ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵏⵏⴰⵔ ⵏ 5 ⵢⵓⵍⵢⵓ ⵉⵄⴰⵡⴻⴷ ⵢⴻⵔⵥⴻⵎ

ⵍⴻⵣⵣⴰⵢⴻⵔ – ⴰⵙⴰⵔⵉⵔ ⵏ 5 ⵢⵓⵍⵢⵓ 1962 (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ) ⵉⵄⴰⵡⴻⴷ ⵢⴻⵔⵥⴻⵎ ⴰⴽⴽⴻⵏ ⴰⴷ ⴷ-ⵜⵜⵉⵍⵉⵏⵜ ⴷⴻⴳ-ⵙ ⵜⴻⵎⵙⵉⵣⴻⵡⵔⵉⵏ ⵜⵉⵖⴻⵍⵏⴰⵡⵉⵏ ⴷ ⵜⴻⴳⵔⴰⵖⵍⴰⵏⵉⵏ, 15 ⵏ ⵡⴰⵢⵢⵓⵔⴻⵏ ⵙⴷⴻⴼⴼⵉⵔ ⵎⴰ ⵢⴻⵜⵜⵡⴰⵎⴷⴻⵍ ⴰⴽⴽⴻⵏ ⴰⴷ ⴰⵙⴻⵏⵜ-ⵄⴰⵡⴷⴻⵏ ⵉ ⵜⵚⴻⴷⴷⴰⵔⵉⵏ ⴷ ⵜⵓⴳⴰ-ⵏⵏⴻⵙ.

ⴷ ⴰⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⴰⵢ ⵉⵔⴻⵥⵎⴻⵏ, ⴰⵙⵙ ⵏ ⵙⵙⴻⴱⵜ, ⵜⴰⴷⵓⵎⵚⵓⴽⴰ-ⴰ ⵜⴰⵏⴰⴷⴷⴰⵍⵜ, ⵙⴷⴻⴼⴼⵉⵔ ⵎⴰ ⴼⵓⴽⴻⵏ ⵍⴻⵛⵖⴰⵍ ⵏ ⵓⵚⴻⴳⴳⴻⵎ-ⵏⵏⴻⵙ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⴷⴻⴳ ⵢⵉⵡⴻⵜ ⵏ ⵜⴻⵔⵣⵉ ⵏ ⵓⵎⴰⵀⵉⵍ (ⴰⵅⴻⴷⴷⵉⵎ) ⴰⵢ ⵉⴳⴰ ⵎⴰⵙⵙ ⵙⴻⵍⵍⴰⵍ ⴰⴽⴽⴻⵏ ⴰⴷ ⵢⴻⵙⵙⴻⴼⵇⴻⴷ ⴽⵔⴰ ⵏ ⵢⵉⵎⵓⴽⴰⵏ ⴷⴻⴳ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ.

