ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⵃⴰⴷⴷⵉ ⵏ ⵊⵙⴽ, ⴷⵊⴰⵎⴻⵍ ⴱⴻⵏⵍⴰⵎⵔⵉ, ⵢⴻⵙⵜⴻⵏⵢⴰ ⵍⴻⵄⵇⴻⴷ ⵏ ⵙⵉⵏ ⵏ ⵢⵉⵙⴻⴳⴳⴰⵙⴻⵏ ⴷ ⴻⵙ ⵙⵟⵉⴼ

ⵙⵟⵉⴼ – ⴰⵎⵃⴰⴷⴷⵉ ⵏ ⵢⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵍⴻⵇⴱⴰⵢⴻⵍ, ⴷⵊⴰⵎⴻⵍ ⴱⴻⵏⵍⴰⵎⵔⵉ (25 ⵏ ⵢⵉⵙⴻⴳⴳⴰⵙⴻⵏ) ⵢⴻⵙⵜⴻⵏⵢⴰ ⴷⴻⴳ ⵢⵉⴹ ⵏ ⵍⵊⴻⵎⵄⴰ ⴷ ⵙⵙⴻⴱⵜ ⵍⴻⵄⵇⴻⴷ ⵏ ⵙⵉⵏ ⵏ ⵢⵉⵙⴻⴳⴳⴰⵙⴻⵏ ⴷ ⵜⴻⵖⵍⴰⵎⵜ ⵏ ⴻⵙ ⵙⵟⵉⴼ, ⵓⵇⴱⴻⵍ ⵎⴰ ⵢⴻⵔⵏⴰ ⵓⵍⴰ ⴷ ⵔⵢⴰⴷ ⴽⴻⵏⵉⵛⵀ, ⴰⵎⵃⴰⴷⴷⵉ ⵏ ⵓⵙⵎ ⵍⵃⴻⵕⵕⴰⵛ, ⵢⴻⵙⵜⴻⵏⵢⴰ ⵓⵍⴰ ⴷ ⵏⴻⵜⵜⴰ ⵍⴻⵄⵇⴻⴷ ⴷ ⵜⴻⵖⵍⴰⵎⵜ-ⴰ ⴷⴻⴳ ⵢⵉⴹ-ⵏⵏⵉ.

ⵙⵉⵏ-ⴰ ⵏ ⵢⵉⵎⵃⴰⴷⴷⵉⵢⴻⵏ ⵉⵎⴰⵢⵏⵓⵜⴻⵏ ⵏ ⴻⵙ ⵙⴹⵉⴼ ⵇⵇⵍⴻⵏ-ⴷ ⴷⴻⴳ ⵓⵎⴽⴰⵏ ⵏ ⴷⴻⵎⵎⵧⵓ ⴷ ⵎⴻⵍⵍⵧⵓⵍⵉ. ⴷⴻⵎⵎⵧⵓ ⵢⴻⴷⴷⴰ ⴰⴷ ⵢⵓⵔⴰⵔ ⴷ ⵎⵛ ⵍⴻⵣⵣⴰⵢⴻⵔ, ⵎⴰ ⴷ ⵎⴻⵍⵍⵧⵓⵍⵉ ⵢⴻⴷⴷⴰ ⵖⴻⵔ ⴰⵍ ⵇⴰⴷⵉⵙⵙⵉⵢⴰⵀ (ⴷⴻⴳ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ). ⴰⵡⵡⴰⴹ ⵏ ⴱⴻⵏⴰⵍⵎⵔⵉ ⴷ ⴽⴻⵏⵉⵛⵀ ⴷ ⴰⵢⴻⵏ ⴰⵔⴰ ⵢⴻⵙⴵⴻⵀⴷⴻⵏ ⵜⴰⵎⵃⴰⴷⴷⵉⵜ ⵏ ⵙⴹⵉⴼ, ⵍⴰⴷⵖⴰ ⵉⵎⵉ ⵜⴰⵖⵍⴰⵎⵜ-ⴰ ⵜⴱⴰⵏ-ⴷ ⴷ ⴰⴽⴽⴻⵏ ⵓⵔ ⵜⴻⵍⵀⵉ ⴰⵔⴰ ⵜⴻⵎⵃⴰⴷⴷⵉⵜ-ⵏⵏⴻⵙ ⴷⴻⴳ ⵜⴻⵎⵍⵉⵍⵉⵜ ⵜⴰⵏⴻⴳⴳⴰⵔⵓⵜ ⵏ ⵜⴻⵎⵖⵓⵏⵜ ⵏ ⵢⵉⵍⵖⵓⵖⴻⵏ ⵏ ⵜⴻⴼⵔⵉⵇⵜ ⵎⴳⴰⵍ ⵓⵙⵎ ⵍⴻⵣⵣⴰⵢⴻⵔ, ⴷ ⵜⵉⵎⵍⵉⵍⵉⵜ ⴷⴻⴳ ⵜⴻⵅⵚⴻⵔ ⴻⵙ ⵙⴹⵉⴼ ⵙ 1 ⵖⴻⵔ 2.

