ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵇⵔⵉⴱ ⴰⴷ ⴷ-ⵢⵉⵍⵉ ⵓⵎⵜⴰⵡⴰ ⴳⴰⵔ ⵉⵕⴰⵏ ⴷ ⵜⵎⵓⵔⴰ ⵜⵉⵖⴻⵔⴱⵉⵢⵉⵏ ⵖⴻⴼ ⵢⵉⵎⵉⵖⴻⵙ

ⵠⵢⴻⵏⴰ – ⵇⵔⵉⴱ ⴰⴷ ⴷ-ⵢⵉⵍⵉ ⵓⵎⵜⴰⵡⴰ ⵖⴻⴼ ⵜⴻⵎⵙⴰⵍⵜ ⵏ ⵢⵉⵎⵉⵖⴻⵙ ⵏ ⵉⵕⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴼⴻⴷⴻⵔⵉⵛⴰ ⵎⵧⴳⵀⴻⵔⵉⵏⵉ, ⵜⴰⵏⴻⵖⵍⴰⴼⵜ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵜⴷⵓⴽⵍⵉ ⵜⵓⵕⵓⴼⵉⵜ, ⵎⵉ ⵜⵓⵡⴻⴹ ⵖⴻⵔ ⵠⵉⴻⵏⵏⴰ ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ.

« ⵢⵓⵡⴻⴹ-ⴷ ⵡⴰⴽⵓⴷ (…) ⵇⵔⵉⴱ ⴰⴷ ⵏⴰⵡⴻⴹ » ⵖⴻⵔ ⵓⵎⵜⴰⵡⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⵎⵧⴳⵀⴻⵔⵉⵏⵉ ⵓⵇⴱⴻⵍ ⵎⴰ ⵜⵓⴷⴻⴼ ⵖⴻⵔ ⵍⴻⵇⵚⴻⵔ ⵏ ⵛⵧⴱⵧⵓⵔⴳ ⴰⵏⴷⴰ ⴰⵢ ⵍⴰ ⴷ-ⵜⵜⵉⵍⵉⵏⵜ ⵍⴻⵎⵛⴰⵡⵕⴰⵜ ⵖⴻⴼ ⵢⵉⵎⵉⵖⴻⵙ ⵏ ⵉⵕⴰⵏ 9 ⵏ ⵡⵓⵙⵙⴰⵏ ⴰⵢⴰ.

ⵜⵉⵏⴻⵣⵎⴰⵔⵉⵏ ⵜⵓⵜⵔⵉⵎⵉⵏ (ⵜⵉⵖⴻⵔⴱⵉⵢⵉⵏ) ⵔⵏⴰⵏⵜ ⵃⴻⵕⵙⴻⵏⵜ ⵉⵕⴰⵏ, ⴰⵙⵙ ⵏ ⵍⵃⴻⴷⴷ, ⵢⴻⵔⵏⴰ ⵏⵏⴰⵏⵜ-ⴷ ⴷ ⴰⴽⴽⴻⵏ « ⴷ ⴰⴽⵓⴷ ⴼⵔⵓⵏⵜ » ⵍⴻⵎⵛⴰⵡⵕⴰⵜ-ⴰ ⵓⵔ ⵢⴻⵜⵜⴼⴰⴽⴰⵏ ⵖⴻⴼ ⵢⵉⵎⵉⵖⴻⵙ ⵏ ⵉⵕⴰⵏ, ⴷ ⵜⵉⴷ ⴰⵢ ⴷ-ⵢⴻⴱⴷⴰⵏ 2 ⵏ ⵢⵉⵙⴻⴳⴳⴰⵙⴻⵏ ⴰⵢⴰ.