ⵉⵎⵓⵀⴰⵍ ⵏ ⵓⵙⴰⵔⵉⵔ ⵏ 5 ⵢⵓⵍⵢⵓ ⴼⵓⴽⴻⵏ ⴷⴻⴳ 25 ⵢⴻⴱⵔⵉⵔ ⵢⴻⵣⵔⵉⵏ, ⵢⴻⵔⵏⴰ ⴷ ⵉⴷⵓⴱⴰ ⵉⵏⴰⴳⴷⵓⴷⴻⵏ ⴰⵢ ⵉⵖⴻⵜⵙⴻⵏ ⴰⴷ ⴷ-ⵉⵍⵉⵏ ⵉ ⵍⵎⴻⵏⴷ ⵏ ⵓⵚⴻⴳⴳⴻⵎ ⵏ ⵓⵎⴽⴰⵏ-ⴰ ⵙⴷⴻⴼⴼⵉⵔ ⵎⴰ ⵎⵎⵓⵜⴻⵏ ⵙⵉⵏ ⵏ ⵢⵉⵎⴼⴻⵕⵕⴵⴻⵏ ⵎⵉ ⵜⴻⴷⵔⴻⵎ ⵢⵉⵡⴻⵜ ⵏ ⵜⵚⴻⴷⴷⴰⵔⵜ ⴷⴻⴳ 21 ⵛⵜⴻⵎⴱⴻⵕ 2013, ⵎⵉ ⴷ-ⵜⴻⵍⵍⴰ ⵜⴻⵎⵍⵉⵍⵉⵜ ⴳⴰⵔ ⵓⵙⵎ ⵍⴻⵣⵣⴰⵢⴻⵔ ⴷ ⵎⵛ ⵍⴻⵣⵣⴰⵢⴻⵔ. ⵎⵉ ⴷ-ⵜⴻⵍⵍⴰ ⵜⴻⴷⵢⴰⵏⵜ-ⴰ, ⵢⴻⵜⵜⵡⴰⵎⴷⴻⵍ ⵓⵙⴰⵔⵉⵔ ⵏ 5 ⵢⵓⵍⵢⵓ ⴰⴽⴽⴻⵏ ⴰⴷ ⴷ-ⵜⵉⵍⵉ ⵜⵙⴻⵙⵜⴰⵏⵜ, ⵙⴰⴽⴽⵉⵏ, ⵢⴻⴱⴷⴰ-ⴷ ⵓⵎⴰⵀⵉⵍ ⵉ ⵓⵚⴻⴳⴳⴻⵎ-ⵏⵏⴻⵙ.

ⴰⵙⴻⵏⴼⴰⵔ ⵏ ⵓⵚⴻⴳⴳⴻⵎ ⵏ ⵓⵙⴰⵔⵉⵔ-ⴰ ⵢⴻⵜⵜⵓⵏⴻⴼⴽ ⵉ ⵜⵏⴰⵔⵉⵜ ⵏ ⵜⴻⵣⵔⴰⵡⵜ ⵏ « ⴻⴳⵉⵙ ⴼⵔⴰⵏⵛⴻ » (ⴰⵢ ⴷ-ⵢⴻⵜⵜⴳⴻⵏⵙⵉⵙ ⵊⴻⴰⵏ-ⵎⴰⵔⵉⴻ ⵛⵀⴰⵔⴻⵍⴻⵜ ⴷⴻⴳ ⵍⴻⵣⵣⴰⵢⴻⵔ) ⴷ ⵢⵉⵡⴻⵜ ⵏ ⵜⴽⴻⴱⴱⴰⵏⵉⵜ ⵜⴰⴳⵜⴰⵖⵍⴰⵏⵜ, ⵛⵀⵉⵏⴰ ⵙⵜⴰⵜⴻ ⵛⵧⵏⵙⵜⵔⵓⵛⵜⵉⵧⵏ ⴻⵏⴳⵉⵏⴻⴻⵔⵉⵏⴳ ⵛⵧⵔⵒⵧⵔⴰⵜⵉⵧⵏ (ⵛⵙⵛⴻⵛ).