ⴰⵙⴻⵍⵡⴰⵢ ⵏ ⴻⵙ ⵙⵟⵉⴼ, ⵀⴰⵙⵙⴻⵏ ⵀⴰⵎⴰⵔ, ⵢⴻⵏⵏⴰ-ⴷ, ⴷⴻⴳ ⵢⵉⵊⵉⴼⴻⵕ ⵏ ⵜⴼⵓⴳⵍⴰ ⵏ ⵓⵙⵜⴻⵏⵢⵉ, ⴷ ⴰⴽⴽⴻⵏ ⴰⵙⵙⵉⴷⴻⴼ ⵏ ⵢⵉⵎⴰⵔⵉⵔⴻⵏ ⵉⵎⴰⵢⵏⵓⵜⴻⵏ ⴰⴷ ⵢⴻⵃⴱⴻⵙ ⵙ « ⵓⵙⵜⴻⵏⵢⵉ ⵏ ⵍⴻⵄⵇⴻⴷ ⴷ ⵓⵎⴰⵔⵉⵔ ⴰⴱⴷⴻⵏⵏⵧⵓⵔ ⵀⴰⴷⵉⵧⵓⵛⵀⴻ ⴷ ⵢⵉⵡⴻⵏ ⵏ ⵓⵎⴻⵏⵟⴰⴳ ⴰⴳⵔⴰⵖⵍⴰⵏ », ⵎⴰⵛⴰ ⵓⵔ ⴷ-ⵢⴻⴽⵛⵉⴼ ⴰⵔⴰ ⵉⵙⴻⵎ ⵏ ⵓⵎⴻⵏⵟⴰⴳ-ⴰ.

ⵎⵉ ⵢⴻⵜⵜⵡⴰⵜⵜⴻⵔ ⵖⴻⴼ ⵎⴰ ⵢⴻⵍⵍⴰ ⴻⵙ ⵙⴹⵉⴼ ⴰⴷ ⴷ-ⵜⴻⵙⵙⵉⴷⴻⴼ ⴰⵎⴰⵔⵉⵔ ⴰⴳⵔⴰⵖⵍⴰⵏ ⴰⴱⴷⴻⵍⵎⵧⵓⵎⴻⵏⴻ ⴷⵊⴰⴱⵧⵓ (ⵓⵎⵉ ⵇⵔⵉⴱ ⴰⴷ ⵉⴼⴰⴽ ⵍⴻⵄⵇⴻⴷ ⴷⴻⴳ ⵛⵍⵓⴱ ⴰⴼⵔⵉⵛⴰⵉⵏ ⴷⴻⴳ ⵜⵓⵏⴻⵙ, ⵢⴻⵔⵏⴰ ⵢⴻⴷⴷⴰ ⵡⴰⵡⴰⵍ ⴼⴻⵍⵍ-ⴰⵙ ⴷ ⴰⴽⴽⴻⵏ ⵢⴻⵣⵎⴻⵔ ⴰⴷ ⴷ-ⵢⴻⵇⵇⴻⵍ ⵖⴻⵔ ⵙⵟⵉⴼ), ⵀⴰⵎⴰⵔ ⵢⴻⵏⵏⴰ-ⴷ: « ⴷⵊⴰⴱⵧⵓ ⴰⵜⴰⵏ ⵢⵉⴷ-ⵏⴻⵖ », ⵎⴰⵛⴰ ⵓⵔ ⴷ-ⵢⴻⵔⵏⵉ ⴰⵔⴰ ⵓⴳⴰⵔ ⵏ ⵜⵜⴼⴰⵚⵉⵍ ⵖⴻⴼ ⵡⴰⵢⴰ.

