ ⵓⵙⴻⴳⴳⴰⵙ. ⴷⵉⵎⴰ ⴷⴻⴳ ⵜⴻⵎⵙⴰⵍⵜ-ⴰ, ⵎⴰⵙⵙ ⴱⵧⵓⵛⵀⴰⵧⵓⵔⴻⴱ ⵉⵅⴻⴱⴱⴻⵔ-ⴷ ⴷ ⴰⴽⴽⴻⵏ ⵍⴰ ⴷ-ⵜⵜⵉⵍⵉⵏⵜ ⵜⴻⵣⵔⴰⵡⵉⵏ ⵉ ⵍⵎⴻⵏⴷ ⵏ ⵍⴻⴱⵏⵉ ⵏ ⵙⵏⴰⵜ ⵏ ⵍⵍⵓⵣⵉⵏⴰⵜ ⵏⵉⴹⴻⵏ ⵏ ⵣⵣⴵⴰⴵ ⴷⴻⴳ ⵜⵡⵉⵍⴰⵢⵉⵏ ⵏ ⵜⵎⴻⵏⵖⴻⵙⵜ ⴷ ⵉⵍⵍⵉⵣⵉ.