ⴰⵙⴰⵔⵉⵔ-ⴰ ⵢⴻⵇⵇⴻⵍ, ⵉⵎⵉⵔ-ⴰ, ⵢⴻⵙⵄⴰ ⵚⵚⵉⴼⴰ ⵉⵛⴻⴱⵃⴻⵏ ⵓⴳⴰⵔ, ⵢⴻⵔⵏⴰ ⵢⴻⵜⵜⵡⴰⵚⵚⴻⴳⴳⴻⵎ ⵖⴻⴼ ⵍⴻⵃⵙⴰⴱ ⵏ ⵢⵉⵍⵓⴳⴰⵏ ⵏ ⵚⵚⴻⵏⵄⴰ. ⵉⴷⵓⴱⴰ ⵉⵏⴰⴳⴷⵓⴷⴻⵏ ⵃⴻⵜⵜⴻⵜⴻⵏ-ⴷ, ⵍⴰⴷⵖⴰ, ⴰⴽⴽⴻⵏ ⴰⴷ ⵜⵉⵍⵉ ⵜⵖⴻⵍⵍⵉⵙⵜ (ⵍⴰⵎⴰⵏ) ⴷⴻⴳ ⵓⵚⴻⴳⴳⴻⵎ-ⴰ, ⵍⴰⴷⵖⴰ ⴷⴻⴳ ⵜⵚⴻⴷⴷⴰⵔⵉⵏ, ⴰⴽⴽⴻⵏ ⵓⵔ ⵜⵜⵄⴰⵡⴰⴷⴻⵏⵜ ⴰⵔⴰ ⴰⴷ ⴷ-ⵉⵍⵉⵏⵜ ⵜⴻⴷⵢⴰⵏⵉⵏ ⵏⵉⴹⴻⵏ ⵢⴻⵙⵙⴻⵃⵣⴰⵏⴻⵏ ⴰⵎ ⵜⵉⵏ ⴰⴽⴽⴻⵏ ⴰⵢ ⴷ-ⵢⴻⵍⵍⴰⵏ ⵢⴰⴳⵉ.

ⴰⴽⴽⴻⵏ ⴰⴷ ⴷⴷⵓⵏ ⵢⵉⵎⵓⵀⴰⵍ ⴰⴽⴽⴻⵏ ⵉⵡⴰⵜⴰ ⵢⴻⵔⵏⴰ ⴰⴷ ⵜⵜⵡⴰⵇⴰⴷⵔⴻⵏ « ⵢⵉⵍⵓⴳⴰⵏ ⵏ ⵜⵖⴻⵍⵍⵉⵙⵜ » ⴰⵢ ⴷ-ⵢⴻⵜⵜⵡⴰⵛⴻⵔⴹⴻⵏ, ⴰⵏⴻⵖⵍⴰⴼ ⴰⵇⴱⵓⵔ ⵏ ⵡⴰⴷⴷⴰⵍ, ⵎⵧⵀⴰⵎⴻⴷ ⵜⴰⵀⵎⵉ, ⴷ ⵓⵎⵜⵉⵍ-ⵏⵏⴻⵙ ⵏ ⵜⵏⴻⵣⴷⵓⵖⵜ ⴷ ⵓⵀⴻⵢⵢⵉ ⵏ ⵜⴻⵎⴷⵉⵏⵜ, ⴰⴱⴷⴻⵍⵎⴰⴷⵊⵉⴷ ⵜⴻⴱⴱⵧⵓⵏⴻ, ⵔⵣⴰⵏ ⴰⵛⵃⴰⵍ ⴷ ⵜⵉⴽⴽⴻⵍⵜ ⴰⴽⴽⴻⵏ ⴰⴷ ⵙⴼⴻⵇⴷⴻⵏ ⴰⵛⴰⵏⵟⵉ-ⴰ.

ⵙ ⵡⴰⵢⴰ, 2300 ⵏ ⵜⵎⴻⴷⵍⵉⵏ ⵏ ⵓⴱⵉⵟⵓⵏ ⴰⵢ ⵢⴻⵜⵜⵡⴰⴽⴽⵙⴻⵏ ⵙⴻⴳ ⵜⵚⴻⴷⴷⴰⵔⵉⵏ ⵏ ⵓⴼⴻⵍⵍⴰ ⵏ ⵓⵙⴰⵔⵉⵔ ⵏ 5 ⵢⵓⵍⵢⵓ, ⵢⴻⵔⵏⴰ ⵙⵙⴻⵔⵙⴻⵏ ⴷⴻⴳ ⵓⵎⴽⴰⵏ-ⵏⵙⴻⵏⵜ ⵜⵉⵖⴻⵔⵖⵔⵉⵏ ⴰⵔⴰ ⵉⴹⴻⵎⵏⴻⵏ ⵓⴳⴰⵔ ⵏ ⵜⵖⴻⵍⵍⵉⵙⵜ.