ⴰⵙⴻⵍⵡⴰⵢ ⵏ ⵜⴻⵖⵍⴰⵎⵜ ⵏ ⵙⴹⵉⴼ ⵢⴻⵍⵍⴰⵏ ⴷ ⵜⴰⵍⵖⵓⵖ ⵏ ⵜⴻⴼⵔⵉⵇⵜ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵍⴻⵅⵚⴰⵔⴰ ⵎⴳⴰⵍ ⵓⵙⵎ ⵍⴻⵣⵣⴰⵢⴻⵔ, ⴰⵙⵙ ⵏ ⵙⵙⴻⴱⵜ ⵢⴻⵔⵣⵔⵉⵏ, ⴷ « ⴰⵙⴻⵀⵡⵓ ⴽⴰⵏ ⵢⴻⵔⵏⴰ ⵓⵔ ⴷ-ⵉⴳⵉ ⴰⵔⴰ ⵛⵛⴻⴽ ⴷⴻⴳ ⵡⴰⵛⴻⵎⵎⴰ », ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵉⵎⴼⴻⵕⵕⴵⴻⵏ ⵏ ⵜⴻⵖⵍⴰⵎⵜ-ⴰ « ⴰⴷ ⵙⵙⵏⴻⵏ ⵓⴷⴻⵎ ⵏ ⵜⵉⴷⴻⵜ ⵏ ⴻⵙ ⵙⴹⵉⴼ ⵙⴻⴳ-ⴰ ⵖⴻⴼ ⴽⵔⴰ ⵏ ⵡⵓⵙⵙⴰⵏ, ⴰⵙⵎⵉ ⴰⵔⴰ ⵜⵓⵔⴰⵔ ⵎⴳⴰⵍ ⵍⵄⴻⵍⵎⴰ » (ⴷⴻⴳ ⵡⴰⵙⵙ ⵡⵉⵙ ⵙⵉⵏ ⵏ ⵜⴻⴳⵔⴰⵡⵜ ⴱ ⵏ ⵓⵃⵔⵉⵛ ⵏ ⵜⴻⴳⵔⴰⵡⵉⵏ ⵏ ⵜⴻⵎⵖⵓⵏⵜ ⵏ ⵢⵉⵍⵖⵓⵖⴻⵏ).

ⵉ ⵓⵙⵎⴻⴽⵜⵉ, ⵜⴰⵖⵍⴰⵎⵜ ⵏ ⵙⴹⵉⴼ ⵜⴻⵙⵙⴰⴷⴻⴼ-ⴷ ⵢⴰⴳⵉ 3 ⵏ ⵢⵉⵎⴰⵔⵉⵔⴻⵏ ⵉⵎⵉⵏⵉⴳⴻⵏ, ⵢⴻⵔⵏⴰ ⵡⵉ ⴷ ⴼⴰⵔⴻⵙ ⵀⴰⵛⵀⵉ (ⴳⵔⴻⵏⵧⴱⵍⴻ, ⴼⵕⴰⵏⵙⴰ), ⴰⴷⴰⵎ ⵜⵧⴱⴱⴰⵍ (ⵉⵙⵙⵉⵔⵎⴻⵏ ⵏ ⴼⵓⵍⵀⴰⵎ, ⵍⴰⵏⴳⵍⵉⵣ) ⴷ ⵡⴰⵍⵉⴷ ⵛⵀⴻⵏⵉⵏⴻ (ⵛⵧⵍⵧⵎⵉⴻⵔⵙ, ⴼⵕⴰⵏⵙⴰ). ⵏⵏⵉⴳ ⵡⴰⵢⴰ, ⵜⴻⵔⵏⴰ ⵜⴻⵙⵙⴰⴷⴻⴼ-ⴷ ⵉⵙⵙⵉⵔⵎⴻⵏ ⵎⴻⵀⴷⵉ ⴱⵧⵓⴱⴰⴽⵧⵔⴻ (ⴰⵙⵎ ⵡⴻⵀⵕⴰⵏ) ⴷ ⵎⵉⵍⵧⵓⴷ ⵔⴻⴱⵉⴰⵉ (ⵡⴰ ⵜⵍⴻⵎⵙⴰⵏ).