ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⴰⴽⵀⵍⵧⵓⴼⵉ ⵢⴻⵔⵥⴰ ⴰⴽⵍⵉⵙ ⴷⴻⴳ ⵜⴻⵎⵙⵉⵣⵣⴻⵍⵜ ⵏ 1000 ⵏ ⵢⵉⵎⵉⵜⵔⴻⵏ

ⵏⴰⵏⵛⵢ – ⴰⵎⴰⵣⵣⴰⵍ ⴰⴷⵣⴰⵢⵔⵉ ⵜⴰⵧⵓⴼⵉⴽ ⵎⴰⴽⵀⵍⵧⵓⴼⵉ, ⴰⵍⵖⵓⵖ ⵓⵍⵉⵎⵒⵉ ⴷⴻⴳ ⵜⴻⵎⵙⵉⵣⵣⴻⵍⵜ ⵏ 1500 ⵏ ⵢⵉⵎⵉⵜⵔⴻⵏ ⴷⴻⴳ ⵍⵧⵏⴷⵧⵏ, ⵢⴻⵔⵥⴰ, ⴰⵙⵙ ⵏ ⵍⴰⵕⴻⴱⵄⴰ, ⴰⴽⵍⵉⵙ ⵏ ⵍⴻⵣⵣⴰⵢⴻⵔ, ⴷⴻⴳ ⵜⴻⵎⵙⵉⵣⵣⴻⵍⵜ ⵏ 1000 ⵏ ⵢⵉⵎⵉⵜⵔⴻⵏ ⵙ 2 ⵏ ⵜⴻⴷⵇⵉⵇⵉⵏ ⴷ 13 ⵏ ⵜⵙⵉⵏⵉⵏ ⴷ 8 ⵏ ⵢⵉⵎⵓⵔⴻⵏ ⵖⴻⴼ 100 ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵜⴰⵜⵍⵉⵜⵉⵜ ⴷⴻⴳ ⵜⴻⵎⴷⵉⵏⵜ ⵏ ⵏⴰⵏⵛⵢ, ⴷⴻⴳ ⴼⵕⴰⵏⵙⴰ. ⵙ ⵡⴰⵢⴰ, ⵎⴻⴽⵀⵍⵧⵓⴼⵉ ⵢⴻⵏⵇⴻⵙ ⵙ 1 ⵏ ⵜⴰⵙⵉⵏ ⴷ ⴽⵔⴰ ⵖⴻⴼ ⵓⴽⵍⵉⵙ-ⵏⵏⵉ ⵏ ⵓⵎⴰⴹⴰⵍ ⵏ ⵓⵎⴰⵣⵣⴰⵍ ⴰⴽⴻⵏⵢⴰⵏ ⵏⵧⴰⵀ ⵏⴳⴻⵏⵢ (2:11.96) ⴰⵢ ⴷ-ⵢⴻⵍⵍⴰⵏ ⴷⴻⴳ 1999 ⴷⴻⴳ ⵔⵉⴻⵜⵉ (ⵟⵟⴰⵍⵢⴰⵏ) ⴷⴻⴳ ⵜⴻⵎⵙⵉⵣⵣⴻⵍⵜ-ⴰ ⵓⵔ ⵢⴻⵍⵍⵉⵏ ⴰⵔⴰ ⴷ ⵜⵉⵎⵙⵉⵣⵣⴻⵍⵜ ⵜⵓⵍⵉⵎⵒⵉⵜ. ⴷ ⴰⵛⵓ ⴽⴰⵏ, ⵎⴰⴽⵀⵍⵧⵓⴼⵉ ⵢⴻⵔⵥⴰ ⴰⴽⵍⵉⵙ ⴰⵖⴻⵍⵏⴰⵡ ⵏ ⵏⵧⵓⵔⴻⴷⴷⵉⵏⴻ ⵎⵧⵛⴻⵔⵍⵉ (2:13.73).