ⴳⴰⵔ ⵡⴰⵢⴰ ⴷ ⵡⴰⵢⴻⵏ ⵏⵉⴹⴻⵏ, ⴰⵟⴰⵙ ⵏ ⵜⴽⴻⴱⴱⴰⵏⵉⵢⵉⵏ (ⵜⵉⴷⵣⴰⵢⵔⵉⵢⵉⵏ ⵏⴻⵖ ⵜⵉⴱⴻⵕⵕⴰⵏⵉⵢⵉⵏ) ⴰⵢ ⴷ-ⵢⴻⵜⵜⴻⴽⴽⴰⵏ ⴷⴻⴳ ⵓⵙⴻⵏⴼⴰⵔ-ⵏⵏⵉ, ⵍⴰⴷⵖⴰ ⵜⵉⴷ ⴰⵢ ⴷ-ⵢⴻⵍⵀⴰⵏ ⴷ ⵓⵣⴻⵎⵎⴻⵎ ⵏ ⵜⵚⴻⴷⴷⴰⵔⵉⵏ ⵏ ⵓⴼⴻⵍⵍⴰ, ⴰⵙⵙⴻⵔⵙⵉ ⵏ ⵢⵉⴽⴻⵔⵙⵉⵢⴻⵏ ⵉⵎⴰⵢⵏⵓⵜⴻⵏ ⴷ ⵓⵙⵙⴻⵔⵙⵉ ⵏ ⵢⵉⴳⴷⵉⵍⴻⵏ ⵉⵎⴻⵇⵔⴰⵏⴻⵏ.

ⴰⵏⵔⴰⵔ ⵏ ⵓⵙⴰⵔⵉⵔ-ⴰ ⴷ ⵢⵉⴼⴻⴳⴳⴰⴳⴻⵏ ⵏ ⵢⵉⵙⵓⵏⴰⵏ ⵜⵜⵡⴰⵄⴰⵡⴷⴻⵏ ⴰⴽⴽ, ⵢⴻⵔⵏⴰ ⵙⵙⴻⵔⵙⴻⵏ-ⴰⵙ ⵜⵓⴳⴰ ⵜⴰⵎⴰⵢⵏⵓⵜ, ⴷ ⵜⴰⵜⵔⴰⵔⵜ ⵢⴻⵔⵏⴰ ⵜⵛⵓⴱⴰ ⵜⵉⵏ ⵏ ⵢⵉⵙⴰⵔⵉⵔⴻⵏ ⴷⴻⴳ ⴰⵔⴰ ⵓⵔⴰⵔⴻⵏ ⵜⵉⵎⵍⵉⵍⵉⵢⵉⵏ ⵏ ⴻⵓⵔⵧ-2016 ⵏ ⵜⴽⵓⵔⵜ ⵏ ⵓⴹⴰⵔ ⴷⴻⴳ ⴼⵕⴰⵏⵙⴰ. ⵙⴻⴳ ⵢⵉⴷⵉⵙ ⵏⵉⴹⴻⵏ, ⵓⵍⴰ ⴷ ⴰⴱⵔⵉⴷ-ⵏⵏⵉ ⵏ ⵜⴰⵜⵍⵉⵜⵉⵜ ⵢⴻⵍⵍⴰ-ⴷ ⴷⴻⴳ-ⵙ ⵓⵎⴰⵀⵉⵍ ⵏ ⵓⵙⵙⴻⵍⵀⵓ.

