ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⵏⴻⵙ: ⴰⵙⴻⵍⵡⴰⵢ ⵢⵓⵎⴻⵕ-ⴷ ⴰⴷ ⴷ-ⵜⵉⵍⵉ ⵜⴻⴳⵏⵉⵜ ⵏ ⵜⵓⵄⵊⵉⵍⵉⵏ

ⵜⵓⵏⴻⵙ – ⴰⵙⴻⵍⵡⴰⵢ ⴰⵜⵓⵏⵙⵉ, ⴱⴻⵊⵉ ⵛⴰⵉⴷ ⴻⵙⵙⴻⵏⵙⵧ, ⵢⵓⵎⴻⵕèⴷ, ⴰⵙⵙ ⵏ ⵙⵙⴻⴱⵜ, ⴰⴷ ⴷ-ⵜⵉⵍⵉ ⴷⴻⴳ ⵜⵎⵓⵔⵜ ⵏ ⵜⵓⵏⴻⵙ ⵜⴻⴳⵏⵉⵜ ⵏ ⵜⵓⵄⵊⵉⵍⵉⵏ ⴷⴷⵓⵕⵜ ⴷⴻⴼⴼⵉⵔ ⵎⴰ ⵜⴻⵍⵍⴰ-ⴷ ⵜⵅⴰⵣⴰⴱⵉⵜ ⴷⴻⴳ ⵜⴻⴼⵜⵉⵙⵜ ⵏ ⵙⵓⵙⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵙⴻⵍⵡⵉⵜ. « ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴱⴻⵊⵉ ⵛⴰⵉⴷ ⴻⵙⵙⴻⴱⵙⵉ ⵢⴻⵏⵏⴰ-ⴷ, ⴰⵙⵙ ⵏ ⵙⵙⴻⴱⵜ, ⴷ ⴰⴽⴽⴻⵏ ⵢⵓⵎⴻⵕ ⴰⴷ ⴷ-ⵜⵉⵍⵉ ⵜⴻⴳⵏⵉⵜ ⵏ ⵜⵓⵄⵊⵉⵍⵉⵏ ⴷⴻⴳ ⵜⵓⵏⴻⵙ. ⴰⴷ ⴷ-ⵢⴻⵙⵙⵉⵡⴻⵍ ⴰⵙⵙ-ⴰ, ⵖⴻⴼ 5ⵙ00 ⵏ ⵜⵎⴻⴷⴷⵉⵜ, ⵉ ⵢⵉⵜⵓⵏⵙⵉⵢⴻⵏ ⴷⴻⴳ ⵜⵔⴻⴳⵡⴰ ⵢⴻⵎⴳⴻⵔⵔⴰⴷⴻⵏ ⵏ ⵜⵍⵉⵥⵔⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⴳⵔⴰⵡⵜ ⵏ ⵜⴻⵖⵡⴰⵍⵜ ⵏ ⵜⵙⴻⵍⵡⵉⵜ. ⵜⴰⴳⵏⵉⵜ ⵏ ⵜⵓⵄⵊⵉⵍⵉⵏ ⴷ ⵜⵉⵏ ⴰⵔⴰ ⵢⴻⴼⴽⴻⵏ ⵜⵉⵣⴻⵎⵎⴰⵔ ⵜⵉⵙⵓⵔⴼⴰⵏⵉⵏ ⵉ ⵜⴻⵎⵙⵓⵍⵜⴰ ⴷ ⵢⵉⴳⴻⵏ. ⴷⴻⴳ ⵢⴻⵏⵏⴰⵢⴻⵔ ⵏ 2011, ⵜⵓⵏⴻⵙ ⵜⵓⵎⴻⵕ ⵙ ⵜⴻⴳⵏⵉⵜ ⵏ ⵜⵓⵄⵊⵉⵍⵉⵏ, ⵙⴰⴽⴽⵉⵏ ⵜⴻⵜⵜⵡⴰⴽⴽⴻⵙ ⵜⴻⴳⵏⵉⵜ-ⴰ ⴷⴻⴳ ⵎⴻⵖⵔⴻⵙ ⵏ 2014. ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴰⵏⴷⴰ ⴰⵢ ⴷ-ⵜⴻⵍⵍⴰ ⵜⴻⴳⵏⵉⵜ-ⴰ ⴷ ⵜⴰⵍⵍⵉⵜ ⴷⴻⴳ ⴷ-ⵜⴻⵍⵍⴰ ⵜⵏⴻⴽⵔⴰ ⵜⴰⵖⴻⵔⴼⴰⵏⵜ ⴰⵢ ⵢⴻⵙⵙⴻⵖⵍⵉⵏ ⴰⵏⵀⵉⵍ ⴰⵇⴱⵓⵔ ⵏ ⵣⵉⵏⴻ ⴻⵍ ⴰⴱⵉⴷⵉⵏⴻ ⴱⴻⵏ ⴰⵍⵉ. ⵜⴰⵙⴻⵍⵡⵉⵜ ⵜⵅⴻⴱⴱⴻⵔ-ⴷ ⵙ ⵡⴰⵢⴰ ⴷⴷⵓⵕⵜ ⵙⴷⴻⴼⴼⵉⵔ ⵎⴰ ⵜⴻⵍⵍⴰ-ⴷ ⵜⵅⴰⵣⴰⴱⵉⵜ-ⵏⵏⵉ ⴰⵢ ⵢⴻⴳⵍⴰⵏ ⵙ 38 ⵏ ⵜⵎⴻⴷⴷⵓⵔⵉⵏ ⴷⴻⴳ ⵢⵉⵡⴻⵏ ⵏ ⵓⵙⴻⵏⵙⵓ ⵖⴻⴼ ⵢⵉⵔⵉ ⵏ ⵍⴻⴱⵃⴻⵕ, ⴳⴰⵔ-ⴰⵙⴻⵏ 30 ⵏ ⵢⵉⴱⵔⵉⵟⴰⵏⵉⵢⴻⵏ.