ⴰⵏⴻⵖⵍⴰⴼ ⴰⵎⴰⵔⵉⴽⴰⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵊⵧⵀⵏ ⴽⴻⵔⵔⵢ, ⵢⴻⵏⵏⴰ-ⴷ, ⴰⵙⵙ ⵏ ⵍⵃⴻⴷⴷ, ⴷ ⴰⴽⴽⴻⵏ ⵜⵓⵡⴻⴹ-ⴷ ⵜⴻⵙⵡⵉⵄⵜ ⵏ ⵜⵉⴷⴻⵜ. « ⵢⵓⵡⴻⴹ-ⴷ, ⵉⵎⵉⵔ-ⴰ, ⵡⴰⴽⵓⴷ ⴷⴻⴳ ⴰⵔⴰ ⵏⵥⴻⵔ ⵎⴰ ⵢⴻⵍⵍⴰ ⵏⴻⵣⵎⴻⵔ ⵏⴻⵖ ⵓⵔ ⵏⴻⵣⵎⵉⵔ ⴰⴷ ⵏⴻⴳ ⴰⵎⵜⴰⵡⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵙⴷⴰⵜ ⵢⵉⵏⴻⵖⵎⴰⵙⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⴰⵔ ⴰⵙⵙ-ⴰ, ⵡⴻⵔⵄⴰⴷ ⵓⵔ ⵉⴱⴰⵏ ⴰⵔⴰ ⴰⵎⴻⴽ ⴰⵔⴰ ⴼⵔⵓⵏⵜ ⵍⴻⵎⵛⴰⵡⵕⴰⵜ-ⴰ.

« ⵔⵙⴻⵏⵜ-ⴷ ⴰⴽⴽ ⵜⴻⵎⵙⴰⵍ ⵖⴻⵔ ⵜⵖⴻⵔⵖⴻⵔⵜ. ⵜⴰⵎⵙⴰⵍⵜ ⵜⴰⵎⴻⵇⵔⴰⵏⵜ ⴰⴽⴽ ⵏⴻⵜⵜⴰⵜ ⵎⴰ ⵢⴻⵍⵍⴰ ⵉⵕⴰⵏⵉⵢⴻⵏ ⴰⴷ ⵇⴻⴱⵍⴻⵏ ⴰⴷ ⴷ-ⴼⴽⴻⵏ ⵍⵄⴰⵀⴻⴷ ⵏ ⵜⵉⴷⴻⵜ », ⵖⴻⴼ ⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⴼⵕⴻⵏⵙⵉⵙ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵍⴰⵓⵔⴻⵏⵜ ⴼⴰⴱⵉⵓⵙ, ⴰⵢ ⴷ-ⵢⴻⵇⵇⵍⴻⵏ ⵖⴻⵔ ⵜⵎⴰⵏⴻⵖⵜ ⵜⵓⵜⵔⵉⵛⵉⵜ ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ.

ⴷ ⵉⵙⴻⴳⴳⴰⵙⴻⵏ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⴷ-ⴱⴷⴰⵏⵜ ⵍⴻⵎⵛⴰⵡⵕⴰⵜ ⵖⴻⴼ ⵢⵉⵎⵉⵖⴻⵙ ⵏ ⵉⵕⴰⵏ, ⵎⴰⵛⴰ ⴰⵔⵎⵉ ⴷ ⵛⵜⴻⵎⴱⴻⵕ ⵏ 2013 ⴰⵢ ⵍⴰ ⴷ-ⵜⵜⵉⵍⵉⵏⵜ ⵙ ⵓⴽⴻⵎⵎⴻⵍ ⴰⴽⴽⴻⵏ ⴰⴷ ⵙⵇⴻⵏⵄⴻⵏ ⵉⵕⴰⵏ ⴰⴷ ⵜⴻⴹⵎⴻⵏ ⴷ ⴰⴽⴽⴻⵏ ⴰⵀⵉⵍ-ⵏⵏⴻⵙ ⵉⵎⵉⵖⴻⵙ ⴰⴷ ⵢⴻⵜⵜⵡⴰⵙⵙⴻⵇⴷⴻⵛ ⴽⴰⵏ ⵉ ⵢⵉⵙⵡⴰⵏ ⵏ ⵜⴰⵍⵡⵉⵜ, ⴷⴻⴳ ⵡⴰⴽⵓⴷ ⴷⴻⴳ ⵜⵉⵎⵓⵔⴰ ⵜⵓⵜⵔⵉⵎⵉⵏ ⴰⴷ ⴽⴽⵙⴻⵏⵜ ⴰⵄⴰⵇⴻⴱ-ⵏⵏⵉ ⴰⴳⵔⴰⵖⵍⴰⵏ ⴰⵢ ⴷ-ⵃⴻⵜⵜⵎⴻⵏⵜ ⵖⴻⴼ ⵜⵎⵓⵔⵜ-ⴰ.