ⵖⴻⴼ ⵍⴻⵃⵙⴰⴱ ⵏ ⵜⴻⵖⴱⵓⵍⴰ ⵜⵓⵏⵚⵉⴱⵉⵏ, ⴰⵃⵔⵉⵛ ⴰⵎⴻⵣⵡⴰⵔⵓ ⵏ ⵢⵉⵎⵓⵀⴰⵍ ⵢⴻⵍⵀⴰ-ⴷ ⵍⴰⴷⵖⴰ ⴷ ⵓⵙⵙⴻⵔⵙⵉ ⵏ ⵜⵎⴻⴷⵍⵉⵏ ⵏ ⵓⴱⵉⵟⵓⵏ ⴷ ⵓⵙⵙⴻⴵⵀⴻⴷ ⵏ ⴽⵔⴰ ⵏ ⵜⴳⴻⵊⴷⴰ ⴰⵢ ⵉⵔⴻⴼⴷⴻⵏ ⵜⵉⵚⴻⴷⴷⴰⵔⵉⵏ, ⵢⴻⵔⵏⴰ ⵢⴻⵙⵇⴰⵎ-ⴷ ⵓⵃⵔⵉⵛ-ⴰ 1,5 ⴷ ⴰⵎⴻⵍⵢⴰⵕ ⵏ ⵢⵉⴷⵉⵏⴰⵕⴻⵏ.

ⴰⵃⵔⵉⵛ ⵡⵉⵙ ⵙⵉⵏ ⵏ ⵓⵙⴻⵏⴼⴰⵔ ⵢⴻⵙⵇⴰⵎ-ⴷ 6,678 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵢⴻⵔⵏⴰ ⴷⴷⴰⵏ-ⴷ ⴷⴻⴳ-ⵙ ⵢⵉⵎⵓⵀⴰⵍ ⵓⵄⵊⵉⵍⴻⵏ ⵏ ⵓⵙⵙⴻⵜⵔⴻⵔ. ⵉⵎⵓⵀⴰⵍ-ⴰ ⵃⵓⵣⴰⵏ-ⴷ ⴰⵖⵔⴰⵎ ⵏ ⵡⴰⵎⴰⵏ, ⴰⵙⵙⴻⵔⵙⵉ ⵏ ⵜⵓⴳⴰ ⵜⴰⵎⴰⵢⵏⵓⵜ, ⴰⵙⵙⴻⵔⵙⵉ ⵏ ⵢⵉⴽⴻⵔⵙⵉⵢⴻⵏ ⵉⵎⴰⵢⵏⵓⵜⴻⵏ, ⴰⵙⵙⴻⵔⵙⵉ ⵏ ⵓⵏⴰⴳⵔⴰⵡ ⵏ ⵜⵄⴻⵙⵙⴰⵙⵜ ⵙ ⵜⴽⴰⵎⵔⵉⵡⵉⵏ, ⵜⵜⴰⵡⵉⵍⴰⵜ ⴷ ⵓⵎⴰⵀⵉⵍ ⵏ ⵓⴼⵓⵙ.

ⴰⵙⴰⵔⵉⵔ-ⴰ ⵢⴻⵜⵜⵡⴰⵔⵥⴻⵎ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴰⵙⵙ ⵏ 17 ⵢⵓⵏⵢⵓ 1972, ⵢⴻⵔⵏⴰ ⵢⴻⵣⵎⴻⵔ ⴰⴷ ⵢⴰⵡⵉ 70.000 ⵏ ⵢⵉⵎⴼⴻⵕⵕⴵⴻⵏ. ⵎⴰⵛⴰ ⵜⴰⵣⵎⴻⵔⵜ-ⴰ ⵜⴻⵣⵎⴻⵔ ⴰⴷ ⵜⴻⵔⵏⵓ ⴰⵙⵎⵉ ⴰⵔⴰ ⴼⴰⴽⴻⵏⵜ ⵙⵏⴰⵜ ⵏ ⵜⵚⴻⴷⴷⴰⵔⵉⵏ ⵜⵉⵎⴰⵢⵏⵓⵜⵉⵏ ⵙ ⵍⴻⴱⵏⵉ.